Funny Viral Video: ਦੋਸਤਾਂ ਨੇ ਵਿਆਹ ਵਿੱਚ ਦਿੱਤਾ ਅਜਿਹਾ ਤੋਹਫ਼ਾ ਕਿ ਲਾੜੀ ਨੂੰ ਮੂੰਹ ਲੁਕਾਉਣ ਲਈ ਹੋਣਾ ਪਿਆ ਮਜਬੂਰ , ਸਾਰਿਆਂ ਸਾਹਮਣੇ ਹੋ ਗਿਆ ਸ਼ਰਮਿੰਦਾ
Funny Viral Video: ਭਾਰਤੀ ਵਿਆਹਾਂ ਵਿੱਚ ਦੋਸਤਾਂ ਦਾ ਹੱਸੀ-ਮਜ਼ਾਕ ਕਰਨਾ ਆਮ ਗੱਲ ਹੁੰਦੀ ਹੈ। ਵਿਆਹ ਨੂੰ ਹੋਰ ਯਾਦਗਾਰ ਅਤੇ ਖ਼ਾਸ ਬਣਾਉਣ ਲਈ ਦੋਸਤ ਬਹੁਤ ਤਰੀਕੇ ਅਪਣਾਉਂਦੇ ਹਨ। ਦੋਸਤ ਅਕਸਰ ਅਜਿਹੇ ਮੌਕਿਆਂ 'ਤੇ ਮਜ਼ਾਕੀਆ ਤੋਹਫ਼ੇ ਦੇ ਕੇ ਉੱਥੇ ਮੌਦੂਜ ਲੋਕਾਂ ਦਾ ਮੂਡ ਹੋਰ ਖੁਸ਼ ਕਰਦੇ ਹਨ। ਇਸ ਵੀਡੀਓ ਵਿੱਚ ਵੀ ਦੋਸਤਾਂ ਨੇ ਅਜਿਹਾ ਤੋਹਫ਼ਾ ਦਿੱਤਾ ਕਿ ਜੋੜੇ ਨੂੰ ਸ਼ਰਮ ਨਾਲ ਆਪਣੇ ਮੂੰਹ ਲੁਕਾਉਣ ਲਈ ਮਜਬੂਰ ਹੋਣਾ ਪਿਆ।
ਕਈ ਵਾਰ ਵਿਆਹਾਂ ਵਿੱਚ ਦੋਸਤਾਂ ਦੇ ਮਜ਼ਾਕ-ਮਸਤੀ ਕਾਰਨ ਲਾੜੀ ਜਾਂ ਲਾੜੇ ਨੂੰ ਸ਼ਰਮਿੰਦਾ ਹੋਣਾ ਪੈਂਦਾ ਹੈ। ਕਈ ਵਾਰ ਦੋਸਤ ਤਾਂ ਸਾਰੀਆਂ ਹੱਦਾਂ ਪਾਰ ਕਰ ਦਿੰਦੇ ਹਨ। ਦੋਸਤਾਂ ਦੇ ਇਹ ਮਜ਼ੇਦਾਰ ਹਰਕਤਾਂ ਵਿਆਹ ਨੂੰ ਹੋਰ ਵੀ ਯਾਦਗਾਰ ਬਣਾ ਦਿੰਦੀਆਂ ਹਨ। ਹਾਲ ਹੀ ਵਿੱਚ, ਇੱਕ ਅਜਿਹਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜਿਸ ਵਿੱਚ ਲਾੜੇ ਦੇ ਦੋਸਤਾਂ ਨੇ ਵਿਆਹ ਵਿੱਚ ਜੋੜੇ ਨੂੰ ਅਜਿਹਾ ਤੋਹਫ਼ਾ ਦਿੱਤਾ ਕਿ ਲਾੜੀ ਸ਼ਰਮ ਨਾਲ ਆਪਣਾ ਮੂੰਹ ਲੁਕਾਉਣ ਲਈ ਮਜਬੂਰ ਹੋ ਗਈ ਅਤੇ ਲਾੜਾ ਬਹੁਤ ਸ਼ਰਮਿੰਦਾ ਹੋ ਗਿਆ।
ਵਾਇਰਲ ਹੋ ਰਹੀ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਵਿਆਹ ਦੌਰਾਨ, ਲਾੜਾ-ਲਾੜੀ ਸਟੇਜ ‘ਤੇ ਖੜ੍ਹੇ ਹੋ ਕੇ ਲੋਕਾਂ ਨੂੰ ਮਿਲ ਰਹੇ ਹਨ। ਇਸ ਦੌਰਾਨ, ਲਾੜੇ ਦੇ ਕੁਝ ਦੋਸਤ ਸਟੇਜ ‘ਤੇ ਆਉਂਦੇ ਹਨ ਅਤੇ ਲਾੜੇ-ਲਾੜੀ ਨੂੰ ਅਜਿਹਾ ਤੋਹਫ਼ਾ ਦਿੰਦੇ ਹਨ ਕਿ ਲਾੜਾ-ਲਾੜੀ ਦੋਵੇਂ ਸ਼ਰਮ ਨਾਲ ਲਾਲ ਹੋ ਜਾਂਦੇ ਹਨ। ਤੋਹਫ਼ੇ ਵਜੋਂ, ਤੁਸੀਂ ਦੇਖੋਗੇ ਕਿ ਲਾੜੀ ਦੇ ਹੱਥ ਵਿੱਚ ਇੱਕ ਬੱਚੇ ਦੀ ਦੁੱਧ ਦੀ ਬੋਤਲ ਹੈ ਅਤੇ ਲਾੜੇ ਦੇ ਹੱਥ ਵਿੱਚ ਇੱਕ ਬੱਚੇ ਦਾ ਖੀਡੋਣਾ ਹੈ। ਨਾਲ ਹੀ, ਦੋਵਾਂ ਦੇ ਹੱਥਾਂ ਵਿੱਚ ਇੱਕ ਪੋਸਟਰ ਵੀ ਦੇਖਿਆ ਜਾ ਸਕਦਾ ਹੈ। ਜਿਸ ‘ਤੇ ਦੋ ਛੋਟੇ ਬੱਚਿਆਂ ਦੀ ਤਸਵੀਰ ਦਿਖਾਈ ਦੇ ਰਹੀ ਹੈ ਅਤੇ ਇਸ ‘ਤੇ ਲਿਖਿਆ ਹੈ – ‘ਥੋੜਾ ਇੰਤਜ਼ਾਰ ਕਰੋ, ਅਸੀਂ ਵੀ 9 ਮਹੀਨਿਆਂ ਵਿੱਚ ਆ ਰਹੇ ਹਾਂ।’ ਦੋਸਤਾਂ ਵੱਲੋਂ ਦਿੱਤੇ ਗਏ ਇਸ ਤੋਹਫ਼ੇ ਨੂੰ ਦੇਖ ਕੇ, ਲਾੜੀ ਲਾਲ ਹੋ ਜਾਂਦੀ ਹੈ ਅਤੇ ਉਹ ਆਪਣਾ ਚਿਹਰਾ ਲੁਕਾਉਂਦੇ ਹੋਏ ਹੱਸਣ ਲੱਗ ਪੈਂਦੀ ਹੈ। ਲਾੜਾ ਵੀ ਸ਼ਰਮ ਨਾਲ ਆਪਣਾ ਚਿਹਰਾ ਲੁਕਾਉਂਦੇ ਹੋਏ ਆਪਣੀ ਹਾਸੀ ਨੂੰ ਰੋਕਣ ਦੀ ਪੂਰੀ ਕੋਸ਼ਿਸ਼ ਕਰਦਾ ਹੈ।
View this post on Instagram
ਇਹ ਵੀ ਪੜ੍ਹੋ- ਹੈਵੀ ਡਰਾਈਵਰ ਦਾ ਸ਼ਾਨਦਾਰ ਜੁਗਾੜ, ਸ਼ਖਸ ਨੇ ਟਰੈਕਟਰ ਚ ਪਹੀਏ ਦੀ ਥਾਂ ਲਗਾਇਆ Drum
ਦੋਸਤਾਂ ਦੇ ਮਜ਼ਾਕ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ @epic.insta.daily ਨਾਮ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਜਿਵੇਂ ਹੀ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ, ਯੂਜ਼ਰਸ ਦੇ Reactions ਆਉਣੇ ਸ਼ੁਰੂ ਹੋ ਗਈਆਂ। ਲੋਕਾਂ ਨੇ ਇਸ ਵੀਡੀਓ ਨੂੰ “ਦੋਸਤਾਂ ਦੀ ਮਸਤੀ” ਦੀ ਇੱਕ ਵਧੀਆ ਉਦਾਹਰਣ ਕਿਹਾ ਅਤੇ ਕਿਹਾ ਕਿ ਦੋਸਤ ਇਸ ਤਰ੍ਹਾਂ ਦੇ ਹੁੰਦੇ ਹਨ। ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, “ਹਰ ਵਿਆਹ ਨੂੰ ਅਜਿਹੇ ਦੋਸਤਾਂ ਦੀ ਲੋੜ ਹੁੰਦੀ ਹੈ, ਜੋ ਮਾਹੌਲ ਨੂੰ ਇੰਨਾ ਮਜ਼ੇਦਾਰ ਬਣਾਉਂਦੇ ਹਨ।” ਇੱਕ ਹੋਰ ਨੇ ਲਿਖਿਆ, “ਦੁਲਹਨ ਦੇ Reactions ਦੇਖ ਕੇ ਮੈਂ ਹਾਸਾ ਨਹੀਂ ਰੋਕ ਸਕਦਾ।” ਤੀਜੇ ਨੇ ਲਿਖਿਆ, “ਮੇਰੇ ਵਿਆਹ ਵਿੱਚ ਵੀ ਦੋਸਤਾਂ ਨੇ ਅਜਿਹਾ ਹੀ ਪ੍ਰੈਂਕ ਕੀਤਾ, ਇਹ ਪਲ ਜ਼ਿੰਦਗੀ ਭਰ ਯਾਦ ਰਹਿੰਦੇ ਹਨ।”
