Viral Video: ਕਾਰਪੋਰੇਟ ਐਂਪਲੌਏ ਨਾਲੋਂ ਵੱਧ ਕਮਾਉਂਦਾ ਹੈ ਗੋਲਗੱਪੇ ਵਾਲਾ, ਹਰ ਮਹੀਨੇ ਛਾਪਦਾ ਹੈ ਇੰਨੇ ਪੈਸੇ
Viral Video: ਭਾਰਤ ਵਿੱਚ ਗੋਲਗੱਪੇ ਨਾ ਸਿਰਫ਼ ਇੱਕ ਪ੍ਰਸਿੱਧ ਸਟ੍ਰੀਟ ਫੂਡ ਹੈ, ਸਗੋਂ ਇਹ ਆਮਦਨ ਦਾ ਇੱਕ ਚੰਗਾ ਸਰੋਤ ਵੀ ਬਣ ਰਿਹਾ ਹੈ। ਇੱਕ ਵਾਇਰਲ ਵੀਡੀਓ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇੱਕ ਗੋਲਗੱਪੇ ਵਾਲਾ ਪ੍ਰਤੀ ਦਿਨ ਲਗਭਗ ₹3,000 ਅਤੇ ਪ੍ਰਤੀ ਮਹੀਨਾ ₹90,000 ਤੱਕ ਕਮਾ ਸਕਦਾ ਹੈ। ਹਾਲਾਂਕਿ, ਇਸ ਨੂੰ ਲੈ ਕੇ ਬਹੁਤ ਸਾਰੇ ਲੋਕਾਂ ਨੇ ਸਵਾਲ ਖੜ੍ਹੇ ਕੀਤੇ ਹਨ।
ਭਾਰਤ ਵਿੱਚ, ਗੋਲਗੱਪੇ ਜਾਂ ਪੁਚਕਾ ਸਿਰਫ਼ ਇੱਕ ਸਟ੍ਰੀਟ ਫੂਡ ਨਹੀਂ ਹੈ, ਸਗੋਂ ਇੱਕ ਸੁਆਦੀ ਭੋਜਨ ਹੈ ਜੋ ਲੋਕਾਂ ਦੇ ਦਿਲਾਂ ਵਿੱਚ ਵਸਦਾ ਹੈ। ਮਿੱਠੇ ਅਤੇ ਖੱਟੇ ਪਾਣੀ, ਮਸਾਲੇਦਾਰ ਆਲੂ ਅਤੇ ਕਰਿਸਪੀ ਪੂਰੀਆਂ ਦਾ ਇਹ ਸੁਮੇਲ ਹਰ ਉਮਰ ਦੇ ਲੋਕਾਂ ਨੂੰ ਆਕਰਸ਼ਿਤ ਕਰਦਾ ਹੈ। ਇਹੀ ਕਾਰਨ ਹੈ ਕਿ ਇਹ ਪਕਵਾਨ ਹਰ ਗਲੀ ਦੇ ਕੋਨੇ-ਕੋਨੇ ਅਤੇ ਬਾਜ਼ਾਰ ਵਿੱਚ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਪਰ ਹੁਣ, ਇਹ ਸਿਰਫ਼ ਇੱਕ ਸੁਆਦੀ ਭੋਜਨ ਹੀ ਨਹੀਂ ਸਗੋਂ ਚੰਗੀ ਆਮਦਨ ਦਾ ਇੱਕ ਸਰੋਤ ਵੀ ਬਣ ਰਿਹਾ ਹੈ।
ਹਾਲ ਹੀ ਵਿੱਚ, ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋਇਆ, ਜਿਸਨੇ ਇਸ ਚਰਚਾ ਨੂੰ ਹਵਾ ਦਿੱਤੀ। ਇਸ ਵੀਡੀਓ ਨੂੰ ਕੰਟੈਂਟ ਕ੍ਰਿਏਟਰ Cassy Pareira ਨੇ ਸਾਂਝਾ ਕੀਤਾ ਹੈ।, ਵੀਡੀਓ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਇੱਕ ਸਧਾਰਨ ਗੋਲਗੱਪੇ ਵਾਲਾ ਪ੍ਰਤੀ ਮਹੀਨਾ ਲਗਭਗ ₹90,000 ਕਮਾਉਂਦਾ ਹੈ। ਜਿੱਥੇ ਇਸ ਅੰਕੜੇ ਨੇ ਬਹੁਤ ਸਾਰੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ, ਉਹਵੇ ਹੀ ਕੁਝ ਲੋਕਾਂ ਨੇ ਇਸ ਤੇ ਸਵਾਲ ਵੀ ਖੜ੍ਹੇ ਕੀਤੇ ਹਨ।
ਕਿੰਨਾ ਕਮਾਉਂਦਾ ਹੈ ਇਹ ਗੋਲਗੱਪੇ ਵਾਲਾ?
ਵੀਡੀਓ ਦੇ ਅਨੁਸਾਰ, ਇਹ ਸਟਾਲ ਰੋਜ਼ਾਨਾ ਲਗਭਗ 80 ਤੋਂ 100 ਪਲੇਟਾਂ ਗੋਲਗੱਪੇ ਵੇਚਦਾ ਹੈ। ਇੱਕ ਪਲੇਟ ਦੀ ਕੀਮਤ ਲਗਭਗ 30 ਰੁਪਏ ਹੋਣ ਦਾ ਅਨੁਮਾਨ ਹੈ। ਇਸ ਤਰ੍ਹਾਂ, ਜੇਕਰ ਔਸਤਨ 100 ਪਲੇਟਾਂ ਵੇਚੀਆਂ ਜਾਂਦੀਆਂ ਹਨ, ਤਾਂ ਰੋਜ਼ਾਨਾ ਕੁੱਲ ਕਮਾਈ ਲਗਭਗ 3,000 ਰੁਪਏ ਤੱਕ ਪਹੁੰਚ ਜਾਂਦੀ ਹੈ। ਜੇਕਰ ਇਸ ਅੰਕੜੇ ਨੂੰ ਇੱਕ ਮਹੀਨੇ ਲਈ ਜੋੜਿਆ ਜਾਵੇ, ਤਾਂ ਇਹ ਲਗਭਗ 90,000 ਰੁਪਏ ਬਣ ਜਾਂਦੀ ਹੈ। ਸਾਲਾਨਾ ਆਧਾਰ ‘ਤੇ, ਇਹ ਆਮਦਨ ਲਗਭਗ 10.8 ਲੱਖ ਰੁਪਏ ਤੱਕ ਪਹੁੰਚ ਜਾਂਦੀ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਇਹ ਸਟਾਲ ਸਾਰਾ ਦਿਨ ਨਹੀਂ ਚੱਲਦਾ। ਵੀਡੀਓ ਵਿੱਚ ਦੱਸਿਆ ਗਿਆ ਹੈ ਕਿ ਇਹ ਸਿਰਫ਼ ਸ਼ਾਮ 4 ਵਜੇ ਤੋਂ ਰਾਤ 10 ਵਜੇ ਤੱਕ, ਜਾਂ ਲਗਭਗ 6 ਘੰਟੇ ਲਈ ਲਗਾਇਆ ਜਾਂਦਾ ਹੈ। ਇੰਨੇ ਘੱਟ ਸਮੇਂ ਵਿੱਚ ਵਿਕਰੀ ਦੀ ਇੰਨੀ ਵੱਡੀ ਮਾਤਰਾ ਬਹੁਤ ਸਾਰੇ ਲੋਕਾਂ ਲਈ ਹੈਰਾਨੀ ਵਾਲੀ ਸੀ। ਇਹੀ ਕਾਰਨ ਹੈ ਕਿ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਗਿਆ, ਜਿਸ ਨੂੰ ਇੱਕ ਮਿਲੀਅਨ ਤੋਂ ਵੱਧ ਵਿਊਜ਼ ਅਤੇ ਹਜ਼ਾਰਾਂ ਲਾਈਕਸ ਅਤੇ ਟਿੱਪਣੀਆਂ ਮਿਲੀਆਂ।
ਹਾਲਾਂਕਿ, ਹਰ ਕਿਸੇ ਨੇ ਇਸ ਵਾਇਰਲ ਦਾਅਵੇ ‘ਤੇ ਅੰਨ੍ਹਾ ਵਿਸ਼ਵਾਸ ਨਹੀਂ ਕੀਤਾ। ਸੋਸ਼ਲ ਮੀਡੀਆ ‘ਤੇ ਬਹੁਤ ਸਾਰੇ ਯੂਜ਼ਰਸ ਨੇ ਇਸ ਕਮਾਈ ਦੇ ਵੱਖ-ਵੱਖ ਪਹਿਲੂਆਂ ‘ਤੇ ਚਰਚਾ ਕਰਨੀ ਸ਼ੁਰੂ ਕਰ ਦਿੱਤੀ। ਕੁਝ ਲੋਕਾਂ ਨੇ ਦਲੀਲ ਦਿੱਤੀ ਕਿ ਵੀਡੀਓ ਵਿੱਚ ਦਿਖਾਏ ਗਏ ਅੰਕੜੇ ਸਿਰਫ਼ ਕੁੱਲ ਵਿਕਰੀ, ਜਾਂ ਮਾਲੀਆ ਨੂੰ ਦਰਸਾਉਂਦੇ ਹਨ, ਨਾ ਕਿ ਅਸਲ ਮੁਨਾਫ਼ੇ ਨੂੰ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਅਸਲ ਕਮਾਈ ਨੂੰ ਨਿਰਧਾਰਤ ਕਰਨ ਲਈ ਖਰਚਿਆਂ ਨੂੰ ਵੀ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ
ਬਹੁਤ ਸਾਰੇ ਯੂਜ਼ਰਸ ਨੇ ਇਹ ਵੀ ਸਵਾਲ ਕੀਤਾ ਕਿ ਕੀ ਸਟਾਲ ਚਲਾਉਣ ਵਾਲਾ ਵਿਅਕਤੀ ਮਾਲਕ ਹੈ ਜਾਂ ਸਿਰਫ਼ ਇੱਕ ਕਰਮਚਾਰੀ ਹੈ। ਜੇਕਰ ਉਹ ਕਰਮਚਾਰੀ ਹੈ, ਤਾਂ ਉਨ੍ਹਾਂ ਦੀ ਅਸਲ ਤਨਖਾਹ ਇਸ ਅੰਕੜੇ ਨਾਲੋਂ ਕਾਫ਼ੀ ਘੱਟ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ, ਕੁਝ ਲੋਕਾਂ ਨੇ ਕੱਚੇ ਮਾਲ ਦੀ ਲਾਗਤ ‘ਤੇ ਵੀ ਚਰਚਾ ਕੀਤੀ। ਗੋਲਗੱਪੇ ਬਣਾਉਣ ਲਈ ਸੂਜੀ ਜਾਂ ਆਟੇ ਦੀ ਪੂਰੀ, ਆਲੂ, ਛੋਲੇ, ਮਸਾਲੇ, ਇਮਲੀ ਦਾ ਪਾਣੀ ਅਤੇ ਹੋਰ ਸਮੱਗਰੀ ਦੀ ਲੋੜ ਹੁੰਦੀ ਹੈ, ਜਿਨ੍ਹਾਂ ਦੀਆਂ ਕੀਮਤਾਂ ਲਗਾਤਾਰ ਉਤਰਾਅ-ਚੜ੍ਹਾਅ ਕਰਦੀਆਂ ਰਹਿੰਦੀਆਂ ਹਨ।
ਇੱਥੇ ਦੇਖੋ ਵੀਡੀਓ
View this post on Instagram
