Viral: ਬੌਸ ਤੋਂ ਦੁਖੀ ਹੋ ਕੇ, ਟਾਇਲਟ ਪੇਪਰ ‘ਤੇ ਲਿਖ ਦਿੱਤਾ ਅਜਿਹਾ ਅਸਤੀਫ਼ਾ, ਭੜਕ ਗਏ ਲੋਕ
Viral News: ਲਿੰਕਡਇਨ 'ਤੇ ਵਾਇਰਲ ਹੋ ਰਹੀ ਇੱਕ ਪੋਸਟ ਵਿੱਚ ਸਿੰਗਾਪੁਰ ਦੀ ਇੱਕ ਕਾਰੋਬਾਰੀ ਔਰਤ ਨੇ ਸ਼ੇਅਰ ਕੀਤਾ ਕਿ ਕਿਵੇਂ ਇੱਕ ਕਰਮਚਾਰੀ ਨੇ ਇਹ ਕਹਿ ਕੇ ਅਸਤੀਫਾ ਦੇ ਦਿੱਤਾ ਕਿ ਉਸ ਨੂੰ ਕੰਪਨੀ ਵਿੱਚ 'ਟਾਇਲਟ ਪੇਪਰ' ਵਾਂਗ ਮਹਿਸੂਸ ਹੋ ਰਿਹਾ ਹੈ। ਕਰਮਚਾਰੀ ਦੇ ਅਸਤੀਫ਼ੇ ਨੂੰ ਪੜ੍ਹ ਕੇ ਲੋਕ ਪ੍ਰਭਾਵਿਤ ਹੋਏ।
ਮੈਨੂੰ ਇੰਝ ਲੱਗਾ ਜਿਵੇਂ ਮੈਂ ਟਾਇਲਟ ਪੇਪਰ ਹਾਂ। ਲੋੜ ਪੈਣ ‘ਤੇ ਵਰਤਿਆ ਅਤੇ ਫਿਰ ਸੁੱਟ ਦਿੱਤਾ… ਇੱਕ ਕਰਮਚਾਰੀ ਨੇ ਆਪਣੇ ਬੌਸ ਨੂੰ ਇਹ ਕਹਿਣ ਤੋਂ ਬਾਅਦ ਅਸਤੀਫਾ ਦੇ ਦਿੱਤਾ। ਇੰਨਾ ਹੀ ਨਹੀਂ, ਉਸਨੇ ਆਪਣਾ ਅਸਤੀਫਾ ਪੱਤਰ ਟਾਇਲਟ ਪੇਪਰ ‘ਤੇ ਵੀ ਲਿਖ ਕੇ ਬੌਸ ਨੂੰ ਸੌਂਪ ਦਿੱਤਾ, ਜੋ ਉਸਦੀ ਡੂੰਘੀ ਨਿਰਾਸ਼ਾ ਅਤੇ ਕੰਪਨੀ ਪ੍ਰਤੀ ਅਪਮਾਨ ਦੀ ਭਾਵਨਾ ਨੂੰ ਦਰਸਾਉਂਦਾ ਹੈ।
ਜਦੋਂ ਸਿੰਗਾਪੁਰ ਦੀ ਕਾਰੋਬਾਰੀ ਔਰਤ ਐਂਜੇਲਾ ਯੋਹ ਨੇ ਇੱਕ ਕਰਮਚਾਰੀ ਦਾ ਇਹ ਅਸਤੀਫ਼ਾ ਪੜ੍ਹਿਆ, ਤਾਂ ਉਹ ਬਹੁਤ ਹੈਰਾਨ ਰਹਿ ਗਈ। ਇਸ ਤੋਂ ਬਾਅਦ ਉਸਨੇ ਆਪਣੇ ਆਪ ਤੋਂ ਇੱਕ ਸਵਾਲ ਪੁੱਛਿਆ ਕਿ ਕੀ ਅਸੀਂ ਆਪਣੇ ਕਰਮਚਾਰੀਆਂ ਦਾ ਨਿਰਣਾ ਸਿਰਫ਼ ਉਨ੍ਹਾਂ ਦੇ ਕੰਮ ਦੇ ਆਧਾਰ ‘ਤੇ ਕਰਦੇ ਹਾਂ ਜਾਂ ਕੀ ਅਸੀਂ ਉਨ੍ਹਾਂ ਦੀ ਪਛਾਣ ਅਤੇ ਭਾਵਨਾਵਾਂ ਨੂੰ ਵੀ ਸਮਝਦੇ ਹਾਂ? ਉਸਨੇ ਆਪਣੇ ਲਿੰਕਡਇਨ ਅਕਾਊਂਟ ‘ਤੇ ਕਰਮਚਾਰੀ ਦੀ ਕਹਾਣੀ ਸ਼ੇਅਰ ਕੀਤੀ, ਜੋ ਹੁਣ ਤੱਕ ਲੱਖਾਂ ਲੋਕਾਂ ਤੱਕ ਪਹੁੰਚ ਚੁੱਕੀ ਹੈ।
ਉਸਨੇ ਆਪਣੀ ਲਿੰਕਡਇਨ ਪੋਸਟ ਵਿੱਚ ਲਿਖਿਆ, ਆਪਣੇ ਕਰਮਚਾਰੀ ਦੇ ਕੰਮ ਦੀ ਇੰਨੀ ਕਦਰ ਕਰੋ ਕਿ ਜਦੋਂ ਉਹ ਤੁਹਾਨੂੰ ਛੱਡਣ ਦਾ ਫੈਸਲਾ ਕਰਦੇ ਹਨ, ਤਾਂ ਉਹ ਧੰਨਵਾਦ ਕਰ ਕੇ ਜਾਣ, ਗੁੱਸੇ ਨਾਲ ਨਹੀਂ। ਉਸਨੇ ਇਹ ਵੀ ਕਿਹਾ ਕਿ ਕਰਮਚਾਰੀ ਦੁਆਰਾ ਉਸਦੇ ਅਸਤੀਫ਼ੇ ਵਿੱਚ ਲਿਖੇ ਸ਼ਬਦਾਂ ਨੇ ਉਸਨੂੰ ਧੁਰ ਅੰਦਰ ਤੱਕ ਹਿਲਾ ਕੇ ਰੱਖ ਦਿੱਤਾ।
ਐਂਜੇਲਾ ਨੇ ਅਸਤੀਫ਼ੇ ਦੀ ਇੱਕ ਫੋਟੋ ਵੀ ਸਾਂਝੀ ਕੀਤੀ, ਜੋ ਟਾਇਲਟ ਪੇਪਰ ‘ਤੇ ਲਿਖੀ ਹੋਈ ਸੀ। ਉਸਦੀ ਪੋਸਟ ‘ਤੇ ਹਜ਼ਾਰਾਂ ਟਿੱਪਣੀਆਂ ਆ ਚੁੱਕੀਆਂ ਹਨ। ਕੁਝ ਲੋਕਾਂ ਨੇ ਸੋਚਿਆ ਕਿ ਇਹ ਇੱਕ ਅਨੋਖਾ ਅਸਤੀਫ਼ਾ ਸੀ, ਜਦੋਂ ਕਿ ਦੂਜਿਆਂ ਨੇ ਕਿਹਾ ਕਿ ਅਸੀਂ ਸਾਰਿਆਂ ਨੇ ਇਹ ਕਦੇ ਨਾ ਕਦੇ ਮਹਿਸੂਸ ਕੀਤਾ ਹੋਵੇਗਾ ਪਰ ਇਸਨੂੰ ਕਹਿਣ ਜਾਂ ਲਿਖਣ ਦੀ ਹਿੰਮਤ ਨਹੀਂ ਜੁਟਾ ਸਕੇ। ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ, ਇਹ ਇੱਕ ਚੁੱਪ ਪਰ ਸ਼ਕਤੀਸ਼ਾਲੀ ਵਿਰੋਧ ਹੈ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਲੋਕ ਕੰਪਨੀ ਕਰਕੇ ਨਹੀਂ, ਸਗੋਂ ਮੈਨੇਜਰ ਦੇ ਵਿਵਹਾਰ ਕਾਰਨ ਨੌਕਰੀ ਛੱਡਣ ਲਈ ਮਜਬੂਰ ਹਨ।
ਇਹ ਵੀ ਪੜ੍ਹੋ
ਹਾਲਾਂਕਿ, ਐਂਜੇਲਾ ਨੇ ਆਪਣੀ ਪੋਸਟ ਵਿੱਚ ਇਹ ਸਪੱਸ਼ਟ ਨਹੀਂ ਕੀਤਾ ਕਿ ਅਸਤੀਫ਼ੇ ਵਾਲੀ ਫੋਟੋ ਕਰਮਚਾਰੀ ਦੀ ਸੀ ਜਾਂ ਇਹ ਉਸਦੀ ਲਿੰਕਡਇਨ ਪੋਸਟ ਲਈ ਸਿਰਫ਼ ਇੱਕ ਸੰਕੇਤਕ ਫੋਟੋ ਸੀ।
ਇਹ ਵੀ ਪੜ੍ਹੋ- ਇਨਸਾਨਾਂ ਵਾਂਗ ਪੌਟ ਤੇ ਟਾਇਲਟ ਕਰਨ ਪਹੁੰਚਿਆ ਡਾਗੀ, ਕੁੱਤੇ ਦੀ ਸਮਝਦਾਰੀ ਤੇ ਫਿਦਾ ਹੋਈ ਜਨਤਾ
ਟਾਇਲਟ ਪੇਪਰ ਦਾ ਅਸਤੀਫ਼ਾ ਭਾਵੇਂ ਨਾਟਕੀ ਰਿਹਾ ਹੋਵੇ, ਪਰ ਇਹ ਨਿਸ਼ਾਨੇ ‘ਤੇ ਲੱਗਿਆ ਅਤੇ ਇੱਕ ਸਪੱਸ਼ਟ ਸੰਦੇਸ਼ ਛੱਡ ਗਿਆ: ਲੋਕਾਂ ਨਾਲ ਬਿਹਤਰ ਵਿਵਹਾਰ ਕਰੋ, ਨਹੀਂ ਤਾਂ ਗਲਤ ਕਾਰਨਾਂ ਕਰਕੇ ਯਾਦ ਰੱਖੇ ਜਾਣ ਦਾ ਜੋਖਮ ਲਓ।
