USB Type C ਚਾਰਜਰ ਪਹੁੰਚਾ ਸਕਦਾ ਹੈ ਫੋਨ ਨੂੰ ਨੁਕਸਾਨ, ਖਰਾਬ ਹੋ ਸਕਦੇ ਹਨ ਇਹ ਪਾਰਟਸ

Smartphone Tips and Tricks: ਐਂਡਰਾਇਡ ਤੋਂ ਲੈ ਕੇ ਆਈਫੋਨ ਤੱਕ, ਅੱਜ ਲਗਭਗ ਹਰ ਫੋਨ ਵਿੱਚ USB ਟਾਈਪ ਸੀ ਚਾਰਜਰ ਵਰਤਿਆ ਜਾ ਰਿਹਾ ਹੈ। ਪਰ ਇੱਥੇ ਵੱਡਾ ਸਵਾਲ ਇਹ ਹੈ ਕਿ ਕੀ ਟਾਈਪ ਸੀ ਚਾਰਜਰ ਵੀ ਤੁਹਾਡੇ ਮੋਬਾਈਲ ਫੋਨ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ? ਇਸ ਸਵਾਲ ਦਾ ਜਵਾਬ ਹੈ -ਹਾਂ, ਟਾਈਪ ਸੀ ਚਾਰਜਰ ਵੀ ਤੁਹਾਡੇ ਮੋਬਾਈਲ ਫੋਨ ਲਈ ‘ਵਿਲੇਨ’ ਸਾਬਤ ਹੋ ਸਕਦਾ ਹੈ।

ਲਾਪਰਵਾਹੀ ਪੈਂਦੀ ਹੈ ਮਹਿੰਗੀ

ਜੇਕਰ ਤੁਹਾਡੇ ਫ਼ੋਨ ਦੇ ਨਾਲ ਆਇਆ ਅਸਲੀ ਚਾਰਜਰ ਖਰਾਬ ਹੋ ਗਿਆ ਹੈ ਅਤੇ ਤੁਸੀਂ ਬਾਜ਼ਾਰ ਜਾ ਕੇ ਲੋਕਲ ਟਾਈਪ ਸੀ ਚਾਰਜਰ ਖਰੀਦਿਆ ਹੈ, ਤਾਂ ਤੁਹਾਡੀ ਇਹ ਛੋਟੀ ਜਿਹੀ ਲਾਪਰਵਾਹੀ ਤੁਹਾਡੇ ਲਈ ਵੱਡਾ ਨੁਕਸਾਨ ਕਰ ਸਕਦੀ ਹੈ।

ਲੋਕਲ ਚਾਰਜਰ ਨਾਲ ਫ਼ੋਨ ਤਾਂ ਚਾਰਜ ਹੋਵੇਗਾ ਪਰ ਹੌਲੀ-ਹੌਲੀ ਤੁਹਾਨੂੰ ਇਸਦੇ ਨੁਕਸਾਨ ਸਮਝ ਆਉਣਗੇ। ਜਦੋਂ ਤੁਸੀਂ ਆਪਣੇ ਫ਼ੋਨ ਨੂੰ ਸਥਾਨਕ ਚਾਰਜਰ ਨਾਲ ਚਾਰਜ ਕਰਦੇ ਹੋ, ਤਾਂ ਇਹ ਚਾਰਜਰ ਫ਼ੋਨ ਨੂੰ ਵਧੇਰੇ ਵੋਲਟੇਜ ਸਪਲਾਈ ਕਰ ਸਕਦਾ ਹੈ, ਜੋ ਨਾ ਸਿਰਫ਼ ਤੁਹਾਡੇ ਮੋਬਾਈਲ ਫ਼ੋਨ ਦੀ ਬੈਟਰੀ ਨੂੰ, ਸਗੋਂ ਫ਼ੋਨ ਦੇ ਮਦਰਬੋਰਡ ਨੂੰ ਵੀ ਨੁਕਸਾਨ ਪਹੁੰਚਾ ਸਕਦਾ ਹੈ।

ਹੋ ਸਕਦੇ ਹਨ ਕਈ ਨੁਕਸਾਨ

ਟਾਈਪ ਸੀ ਚਾਰਜਰ ਤੁਹਾਡੇ ਫ਼ੋਨ ਨੂੰ ਤੇਜ਼ੀ ਨਾਲ ਚਾਰਜ ਕਰਨ ਵਿੱਚ ਸਮਰੱਥ ਹੁੰਦਾ ਹੈ, ਇਸ ਲਈ ਕੁਝ ਲੋਕ ਬੈਟਰੀ ਥੋੜ੍ਹੀ ਘੱਟ ਹੋਣ ‘ਤੇ ਫ਼ੋਨ ਨੂੰ ਵਾਰ-ਵਾਰ ਚਾਰਜਿੰਗ ‘ਤੇ ਲਗਾ ਦਿਦੇ ਹਨ। ਅਜਿਹਾ ਕਰਨ ਨਾਲ ਬੈਟਰੀ ਦੀ ਲਾਈਫ ਘੱਟ ਹੋਣ ਲੱਗਦੀ ਹੈ। ਘੱਟ ਕੁਆਲਿਟੀ ਵਾਲਾ ਚਾਰਜਰ ਨਾ ਸਿਰਫ਼ ਫ਼ੋਨ ਵਿੱਚ ਹੀਟਿੰਗ ਕਰ ਸਕਦਾ ਹੈ, ਸਗੋਂ ਸ਼ਾਰਟ ਸਰਕਟ ਦਾ ਵੀ ਖਤਰਾ ਪੈਦਾ ਹੋ ਸਕਦਾ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਫ਼ੋਨ ਫਟ ਵੀ ਸਕਦਾ ਹੈ।

ਹਰ ਫ਼ੋਨ ਲਈ ਚਾਰਜਿੰਗ ਪਾਵਰ ਵੱਖਰੀ ਹੁੰਦੀ ਹੈ, ਉਦਾਹਰਣ ਵਜੋਂ ਕੁਝ ਫ਼ੋਨ 18 ਵਾਟ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੇ ਹਨ ਅਤੇ ਕੁਝ ਫ਼ੋਨ 120 ਵਾਟ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੇ ਹਨ। ਅਜਿਹੀ ਸਥਿਤੀ ਵਿੱਚ, ਗਲਤ ਚਾਰਜਰ ਨਾਲ ਡਿਵਾਈਸ ਨੂੰ ਚਾਰਜ ਕਰਨ ਨਾਲ ਹੈਂਡਸੈੱਟ ਦੀ ਪਰਫਾਰਮੈਂਸ ਤੇ ਵੀ ਅਸਰ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ

ਤੁਹਾਡੇ ਫੋਨ ਦਾ ਚਾਰਜ਼ਰ ਅਸਲੀ ਹੈ ਜਾਂ ਨਕਲੀ, ਇਸ ਤਰ੍ਹਾਂ ਕਰੋ ਪਹਿਚਾਣ

Aadhaar Card Update ਕਰਨਾ ਹੋਇਆ ਬਹੁਤ ਆਸਾਨ

ਕੀ ਹੈ Apple ਦੀ Obsolete List! ਇਨ੍ਹਾਂ iPhone ਯੂਜ਼ਰ ਦੀ ਵੱਧੀ Tension

ਨੁਕਸਾਨ ਤੋਂ ਕਿਵੇਂ ਬਚੀਏ?

ਅਜਿਹਾ ਚਾਰਜਿੰਗ ਕੇਬਲ ਦੇ ਨਾਲ ਵੀ ਹੈ, ਜੇਕਰ ਤੁਸੀਂ ਆਪਣੀ ਡਿਵਾਈਸ ਨੂੰ ਪਿਆਰ ਕਰਦੇ ਹੋ ਅਤੇ ਚਾਹੁੰਦੇ ਹੋ ਕਿ ਤੁਹਾਡਾ ਫ਼ੋਨ ਸਹੀ ਢੰਗ ਨਾਲ ਕੰਮ ਕਰੇ ਤਾਂ ਹਮੇਸ਼ਾ ਅਸਲੀ ਚਾਰਜਰ ਅਤੇ ਕੇਬਲ ਦੀ ਵਰਤੋਂ ਕਰੋ। ਖਰਾਬ ਹੋਣ ਤੇ ਕਿਸੇ ਆਥੋਰਾਈਜ਼ ਸਰਵਿਸਸ ਸੈਚਰ ‘ਤੇ ਜਾ ਕੇ ਓਰੀਜਨਲ ਚਾਰਜਰ ਅਤੇ ਕੇਬਲ ਹੀ ਖਰੀਦੋ।