New Technology: ਹਰ ਡਿਵਾਈਸ ਨੂੰ ਮੂੰਹ ਰਾਹੀਂ ਕੰਟਰੋਲ ਕੀਤਾ ਜਾਵੇਗਾ, ਫੋਨ-ਲੈਪਟਾਪ ਲਈ ਮਾਊਸ ਦਾ ਕੰਮ ਕਰੇਗੀ ਤੁਹਾਡੀ ਜੀਭ
CES 2024: ਤੁਹਾਨੂੰ ਇਸ ਡਿਵਾਈਸ ਵਿੱਚ ਟੈਕਨਾਲੋਜੀ ਦੇ ਅਜੂਬੇ ਦੇਖਣ ਨੂੰ ਮਿਲਣਗੇ। ਜਿਵੇਂ ਹੀ ਤੁਸੀਂ ਇਸ ਡਿਵਾਈਸ ਨੂੰ ਆਪਣੇ ਮੂੰਹ ਵਿੱਚ ਪਾਉਂਦੇ ਹੋ, ਤੁਸੀਂ ਆਪਣੇ ਲੈਪਟਾਪ, ਸਮਾਰਟਫੋਨ ਅਤੇ ਟੈਬਲੇਟ ਨੂੰ ਕੰਟਰੋਲ ਕਰਨ ਦੇ ਯੋਗ ਹੋ ਜਾਵੋਗੇ। ਇੰਨਾ ਹੀ ਨਹੀਂ ਤੁਹਾਡੀ ਜੀਭ ਮਾਊਸ ਅਤੇ ਕਰਸਰ ਦਾ ਕੰਮ ਕਰੇਗੀ। ਇਹ ਗੈਜੇਟ ਐਪਲ ਯੂਜ਼ਰਸ ਨੂੰ ਮਜ਼ੇਦਾਰ ਬਣਾ ਦੇਵੇਗਾ। ਇਹ ਭਵਿੱਖ ਵਿੱਚ ਆਉਣ ਵਾਲੀ ਇੱਕ ਅਜਿਹੀ ਤਕਨੋਲੋਜੀ ਹੈ ਜਿਸ ਬਾਰੇ ਜਾਣਕੇ ਤੁਸੀਂ ਹੈਰਾਨ ਹੋ ਜਾਓਗੇ।
ਤੁਸੀਂ ਸ਼ਾਇਦ ਇਸ ਤੋਂ ਪਹਿਲਾਂ ਅਜਿਹੀ ਟੈਕਨਾਲੋਜੀ ਬਾਰੇ ਨਹੀਂ ਸੁਣਿਆ ਹੋਵੇਗਾ, ਜਿਸ ਨਾਲ ਅਸੀਂ ਅੱਜ ਤੁਹਾਨੂੰ ਜਾਣੂ ਕਰਵਾਉਣ ਜਾ ਰਹੇ ਆ। ਕੰਜ਼ਿਊਮਰ ਇਲੈਕਟ੍ਰੋਨਿਕਸ ਸ਼ੋਅ (ਸੀ.ਈ.ਐੱਸ.) ‘ਚ ਤਕਨੀਕ ਦਾ ਸ਼ਾਨਦਾਰ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਪਰ ਇਸ ਸ਼ੋਅ ਵਿੱਚ ਇਸ ਗੈਜੇਟ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਸੈਨ ਫ੍ਰਾਂਸਿਸਕੋ-ਅਧਾਰਿਤ ਅਸੈਸਬਿਲਟੀ ਸਟਾਰਟ-ਅੱਪ ਨੇ ਇਸ CES ਸ਼ੋਅ ਵਿੱਚ ਮਾਊਥਪੈਡ ਨਾਮਕ ਇੱਕ ਸਮਾਰਟ ਮਾਊਥਵੇਅਰ ਪੇਸ਼ ਕੀਤਾ ਹੈ।
ਤੁਸੀਂ ਇਸਦੇ ਨਾਮ ਤੋਂ ਇਹ ਵੀ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਇਹ ਗੈਜੇਟ ਤੁਹਾਡੀ ਜੀਭ ਨੂੰ ਤੁਹਾਡੇ ਸਮਾਰਟਫੋਨ, ਲੈਪਟਾਪ ਜਾਂ ਟੈਬਲੇਟ ਲਈ ਮਾਊਸ ਵਿੱਚ ਬਦਲ ਸਕਦਾ ਹੈ। ਇਸ ਦੇ ਲਈ ਤੁਹਾਨੂੰ ਇਸ ਗੈਜੇਟ ਨੂੰ ਆਪਣੇ ਮੂੰਹ ਦੇ ਉੱਪਰਲੇ ਹਿੱਸੇ ‘ਤੇ ਲਗਾਉਣਾ ਹੋਵੇਗਾ। ਫਿਰ ਜਿਵੇਂ ਜਿਵੇਂ ਤੁਸੀਂ ਕਹੋਗੇ ਤੁਹਾਡਾ ਫੋਨ ਤੇ ਲੈਪਟਾਪ ਉਸ ਤਰ੍ਹਾਂ ਹੀ ਕੰਮ ਕਰੇਗਾ।
ਮਾਊਥਪੈਡ ਸਮਾਰਟ ਮਾਊਥਵੇਅਰ
ਡਿਵਾਈਸ ਨੂੰ ਆਈਓਐਸ ਇੰਟਰਫੇਸ ਨੈਵੀਗੇਸ਼ਨ ਲਈ ਐਪਲ ਦੇ ਸਹਾਇਕ ਟਚ ਦੀ ਵਰਤੋਂ ਕਰਨ ਲਈ ਡਿਜਾਇਨ ਕੀਤਾ ਗਿਆ ਹੈ, ਅਤੇ ਵਿੰਡੋਜ਼ ਅਤੇ ਐਂਡਰੌਇਡ ਡਿਵਾਈਸਾਂ ਲਈ ਬਲੂਟੁੱਥ ਮਾਊਸ ਵਜੋਂ ਕੰਮ ਕਰ ਸਕਦਾ ਹੈ। ਇਹ ਮਾਊਥਪੈਡ ਰਿਟੇਨਰ ਵਰਗਾ ਲੱਗਦਾ ਹੈ। ਇਸ ਵਿੱਚ ਟੱਚਪੈਡ, ਬੈਟਰੀ ਅਤੇ ਬਲੂਟੁੱਥ ਰੇਡੀਓ ਹੈ।
ਕੰਪਨੀ ਨੇ ਕੀਤਾ ਦਾਅਵਾ
ਕੰਪਨੀ ਦੇ ਦਾਅਵੇ ਦੇ ਅਨੁਸਾਰ, ਇਹ ਡੈਂਟਲ-ਗ੍ਰੇਡ ਰੈਜ਼ਿਨ ਦਾ ਬਣਿਆ ਹੋਇਆ ਹੈ, ਜੋ ਆਮ ਤੌਰ ‘ਤੇ ਦੰਦਾਂ ਦੇ ਅਲਾਈਨਰਜ਼ ਅਤੇ ਬਾਈਟ ਗਾਰਡਾਂ ਵਿੱਚ ਦੇਖਿਆ ਜਾਂਦਾ ਹੈ। ਵਰਤਮਾਨ ਵਿੱਚ ਇਹ ਗੈਜੇਟ ਲਗਭਗ ਪੰਜ ਘੰਟੇ ਦੀ ਬੈਟਰੀ ਲਾਈਫ ਪ੍ਰਦਾਨ ਕਰਦਾ ਹੈ। ਔਗਮੈਂਟਲ ਇਸ ਮਾਰਚ ਤੱਕ ਇਸ ਨੂੰ 8 ਘੰਟਿਆਂ ਤੱਕ ਕਰਨ ਦੀ ਤਿਆਰੀ ਕਰ ਰਿਹਾ ਹੈ।
ਇੰਝ ਵਰਤੋਂ ਇਹ ਟੈਕਨੋਲੌਜੀ
ਮਾਊਥਪੈਡ ਦੇ ਭਾਰ ਦੀ ਗੱਲ ਕਰੀਏ ਤਾਂ ਇਹ ਲਗਭਗ 7.5 ਗ੍ਰਾਮ ਹੈ ਅਤੇ ਇਹ 0.7 ਮਿਲੀਮੀਟਰ ਮੋਟਾ ਹੈ। ਇਸ ਦਾ ਟੱਚਪੈਡ ਹਿੱਸਾ 5 ਮਿਲੀਮੀਟਰ ਮੋਟਾ ਹੈ।
ਇਹ ਵੀ ਪੜ੍ਹੋ
ਇਸ ਨੂੰ ਆਪਣੇ ਪੈਲੇਟ ਦੇ ਸੱਜੇ ਪਾਸੇ ਪਹਿਨੋ, ਇਹ ਤੁਹਾਡੇ ਉੱਪਰਲੇ ਦੰਦਾਂ ਨੂੰ ਢੱਕ ਦੇਵੇਗਾ।
ਇਹ ਤੁਹਾਨੂੰ ਦਿਖਾਏਗਾ ਕਿ ਕਨੈਕਟ ਕੀਤੇ ਆਈਫੋਨ ‘ਤੇ ਕਰਸਰਾਂ ਨੂੰ ਕਿਵੇਂ ਬਦਲਣਾ ਹੈ, ਨੈਵੀਗੇਟ ਕਰਨਾ ਹੈ ਅਤੇ ਐਪਸ/ਮੀਨੂ ਨੂੰ ਕਿਵੇਂ ਖੋਲ੍ਹਣਾ ਹੈ।
ਮਾਊਥਪੈਡ ਪਹਿਨਣ ਨਾਲ ਉਪਭੋਗਤਾਵਾਂ ਨੂੰ ਬੋਲਣ ਦੀ ਇਜਾਜ਼ਤ ਮਿਲਦੀ ਹੈ, ਹਾਲਾਂਕਿ ਉਹਨਾਂ ਨੂੰ ਲਗਾਤਾਰ ਰੀਟੇਨਰ ਪਹਿਨਣ ਕਾਰਨ ਥੋੜ੍ਹਾ ਜਿਹਾ ਅੜਚਣ ਦਾ ਅਨੁਭਵ ਹੋ ਸਕਦਾ ਹੈ। ਇਸ ਵੇਅਰੇਬਲ ਨੂੰ ਚਾਰਜ ਹੋਣ ‘ਚ ਡੇਢ ਘੰਟੇ ਦਾ ਸਮਾਂ ਲੱਗਦਾ ਹੈ।
