Parveen Hooda Gold Medal: ਏਸ਼ੀਆਈ ਖੇਡਾਂ ‘ਚ ਮੁੱਕੇਬਾਜ਼ ਪਰਵੀਨ ਹੁੱਡਾ ਨੇ ਜਿੱਤਿਆ ਗੋਲਡ, ਖੋਹ ਲਿਆ ਸੀ ਕਾਂਸੀ ਦਾ ਤਗਮਾ
ਪਰਵੀਨ ਹੁੱਡਾ ਨੇ ਏਸ਼ੀਅਨ ਖੇਡਾਂ 2026 ਵਿੱਚ ਮਹਿਲਾ ਮੁੱਕੇਬਾਜ਼ੀ ਵਿੱਚ ਸੋਨ ਤਗਮਾ ਜਿੱਤਿਆ। ਉਨ੍ਹਾਂ ਨੇ ਇੱਕ ਤਾਈਵਾਨੀ ਖਿਡਾਰੀ ਨੂੰ ਹਰਾ ਕੇ ਖਿਤਾਬ ਜਿੱਤਿਆ।
ਭਾਰਤੀ ਮਹਿਲਾ ਮੁੱਕੇਬਾਜ਼ ਪਰਵੀਨ ਹੁੱਡਾ ਨੇ 2026 ਦੀਆਂ ਏਸ਼ੀਆਈ ਖੇਡਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹਰਿਆਣਾ ਦੇ ਰੋਹਤਕ ਦੀ ਰਹਿਣ ਵਾਲੀ ਇਸ ਮੁੱਕੇਬਾਜ਼ ਨੇ 65 ਕਿਲੋਗ੍ਰਾਮ ਵਰਗ ਵਿੱਚ ਇੱਕ ਤਾਈਵਾਨੀ ਮੁੱਕੇਬਾਜ਼ ਨੂੰ ਹਰਾ ਕੇ ਸੋਨ ਤਗਮਾ ਜਿੱਤਿਆ। ਉਨ੍ਹਾਂ ਨੇ ਖਿਤਾਬੀ ਮੁਕਾਬਲੇ ਵਿੱਚ ਤਾਈਪੇਈ ਮੁੱਕੇਬਾਜ਼ ਨੂੰ 3-2 ਨਾਲ ਹਰਾਇਆ। ਇਸ ਰੋਮਾਂਚਕ ਮੁਕਾਬਲੇ ਵਿੱਚ, ਪਰਵੀਨ ਨੇ ਪਹਿਲੇ ਗੇੜ੍ਹ ਵਿੱਚ ਵਧੀਆ ਪ੍ਰਦਰਸ਼ਨ ਕੀਤਾ ਪਰ ਤਾਈਪੇਈ ਮੁੱਕੇਬਾਜ਼ ਨੇ ਦੂਜੇ ਦੌਰ ਵਿੱਚ ਵਾਪਸੀ ਕੀਤੀ। ਹਾਲਾਂਕਿ, ਪਰਵੀਨ ਸ਼ਾਂਤ ਰਹੀ ਅਤੇ ਤੀਜੇ ਦੌਰ ਵਿੱਚ ਮੁੱਕਿਆਂ ਦੀ ਇੱਕ ਲੜੀ ਛੱਡ ਕੇ ਸੋਨ ਤਗਮਾ ਜਿੱਤਿਆ।
ਇਹ ਸੋਨਾ ਪਰਵੀਨ ਹੁੱਡਾ ਲਈ ਮਹੱਤਵਪੂਰਨ ਹੈ, ਕਿਉਂਕਿ ਉਨ੍ਹਾਂ ਨੇ ਪਿਛਲੀਆਂ ਏਸ਼ੀਆਈ ਖੇਡਾਂ ਵਿੱਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ ਪਰ ਇਹ ਤਗਮਾ ਉਨ੍ਹਾਂ ਤੋਂ ਖੋਹ ਲਿਆ ਗਿਆ।
ਪਰਵੀਨ ਨੇ ਬੁਰੇ ਦੌਰ ਤੋਂ ਕੀਤੀ ਵਾਪਸੀ
2026 ਦੀਆਂ ਏਸ਼ੀਆਈ ਖੇਡਾਂ ਵਿੱਚ ਪਰਵੀਨ ਹੁੱਡਾ ਦਾ ਸੋਨ ਤਗਮਾ ਜਿੱਤਣਾ ਕਿਸੇ ਫਿਲਮੀ ਕਹਾਣੀ ਤੋਂ ਘੱਟ ਨਹੀਂ ਹੈ। 2023-24 ਦੀਆਂ ਏਸ਼ੀਆਈ ਖੇਡਾਂ ਵਿੱਚ ਹੁੱਡਾ ਤੋਂ ਉਨ੍ਹਾਂ ਦਾ ਕਾਂਸੀ ਦਾ ਤਗਮਾ ਖੋਹ ਲਿਆ ਗਿਆ ਸੀ। ਉਹ ਡੋਪਿੰਗ ਟੈਸਟ ਲਈ ਆਪਣੀ ਜਗ੍ਹਾ ਦਾ ਖੁਲਾਸਾ ਕਰਨ ਵਿੱਚ ਅਸਫਲ ਰਹੀ, ਜਿਸ ਦੇ ਨਤੀਜੇ ਵਜੋਂ 22 ਮਹੀਨਿਆਂ ਦੀ ਪਾਬੰਦੀ ਲਗਾਈ ਗਈ। ਉਨ੍ਹਾਂ ਦਾ ਓਲੰਪਿਕ ਕੋਟਾ ਵੀ ਰੱਦ ਕਰ ਦਿੱਤਾ ਗਿਆ। ਇਸ ਘਟਨਾ ਤੋਂ ਬਾਅਦ ਪਰਵੀਨ ਸਦਮੇ ਵਿੱਚ ਸੀ। ਉਹ ਮਾਨਸਿਕ ਤੌਰ ‘ਤੇ ਟੁੱਟ ਗਈ ਸੀ, ਪਰ ਇੱਕ ਮਨੋਵਿਗਿਆਨੀ, ਧਿਆਨ ਅਤੇ ਸਖ਼ਤ ਮਿਹਨਤ ਦੀ ਮਦਦ ਨਾਲ ਉਨ੍ਹਾਂ ਨੇ ਵਾਪਸੀ ਕੀਤੀ ਅਤੇ ਹੁਣ, ਉਨ੍ਹਾਂ ਨੇ ਏਸ਼ੀਆਈ ਖੇਡਾਂ ਵਿੱਚ ਸੋਨ ਤਗਮਾ ਜਿੱਤਿਆ ਹੈ।
PARVEEN HOODA WINS BOXING GOLD AT THE ASIAN GAMES 2026! 🥇🇮🇳
– 3rd Indian Womens Boxer ever to win the Asian Games boxing Gold Medal!!!! 13TH GOLD FOR INDIA AT ASIAN GAMES! pic.twitter.com/icpive8h8d — The Khel India (@TheKhelIndia) October 2, 2026
ਪਰਵੀਨ ਦਾ ਸੰਘਰਸ਼
ਪਰਵੀਨ ਹੁੱਡਾ ਇੱਕ ਬਹੁਤ ਹੀ ਗਰੀਬ ਪਰਿਵਾਰ ਤੋਂ ਹੈ। ਖੇਤ ਵਾਲੀ ਜ਼ਮੀਨ ਬੰਜਰ ਸੀ, ਜਿਸ ਕਾਰਨ ਪਰਿਵਾਰ ਆਰਥਿਕ ਤੌਰ ‘ਤੇ ਕਮਜ਼ੋਰ ਹੋ ਗਿਆ ਸੀ। ਪਰਿਵਾਰ ਇੰਨਾ ਗਰੀਬ ਸੀ ਕਿ ਉਹ ਪਰਵੀਨ ਹੁੱਡਾ ਲਈ ਮੁੱਕੇਬਾਜ਼ੀ ਦੇ ਦਸਤਾਨੇ ਵੀ ਨਹੀਂ ਖਰੀਦ ਸਕਦੇ ਸਨ। 2011 ਵਿੱਚ, ਪਿੰਡ ਦੇ ਮੁਖੀ ਸੁਧੀਰ ਹੁੱਡਾ ਨੇ ਇੱਕ ਮੁੱਕੇਬਾਜ਼ੀ ਅਕੈਡਮੀ ਸ਼ੁਰੂ ਕੀਤੀ ਅਤੇ ਪਰਵੀਨ ਨੇ ਮੈਰੀਕਾਮ ਅਤੇ ਵਿਜੇਂਦਰ ਸਿੰਘ ਤੋਂ ਪ੍ਰੇਰਿਤ ਹੋ ਕੇ ਮੁੱਕੇਬਾਜ਼ੀ ਸ਼ੁਰੂ ਕੀਤੀ। ਕੋਚ ਨੇ ਪਰਵੀਨ ਨੂੰ ਦਸਤਾਨੇ ਅਤੇ ਜੁੱਤੇ ਪ੍ਰਦਾਨ ਕੀਤੇ। ਉਨ੍ਹਾਂ ਦੇ ਪਿਤਾ ਸ਼ੁਰੂ ਵਿੱਚ ਮੁੱਕੇਬਾਜ਼ੀ ਦੇ ਖਿਲਾਫ ਸਨ, ਪਰ ਉਨ੍ਹਾਂ ਦੀ ਮਾਂ ਨੇ ਹਮੇਸ਼ਾ ਉੁਨ੍ਹਾਂ ਦਾ ਸਮਰਥਨ ਕੀਤਾ ਅਤੇ ਅੱਜ ਦੇਖੋ ਕਿ ਭਾਰਤ ਦੀ ਇਸ ਧੀ ਨੇ ਦੇਸ਼ ਦਾ ਨਾਮ ਕਿਵੇਂ ਰੌਸ਼ਨ ਕੀਤਾ ਹੈ।
ਇਹ ਵੀ ਪੜ੍ਹੋ
