ਟੀਮ ਇੰਡੀਆ ਤੋਂ ਬਾਹਰ ਹੋ ਸਕਦੇ ਨੇ ਸਰਫਰਾਜ਼ ਖਾਨ, ਭਾਰਤੀ ਕ੍ਰਿਕਟਰ ਨੇ ਡੈਬਿਊ ਤੋਂ ਪਹਿਲਾਂ ਹੀ ਉੱਠੇ ਕਾਬਲੀਅਤ ‘ਤੇ ਸਵਾਲ

ਭਾਰਤੀ ਕ੍ਰਿਕਟ ਟੀਮ ਵਿਸ਼ਾਖਾਪਟਨਮ ਵਿੱਚ ਇੰਗਲੈਂਡ ਖ਼ਿਲਾਫ਼ ਦੂਜਾ ਟੈਸਟ ਖੇਡਣ ਲਈ ਤਿਆਰ ਹੈ। ਹਾਲਾਂਕਿ ਮੈਚ ਤੋਂ ਕੁਝ ਘੰਟੇ ਪਹਿਲਾਂ ਹੀ ਇਸ ਦੇ ਇਕ ਖਿਡਾਰੀ ਦਾ ਅਜਿਹਾ ਬਿਆਨ ਆਇਆ, ਜਿਸ ਨੂੰ ਸੁਣ ਕੇ ਪ੍ਰਸ਼ੰਸਕ ਹੈਰਾਨ ਰਹਿ ਗਏ। ਅਸੀਂ ਗੱਲ ਕਰ ਰਹੇ ਹਾਂ ਸਰਫਰਾਜ਼ ਖਾਨ ਦੀ, ਜਿਸ ਦੇ ਖਿਲਾਫ ਸਾਬਕਾ ਕ੍ਰਿਕਟਰ ਅਤੇ ਮਸ਼ਹੂਰ ਕਮੈਂਟੇਟਰ ਦੀਪ ਦਾਸਗੁਪਤਾ ਨੇ ਬਿਆਨ ਦਿੱਤਾ ਹੈ ਜੋ ਹੈਰਾਨ ਕਰਨ ਵਾਲਾ ਹੈ। ਦੀਪ ਦਾਸਗੁਪਤਾ ਨੇ ਆਪਣੇ ਇਸ਼ਾਰਿਆਂ ਨਾਲ ਸਰਫਰਾਜ਼ ਦੀ ਕਾਬਲੀਅਤ ‘ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਇਕ ਪਾਸੇ ਟੀਮ ਇੰਡੀਆ ਵਿਸ਼ਾਖਾਪਟਨਮ ‘ਚ ਸਰਫਰਾਜ਼ ਨੂੰ ਆਪਣਾ ਟੈਸਟ ਡੈਬਿਊ ਦੇ ਸਕਦੀ ਹੈ ਤਾਂ ਦੂਜੇ ਪਾਸੇ ਦੀਪ ਦਾਸਗੁਪਤਾ ਨੂੰ ਇਸ ਖਿਡਾਰੀ ਦੀ ਕਾਬਲੀਅਤ ‘ਤੇ ਭਰੋਸਾ ਨਹੀਂ ਹੈ।

View this post on Instagram

A post shared by Team India (@indiancricketteam)

ਇਹ ਵੀ ਪੜ੍ਹੋ

ਆਇਰਲੈਂਡ ਤੋਂ ਪਹਿਲੀ ਵਾਰ ਹਾਰਿਆ ਭਾਰਤ, ਜਾਣੋ ਹਾਰ ਦੇ 5 ਕਾਰਨ

ਪਾਕਿਸਤਾਨ ਦੀ ਹਾਲਤ ਦੇਖ ਆਵੇਗਾ ਤਰਸ, ਕਪਤਾਨ ਦਾ ਛਲਕਿਆ ਦਰਦ

ਕ੍ਰਿਸਟੀਆਨੋ ਰੋਨਾਲਡੋ ਨੇ FIFA 2026 'ਚ ਖੋਲ੍ਹਿਆ ਆਪਣਾ ਖਾਤਾ, ਤੋੜੇ ਇਹ ਰਿਕਾਰਡ

ਪਹਿਲੀ ਸ਼੍ਰੇਣੀ ਕ੍ਰਿਕਟ ‘ਚ ਸਰਫਰਾਜ਼ ਦੀ ਔਸਤ 70 ਦੇ ਕਰੀਬ ਹੈ। ਉਸ ਦੇ ਬੱਲੇ ਤੋਂ 14 ਸੈਂਕੜੇ ਲੱਗੇ ਹਨ। ਪਰ ਦੀਪ ਦਾਸਗੁਪਤਾ ਦਾ ਮੰਨਣਾ ਹੈ ਕਿ ਉਸ ਨੇ ਵੱਡੇ ਮੈਚਾਂ ਵਿੱਚ ਦੌੜਾਂ ਨਹੀਂ ਬਣਾਈਆਂ। ਆਪਣੇ ਯੂਟਿਊਬ ਚੈਨਲ ‘ਤੇ ਦੀਪ ਦਾਸਗੁਪਤਾ ਨੇ ਕਿਹਾ ਕਿ ਸਰਫਰਾਜ਼ ਨੇ ਪਿਛਲੇ ਦੋ-ਤਿੰਨ ਸਾਲਾਂ ‘ਚ ਕਾਫੀ ਦੌੜਾਂ ਬਣਾਈਆਂ ਹਨ, ਇਸ ਲਈ ਉਸ ਦੀ ਤਾਰੀਫ ਹੋਣੀ ਚਾਹੀਦੀ ਹੈ ਪਰ ਮੇਰਾ ਸਵਾਲ ਹੈ ਕਿ ਇਸ ਖਿਡਾਰੀ ਨੇ ਕਿੰਨੇ ਵੱਡੇ ਮੈਚਾਂ ‘ਚ ਦੌੜਾਂ ਬਣਾਈਆਂ ਹਨ। ਦੀਪਦਾਸ ਮੁਤਾਬਕ ਸਰਫਰਾਜ਼ ਦੇ ਬੱਲੇ ਤੋਂ ਮਿਆਰੀ ਦੌੜਾਂ ਨਹੀਂ ਆਈਆਂ। ਸਰਫਰਾਜ਼ ਨੇ ਅੱਗੇ ਕਿਹਾ ਕਿ ਜੇਕਰ ਸ਼ੁਭਮਨ ਗਿੱਲ ਅਤੇ ਸਰਫਰਾਜ਼ ਇੱਕ ਦੂਜੇ ਦਾ ਸਾਹਮਣਾ ਕਰਦੇ ਹਨ ਤਾਂ ਕੀ ਦੋਵਾਂ ਨੂੰ ਬਰਾਬਰ ਦੇ ਮੌਕੇ ਮਿਲਣਗੇ? ਨਹੀਂ ਕਿਉਂਕਿ ਸ਼ੁਭਮਨ ਕੋਲ ਜ਼ਿਆਦਾ ਸਮਰੱਥਾ ਹੈ। ਭਾਵ ਚੋਣਕਾਰ ਯੋਗਤਾ ਅਨੁਸਾਰ ਹੀ ਮੌਕੇ ਦਿੰਦੇ ਹਨ।

ਦੀਪਦਾਸ ਨੇ ਅੱਗੋਂ ਵੱਡੀ ਗੱਲ ਕਹੀ

ਦੀਪ ਦਾਸਗੁਪਤਾ ਇੱਥੇ ਹੀ ਨਹੀਂ ਰੁਕੇ। ਉਨ੍ਹਾਂ ਮੁਤਾਬਕ ਜਦੋਂ ਕੇਐੱਲ ਰਾਹੁਲ ਅਤੇ ਵਿਰਾਟ ਕੋਹਲੀ ਟੀਮ ‘ਚ ਵਾਪਸੀ ਕਰਨਗੇ ਤਾਂ ਸਰਫਰਾਜ਼ ਖਾਨ ਨੂੰ ਟੀਮ ‘ਚੋਂ ਬਾਹਰ ਕਰ ਦਿੱਤਾ ਜਾਵੇਗਾ ਅਤੇ ਉਹ ਫਸਟ ਕਲਾਸ ਕ੍ਰਿਕਟ ਖੇਡਦੇ ਨਜ਼ਰ ਆਉਣਗੇ। ਹੁਣ ਇਹ ਦੀਪ ਦਾਸਗੁਪਤਾ ਦੀ ਨਿੱਜੀ ਰਾਏ ਹੈ। ਸੰਭਵ ਹੈ ਕਿ ਸਰਫਰਾਜ਼ ਖਾਨ ਅੰਤਰਰਾਸ਼ਟਰੀ ਕ੍ਰਿਕਟ ‘ਚ ਵੀ ਆਪਣੀ ਕਾਬਲੀਅਤ ਸਾਬਤ ਕਰ ਸਕਦੇ ਹਨ। ਹੁਣ ਬੱਸ ਇਸ ਖਿਡਾਰੀ ਦੇ ਟੈਸਟ ਡੈਬਿਊ ਦਾ ਇੰਤਜ਼ਾਰ ਹੈ। ਤਦ ਹੀ ਸਾਰੇ ਸਵਾਲਾਂ ਦੇ ਜਵਾਬ ਮਿਲ ਜਾਣਗੇ।