CSK vs KKR IPL Match Result: ਚੇਨਈ ਦੀ ਲਗਾਤਾਰ ਤੀਸਰੀ ਹਾਰ, ਕੋਲਕਾਤਾ ਦੀ ਸ਼ਾਨਦਾਰ ਜਿੱਤ
Chennai Super Giants vs Kolkata Knight Riders Result: ਚੇਨਈ ਸੁਪਰ ਕਿੰਗਜ਼ ਇਸ ਮੈਚ ਵਿੱਚ ਸਿਰਫ਼ 103 ਦੌੜਾਂ ਹੀ ਬਣਾ ਸਕੀ, ਜੋ ਕਿ ਚੇਪੌਕ ਸਟੇਡੀਅਮ ਵਿੱਚ ਆਈਪੀਐਲ ਇਤਿਹਾਸ ਵਿੱਚ ਉਨ੍ਹਾਂ ਦਾ ਸਭ ਤੋਂ ਘੱਟ ਸਕੋਰ ਸਾਬਤ ਹੋਇਆ। ਚੇਨਈ ਦੀ ਇਹ ਦੁਰਦਸ਼ਾ ਕੋਲਕਾਤਾ ਦੇ ਸਪਿਨਰਾਂ ਕਾਰਨ ਹੋਈ, ਜਿਨ੍ਹਾਂ ਨੇ 9 ਵਿੱਚੋਂ 6 ਵਿਕਟਾਂ ਲਈਆਂ।
ਪੂਰੇ 683 ਦਿਨਾਂ ਬਾਅਦ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨ ਵਜੋਂ ਵਾਪਸੀ ਵੀ ਚੇਨਈ ਸੁਪਰ ਕਿੰਗਜ਼ ਦੀ ਕਿਸਮਤ ਨਹੀਂ ਬਦਲ ਸਕੀ। ਚੇਨਈ, ਜੋ ਪਹਿਲਾਂ ਹੀ ਸੀਜ਼ਨ ਵਿੱਚ ਲਗਾਤਾਰ ਚਾਰ ਮੈਚ ਹਾਰ ਚੁੱਕੀ ਸੀ, ਹੁਣ ਪੰਜਵੀਂ ਵਾਰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਚੇਨਈ ਨੂੰ ਆਪਣੇ ਘਰੇਲੂ ਮੈਦਾਨ ਚੇਪੌਕ ਸਟੇਡੀਅਮ ਵਿੱਚ ਮੌਜੂਦਾ ਚੈਂਪੀਅਨ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਹੱਥੋਂ 8 ਵਿਕਟਾਂ ਨਾਲ ਸ਼ਰਮਨਾਕ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਸ ਮੈਚ ਵਿੱਚ, ਧੋਨੀ ਸਮੇਤ ਚੇਨਈ ਦੀ ਪੂਰੀ ਬੱਲੇਬਾਜ਼ੀ ਇਕਾਈ ਨੇ ਇਸ ਸੀਜ਼ਨ ਦਾ ਆਪਣਾ ਸਭ ਤੋਂ ਬੁਰਾ ਪ੍ਰਦਰਸ਼ਨ ਕੀਤਾ ਅਤੇ ਸਿਰਫ਼ 103 ਦੌੜਾਂ ਹੀ ਬਣਾ ਸਕੀ। ਕੇਕੇਆਰ ਨੇ ਇਹ ਟੀਚਾ ਸਿਰਫ਼ 10 ਓਵਰਾਂ ਵਿੱਚ ਹਾਸਲ ਕਰ ਲਿਆ ਤੇ ਆਪਣੀ ਤੀਜੀ ਜਿੱਤ ਦਰਜ ਕੀਤੀ।
ਚੇਨਈ ਦੇ ਫੈਨਸ ਨੂੰ ਉਮੀਦ ਸੀ ਕਿ ਸ਼ੁੱਕਰਵਾਰ, 11 ਅਪ੍ਰੈਲ ਤੋਂ ਉਨ੍ਹਾਂ ਦੀ ਟੀਮ ਦਾ ਸੀਜ਼ਨ ਬਦਲ ਜਾਵੇਗਾ ਅਤੇ ਉਹ ਜਿੱਤ ਦੇ ਰਾਹ ‘ਤੇ ਵਾਪਸ ਆ ਜਾਣਗੇ। ਇਸ ਦਾ ਕਾਰਨ ਇਹ ਸੀ ਕਿ ਕਮਾਨ ਧੋਨੀ ਦੇ ਹੱਥਾਂ ਵਿੱਚ ਵਾਪਸ ਆ ਗਈ, ਜਿਸ ਨੇ ਪਿਛਲੇ 17 ਸਾਲਾਂ ਵਿੱਚ ਟੀਮ ਲਈ ਕਈ ਵਾਰ ਅਜਿਹਾ ਜਾਦੂ ਦਿਖਾਇਆ ਸੀ। ਪਰ ਅਜਿਹਾ ਲੱਗਦਾ ਹੈ ਕਿ 43 ਸਾਲ ਦੀ ਉਮਰ ਵਿੱਚ, ਧੋਨੀ ਕੋਲ ਵੀ ਟੀਮ ਦੀ ਸਥਿਤੀ ਬਦਲਣ ਦਾ ਜਾਦੂ ਨਹੀਂ ਬਚਿਆ ਹੈ।
ਚੇਪੌਕ ਵਿਖੇ ਸੀਐਸਕੇ ਦੀ ਸ਼ਰਮਨਾਕ ਬੱਲੇਬਾਜ਼ੀ
ਇਸ ਸੀਜ਼ਨ ਦੀ ਸ਼ੁਰੂਆਤ ਤੋਂ ਹੀ ਚੇਨਈ ਦੀ ਬੱਲੇਬਾਜ਼ੀ ਲਗਾਤਾਰ ਸੰਘਰਸ਼ ਕਰਦੀ ਦਿਖਾਈ ਦੇ ਰਹੀ ਸੀ, ਜਿਸ ਵਿੱਚ ਟੀਮ ਨੂੰ ਦੌੜਾਂ ਦਾ ਪਿੱਛਾ ਕਰਦੇ ਸਮੇਂ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਵਾਰ ਚੇਨਈ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਮੌਕਾ ਮਿਲਿਆ ਪਰ ਕਹਾਣੀ ਨਹੀਂ ਬਦਲੀ ਅਤੇ ਪੂਰੀ ਟੀਮ 20 ਓਵਰਾਂ ਵਿੱਚ 9 ਵਿਕਟਾਂ ਗੁਆਉਣ ਤੋਂ ਬਾਅਦ ਸਿਰਫ਼ 103 ਦੌੜਾਂ ਹੀ ਬਣਾ ਸਕੀ। ਚੇਨਈ ਦੀ ਹਾਲਤ ਇਸ ਤੋਂ ਵੀ ਮਾੜੀ ਸੀ ਅਤੇ 9 ਵਿਕਟਾਂ ਸਿਰਫ਼ 79 ਦੌੜਾਂ ‘ਤੇ ਡਿੱਗ ਗਈਆਂ, ਪਰ ਅੰਤ ਵਿੱਚ ਸ਼ਿਵਮ ਦੂਬੇ ਨੇ ਕੁਝ ਵੱਡੇ ਸ਼ਾਟ ਮਾਰੇ ਅਤੇ ਟੀਮ ਨੂੰ 100 ਦੇ ਪਾਰ ਪਹੁੰਚਾਇਆ। ਉਨ੍ਹਾਂ ਤੋਂ ਇਲਾਵਾ, ਵਿਜੇ ਸ਼ੰਕਰ ਨੇ ਤੇਜ਼ੀ ਨਾਲ 29 ਦੌੜਾਂ ਬਣਾਈਆਂ। ਹਾਲਾਂਕਿ, ਇਸ ਦੇ ਬਾਵਜੂਦ, ਇਹ ਚੇਪੌਕ ‘ਤੇ ਚੇਨਈ ਦਾ ਸਭ ਤੋਂ ਘੱਟ ਸਕੋਰ ਸਾਬਤ ਹੋਇਆ। ਕੋਲਕਾਤਾ ਦੀ ਸਪਿਨ ਤਿੱਕੜੀ ਨੇ 9 ਵਿੱਚੋਂ 6 ਵਿਕਟਾਂ ਲਈਆਂ, ਜਿਸ ਵਿੱਚ ਸੁਨੀਲ ਨਾਰਾਇਣ ਨੇ 3, ਵਰੁਣ ਚੱਕਰਵਰਤੀ ਨੇ 2 ਅਤੇ ਮੋਇਨ ਅਲੀ ਨੇ 1 ਵਿਕਟ ਲਈ।
ਸਿਰਫ਼ 61 ਗੇਂਦਾਂ ਵਿੱਚ ਕੇਕੇਆਰ ਦੀ ਜਿੱਤ
ਜੇਕਰ ਚੇਨਈ ਦੀ ਪਾਰੀ ਦੇਖਣ ਤੋਂ ਬਾਅਦ, ਕਿਸੇ ਨੂੰ ਲੱਗਿਆ ਕਿ ਪਿੱਚ ਹੌਲੀ ਸੀ ਅਤੇ ਬੱਲੇਬਾਜ਼ੀ ਮੁਸ਼ਕਲ ਸੀ, ਤਾਂ ਕੋਲਕਾਤਾ ਦੇ ਸਲਾਮੀ ਬੱਲੇਬਾਜ਼ਾਂ ਨੇ ਇਸ ਗਲਤਫਹਿਮੀ ਨੂੰ ਵੀ ਦੂਰ ਕਰ ਦਿੱਤਾ। ਕੁਇੰਟਨ ਡੀ ਕੌਕ (23) ਅਤੇ ਸੁਨੀਲ ਨਾਰਾਇਣ ਨੇ ਭਾਰਤ ਨੂੰ ਸ਼ਾਨਦਾਰ ਸ਼ੁਰੂਆਤ ਦਿੱਤੀ, ਸਿਰਫ਼ ਚਾਰ ਓਵਰਾਂ ਵਿੱਚ 46 ਦੌੜਾਂ ਜੋੜੀਆਂ। ਸੀਐਸਕੇ ਲਈ ਆਪਣਾ ਪਹਿਲਾ ਮੈਚ ਖੇਡ ਰਹੇ ਤੇਜ਼ ਗੇਂਦਬਾਜ਼ ਅੰਸ਼ੁਲ ਕੰਬੋਜ ਨੇ ਡੀ ਕੌਕ ਨੂੰ ਆਊਟ ਕੀਤਾ। ਪਰ ਇਸ ਨਾਲ ਕੋਈ ਫ਼ਰਕ ਨਹੀਂ ਪਿਆ ਕਿਉਂਕਿ ਕੋਲਕਾਤਾ ਦੇ ਕਪਤਾਨ ਅਜਿੰਕਿਆ ਰਹਾਣੇ (ਨਾਬਾਦ 20) ਨੇ ਆਉਂਦੇ ਹੀ ਹਮਲਾ ਸ਼ੁਰੂ ਕਰ ਦਿੱਤਾ, ਜਦੋਂ ਕਿ ਨਰਾਇਣ ਚੌਕੇ ਅਤੇ ਛੱਕੇ ਮਾਰਦੇ ਰਹੇ। ਨਰਾਇਣ (44) ਆਪਣੇ ਅਰਧ ਸੈਂਕੜੇ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਆਊਟ ਹੋ ਗਿਆ ਪਰ ਰਿੰਕੂ ਸਿੰਘ (ਨਾਬਾਦ 15) ਅਤੇ ਰਹਾਣੇ ਨੇ ਮਿਲ ਕੇ ਟੀਮ ਨੂੰ ਸਿਰਫ਼ 10.1 ਓਵਰਾਂ ਵਿੱਚ ਜਿੱਤ ਦਿਵਾਈ।
