Navratri 2026: ਕੱਲ੍ਹ ਤੋਂ ਸ਼ੁਰੂ ਹੋ ਰਹੇ ਨਰਾਤੇ, ਵਰਤ ਦੀ ਥਾਲੀ ਵਿੱਚ ਸਜਾਓ ਇਹ ਪੌਸ਼ਟਿਕ ਚੀਜ਼ਾਂ
Narate 2026: ਚੈਤਰ ਦੇ ਨਰਾਤੇ ਕੱਲ੍ਹ ਤੋਂ ਸ਼ੁਰੂ ਹੋਣ ਜਾ ਰਹੇ ਹਨ। ਇਸ ਖਾਸ ਮੌਕੇ 'ਤੇ, ਸ਼ਰਧਾਲੂ ਨੌਂ ਦਿਨਾਂ ਦਾ ਵਰਤ ਰੱਖਦੇ ਹਨ, ਜਿਸ ਲਈ ਉਨ੍ਹਾਂ ਨੂੰ ਆਪਣੀ ਖੁਰਾਕ ਅਤੇ ਸਿਹਤ ਦਾ ਵਿਸ਼ੇਸ਼ ਧਿਆਨ ਰੱਖਣਾ ਪੈਂਦਾ ਹੈ। ਜੇਕਰ ਤੁਸੀਂ ਵੀ ਇਸ ਵਾਰ ਵਰਤ ਰੱਖਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਆਪਣੀ ਥਾਲੀ ਵਿੱਚ ਕੁਝ ਚੀਜ਼ਾਂ ਸ਼ਾਮਲ ਕਰਨਾ ਨਾ ਭੁੱਲਣਾ। ਉਨ੍ਹਾਂ ਬਾਰੇ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ।
Chaitra Navratri 2026: ਨਰਾਤਿਆਂ ਦਾ ਤਿਉਹਾਰ ਵਿਸ਼ਵਾਸ ਅਤੇ ਸ਼ਰਧਾ ਨਾਲ ਜੁੜਿਆ ਹੋਇਆ ਹੈ। ਇਸ ਸਾਲ, ਚੈਤਰ ਨਵਰਾਤਰੀ 19 ਮਾਰਚ ਯਾਨੀ ਕੱਲ੍ਹ ਤੋਂ ਸ਼ੁਰੂ ਹੋ ਰਹੇ ਹਨ। ਇਸ ਨੌਂ ਦਿਨਾਂ ਦੇ ਤਿਉਹਾਰ ਦੌਰਾਨ, ਸ਼ਰਧਾਲੂ ਵਰਤ ਰੱਖਦੇ ਹਨ ਅਤੇ ਦੇਵੀ ਦੁਰਗਾ ਦੀ ਪੂਜਾ ਵਿੱਚ ਲੀਨ ਰਹਿੰਦੇ ਹਨ। ਹਾਲਾਂਕਿ, ਅਕਸਰ ਵਰਤ ਦੌਰਾਨ ਖੁਰਾਕ ਬਾਰੇ ਸਹੀ ਜਾਣਕਾਰੀ ਦੀ ਘਾਟ ਕਾਰਨ, ਲੋਕ ਆਪਣੇ ਪੋਸ਼ਣ ਨਾਲ ਸਮਝੌਤਾ ਕਰ ਲੈਂਦੇ ਹਨ। ਅਕਸਰ, ਲੋਕ ਆਪਣੇ ਪੇਟ ਨੂੰ ਭਰਨ ਲਈ ਤਲੇ ਹੋਏ ਜਾਂ ਸਟਾਰਚ ਵਾਲੇ ਭੋਜਨ ਖਾਂ ਲੈਂਦੇ ਹਨ, ਜਿਸ ਨਾਲ ਸਰੀਰ ਨੂੰਲ ਜ਼ਰੂਰੀ ਵਿਟਾਮਿਨ, ਖਣਿਜ ਅਤੇ ਊਰਜਾ ਨਹੀਂ ਮਿਲ ਪਾਉਂਦੀ ਹੈ।
ਅਸਲ ਵਿੱਚ, ਵਰਤ ਰੱਖਣ ਦਾ ਮਤਲਬ ਸਿਰਫ਼ ਭੋਜਨ ਛੱਡਣਾ ਨਹੀਂ ਹੁੰਦਾ ਹੈ, ਸਗੋਂ ਸਹੀ ਅਤੇ ਸੰਤੁਲਿਤ ਖੁਰਾਕ ਦੁਆਰਾ ਸਰੀਰ ਨੂੰ ਡੀਟੌਕਸੀਫਾਈ ਕਰਨਾ ਵੀ ਹੈ। ਇਸ ਲਈ, ਆਪਣੀ ਵਰਤ ਵਾਲੀ ਥਾਲੀ ਵਿੱਚ ਉਹ ਚੀਜ਼ਾਂ ਸ਼ਾਮਲ ਕਰਨਾ ਮਹੱਤਵਪੂਰਨ ਹੈ ਜੋ ਨਾ ਸਿਰਫ਼ ਊਰਜਾ ਪ੍ਰਦਾਨ ਕਰਦੀਆਂ ਹਨ ਬਲਕਿ ਸਰੀਰ ਨੂੰ ਪੋਸ਼ਣ ਵੀ ਦਿੰਦੀਆਂ ਹਨ। ਜੇਕਰ ਤੁਸੀਂ ਇਸ ਵਾਰ ਵਰਤ ਰੱਖਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਲੇਖ ਤੁਹਾਡੇ ਲਈ ਹੈ। ਇੱਥੇ, ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਨਰਾਤਿਆਂ ਦੇ ਵਰਤ ਦੌਰਾਨ ਤੁਹਾਨੂੰ ਆਪਣੀ ਪਲੇਟ ਵਿੱਚ ਕੀ ਸ਼ਾਮਲ ਕਰਨਾ ਚਾਹੀਦਾ ਹੈ।
ਰਾਜਗੀਰਾ (ਅਮਰੰਥ) ਦੇ ਲੱਡੂ ਜਾਂ ਰੋਟੀ
ਰਾਜਗੀਰਾ ਪ੍ਰੋਟੀਨ, ਕੈਲਸ਼ੀਅਮ ਅਤੇ ਆਇਰਨ ਨਾਲ ਭਰਪੂਰ ਹੁੰਦਾ ਹੈ, ਜੋ ਇਸਨੂੰ ਵਰਤ ਦੌਰਾਨ ਸੁਪਰਫੂਡ ਬਣਾਉਂਦਾ ਹੈ। ਇਸਦਾ ਲੱਡੂ ਜਾਂ ਰੋਟੀ ਖਾਣ ਨਾਲ ਲੰਬੇ ਸਮੇਂ ਤੱਕ ਪੇਟ ਭਰਿਆ ਰਹਿੰਦਾ ਹੈ ਅਤੇ ਤੁਹਾਨੂੰ ਭਰਪੂਰ ਊਰਜਾ ਵੀ ਮਿਲਦੀ ਹੈ।
ਭੁੰਨਿਆ ਹੋਇਆ ਮਖਾਨਾ ਵੀ ਹੈ ਫਾਇਦੇਮੰਦ
ਹੈਲਥਲਾਈਨ ਦੇ ਅਨੁਸਾਰ, ਮਖਾਨਾ ਹਲਕਾ, ਘੱਟ ਕੈਲੋਰੀ ਵਾਲਾ ਅਤੇ ਪੋਸ਼ਣ ਨਾਲ ਭਰਪੂਰ ਹੁੰਦਾ ਹੈ। ਘਿਓ ਵਿੱਚ ਹਲਕਾ ਜਿਹਾ ਭੁੰਨਿਆ ਹੋਇਆ ਇਹ ਇੱਕ ਹੈਲਦੀ ਸਨੈਕ ਬਣ ਜਾਂਦਾ ਹੈ ਜੋ ਭੁੱਖ ਨੂੰ ਸ਼ਾਂਤ ਕਰਦਾ ਹੈ ਅਤੇ ਭਾਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ। ਇਹ ਵਰਤ ਲਈ ਇੱਕ ਵਧੀਆ ਵਿਕਲਪ ਹੈ।
ਸ਼ਕਰਕੰਦੀ ਦੀ ਚਾਟ
ਸ਼ਕਰਕੰਦੀ ਫਾਈਬਰ ਅਤੇ ਕੰਪਲੈਕਸ ਕਾਰਬਸ ਨਾਲ ਭਰਪੂਰ ਹੁੰਦੀ ਹੈ। ਵਰਤ ਦੌਰਾਨ ਇਸਨੂੰ ਖਾਣ ਦੀ ਵੀ ਰਵਾਇਤ ਹੈ। ਤੁਸੀਂ ਸ਼ਕਰਕੰਦੀ ਨੂੰ ਉਬਾਲ ਜਾਂ ਭੁੰਨ ਸਕਦੇ ਹੋ, ਨਮਕ ਅਤੇ ਨਿੰਬੂ ਪਾ ਕੇ ਚਾਟ ਬਣਾ ਸਕਦੇ ਹੋ। ਇਹ ਖਾਣ ਵਿੱਚ ਟੈਸਟਾ ਹੁੰਦਾ ਹੈ ਅਤੇ ਤੁਰੰਤ ਊਰਜਾ ਪ੍ਰਦਾਨ ਕਰਦਾ ਹੈ।
ਇਹ ਵੀ ਪੜ੍ਹੋ
ਸਮਕ ਦੇ ਚੌਲ (ਵਰਤ ਦੇ ਚੌਲ)
ਸਮਕ ਦੇ ਚੌਲ ਗਲੂਟਨ-ਫਰੀ ਅਤੇ ਆਸਾਨੀ ਨਾਲ ਪਚਣਯੋਗ ਹੁੰਦੇ ਹਨ, ਇਸੇ ਕਰਕੇ ਵਰਤ ਦੌਰਾਨ ਇਸਨੂੰ ਖਾਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਤੁਸੀਂ ਇਸਨੂੰ ਆਪਣੀ ਵਰਤ ਵਾਲੀ ਥਾਲੀ ਵਿੱਚ ਵੀ ਸ਼ਾਮਲ ਕਰ ਸਕਦੇ ਹੋ। ਇਸਦੀ ਵਰਤੋਂ ਖਿਚੜੀ ਜਾਂ ਪੁਲਾਓ ਬਣਾਉਣ ਲਈ ਕੀਤੀ ਜਾ ਸਕਦੀ ਹੈ, ਜਿਸਨੂੰ ਵਰਤ ਦੌਰਾਨ ਇੱਕ ਹੈਲਦੀ ਅਤੇ ਹਲਕਾ ਵਿਕਲਪ ਮੰਨਿਆ ਜਾਂਦਾ ਹੈ।
ਮੂੰਗਫਲੀ ਦਹੀਂ ਚਾਟ
ਕੁਝ ਲੋਕ ਵਰਤ ਦੌਰਾਨ ਮੂੰਗਫਲੀ ਖਾਂਦੇ ਹਨ। ਪਰ ਜੇਕਰ ਤੁਸੀਂ ਇਸਨੂੰ ਹੋਰ ਵੀ ਸੁਆਦੀ ਅਤੇ ਸਿਹਤਮੰਦ ਬਣਾਉਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਸ ਵਿੱਚ ਦਹੀਂ ਪਾ ਸਕਦੇ ਹੋ। ਭੁੰਨੀ ਹੋਈ ਮੂੰਗਫਲੀ ਨੂੰ ਦਹੀਂ ਵਿੱਚ ਮਿਲਾਓ ਅਤੇ ਚਾਟ ਬਣਾਉਣ ਲਈ ਕੁਝ ਮਸਾਲੇ ਪਾਓ। ਇਹ ਪ੍ਰੋਟੀਨ ਨਾਲ ਭਰਪੂਰ ਭੋਜਨ ਹੈ ਜੋ ਲੰਬੇ ਸਮੇਂ ਤੱਕ ਪੇਟ ਨੂੰ ਭਰਿਆ ਹੋਇਆ ਰੱਖਦਾ ਹੈ ਅਤੇ ਸੁਸਤੀ ਤੋਂ ਵੀ ਬਚਾਉਂਦਾ ਹੈ।
ਇਨ੍ਹਾਂ ਗੱਲਾਂ ਦਾ ਵੀ ਰੱਖੋ ਧਿਆਨ
ਦਿੱਲੀ ਦੇ ਸ਼੍ਰੀ ਬਾਲਾਜੀ ਐਕਸ਼ਨ ਮੈਡੀਕਲ ਇੰਸਟੀਚਿਊਟ ਦੀ ਚੀਫ ਡਾਇਟੀਸ਼ੀਅਨ ਪ੍ਰਿਆ ਪਾਲੀਵਾਲ ਦੱਸਦੀ ਹੈ ਕਿ ਵਰਤ ਦੌਰਾਨ ਖੁਰਾਕ ਦੇ ਨਾਲ-ਨਾਲ ਕਸਰਤ ਵੱਲ ਵੀ ਵਿਸ਼ੇਸ਼ ਧਿਆਨ ਦੇਣ ਦੀ ਲੋੜ ਹੁੰਦੀ ਹੈ। ਉਨ੍ਹਾਂ ਦੇ ਅਨੁਸਾਰ, ਵਰਤ ਦੌਰਾਨ ਹਲਕਾ ਅਤੇ ਪੌਸ਼ਟਿਕ ਭੋਜਨ ਖਾਣਾ ਚਾਹੀਦਾ ਹੈ, ਜਿਸ ਵਿੱਚ ਫਲ, ਸੁੱਕੇ ਮੇਵੇ, ਮਖਾਨੇ ਅਤੇ ਦੁੱਧ ਸ਼ਾਮਲ ਹਨ। ਇਹ ਭੋਜਨ ਸਰੀਰ ਨੂੰ ਊਰਜਾ ਪ੍ਰਦਾਨ ਕਰਦੇ ਹਨ ਅਤੇ ਪੇਟ ਨੂੰ ਲੰਬੇ ਸਮੇਂ ਤੱਕ ਭਰਿਆ ਰੱਖਣ ਵਿੱਚ ਮਦਦ ਕਰਦੇ ਹਨ। ਇਸ ਤੋਂ ਇਲਾਵਾ, ਵਰਤ ਦੌਰਾਨ ਯੋਗਾ ਜਾਂ ਹਲਕੀ ਕਸਰਤ ਕਰਨਾ ਵੀ ਲਾਭਦਾਇਕ ਹੈ। ਇਹ ਸੁਸਤੀ ਨੂੰ ਰੋਕਦਾ ਹੈ ਅਤੇ ਇਕਾਗਰਤਾ ਨੂੰ ਵਧਾਉਂਦਾ ਹੈ।
