Maa Katyayani Katha: ਨਰਾਤਿਆਂ ਦੇ ਛੇਵੇਂ ਦਿਨ ਜ਼ਰੂਰ ਪੜ੍ਹੋ ਮਾਂ ਕਾਤਿਆਯਨੀ ਦੀ ਕਥਾ, ਆਰਤੀ ਨਾਲ ਪੂਰੀ ਹੋਵੇਗੀ ਪੂਜਾ
Maa Katyayani Aarti: ਸ਼ਾਰਦੀਆ ਨਰਾਤਿਆਂ ਦਾ ਅੱਜ ਛੇਵਾਂ ਦਿਨ ਹੈ, ਜੋ ਮਾਂ ਕਾਤਿਆਯਨੀ ਨੂੰ ਸਮਰਪਿਤ ਹੈ। ਮਾਨਤਾ ਹੈ ਕਿ ਇਸ ਦਿਨ ਮਾਂ ਦੀ ਪੂਜਾ-ਅਰਚਨਾ ਕਰਨ ਨਾਲ ਵਿਆਹ ਵਿੱਚ ਆਉਣ ਵਾਲੀਆਂ ਰੁਕਾਵਟਾਂ ਦੂਰ ਹੁੰਦੀਆਂ ਹਨ ਅਤੇ ਜੀਵਨ ਵਿੱਚ ਸੁੱਖ-ਸਮ੍ਰਿੱਧੀ ਆਉਂਦੀ ਹੈ।
Maa Katyayani Katha Aarti: ਸ਼ਾਰਦੀਆ ਨਰਾਤਿਆਂ ਦਾ ਅੱਜ ਸ਼ੁੱਕਰਵਾਰ, 16 ਅਕਤੂਬਰ ਨੂੰ ਛੇਵਾਂ ਦਿਨ ਹੈ, ਜੋ ਮਾਂ ਦੁਰਗਾ ਦੇ ਛੇਵੇਂ ਸਰੂਪ ਮਾਂ ਕਾਤਿਆਯਨੀ ਨੂੰ ਸਮਰਪਿਤ ਹੈ। ਇਸ ਦਿਨ ਸ਼ਰਧਾਲੂ ਮਾਂ ਕਾਤਿਆਯਨੀ ਦੀ ਵਿਧੀ-ਵਿਧਾਨ ਨਾਲ ਪੂਜਾ-ਅਰਚਨਾ ਕਰਦੇ ਹਨ ਅਤੇ ਸੁੱਖ-ਸਮ੍ਰਿੱਧੀ, ਸਾਹਸ ‘ਤੇ ਸ਼ਕਤੀ ਦਾ ਆਸ਼ੀਰਵਾਦ ਮੰਗਦੇ ਹਨ। ਮਾਂ ਕਾਤਿਆਯਨੀ ਸ਼ੇਰ ‘ਤੇ ਸਵਾਰ ਹੁੰਦੇ ਹਨ ਅਤੇ ਉਨ੍ਹਾਂ ਦੀਆਂ ਚਾਰ ਭੁਜਾਵਾਂ ਹਨ। ਉਨ੍ਹਾਂ ਦੇ ਇੱਕ ਹੱਥ ਵਿੱਚ ਤਲਵਾਰ ਅਤੇ ਦੂਜੇ ਹੱਥ ਵਿੱਚ ਕਮਲ ਦਾ ਫੁੱਲ ਸੁਸ਼ੋਭਿਤ ਹੈ, ਜਦਕਿ ਬਾਕੀ ਦੋ ਹੱਥ ਅਭੈ ਮੁਦਰਾ ਅਤੇ ਵਰਦ ਮੁਦਰਾ ਵਿੱਚ ਹਨ। ਧਾਰਮਿਕ ਮਾਨਤਾਵਾਂ ਅਨੁਸਾਰ, ਮਾਂ ਕਾਤਿਆਯਨੀ ਦੀ ਉਪਾਸਨਾ ਕਰਨ ਨਾਲ ਨਕਾਰਾਤਮਕਤਾ ਦੂਰ ਹੁੰਦੀ ਹੈ ਅਤੇ ਜੀਵਨ ਦੀਆਂ ਰੁਕਾਵਟਾਂ ਨਾਲ ਲੜਨ ਦੀ ਸ਼ਕਤੀ ਮਿਲਦੀ ਹੈ। ਵਿਆਹ ਵਿੱਚ ਆਉਣ ਵਾਲੀਆਂ ਅੜਚਣਾਂ ਨੂੰ ਦੂਰ ਕਰਨ ਅਤੇ ਯੋਗ ਜੀਵਨ ਸਾਥੀ ਦੀ ਕਾਮਨਾ ਲਈ ਵੀ ਮਾਂ ਦੀ ਪੂਜਾ ਨੂੰ ਵਿਸ਼ੇਸ਼ ਫਲਦਾਇਕ ਮੰਨਿਆ ਜਾਂਦਾ ਹੈ।
ਨਰਾਤਿਆਂ ਦੇ ਛੇਵੇਂ ਦਿਨ ਮਾਂ ਕਾਤਿਆਯਨੀ ਦੀ ਪੂਜਾ ਦੇ ਨਾਲ ਉਨ੍ਹਾਂ ਦੀ ਕਥਾ ਪੜ੍ਹਨ ਅਤੇ ਆਰਤੀ ਕਰਨ ਦਾ ਵੀ ਵਿਸ਼ੇਸ਼ ਮਹੱਤਵ ਹੈ। ਮਾਨਤਾ ਹੈ ਕਿ ਮਾਂ ਦੀ ਕਥਾ ਸੁਣਨ ਅਤੇ ਪੜ੍ਹਨ ਨਾਲ ਸ਼ਰਧਾਲੂਆਂ ਨੂੰ ਉਨ੍ਹਾਂ ਦੀ ਮਹਿਮਾ ਬਾਰੇ ਜਾਣਕਾਰੀ ਮਿਲਦੀ ਹੈ ਅਤੇ ਮਨ ਵਿੱਚ ਸ਼ਰਧਾ ‘ਤੇ ਭਗਤੀ ਦੀ ਭਾਵਨਾ ਵਧਦੀ ਹੈ। ਉੱਥੇ ਹੀ, ਪੂਜਾ ਦੇ ਅੰਤ ਵਿੱਚ ਆਰਤੀ ਕਰਕੇ ਮਾਂ ਪ੍ਰਤੀ ਆਪਣੀ ਆਸਥਾ ਪ੍ਰਗਟ ਕੀਤੀ ਜਾਂਦੀ ਹੈ। ਕਿਹਾ ਜਾਂਦਾ ਹੈ ਕਿ ਸੱਚੇ ਮਨ ਨਾਲ ਮਾਂ ਕਾਤਿਆਯਨੀ ਦੀ ਅਰਾਧਨਾ ਕਰਨ ਨਾਲ ਸ਼ਰਧਾਲੂਆਂ ਦੇ ਦੁੱਖ ਦੂਰ ਹੁੰਦੇ ਹਨ ਅਤੇ ਉਨ੍ਹਾਂ ਨੂੰ ਸੁੱਖ-ਸਮ੍ਰਿੱਧੀ ਦਾ ਆਸ਼ੀਰਵਾਦ ਮਿਲਦਾ ਹੈ। ਅਜਿਹੇ ਵਿੱਚ ਆਓ ਜਾਣਦੇ ਹਾਂ ਮਾਂ ਕਾਤਿਆਯਨੀ ਦੀ ਪੌਰਾਣਿਕ ਕਥਾ ਅਤੇ ਉਨ੍ਹਾਂ ਦੀ ਆਰਤੀ।
ਮਾਂ ਕਾਤਿਆਯਨੀ ਦੀ ਕਥਾ
ਪੌਰਾਣਿਕ ਮਾਨਤਾਵਾਂ ਅਨੁਸਾਰ, ਮਹਾਰਿਸ਼ੀ ਕਾਤਿਆਯਨ ਮਾਂ ਆਦਿ ਸ਼ਕਤੀ ਦੇ ਪਰਮ ਭਗਤ ਸਨ। ਉਨ੍ਹਾਂ ਨੇ ਮਾਂ ਦੁਰਗਾ ਨੂੰ ਆਪਣੀ ਪੁੱਤਰੀ ਦੇ ਰੂਪ ਵਿੱਚ ਪ੍ਰਾਪਤ ਕਰਨ ਦੀ ਇੱਛਾ ਨਾਲ ਕਈ ਸਾਲਾਂ ਤੱਕ ਕਠਿਨ ਤਪੱਸਿਆ ਕੀਤੀ। ਉਨ੍ਹਾਂ ਦੀ ਤਪੱਸਿਆ ਤੋਂ ਪ੍ਰਸੰਨ ਹੋ ਕੇ ਮਾਂ ਭਗਵਤੀ ਨੇ ਉਨ੍ਹਾਂ ਦੀ ਮਨੋਕਾਮਨਾ ਸਵੀਕਾਰ ਕਰ ਲਈ ਅਤੇ ਉਨ੍ਹਾਂ ਦੇ ਘਰ ਪੁੱਤਰੀ ਦੇ ਰੂਪ ਵਿੱਚ ਜਨਮ ਲਿਆ। ਮਹਾਰਿਸ਼ੀ ਕਾਤਿਆਯਨ ਦੀ ਪੁੱਤਰੀ ਹੋਣ ਕਾਰਨ ਦੇਵੀ ਦਾ ਨਾਮ ਕਾਤਿਆਯਨੀ ਪਿਆ।
ਇੱਕ ਹੋਰ ਪੌਰਾਣਿਕ ਕਥਾ ਅਨੁਸਾਰ, ਜਦੋਂ ਦੈਂਤ ਮਹਿਸ਼ਾਸੁਰ ਦੇ ਅੱਤਿਆਚਾਰ ਵਧਣ ਲੱਗੇ, ਤਾਂ ਸਾਰੇ ਦੇਵਤੇ ਉਸ ਦੇ ਦਹਿਸ਼ਤ ਤੋਂ ਪਰੇਸ਼ਾਨ ਹੋ ਗਏ। ਮਹਿਸ਼ਾਸੁਰ ਦਾ ਅੰਤ ਕਰਨ ਲਈ ਦੇਵਤਿਆਂ ਦੇ ਕ੍ਰੋਧ ਅਤੇ ਤੇਜ ਤੋਂ ਇੱਕ ਦਿਵਯ ਸ਼ਕਤੀ ਪ੍ਰਗਟ ਹੋਈ, ਜੋ ਮਾਂ ਦੁਰਗਾ ਦਾ ਹੀ ਸਰੂਪ ਸੀ। ਮਾਨਤਾ ਹੈ ਕਿ ਮਹਾਰਿਸ਼ੀ ਕਾਤਿਆਯਨ ਨੇ ਸਭ ਤੋਂ ਪਹਿਲਾਂ ਇਸ ਦੇਵੀ ਦੀ ਪੂਜਾ ਕੀਤੀ ਸੀ, ਇਸ ਲਈ ਉਨ੍ਹਾਂ ਨੂੰ ਕਾਤਿਆਯਨੀ ਕਿਹਾ ਗਿਆ। ਇਸ ਤੋਂ ਬਾਅਦ ਮਾਂ ਕਾਤਿਆਯਨੀ ਨੇ ਮਹਿਸ਼ਾਸੁਰ ਨਾਲ ਭਿਆਨਕ ਯੁੱਧ ਕੀਤਾ ਅਤੇ ਉਸ ਦਾ ਵਧ ਕਰਕੇ ਦੇਵਤਿਆਂ ਨੂੰ ਉਸ ਦੇ ਅੱਤਿਆਚਾਰਾਂ ਤੋਂ ਮੁਕਤੀ ਦਿਵਾਈ। ਇਸੇ ਕਾਰਨ ਮਾਂ ਨੂੰ ਮਹਿਖਾਸੁਰਮਰਦਿਨੀ ਦੇ ਨਾਮ ਨਾਲ ਵੀ ਜਾਣਿਆ ਜਾਂਦਾ ਹੈ।
ਮਾਂ ਕਾਤਿਆਯਨੀ ਦੀ ਆਰਤੀ
ਜੈ ਜੈ ਅੰਬੇ, ਜੈ ਕਾਤਿਆਯਨੀ,
ਇਹ ਵੀ ਪੜ੍ਹੋ
ਜੈ ਜਗਮਾਤਾ, ਜਗ ਦੀ ਮਹਾਰਾਣੀ।
ਬੈਜਨਾਥ ਸਥਾਨ ਤੁਹਾਡਾ,
ਉੱਥੇ ਵਰਦਾਤੀ ਨਾਮ ਪੁਕਾਰਿਆ।
ਕਈ ਨਾਮ ਹਨ, ਕਈ ਧਾਮ ਹਨ,
ਇਹ ਸਥਾਨ ਵੀ ਤਾਂ ਸੁੱਖਧਾਮ ਹੈ।
ਹਰ ਮੰਦਰ ਵਿੱਚ ਜੋਤ ਤੁਹਾਡੀ,
ਕਿਤੇ ਯੋਗੇਸ਼ਵਰੀ ਮਹਿਮਾ ਨਿਆਰੀ।
ਹਰ ਥਾਂ ਉਤਸਵ ਹੁੰਦੇ ਰਹਿੰਦੇ,
ਹਰ ਮੰਦਰ ਵਿੱਚ ਭਗਤ ਹਨ ਕਹਿੰਦੇ।
ਕਾਤਿਆਯਨੀ ਰੱਖਿਅਕ ਕਾਇਆ ਦੀ,
ਗੰਢ ਕੱਟੇ ਮੋਹ-ਮਾਇਆ ਦੀ।
ਝੂਠੇ ਮੋਹ ਤੋਂ ਛੁਡਾਉਣ ਵਾਲੀ,
ਜੈ ਜੈ ਅੰਬੇ, ਜੈ ਕਾਤਿਆਯਨੀ।
ਜੈ ਜਗਮਾਤਾ, ਜਗ ਦੀ ਮਹਾਰਾਣੀ,
ਆਪਣਾ ਨਾਮ ਜਪਾਉਣ ਵਾਲੀ।
ਵੀਰਵਾਰ ਨੂੰ ਪੂਜਾ ਕਰਿਓ,
ਮਾਂ ਕਾਤਿਆਯਨੀ ਦਾ ਧਿਆਨ ਧਰਿਓ।
ਹਰ ਸੰਕਟ ਨੂੰ ਦੂਰ ਕਰੇਗੀ,
ਭੰਡਾਰੇ ਭਰਪੂਰ ਕਰੇਗੀ।
ਜੋ ਵੀ ਮਾਂ ਨੂੰ ਭਗਤ ਪੁਕਾਰੇ,
ਕਾਤਿਆਯਨੀ ਸਭ ਕਸ਼ਟ ਨਿਵਾਰੇ।
ਜੈ ਜੈ ਅੰਬੇ, ਜੈ ਕਾਤਿਆਯਨੀ,
ਜੈ ਜਗਮਾਤਾ, ਜਗ ਦੀ ਮਹਾਰਾਣੀ।
Disclaimer: ਇਸ ਖ਼ਬਰ ਵਿੱਚ ਦਿੱਤੀ ਗਈ ਜਾਣਕਾਰੀ ਧਾਰਮਿਕ ਮਾਨਤਾਵਾਂ ਅਤੇ ਆਮ ਜਾਣਕਾਰੀਆਂ ‘ਤੇ ਆਧਾਰਿਤ ਹੈ। ਟੀਵੀ9 ਭਾਰਤਵਰਸ਼ ਪੰਜਾਬੀ ਇਸ ਦੀ ਪੁਸ਼ਟੀ ਨਹੀਂ ਕਰਦਾ।
Source: TV9Hindi.com
