ਲੁਧਿਆਣਾ ‘ਚ ਤੇਜ਼ ਰਫ਼ਤਾਰ ਕਾਰ ਨੇ ਮਾਰੀ ਟੱਕਰ, 3 ਲੋਕ ਜ਼ਖਮੀ, CCTV ‘ਚ ਕੈਦ ਹੋਈ ਘਟਨਾ
Ludhiana Road Accident: ਲੁਧਿਆਣਾ ਚ ਇੱਕ ਤੇਜ਼ ਰਫਤਾਰ ਕਾਰ ਦਾ ਕਹਿਰ ਦੇਖਣ ਨੂੰ ਮਿਲਿਆ ਹੈ ਦੱਸ ਦਈਏ ਕਿ ਇਹ ਘਟਨਾ ਨੀਲਾ ਝੰਡਾ ਰੋਡ ਦੀ ਹੈ ਜਿੱਥੇ ਇਸ ਤੇਜ਼ ਰਫਤਾਰ ਗੱਡੀ ਦੇ ਕਹਿਰ ਦੌਰਾਨ ਦੋ ਤੋਂ ਤਿੰਨ ਲੋਕ ਗੰਭੀਰ ਰੂਪ ਚ ਜ਼ਖਮੀ ਹੋਏ ਹਨ ਅਤੇ ਇੱਕ ਦੇ ਬਾਂਹ ਤੇ ਸੱਟ ਲੱਗੀ ਹੈ।
ਲੁਧਿਆਣਾ ਚ ਇੱਕ ਤੇਜ਼ ਰਫਤਾਰ ਕਾਰ ਦਾ ਕਹਿਰ ਦੇਖਣ ਨੂੰ ਮਿਲਿਆ ਹੈ ਦੱਸ ਦਈਏ ਕਿ ਇਹ ਘਟਨਾ ਨੀਲਾ ਝੰਡਾ ਰੋਡ ਦੀ ਹੈ ਜਿੱਥੇ ਇਸ ਤੇਜ਼ ਰਫਤਾਰ ਗੱਡੀ ਦੇ ਕਹਿਰ ਦੌਰਾਨ ਦੋ ਤੋਂ ਤਿੰਨ ਲੋਕ ਗੰਭੀਰ ਰੂਪ ਚ ਜ਼ਖਮੀ ਹੋਏ ਹਨ ਅਤੇ ਇੱਕ ਦੇ ਬਾਂਹ ਤੇ ਸੱਟ ਲੱਗੀ ਹੈ, ਜਦਕਿ ਦੂਜੇ ਦੇ ਸਿਰ ‘ਤੇ ਟਾਂਕੇ ਵੀ ਲੱਗੇ ਹਨ। ਇਸ ਘਟਨਾ ਦੀ ਸੀਸੀਟੀਵੀ ਵੀਡੀਓ ਵੀ ਸਾਹਮਣੇ ਆਈ ਹੈ ਜਿਸ ਤੋਂ ਬਾਅਦ ਮੌਕੇ ਤੇ ਪਹੁੰਚੀ ਪੁਲਿਸ ਵਲੋਂ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਜਾਣਕਾਰੀ ਅਨੁਸਾਰ, ਮਨੂ ਨਾਮ ਦੇ ਇੱਕ ਵਿਅਕਤੀ ਨੇ ਆਪਣੀ ਜ਼ੈਨ ਕਾਰ ਨੀਲਾ ਝੰਡਾ ਰੋਡ ‘ਤੇ ਇੱਕ ਕਾਰ ਵਾਸ਼ ਸੈਂਟਰ ਨੂੰ ਧੋਣ ਲਈ ਦਿੱਤੀ ਸੀ। ਕਾਰ ਧੋਣ ਤੋਂ ਬਾਅਦ, ਕੁਝ ਨਾਬਾਲਗ ਉੱਥੇ ਖੜ੍ਹੇ ਸਨ। ਆਰੋਪ ਹੈ ਕਿ ਸਰਵਿਸ ਸਟੇਸ਼ਨ ਦੇ ਮਾਲਕ ਨੇ ਲਾਪਰਵਾਹੀ ਨਾਲ ਕੰਮ ਕਰਦੇ ਹੋਏ, ਕਾਰ ਦੀਆਂ ਚਾਬੀਆਂ ਮੁੰਡਿਆਂ ਨੂੰ ਦੇ ਦਿੱਤੀਆਂ ਅਤੇ ਉਨ੍ਹਾਂ ਨੂੰ ਗੱਡੀ ਸਾਈਡ ‘ਤੇ ਪਾਰਕ ਕਰਨ ਲਈ ਕਿਹਾ। ਹੈਰਾਨੀ ਦੀ ਗੱਲ ਹੈ ਕਿ ਕਾਰ ਚਲਾ ਰਹੇ ਸਾਰੇ ਮੁੰਡੇ 16 ਸਾਲ ਤੋਂ ਘੱਟ ਉਮਰ ਦੇ ਸਨ।
100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਸੀ ਰਫ਼ਤਾਰ
ਸ਼ੁੱਕਰਵਾਰ ਦੇਰ ਰਾਤ ਮੁੰਡਿਆਂ ਨੇ ਕਾਰ ਨੂੰ ਘੁੰਮਾਇਆ, ਅਤੇ ਬਾਜ਼ਾਰ ਦੇ ਵਿਚਕਾਰ ਉਨ੍ਹਾਂ ਨੇ ਕਾਰ ਨੂੰ ਲਗਭਗ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਭਜਾ ਦਿੱਤਾ। ਰਫ਼ਤਾਰ ਇੰਨੀ ਤੇਜ਼ ਸੀ ਕਿ ਮੁੰਡਿਆਂ ਨੇ ਕੰਟਰੋਲ ਗੁਆ ਦਿੱਤਾ ਅਤੇ ਕਾਰ ਪੈਦਲ ਚੱਲਣ ਵਾਲਿਆਂ ਲੋਕਾਂ ਨੂੰ ਕੁਚਲਦੀ ਗਈ। ਹਾਦਸੇ ਵਿੱਚ ਕਾਰ ਨੂੰ ਵੀ ਭਾਰੀ ਨੁਕਸਾਨ ਪਹੁੰਚਿਆ।
ਸੀਸੀਟੀਵੀ ਵਿੱਚ ਕੈਦ ਹੋਇਆ ਭਿਆਨਕ ਹਾਦਸਾ
ਹਾਦਸੇ ਤੋਂ ਬਾਅਦ ਘਟਨਾ ਸਥਾਨ ‘ਤੇ ਹਫੜਾ-ਦਫੜੀ ਮਚ ਗਈ। ਨੇੜਲੇ ਦੁਕਾਨਦਾਰਾਂ ਅਤੇ ਰਾਹਗੀਰਾਂ ਨੇ ਤੁਰੰਤ ਜ਼ਖਮੀਆਂ ਦੀ ਮਦਦ ਕੀਤੀ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਨੇੜਲੇ ਕਲੀਨਿਕ ਵਿੱਚ ਪਹੁੰਚਾਇਆ। ਇਹ ਸਾਰੀ ਘਟਨਾ ਨੇੜਲੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ।
ਫੁਟੇਜ ਵਿੱਚ ਤੇਜ਼ ਰਫ਼ਤਾਰ ਕਾਰ ਪੈਦਲ ਚੱਲਣ ਵਾਲਿਆਂ ਨੂੰ ਟੱਕਰ ਮਾਰਦੀ ਅਤੇ ਫਿਰ ਭੱਜਦੀ ਦਿਖਾਈ ਦੇ ਰਹੀ ਹੈ। ਪੁਲਿਸ ਨੂੰ ਘਟਨਾ ਦੀ ਸੂਚਨਾ ਦੇ ਦਿੱਤੀ ਗਈ ਹੈ। ਪੁਲਿਸ ਸੀਸੀਟੀਵੀ ਫੁਟੇਜ ਦੇ ਆਧਾਰ ‘ਤੇ ਜਾਂਚ ਕਰ ਰਹੀ ਹੈ ਅਤੇ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ
