ਇੱਕ ਜੁਲਾਈ ਤੋਂ ‘ਧੀਆਂ-ਭੈਣਾਂ’ ਦੇ ਖਾਤਿਆਂ ‘ਚ ਆ ਰਹੇ ਗੱਫੇ, ਸੀਐਮ ਮਾਨ ਨੇ ਕਰ ਦਿੱਤਾ ਐਲਾਨ

Mawan Dhiyan Satkar Yojna: ਪੰਜਾਬ ਸਰਕਾਰ ਦੀ ਵੱਡੀ ਸਕੀਮ ਮਾਵਾਂ ਧੀਆਂ ਸਤਿਕਾਰ ਯੋਜਨਾ ਦੇ ਤਹਿਤ ਹੁਣ ਔਰਤਾਂ ਨੂੰ ਪੈਸੇ ਮਿਲਣ ਜਾ ਰਹੇ ਹਨ। ਸੀਐਮ ਭਗਵੰਤ ਮਾਨ ਨੇ ਖੁਦ ਇਸ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜੁਲਾਈ ਤੋਂ ਔਰਤਾਂ ਦੇ ਬੈਂਕਾਂ ਵਿੱਚ ਕਿੰਨੇ ਪੈਸੈ ਆਉਣੇ ਸ਼ੁਰੂ ਹੋ ਜਾਣਗੇ। ਉਨ੍ਹਾਂ ਕਿਹਾ ਕਿ ਹੁਣ ਇਹ ਸਕੀਮ ਬੰਦ ਨਹੀਂ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਨੇ ਇਸ ਸਕੀਮ ਲਈ ਪੈਸੇ ਦਾ ਬੰਦੋਬਸਤ ਕਰ ਲਿਆ ਹੋਇਆ ਹੈ। ਹੁਣ ਲਗਾਤਾਰ ਹਰ ਮਹੀਨੇ ਪੈਸੇ ਉਨ੍ਹਾਂ ਦੇ ਖਾਤੇ ਵਿੱਚ ਆਉਣੇ ਸ਼ੁਰੂ ਹੋ ਜਾਣਗੇ। ਉਨ੍ਹਾਂ ਕਿਹਾ ਕਿ ਤੁਸੀਂ ਭਾਵੇਂ ਕਾਰਡ ਅਕਤੂਬਰ ਜਾਂ ਨਵੰਬਰ ਵਿੱਚ ਬਣਾਇਆ ਹੋਵੇ, ਪਰ ਪੈਸੇ ਤੁਹਾਨੂੰ 1 ਜੁਲਾਈ ਤੋਂ ਹੀ ਆਉਣਗੇ।