ਤਿੰਨ ਬੱਚਿਆਂ ਨੂੰ ਨਹਿਰ ‘ਚ ਸੁੱਟ ਕੇ ਕਤਲ, ਮਾਂ ਨੇ ਵੀ ਮਾਰੀ ਛਾਲ! ਪੁਲਿਸ ਨੇ ਕੀਤੀ ਕਾਬੂ
ਜਾਣਕਾਰੀ ਮੁਤਾਬਕ ਮਾਂ ਸ਼ੰਕੁਤਲਾ ਨੇ ਖ਼ੁਦਕੁਸ਼ੀ ਦੇ ਇਰਾਦੇ ਨਾਲ ਪਹਿਲਾਂ ਤਿੰਨਾਂ ਬੱਚਿਆਂ ਨੂੰ ਨਹਿਰ 'ਚ ਧੱਕਾ ਦਿੱਤਾ ਸੀ ਤੇ ਫਿਰ ਖ਼ੁਦ ਵੀ ਨਹਿਰ 'ਚ ਛਾਲ ਮਾਰ ਦਿੱਤੀ। ਹਾਲਾਂਕਿ, ਉਹ ਤੈਰ ਕੇ ਵਾਪਸ ਕੰਢੇ 'ਤੇ ਪਹੁੰਚਣ 'ਚ ਕਾਮਯਾਬ ਹੋਈ ਤੇ ਬਚ ਗਈ। ਬੱਚਿਆਂ ਦੀ ਉਮਰ 4 ਸਾਲਾ ਨੀਤਿਨ, 7 ਸਾਲਾ ਤਨਵੀ ਤੇ 10 ਸਾਲਾ ਤਪਿਸ਼ ਵਜੋਂ ਹੋਈ ਹੈ।
ਰੂਪਨਗਰ ‘ਚ ਇੱਕ ਮਹਿਲਾ ਨੇ ਆਪਣੇ ਤਿੰਨ ਬੱਚਿਆਂ ਨੂੰ ਕਥਿਤ ਤੌਰ ‘ਤੇ ਨਹਿਰ ‘ਚ ਸੁੱਟਣ ਤੋਂ ਬਾਅਦ ਖ਼ੁਦ ਵੀ ਨਹਿਰ ‘ਚ ਛਾਲ ਮਾਰ ਦਿੱਤੀ। ਇਸ ਘਟਨਾ ‘ਚ ਦੋ ਬੱਚਿਆਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ, ਜਦਕਿ ਤੀਜੇ ਦੀ ਭਾਲ ਲਈ ਗੋਤਾਖੋਰਾਂ ਦਾ ਸਰਚ ਆਪ੍ਰੇਸ਼ਨ ਜਾਰੀ ਹੈ। ਪੁਲਿਸ ਨੇ ਬੱਚਿਆਂ ਦੀ ਮਾਂ ਨੂੰ ਨਹਿਰ ਕਿਨਾਰੇ ਤੋਂ ਕਾਬੂ ਕਰ ਲਿਆ ਹੈ, ਉਹ ਇਸ ਘਟਨਾ ‘ਚ ਡੁੱਬੀ ਨਹੀਂ ਸੀ। ਮਹਿਲਾ ਮੁਹਾਲੀ ਦੇ ਮਟੌਰ ਦੀ ਰਹਿਣ ਵਾਲੀ ਹੈ। ਇਸ ਮਾਮਲੇ ‘ਚ ਪੁਲਿਸ ਵੱਲੋਂ ਅਧਿਕਾਰ ਪੁਸ਼ਟੀ ਨਹੀਂ ਹੋਈ ਹੈ ਕਿ ਇਹ ਘਟਨਾ ਕਿਵੇਂ ਵਾਪਰੀ।
ਸ਼ੁਰੂਆਤੀ ਜਾਣਕਾਰੀ ਮੁਤਾਬਕ ਮਾਂ ਸ਼ੰਕੁਤਲਾ ਨੇ ਖ਼ੁਦਕੁਸ਼ੀ ਦੇ ਇਰਾਦੇ ਨਾਲ ਪਹਿਲਾਂ ਤਿੰਨਾਂ ਬੱਚਿਆਂ ਨੂੰ ਨਹਿਰ ‘ਚ ਧੱਕਾ ਦਿੱਤਾ ਸੀ ਤੇ ਫਿਰ ਖ਼ੁਦ ਵੀ ਨਹਿਰ ‘ਚ ਛਾਲ ਮਾਰ ਦਿੱਤੀ। ਹਾਲਾਂਕਿ, ਉਹ ਤੈਰ ਕੇ ਕੰਢੇ ‘ਤੇ ਪਹੁੰਚਣ ‘ਚ ਕਾਮਯਾਬ ਹੋਈ ਤੇ ਬਚ ਗਈ, ਜਦਕਿ ਉਸ ਦੇ ਤਿੰਨ ਬੱਚੇ ਮੌਤ ਦਾ ਸ਼ਿਕਾਰ ਹੋ ਗਏ। ਬੱਚਿਆਂ ਦੀ ਉਮਰ 4 ਸਾਲਾ ਨੀਤਿਨ, 7 ਸਾਲਾ ਤਨਵੀ ਤੇ 10 ਸਾਲਾ ਤਪਿਸ਼ ਵਜੋਂ ਹੋਈ ਹੈ।
ਮਹਿਲਾ ਦੇ ਪਰਿਵਾਰ ਨੇ ਸ਼ੰਕੁਤਲਾ ‘ਤੇ ਕਈ ਗੰਭੀਰ ਇਲਜ਼ਾਮ ਲਗਾਏ ਹਨ। ਮ੍ਰਿਤਕ ਬੱਚਿਆਂ ਦਾਦੇ ਰਾਮ ਬਾਬੂ ਨੇ ਦੱਸਿਆ ਕਿ ਉਨ੍ਹਾਂ ਦੀ ਨੂੰਹ ਸੰਕੁਤਲਾ ਦਾ ਵਿਵਹਾਰ ਆਮ ਨਹੀਂ ਸੀ। ਉਹ ਕਈ ਵਾਰ ਬੱਚਿਆਂ ਨੂੰ ਨੁਕਸਾਨ ਪਹੁੰਚਾਉਣ ਵਰਗੀਆਂ ਗੱਲਾਂ ਕਰਦੀ ਸੀ। ਉਨ੍ਹਾਂ ਨੇ ਦੱਸਿਆ ਕਿ ਪਰਿਵਾਰ ਮੁਸ਼ਕਿਲ ਸਮੇਂ ‘ਚੋਂ ਗੁਜ਼ਰ ਰਿਹਾ ਸੀ ਤੇ ਘਰ ‘ਚ ਤਣਾਅ ਦਾ ਮਾਹੌਲ ਰਹਿੰਦਾ ਸੀ।
ਸੋਮਵਾਰ ਨੂੰ ਘਰੋਂ ਲਾਪਤਾ ਸੀ ਸ਼ੰਕੁਤਲਾ ਤੇ ਬੱਚੇ
ਮਹਿਲਾ ਦੇ ਸੱਸ-ਸਹੁਰੇ ਮੁਤਾਬਕ ਉਹ ਸੋਮਵਾਰ ਨੂੰ ਕੰਮ ਤੋਂ ਬਾਅਦ ਘਰ ਪਹੁੰਚੇ ਸਨ। ਘਰ ‘ਚ ਬੱਚੇ ਤੇ ਉਨ੍ਹਾਂ ਦੀ ਨੂੰਹ ਸ਼ੰਕੁਤਲਾ ਮੌਜੂਦ ਨਹੀਂ ਸੀ। ਪਹਿਲਾਂ ਉਨ੍ਹਾਂ ਨੇ ਉਨ੍ਹਾਂ ਨੂੰ ਖ਼ੁਦ ਲੱਭਣ ਦੀ ਕੋਸ਼ਿਸ਼ ਕੀਤੀ ਤੇ ਬਾਅਦ ‘ਚ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ। ਪੁਲਿਸ ਨੇ ਸ਼ੰਕੁਤਲਾ ਦੇ ਮੋਬਾਇਲ ਦੀ ਲੋਕੇਸ਼ਨ ਟ੍ਰੈਕ ਕੀਤੀ ਤਾਂ ਉਸ ਦੀ ਲੋਕੇਸ਼ਨ ਰੋਪੜ ਦੀ ਆ ਰਹੀ ਸੀ। ਪੁਲਿਸ ਮੌਕੇ ‘ਤੇ ਪਹੁੰਚੀ ਤਾਂ ਸ਼ੰਕੁਤਲਾ ਨਹਿਰ ਕਿਨਾਰੇ ਸੀ। ਪੁਲਿਸ ਨੇ ਉਸ ਮੰਗਲਵਾਰ ਨੂੰ ਕਾਬੂ ਕੀਤਾ।
ਪੁੱਛਗਿੱਛ ਦੌਰਾਨ ਸ਼ੰਕੁਤਲਾ ਨੇ ਆਪਣੇ ਬੱਚਿਆਂ ਨੂੰ ਨਹਿਰ ‘ਚ ਸੁੱਟਣ ਦੀ ਗੱਲ ਕਬੂਲ ਕੀਤੀ, ਜਿਸ ਤੋਂ ਬਾਅਦ ਬਚਾਅ ਟੀਮਾਂ ਤੇ ਗੋਤਾਖੋਰਾਂ ਨੂੰ ਤਾਇਨਾਤ ਕੀਤਾ ਗਿਆ। ਦੋ ਬੱਚਿਆਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ, ਜਦੋਂ ਕਿ ਤੀਜੇ ਦੀ ਭਾਲ ਜਾਰੀ ਹੈ।
ਇਹ ਵੀ ਪੜ੍ਹੋ
ਪਰਿਵਾਰਕ ਮੈਂਬਰਾਂ ਨੇ ਕਿਹਾ ਕਿ ਸ਼ੰਕੁਤਲਾ ਦੇ ਪਤੀ ਕਮਲ ਨੇ 10 ਮਹੀਨੇ ਪਹਿਲਾਂ ਖ਼ੁਦਕੁਸ਼ੀ ਕਰ ਲਈ ਸੀ। ਕਮਲ ਦੀ ਦੀ ਮੌਤ ਤੋਂ ਬਾਅਦ ਘਰ ਦੀ ਸਥਿਤੀ ਮੁਸ਼ਕਲ ਹੋ ਗਈ ਸੀ। ਰਾਮ ਬਾਬੂ ਨੇ ਦੱਸਿਆ ਕਿ ਪਰਿਵਾਰ ਗੰਭੀਰ ਵਿੱਤੀ ਸੰਕਟ ‘ਚੋਂ ਗੁਜ਼ਰ ਰਿਹਾ ਸੀ।
