ਮੈਂ ਚਾਹਾਂਗਾ BJP ਪੰਜਾਬ ਵਿੱਚ ਇਕੱਲੇ ਹੀ ਸਰਕਾਰ ਬਣਾਵੇ, ਕਿਸੇ ਦਾ ਬੋਝ ਲੈਣਾ ਠੀਕ ਨਹੀਂ… TV9 ਦੇ ‘ਸੱਤਾ ਸੰਮੇਲਨ’ ‘ਚ ਬੋਲੇ ਰਵਨੀਤ ਬਿੱਟੂ
ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਆਗੂ ਰਵਨੀਤ ਸਿੰਘ ਬਿੱਟੂ ਨੇ ਵੀਰਵਾਰ ਨੂੰ TV9 ਨੈੱਟਵਰਕ ਦੇ ਸੱਤਾ ਸੰਮੇਲਨ-ਪੰਜਾਬ ਪ੍ਰੋਗਰਾਮ ਵਿੱਚ ਸ਼ਿਰਕਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਪੰਜਾਬ ਵਿੱਚ ਵੱਡਾ ਮਸਲਾ ਪਾਕਿਸਤਾਨ ਹੈ, ਜਿਸ ਨੇ ਸਾਡੀ ਨੌਜਵਾਨ ਪੀੜ੍ਹੀ ਨੂੰ ਬਰਬਾਦ ਕਰ ਦਿੱਤਾ ਹੈ।
ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਆਗੂ ਰਵਨੀਤ ਸਿੰਘ ਬਿੱਟੂ ਨੇ ਵੀਰਵਾਰ ਨੂੰ TV9 ਨੈੱਟਵਰਕ ਦੇ ਸੱਤਾ ਸੰਮੇਲਨ-ਪੰਜਾਬ ਪ੍ਰੋਗਰਾਮ ਵਿੱਚ ਸ਼ਿਰਕਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਪੰਜਾਬ ਵਿੱਚ ਵੱਡਾ ਮਸਲਾ ਪਾਕਿਸਤਾਨ ਹੈ, ਜਿਸ ਨੇ ਸਾਡੀ ਨੌਜਵਾਨ ਪੀੜ੍ਹੀ ਨੂੰ ਬਰਬਾਦ ਕਰ ਦਿੱਤਾ ਹੈ। ਸਾਨੂੰ ਆਪਣੀ ਅਗਲੀ ਪੀੜ੍ਹੀ ਨੂੰ ਸੁਰੱਖਿਅਤ ਕਰਨਾ ਹੈ ਅਤੇ ਇਸ ਲਿਹਾਜ਼ ਨਾਲ ਪੰਜਾਬ ਦੇ ਲੋਕ ਭਾਜਪਾ ਵੱਲ ਦੇਖ ਰਹੇ ਹਨ। ਇਸ ਦੌਰਾਨ ਬਿੱਟੂ ਤੋਂ ਗੱਠਜੋੜ ਨੂੰ ਲੈ ਕੇ ਵੀ ਸਵਾਲ ਪੁੱਛਿਆ ਗਿਆ, ਜਿਸ ਦਾ ਉਨ੍ਹਾਂ ਨੇ ਬੜੀ ਬੇਬਾਕੀ (ਸਪੱਸ਼ਟਤਾ) ਨਾਲ ਜਵਾਬ ਦਿੱਤਾ।
ਗੱਠਜੋੜ ਦਾ ਫ਼ੈਸਲਾ ਸਿਖਰਲੀ ਲੀਡਰਸ਼ਿਪ ਦੇ ਹੱਥ
ਉਨ੍ਹਾਂ ਕਿਹਾ ਕਿ ਇੱਥੇ ਪਹਿਲਾਂ ਜਿੰਨੀਆਂ ਵੀ ਸਰਕਾਰਾਂ ਬਣੀਆਂ ਹਨ, ਉਨ੍ਹਾਂ ਵਿੱਚ ਭਾਜਪਾ ਅਤੇ ਅਕਾਲੀ ਦਲ ਇਕੱਠੇ ਰਹੇ ਹਨ। ਅੱਜ ਤੱਕ ਹਰ ਵਰਕਰ ਨੂੰ ਲੱਗਦਾ ਹੈ ਕਿ ਭਾਜਪਾ ਅਤੇ ਅਕਾਲੀ ਦਲ ਵੱਖ-ਵੱਖ ਰਹਿਣਗੇ ਤਾਂ ਸੱਤਾ ਵਿੱਚ ਨਹੀਂ ਆ ਸਕਦੇ, ਜਦੋਂ ਦੋਵੇਂ ਦਲ ਇਕੱਠੇ ਸਨ ਤਾਂ ਸੱਤਾ ਵਿੱਚ ਆ ਜਾਂਦੇ ਸਨ। ਗੱਠਜੋੜ ਦੀ ਗੱਲ ਹੁਣ ਸਿਖਰਲੀ ਲੀਡਰਸ਼ਿਪ ਦੇ ਹੱਥ ਵਿੱਚ ਹੈ। ਫ਼ੈਸਲਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਨਿਤਿਨ ਨਬੀਨ ਨੇ ਕਰਨਾ ਹੈ। ਸਾਨੂੰ ਰੋਜ਼ ਮੀਡੀਆ ਵੀ ਪੁੱਛਦਾ ਹੈ ਤੇ ਘਰਵਾਲੀ ਵੀ ਪੁੱਛਦੀ ਹੈ, ਪਰ ਇਸ ਗੱਲ ਦਾ 100 ਫ਼ੀਸਦੀ ਕਿਸੇ ਨੂੰ ਨਹੀਂ ਪਤਾ; ਜਿਵੇਂ ਤੁਸੀਂ ਲੋਕ ਸੁਣਦੇ ਹੋ, ਉਵੇਂ ਹੀ ਅਸੀਂ ਸੁਣਦੇ ਹਾਂ। ਮੈਂ ਚਾਹਾਂਗਾ ਕਿ ਭਾਜਪਾ ਪੰਜਾਬ ਵਿੱਚ ਇਕੱਲੇ ਸਰਕਾਰ ਬਣਾਵੇ, ਕਿਸੇ ਦਾ ਬੋਝ (ਬੈਗੇਜ) ਲੈਣਾ ਠੀਕ ਨਹੀਂ ਹੈ।ਸਾਰੀਆਂ 117 ਸੀਟਾਂ ‘ਤੇ ਚੋਣ ਲੜਨ ਦੀ ਤਿਆਰੀ
ਉਨ੍ਹਾਂ ਕਿਹਾ ਕਿ ਸਾਨੂੰ ਹੁਣ ਤੱਕ ਇਹੀ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਸਾਰੀਆਂ 117 ਸੀਟਾਂ ‘ਤੇ ਚੋਣ ਲੜਨੀ ਹੈ ਅਤੇ ਉਸੇ ਦੀ ਤਿਆਰੀ ਕਰਨੀ ਹੈ। ਫਿਲਹਾਲ ‘ਐੱਨ.ਡੀ.ਏ.’ (NDA) ਸ਼ਬਦ ਜ਼ਰੂਰ ਘੁੰਮ ਰਿਹਾ ਹੈ, ਪਰ ਉਸ ਤੋਂ ਅੱਗੇ ਕੋਈ ਗੱਲ ਨਹੀਂ ਹੋਈ ਹੈ।ਹੁਣ ਛੋਟੇ-ਵੱਡੇ ਭਰਾ ਵਾਲੀ ਕੋਈ ਗੱਲ ਨਹੀਂ
ਜਦੋਂ ਰਵਨੀਤ ਸਿੰਘ ਬਿੱਟੂ ਨੂੰ ਪੁੱਛਿਆ ਗਿਆ ਕਿ ਕੀ ਅਕਾਲੀ ਦਲ ਅਤੇ ਭਾਜਪਾ ਵਿਚਾਲੇ ਛੋਟੇ ਭਰਾ-ਵੱਡੇ ਭਰਾ ਨੂੰ ਲੈ ਕੇ ਪੇਚ ਫਸਿਆ ਹੋਇਆ ਹੈ? ਇਸ ‘ਤੇ ਉਨ੍ਹਾਂ ਕਿਹਾ ਕਿ ਹਰ ਸਮੇਂ ਹਾਲਾਤ ਦੀ ਗੱਲ ਹੁੰਦੀ ਹੈ। ਜਿਸ ਵੇਲੇ ਉਹ ਕਾਂਗਰਸ ਵਿੱਚ ਵਿਰੋਧੀ ਧਿਰ ਵਿੱਚ ਬੈਠਦੇ ਸਨ, ਉਦੋਂ ਲੀਡਰਸ਼ਿਪ ਦੀ ਗੱਲ ਵੱਖਰੀ ਸੀ। ਉਸ ਸਮੇਂ ਪ੍ਰਕਾਸ਼ ਸਿੰਘ ਬਾਦਲ, ਲਾਲ ਕ੍ਰਿਸ਼ਨ ਅਡਵਾਨੀ, ਮੁਰਲੀ ਮਨੋਹਰ ਜੋਸ਼ੀ ਵਰਗੇ ਵੱਡੇ ਆਗੂ ਸਨ, ਪਰ ਅੱਜ ਦਾ ਯੁੱਗ ਨਰਿੰਦਰ ਮੋਦੀ ਅਤੇ ਅਮਿਤ ਸ਼ਾਹ ਦਾ ਹੈ। ਹੁਣ ਸਿਆਸਤ ਵੀ ਬਦਲੀ ਹੈ ਤੇ ਹਾਲਾਤ ਵੀ ਬਦਲੇ ਹਨ। ਇਸ ਸਮੇਂ 22 ਤੋਂ ਵੱਧ ਸੂਬਿਆਂ ਵਿੱਚ ਸਾਡੀਆਂ ਸਰਕਾਰਾਂ ਹਨ। ਹੁਣ ਛੋਟੇ ਅਤੇ ਵੱਡੇ ਭਰਾ ਵਾਲੀ ਕੋਈ ਗੱਲ ਨਹੀਂ ਹੈ, ਸਗੋਂ ਸਿੱਧੀ ਬਰਾਬਰੀ ਦੀ ਗੱਲ ਹੈ।Loading...
Unable to load recommendations.
Follow Us
