ਹੜ੍ਹ ਦੇ ਸਵਾਲਾਂ ‘ਤੇ ਭੜਕੇ ਕ੍ਰਿਕਟਰ ਭੱਜੀ, ਸੋਸ਼ਲ ਮੀਡੀਆ ‘ਤੇ ਵਿਅਕਤੀ ਨੂੰ ਦਿੱਤਾ ਕਰਾਰਾ ਜਵਾਬ
Harbhajan Singh Tweet on Punjab Flood: ਸ਼ੋਸਲ ਮੀਡਿਆ 'ਤੇ ਵਿਅਕਤੀ ਨੇ ਲਿਖਿਆ ਪੰਜਾਬ 'ਚ ਹੜ੍ਹ ਹੈ ਤੇ ਰਾਘਵ ਚੱਢਾ ਕਪਿਲ ਸ਼ਰਮਾ ਸ਼ੋਅ 'ਚ ਆਪਣੇ ਪਰਿਵਾਰ ਦੇ ਭਵਿੱਖ ਬਾਰੇ ਤੇ ਹਰਭਜਨ ਸਿੰਘ ਫਿਲਮ ਨੂੰ ਪ੍ਰਮੋਟ ਕਰਨ 'ਚ ਵਿਅਸਤ ਹਨ, ਜਿਸ 'ਚ ਉਨ੍ਹਾਂ ਦੀ ਪਤਨੀ ਕਿਰਦਾਰ ਨਿਭਾ ਰਹੀ ਹੈ। ਇਸ ਟਵੀਟ ਤੋਂ ਬਾਅਦ ਹਰਭਜਨ ਸਿੰਘ ਉਸ ਵਿਅਕਤੀ 'ਤੇ ਭੜਕ ਗਏ ਤੇ ਉਸ ਨੂੰ ਜਵਾਬ ਦਿੱਤਾ।
ਪੰਜਾਬ ‘ਚ ਹੜ੍ਹ ਦੀ ਸਥਿਤੀ ਗੰਭੀਰ ਹੁੰਦੀ ਜਾ ਰਹੀ ਹੈ। ਇਸ ਵਿਚਕਾਰ ਇੱਕ ਵਿਅਕਤੀ ਨੇ ਸੋਸ਼ਲ ਮੀਡਿਆ ਪਲੈਟਫਾਰਮ ਐਕਸ ‘ਤੇ ਟਵੀਟ ਕਰਦੇ ਹੋਏ ਸਾਬਕਾ ਕ੍ਰਿਕਟਰ ਤੇ ਰਾਜ ਸਭਾ ਮੈਂਬਰ ਹਰਭਜਨ ਸਿੰਘ ਤੇ ਰਾਘਵ ਚੱਢਾ ਨੂੰ ਟ੍ਰੋਲ ਕੀਤਾ। ਯੂਜ਼ਰ ਨੇ ਲਿਖਿਆ ਦੋਵੇਂ ਰਾਜ ਸਭਾ ਮੈਂਬਰ ਪੰਜਾਬ ਦੀ ਸਥਿਤੀ ਨੂੰ ਅਣਦੇਖਿਆ ਕਰ ਰਹੇ ਹਨ।
ਸ਼ੋਸਲ ਮੀਡਿਆ ‘ਤੇ ਵਿਅਕਤੀ ਨੇ ਲਿਖਿਆ ਪੰਜਾਬ ‘ਚ ਹੜ੍ਹ ਹੈ ਤੇ ਰਾਘਵ ਚੱਢਾ ਕਪਿਲ ਸ਼ਰਮਾ ਸ਼ੋਅ ‘ਚ ਆਪਣੇ ਪਰਿਵਾਰ ਦੇ ਭਵਿੱਖ ਬਾਰੇ ਤੇ ਹਰਭਜਨ ਸਿੰਘ ਫਿਲਮ ਨੂੰ ਪ੍ਰਮੋਟ ਕਰਨ ‘ਚ ਵਿਅਸਤ ਹਨ, ਜਿਸ ‘ਚ ਉਨ੍ਹਾਂ ਦੀ ਪਤਨੀ ਕਿਰਦਾਰ ਨਿਭਾ ਰਹੀ ਹੈ। ਇਸ ਟਵੀਟ ਤੋਂ ਬਾਅਦ ਹਰਭਜਨ ਸਿੰਘ ਉਸ ਵਿਅਕਤੀ ‘ਤੇ ਭੜਕ ਗਏ ਤੇ ਉਸ ਨੂੰ ਜਵਾਬ ਦਿੱਤਾ।
ਹਰਭਜਨ ਸਿੰਘ ਨੇ ਵਿਅਕਤੀ ਨੂੰ ਦਿੱਤਾ ਜਵਾਬ
ਇਸ ਟਵੀਟ ‘ਤੇ ਹਰਭਜਨ ਸਿੰਘ ਭੜਕ ਗਏ ਤੇ ਉਨ੍ਹਾਂ ਨੇ ਤੁਰੰਤ ਜਵਾਬ ਦਿੰਦੇ ਹੋਏ ਲਿਖਿਆ- ਮੈਂ ਉੱਥੇ (ਹੜ੍ਹ ਪ੍ਰਭਾਵਿਤ ਇਲਾਕੇ) ਜਾ ਕੇ ਆਇਆ ਹਾਂ। ਸੀਐਮ ਸਾਹਿਬ ਨੂੰ ਦੱਸਿਆ ਗਿਆ ਤੇ ਫਿਰ ਉਹ ਵੀ ਜਾ ਕੇ ਆਏ ਹਨ। ਤੇਰੇ ਵਾਂਗੂ ਘਰ ਬੈਠ ਕੇ ਸਿਰਫ਼ ਫ਼ੋਨ ਤੇ ਟਵੀਟ ਨਹੀਂ ਕੀਤਾ। ਸਿਰਫ਼ ਸੋਸ਼ਲ ਮੀਡੀਆ ਪਲੈਟਫਾਰਮ ‘ਤੇ ਲੈਕਚਰ ਦੇਣ ਤੋਂ ਬਿਨਾਂ, ਤੇਰਾ ਪੰਜਾਬ ਤੇ ਦੇਸ਼ ਲਈ ਕੀ ਯੋਗਦਾਨ ਹੈ। ਸਿਰਫ਼ ਲੋਕਾਂ ਨੂੰ ਥੱਲੇ ਖਿੱਚਣ ਦੀ ਬਜਾਏ, ਆਪਣੀ ਜ਼ਿੰਦਗੀ ‘ਚ ਕੁੱਝ ਚੰਗਾ ਕਰੋ।
Jaa oye chwla .mai othe jaa k aaya loka nu mil ka aaya. CM sahb nu dasya gya fer oh bi jaa k aaye aa. Tere wangu ghar beth ke sirf phone te tweet nahi keeta. Whats ur contribution for punjab or country ? Apart from giving lecture on social media platform . Do something better in https://t.co/nXo9dg9unh pic.twitter.com/GGLTivuFsv
— Harbhajan Turbanator (@harbhajan_singh) August 26, 2025
ਸੰਤ ਬਲਬੀਰ ਸੀਚੇਵਾਲ ਤੇ ਭੱਜੀ ਨੇ ਬੀਤੀ ਦਿਨੀਂ ਕੀਤਾ ਸੀ ਦੌਰਾ
ਦੱਸ ਦਈਏ ਕਿ ਬੀਤੀ ਦਿਨੀਂ ਪੰਜਾਬ ਦੇ ਦੋ ਰਾਜ ਸਭਾ ਮੈਂਬਰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਤੇ ਕ੍ਰਿਕਟਰ ਹਰਭਜਨ ਸਿੰਘ ਭੱਜੀ ਨੇ ਮੰਡ ਇਲਾਕੇ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕੀਤਾ ਸੀ। ਹੜ੍ਹ ਦੇ ਪਾਣੀ ਚ ਟਰੈਕਟਰ ਦੀ ਮਦਦ ਨਾਲ ਦੋਵੇਂ ਸੰਸਦ ਮੈਂਬਰ ਪ੍ਰਭਾਵਿਤ ਲੋਕਾਂ ਦੇ ਘਰਾਂ ਤੱਕ ਪਹੁੰਚੇ। ਪਿਛਲੇ ਇੱਕ ਹਫ਼ਤੇ ਤੋਂ ਹੜ੍ਹ ਦੇ ਪਾਣੀ ਚ ਆਪਣੀਆਂ ਫਸਲਾਂ ਤੇ ਘਰਾਂ ਦੇ ਨੁਕਸਾਨ ਦਾ ਸਾਹਮਣਾ ਕਰਨ ਦੇ ਬਾਵਜੂਦ, ਹਰਭਜਨ ਸਿੰਘ ਭੱਜੀ ਵੀ ਲੋਕਾਂ ਦੇ ਉੱਚੇ ਹੌਸਲੇ ਨੂੰ ਦੇਖ ਕੇ ਹੈਰਾਨ ਰਹਿ ਗਏ।
ਇਹ ਵੀ ਪੜ੍ਹੋ
ਇਸ ਦੌਰਾਨ ਭੱਜੀ ਨੇ ਕਿਹਾ ਕਿ ਕਿਸਾਨਾਂ ਦੀਆਂ ਹਜ਼ਾਰਾਂ ਏਕੜ ਫਸਲਾਂ ਤਬਾਹ ਹੋਣ ਦੇ ਬਾਵਜੂਦ, ਉਨ੍ਹਾਂ ਦਾ ਮਨੋਬਲ ਨਹੀਂ ਟੁੱਟਿਆ, ਉਨ੍ਹਾਂ ਦੇ ਹੌਸਲੇ ਪੂਰੀ ਤਰ੍ਹਾਂ ਮਜ਼ਬੂਤ ਹਨ। ਉਨ੍ਹਾਂ ਕਿਹਾ ਕਿ ਇਹੀ ਅਸਲੀ ਪੰਜਾਬੀਅਤ ਹੈ ਕਿ ਦੁੱਖ ਚ ਵੀ ਹੌਸਲੇ ਬੁਲੰਦ ਰੱਖੇ। ਭੱਜੀ ਨੇ ਇਸ ਮੌਕੇ ਉ ਕਿਸਾਨਾਂ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਫ਼ਸਲਾਂ ਪੂਰੀ ਤਰ੍ਹਾਂ ਤਬਾਹ ਹੋ ਗਈਆਂ ਹਨ ਤੇ ਅਗਲੀ ਫ਼ਸਲ ਬੀਜਣਾ ਵੀ ਇੱਕ ਚੁਣੌਤੀ ਹੈ। ਇੰਨੇ ਵਿੱਤੀ ਸੰਕਟ ਚ ਘਿਰੇ ਹੋਣ ਦੇ ਬਾਵਜੂਦ, ਉਹ ਹੋਰ ਹੜ੍ਹ ਪੀੜਤਾਂ ਦੀ ਮਦਦ ਕਰਨ ਚ ਲੱਗੇ ਹੋਏ ਹਨ।
