ਪੰਜਾਬ ‘ਚ ਭਾਜਪਾ ਨੂੰ 2 ਸੀਟਾਂ, ਪਰ ਚੰਦਾ 93 ਫ਼ੀਸਦੀ; ਕੇਜਰੀਵਾਲ ਨੇ ਰਿਪੋਰਟ ਦਾ ਦਿੱਤਾ ਹਵਾਲਾ

ਬੀਤੇ ਦਿਨ ਪੰਜਾਬ ਸਮੇਤ ਹੋਰ ਸੂਬਿਆਂ ‘ਚ ਵੱਖ-ਵੱਖ ਟਿਕਾਣਿਆਂ ‘ਤੇ ਈਡੀ ਦੀ ਹਲਚਲ ਦਿਖਾਈ ਦਿੱਤੀ ਸੀ। ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਅਰਵਿੰਦ ਕੇਜਰੀਵਾਲ ਸਮੇਤ ਪਾਰਟੀ ਦੇ ਹੋਰ ਸੀਨੀਅਰ ਆਗੂਆਂ ਨੇ ਇਸ ਰੇਡ ਨੂੰ ਹਿੰਦੂ ਕਾਰੋਬਾਰੀਆਂ ਨੂੰ ਧਮਕਾਉਣ ਵਾਲੀ ਕਾਰਵਾਈ ਕਰਾਰ ਦਿੱਤਾ। ਉੱਥੇ ਹੀ, ਬੀਤੀ ਰਾਤ ਅਰਵਿੰਦ ਕੇਜਰੀਵਾਲ ਨੇ ਇੱਕ ਪੋਸਟ ਕਰਦੇ ਹੋਏ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਨੂੰ ਈਡੀ ਪਾਰਟੀ ਕਿਹਾ ਹੈ ਤੇ ਪੰਜਾਬ ‘ਚ ਪਾਰਟੀ ਨੂੰ ਮਿਲੇ ਚੰਦੇ ‘ਤੇ ਸਵਾਲ ਖੜ੍ਹੇ ਕੀਤੇ।

ਉਨ੍ਹਾਂ ਨੇ ਐਕਸ ‘ਤੇ ਪੋਸਟ ਕਰਦੇ ਹੋਏ ਲਿਖਿਆ ਕਿ ਪੰਜਾਬ ‘ਚ ਈਡੀ ਪਾਰਟੀ ਦੀਆਂ ਸਿਰਫ਼ ਦੋ ਸੀਟਾਂ ਹਨ। ਪਰ, ਉਨ੍ਹਾਂ ਨੂੰ ਪੰਜਾਬ ‘ਚ ਕੁੱਲ ਚੰਦੇ ਦਾ 93 ਫ਼ੀਸਦੀ ਹਿੱਸਾ ਮਿਲਿਆ ਹੈ। ਸੋਚਣ ਵਾਲੀ ਗੱਲ ਹੈ ਕਿ ਕੋਈ ਇੰਨਾ ਚੰਦਾ ਕਿਉਂ ਦੇ ਰਿਹਾ ਹੈ। ਵਪਾਰੀਆਂ ਨੂੰ ਈਡੀ ਤੇ ਸੀਬੀਆਈ ਖੁਲ੍ਹੇਆਮ ਧਮਕੀਆਂ ਦੇ ਰਹੀਆਂ ਹਨ ਤੇ ਚੰਦੇ ਦੇ ਨਾਮ ‘ਤੇ ਲੁੱਟ ਚੱਲ ਰਹੀ ਹੈ।

ਕੇਜਰੀਵਾਲ ਨੇ ਕਿਹਾ ਕਿ ਪੰਜਾਬ ਕਦੇ ਵੀ ਅਜਿਹਾ ਧੱਕਾ ਬਰਦਾਸ਼ਤ ਨਹੀਂ ਕਰੇਗਾ। ਕਿਸਾਨ ਅੰਦੋਲਨ ਤੋਂ ਵੀ ਈਡੀ ਪਾਰਟੀ ਨੇ ਸਿੱਖ ਨਹੀਂ ਲਈ।

पंजाब में ED पार्टी की 117 में से केवल दो सीट हैं। और देखो उनको पंजाब से कितना चंदा मिला है। टोटल चंदे का 93%. कैसे? सोचने की बात है – कोई उनको इतना चंदा क्यो दे रहा है? व्यापारियों को ED और CBI की खुले आम धमकियां दी जा रहीं हैं, चंदे के नाम पे खुली लूट चल रही है। ऐसा धक्का pic.twitter.com/7InUSzRPef

— Arvind Kejriwal (@ArvindKejriwal) June 9, 2026

ਕਿਸ ਰਿਪੋਰਟ ਦਾ ਕੇਜਰੀਵਾਲ ਨੇ ਦਿੱਤੀ ਹਵਾਲਾ?

ਦੱਸ ਦੇਈਏ ਕਿ ਕੇਜਰੀਵਾਲ ਨੇ ਇੱਕ ਮੀਡੀਆ ਅਦਾਰੇ ਦੀ ਖ਼ਬਰ ਦਾ ਹਵਾਲਾ ਦਿੰਦੇ ਹੋਏ ਇਹ ਇਲਜ਼ਾਮ ਲਗਾਏ ਹਨ। ਹਾਲਾਂਕਿ, ਜੋ ਚੰਦੇ ਦੀ ਰਿਪੋਰਟ ਦਿੱਤੀ ਗਈ ਸੀ ਉਹ ਐਸੋਸੀਏਸ਼ਨ ਫ਼ਾਰ ਡੈਮਕ੍ਰੋਟਿਕ ਰਿਫੋਰਮਸ ਵੱਲੋਂ ਜਾਰੀ ਕੀਤੀ ਗਈ ਸੀ। ਇਹ ਰਿਪੋਰਟ 26 ਮਾਰਚ, 2026 ਨੂੰ ਜਾਰੀ ਕੀਤੀ ਗਈ ਸੀ। ਇਹ ਰਿਪੋਰਟ ਚੋਣ ਕਮਿਸ਼ਨ ਨੂੰ ਜਮ੍ਹਾਂ ਕਰਵਾਏ ਗਏ ਡਾਟਾ ‘ਤੇ ਆਧਾਰਿਤ ਹੈ, ਜਿਸ ‘ਚ ਨੈਸ਼ਨਲ ਲੈਵਲ ਦੀਆਂ ਪਾਰਟੀਆਂ ਨੂੰ 20 ਹਜ਼ਾਰ ਰੁਪਏ ਤੋਂ ਵੱਧ ਦੇ ਸਾਰੇ ਚੰਦੇ ਦੀ ਰਿਪੋਰਟ ਦੇਣੀ ਪੈਂਦੀ ਹੈ।

ਇਹ ਵੀ ਪੜ੍ਹੋ

ਦਿੱਲੀ ਕੂਚ ਦੇ ਐਲਾਨ ਤੋਂ ਬਾਅਦ ਖਨੌਰੀ ਬਾਰਡਰ 'ਤੇ ਭਾਰੀ ਸੁਰੱਖਿਆ, ਰਸਤਾ ਕੀਤਾ ਸੀਲ

ਬਰਨਾਲਾ ਦੇ ਅਗਨੀਵੀਰ ਸਿਪਾਹੀ ਦੀ ਡਿਊਟੀ ਦੌਰਾਨ ਮੌਤ, ਅਚਾਨਕ ਪਿਆ ਦਿਲ ਦਾ ਦੌਰਾ

ਸੁਖਬੀਰ ਬਾਦਲ ਦੇ ਘੱਟੋ-ਘੱਟ 150 ਟਾਂਕੇ ਲੱਗੇ, ਸ਼ਹੀਦੀ ਕਾਨਫਰੰਸ 'ਚ ਬੋਲੇ ਹਰਸਿਮਰਤ

ਇਸ ਰਿਪੋਰਟ ਮੁਤਾਬਕ, ਪੰਜਾਬ ‘ਚ ਵਿੱਤ ਸਾਲ 2024-25 ‘ਚ ਕੁੱਲ 64.74 ਕਰੋੜ ਰੁਪਏ ਦਾਂ ਚੰਦਾ ਮਿਲਿਆ ਸੀ, ਜਿਸ ‘ਚੋਂ ਭਾਰਤੀ ਜਨਤਾ ਪਾਰਟੀ ਨੂੰ ਕਰੀਬ 60.30 ਕਰੋੜ ਦਾ ਚੰਦਾ ਮਿਲਿਆ। ਇਹ ਪੰਜਾਬ ‘ਚ ਕੇਂਦਰੀ ਪੱਧਰ ਦੀਆਂ ਰਾਜਨੀਤਿਕ ਪਾਰਟੀਆਂ ਨੂੰ ਮਿਲੇ ਚੰਦੇ ਦਾ ਕਰੀਬ 93 ਫ਼ੀਸਦੀ ਹੈ। ਬਾਕੀ ਬਚੇ 7 ਫ਼ੀਸਦੀ ਹਿੱਸੇ ‘ਚੋਂ ਕਰੀਬ 3.70 ਕਰੋੜ ਕਾਂਗਰਸ ਤੇ 71 ਲੱਖ ਰੁਪਏ ਆਮ ਆਦਮੀ ਪਾਰਟੀ ਨੂੰ ਚੰਦੇ ਵਜੋਂ ਮਿਲਿਆ ਸੀ। ਰਿਪੋਰਟ ‘ਚ ਦੱਸਿਆ ਗਿਆ ਹੈ ਕਿ ਇਹ ਚੰਦੇ ਪਾਰਟੀਆਂ ਨੇ ਖ਼ੁਦ ਘੋਸ਼ਿਤ ਕੀਤੇ ਸਨ। ਇਸ ਰਿਪੋਰਟ ‘ਚ ਪਾਰਟੀਆਂ ਨੂੰ ਦੇਸ਼ ਭਰ ‘ਚ ਕੁੱਲ ਚੰਦੇ ਤੇ ਵੱਖ-ਵੱਖ ਸੂਬਿਆਂ ‘ਚ ਮਿਲੇ ਚੰਦੇ ਦਾ ਰਿਕਾਰਡ ਦਿੱਤਾ ਗਿਆ ਹੈ।