ਤਸਕਰ ਮਾਝੇ ਵਾਲਾ, ਕੁਆਲੀਫਿਕੇਸ਼ਨ ਸਿਰਫ਼ ਸੁਖਬੀਰ ਦਾ ਸਾਲਾ; CM ਮਾਨ ਦਾ ਵਿਰੋਧੀਆਂ ‘ਤੇ ਨਿਸ਼ਾਨਾ
ਮੁੱਖ ਮੰਤਰੀ ਨੇ ਸ਼ਾਮ ਚੁਰਾਸੀ 'ਚ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਵਿਰੋਧੀਆਂ 'ਤੇ ਹਮਲਾਵਰ ਰੁਖ਼ ਅਪਣਾਇਆ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀ ਪਾਰਟੀਆਂ ਚਾਹ ਰਹੀਆਂ ਹਨ ਕਿ ਕਿਸੇ ਨਾ ਕਿਸੇ ਤਰ੍ਹਾਂ ਕੁਰਸੀ ਨੂੰ ਹੱਥ ਪੈ ਜਾਵੇ, ਕਿਉਂਕਿ ਉਨ੍ਹਾਂ ਦੀ ਲੁੱਟਣ ਦਾ ਵਾਰੀਆਂ ਖ਼ਤਮ ਹੋ ਗਈਆਂ ਹਨ। ਸੀਐਮ ਨੇ ਕਿਹਾ ਬਾਜਵਾ, ਵੜਿੰਗ, ਚੰਨੀ ਤੇ ਸੁਖਬੀਰ ਬਾਦਲ ਵਰਗੇ ਕਹੀ ਜਾ ਰਹੇ ਹਨ ਕਿ ਸਾਡੀ ਵਾਰੀ ਆਵੇਗੀ। ਸੀਐਮ ਮਾਨ ਨੇ ਕਿਹਾ ਕਿ ਹੁਣ ਲੁੱਟਣ ਦੀ ਵਾਰੀ ਨਹੀਂ, ਲੋਕਾਂ ਦੀ ਵਾਰੀ ਆਵੇਗੀ।
ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਹੁਸ਼ਿਆਰਪੁਰ ਦੇ ਦੌਰੇ ‘ਤੇ ਹਨ। ਉਨ੍ਹਾਂ ਨੇ ਸ਼ਾਮ ਚੁਰਾਸੀ ਤੋਂ 385 ਕਰੋੜ ਰੁਪਏ ਦੇ ਵਿਕਾਸ ਕਾਰਜਾਂ ਦੀ ਉਦਘਾਟਨ ਦੀ ਰਸਮ ਕੀਤੀ। ਇਸ ਦੌਰਾਨ ਪੰਜਾਬ ਜੇਲ੍ਹ ਤੇ ਐਨਆਰਆਈ ਵਿਭਾਗ ਦੇ ਮੰਤਰੀ ਡਾ. ਰਵਜੋਤ ਸਿੰਘ ਵੀ ਉਨ੍ਹਾਂ ਨਾਲ ਮੌਜੂਦ ਸਨ। ਸੀਐਮ ਮਾਨ ਨੇ ਕਿਹਾ ਪੰਜਾਬ ‘ਚ ਵਿਕਾਸ ਦੀ ਗੱਡੀ ਲੀਹ ‘ਤੇ ਚੜ੍ਹ ਗਈ ਹੈ ਤੇ ਦਿਨੋਂ-ਦਿਨ ਇਸ ਦੀ ਸਪੀਡ ਵੀ ਵੱਧ ਰਹੀ ਹੈ। ਉਨ੍ਹਾਂ ਨੇ ਲੋਕਾਂ ਨੂੰ ਕਿਹਾ ਕਿ ਹੁਣ ਇਸ ਦੀ ਸਪੀਡ ਹੋਰ ਤੇਜ਼ ਕਰਨੀ ਹੈ ਤਾਂ ਜੋ ਪਿਛਲੇ 70-75 ਸਾਲਾਂ ਦੇ ਘਾਟੇ ਨੂੰ ਪੂਰਾ ਕੀਤਾ ਜਾ ਸਕੇ। ਸੀਐਮ ਮਾਨ ਨੇ ਦਾਅਵਾ ਕੀਤਾ ਅਸੀਂ ਲੋਕਾਂ ਦੇ ਸਾਰੇ ਵਾਅਦੇ 4 ਸਾਲਾਂ ‘ਚ ਪੂਰੇ ਕਰ ਦਿੱਤੇ ਹਨ, ਜਦਕਿ ਲੋਕਾਂ ਦੀ ਹੋਰ ਮੰਗਾਂ ਹਨ, ਜਿਵੇਂ ਉਹ ਸਾਹਮਣੇ ਆ ਰਹੀਆਂ ਹਨ, ਉਹ ਵੀ ਪੂਰੀਆਂ ਕਰਦੇ ਜਾ ਰਹੇ ਹਾਂ।
ਲੁੱਟਣ ਦੀ ਵਾਰੀ ਨਹੀਂ, ਹੁਣ ਲੋਕਾਂ ਦੀ ਵਾਰੀ ਹੈ: ਸੀਐਮ
ਮੁੱਖ ਮੰਤਰੀ ਨੇ ਸ਼ਾਮ ਚੁਰਾਸੀ ‘ਚ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਵਿਰੋਧੀਆਂ ‘ਤੇ ਹਮਲਾਵਰ ਰੁਖ਼ ਅਪਣਾਇਆ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀ ਪਾਰਟੀਆਂ ਚਾਹ ਰਹੀਆਂ ਹਨ ਕਿ ਕਿਸੇ ਨਾ ਕਿਸੇ ਤਰ੍ਹਾਂ ਕੁਰਸੀ ਨੂੰ ਹੱਥ ਪੈ ਜਾਵੇ, ਕਿਉਂਕਿ ਉਨ੍ਹਾਂ ਦੀ ਲੁੱਟਣ ਦਾ ਵਾਰੀਆਂ ਖ਼ਤਮ ਹੋ ਗਈਆਂ ਹਨ। ਸੀਐਮ ਨੇ ਕਿਹਾ ਬਾਜਵਾ, ਵੜਿੰਗ, ਚੰਨੀ ਤੇ ਸੁਖਬੀਰ ਬਾਦਲ ਵਰਗੇ ਕਹੀ ਜਾ ਰਹੇ ਹਨ ਕਿ ਸਾਡੀ ਵਾਰੀ ਆਵੇਗੀ। ਸੀਐਮ ਮਾਨ ਨੇ ਕਿਹਾ ਕਿ ਹੁਣ ਲੁੱਟਣ ਦੀ ਵਾਰੀ ਨਹੀਂ, ਲੋਕਾਂ ਦੀ ਵਾਰੀ ਆਵੇਗੀ।
ਸੀਐਮ ਮਾਨ ਨੇ ਕਿਹਾ ਕਿ ਇਨ੍ਹਾਂ ਨੇ ਵਾਰੀਆਂ ਬੰਨ੍ਹੀਆਂ ਹੋਈਆਂ ਸਨ, 5 ਸਾਲ ਤੇਰੀ ਵਾਰੀ ਤੇ 5 ਸਾਲ ਮੇਰੀ ਵਾਰੀ। ਆਪਣੀ -ਆਪਣੀ ਵਾਰੀ ‘ਤੇ ਸਮਝੌਤਾ ਕਰਕੇ ਇੱਕ-ਦੂਜੇ ਨੂੰ ਕੁੱਝ ਨਹੀਂ ਕਹਿੰਦ ਸਨ। ਸੀਐਮ ਨੇ ਕਿਹਾ ਕਿ ਵਿਰੋਧੀ ਨੂਰਾ ਕੁਸ਼ਤੀ ਖੇਡਦੇ ਹਨ, ਰੱਲ ਕੇ ਕੁਸ਼ਤੀ ਖੇਡਦੇ ਹਨ। ਲੋਕਾਂ ਕੋਲ ਕੋਈ ਵਿਕਲਪ ਨਹੀਂ ਸੀ। ਲੋਕ ਪਹਿਲੇ ਤੋਂ ਦੁੱਖੀ ਹੋ ਕੇ ਦੂਜੇ ਕੋਲ ਜਾਂਦੇ ਸਨ ਤੇ ਦੂਜੇ ਕੋਲੋਂ ਦੁੱਖੀ ਹੋ ਕੇ ਪਹਿਲੇ ਕੋਲ ਜਾਂਦੇ ਸਨ। ਪਰ ਫ਼ਿਰ ਤੀਜ਼ੀ ਪਾਰਟੀ ਨੇ 2022 ‘ਚ ਸਫ਼ਾਈ ਕਰ ਦਿੱਤੀ।
ਮੁੱਖ ਮੰਤਰੀ ਨੇ ਕਿਹਾ ਕਿ ਜਿਹੜੀ ਸੀਐਮ ਰਿਹਾਇਸ਼ ‘ਚ ਉਹ ਚੰਡੀਗੜ੍ਹ ਰਹਿੰਦੇ ਹਨ, ਉਸ ‘ਚ ਕੈਪਟਨ ਅਮਰਿੰਦਰ ਸਿੰਘ, ਸੁਖਬੀਰ ਬਾਦਲ ਤੇ ਵੱਡੇ ਬਾਦਲ (ਪ੍ਰਕਾਸ਼ ਸਿੰਘ ਬਾਦਲ) ਕਦੇ ਨਹੀਂ ਰਹੇ। ਇਹ ਉਸ ਨੂੰ ਆਫ਼ਿਸ ਕਹਿੰਦੇ ਸਨ। ਉਨ੍ਹਾਂ ਨੇ ਕਿਹਾ ਕਿ ਕੈਪਟਨ ਅਮਰਿੰਦਰ ਤਾਂ ਕਹਿੰਦੇ ਸਨ ਕਿ ਇਹ ਮੇਰੇ ਨੌਕਰਾਂ ਦੇ ਕੁਆਰਟਰ ਤੋਂ ਵੀ ਛੋਟਾ ਹੈ, ਮੈਂ ਵੱਡਾ ਮਹਿਲ ਪਾਵਾਂਗਾ। ਦੂਜਾ ਵੀ ਆਕੜ ‘ਚ ਕਹਿੰਦਾ ਸੀ, ਮੈਂ ਹੀ ਮੈਂ ਹਾਂ, ਮੈਂ ਰੱਬ ਹਾਂ, ਹੁਣ ਉਹ ਵੀ ਨਹੀਂ ਰਿਹਾ।
“ਬੱਸ ਸਾਲਾ ਹੈ ਸੁਖਬੀਰ ਬਾਦਲ ਦਾ ਤੇ ਦਾਜ ‘ਚ ਆਇਆ ਹੋਇਆ”
ਕਿਸੇ ਵੀ ਵਿਅਕਤੀ ਵਿਸ਼ੇਸ਼ ਦਾ ਬਿਨਾਂ ਨਾਮ ਲਏ, ਸੀਐਮ ਨੇ ਕਿਹਾ ਕਿ ਜਿਹੜੇ ਮੁੱਛਾਂ ਮਰੋੜਦੇ ਫਿਰਦੇ ਸਨ। ਉਹ ਕਹਿੰਦੇ ਕਿ ਤੜਕੇ ਹੀ ਆ ਗਏ (ਵਿਜੀਲੈਂਸ ਵਾਲੇ)। ਅਜੇ ਬੱਚਿਆਂ ਨੇ ਬ੍ਰੇਕਫਾਸਟ ਵੀ ਨਹੀਂ ਕੀਤਾ ਸੀ। ਸੀਐਮ ਮਾਨ ਨੇ ਪੁੱਛਿਆ- ਕੀ ਵਿਜੀਲੈਂਸ ਦੇਖਦੀ ਹੈ ਕਿ ਬ੍ਰੇਕਫਾਸਟ ਕਰ ਲਿਆ? ਜਿੱਥੇ ਲੋਕਾਂ ਦੇ ਬੱਚੇ ਚਿੱਟਾ ਖਵਾ-ਖਵਾ ਕੇ ਮਾਰ ਦਿੱਤੇ, ਉੱਥੇ ਕਦੇ ਦੇਖਿਆ ਕਿ ਬ੍ਰੇਕਫਾਸਟ ਬਣਿਆ ਕੀ ਨਹੀਂ? ਸੀਐਮ ਨੇ ਕਿਹਾ ਜਦੋਂ ਉਹ ਫੜ ਲਿਆ- ਤਸਕਰ ਮਾਝੇ ਆਲਾ। ਉਸ ਦੀ ਕਿਹੜਾ ਕੁਆਲੀਫਿਕੇਸ਼ਨ ਹੈ। ਨਾ ਉਹ ਵਿਧਾਇਕ ਹੈ ਤੇ ਨਾ ਪਾਰਟੀ ‘ਚ ਕੁਆਲੀਫਿਕੇਸ਼ਨ ਹੈ, ਬੱਸ ਸਾਲਾ ਹੈ ਸੁਖਬੀਰ ਬਾਦਲ ਦਾ ਤੇ ਦਾਜ ‘ਚ ਆਇਆ ਹੋਇਆ ਹੈ।
ਇਹ ਵੀ ਪੜ੍ਹੋ
