ਚੰਡੀਗੜ੍ਹ ‘ਚ 2 ਮੰਜ਼ਿਲਾ ਇਮਾਰਤ ਡਿੱਗੀ: ਮਲਬੇ ਹੇਠ ਫਸੇ 5 ਲੋਕਾਂ ਨੂੰ ਬਚਾਇਆ, NDRF ਵੱਲੋਂ ਬਚਾਅ ਕਾਰਜ ਜਾਰੀ
Chandigarh Two storey building collapsed: ਮਲਬੇ ਵਿੱਚੋਂ ਬਚੇ ਰਮੇਸ਼ ਨੇ ਕਿਹਾ, "ਇਮਾਰਤ ਦੇ ਅੰਦਰ 20 ਤੋਂ 25 ਲੋਕ ਸਨ। ਸ਼ਾਮ 4:20 ਵਜੇ ਦੇ ਕਰੀਬ ਅਚਾਨਕ ਭੂਚਾਲ ਵਰਗਾ ਝਟਕਾ ਲਗਿਆ। ਜਿਸ ਨਾਲ ਇਮਾਰਤ ਅੰਦਰ ਸਾਰੇ ਲੋਕ ਦੱਬ ਗਏ।
ਚੰਡੀਗੜ੍ਹ ਵਿੱਚ ਸ਼ਨੀਵਾਰ ਨੂੰ ਇੱਕ ਦੋ ਮੰਜ਼ਿਲਾ ਇਮਾਰਤ ਅਚਾਨਕ ਢਹਿ ਗਈ। ਜਿਸ ਕਾਰਨ ਇਮਾਰਤ ਦੇ ਮਾਲਕ ਅਤੇ ਮਜ਼ਦੂਰ ਮਲਬੇ ਹੇਠ ਦੱਬ ਗਏ। ਘਟਨਾ ਦੀ ਜਾਣਕਾਰੀ ਮਿਲਦੇ ਹੀ ਪੁਲਿਸ ਟੀਮਾਂ ਤੁਰੰਤ ਇੰਡਸਟਰੀਅਲ ਏਰੀਆ ਫੇਜ਼ 2 ਪਹੁੰਚੀਆਂ। ਮਲਬੇ ਹੇਠ ਦੱਬੇ ਪੰਜ ਲੋਕਾਂ ਨੂੰ ਬਚਾਇਆ ਗਿਆ ਹੈ। ਮਲਬੇ ਵਿੱਚੋਂ ਬਚੇ ਰਮੇਸ਼ ਨੇ ਕਿਹਾ, “ਇਮਾਰਤ ਦੇ ਅੰਦਰ 20 ਤੋਂ 25 ਲੋਕ ਸਨ। ਸ਼ਾਮ 4:20 ਵਜੇ ਦੇ ਕਰੀਬ ਅਚਾਨਕ ਭੂਚਾਲ ਵਰਗਾ ਝਟਕਾ ਲਗਿਆ। ਜਿਸ ਨਾਲ ਇਮਾਰਤ ਅੰਦਰ ਸਾਰੇ ਲੋਕ ਦੱਬ ਗਏ। ਫਸੇ ਲੋਕਾਂ ਨੂੰ ਬਚਾਉਣ ਲਈ ਤੁਰੰਤ NDRF ਟੀਮ ਨੂੰ ਬੁਲਾਇਆ ਗਿਆ। JCB ਦੀ ਮਦਦ ਨਾਲ ਲੈਂਟਰ ਨੂੰ ਹਟਾਇਆ ਗਿਆ। ਤਾਂ ਜੋ ਲੋਕਾਂ ਨੂੰ ਅੰਦਰ ਹਵਾ ਜਾ ਸਕੇ ਅਤੇ ਉੱਥੇ ਫਸੇ ਲੋਕਾਂ ਨੂੰ ਬਚਾਇਆ ਜਾ ਸਕੇ।
ਬਚਾਅ ਟੀਮ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਦੋ ਲੋਕਾਂ ਦੇ ਫਸੇ ਹੋਣ ਦੀਆਂ ਰਿਪੋਰਟਾਂ ਮਿਲੀਆਂ ਹਨ। ਜਿਨ੍ਹਾਂ ਵਿੱਚੋਂ ਇੱਕ ਇਮਾਰਤ ਦਾ ਮਾਲਕ ਹੈ ਅਤੇ ਦੂਜਾ ਇੱਕ ਮਜ਼ਦੂਰ ਹੈ।
ਐਸਪੀ ਚਾਵਲਾ ਨੇ ਦੱਸਿਆ ਕਿ ਇਮਾਰਤ ਕਾਫ਼ੀ ਪੁਰਾਣੀ ਸੀ। ਉਦਯੋਗਿਕ ਖੇਤਰ ਵਿੱਚ ਪਲਾਟ ਨੰਬਰ 28/9 ‘ਤੇ ਬਣੀ ਹੋਈ ਸੀ, ਸਕ੍ਰੈਪ ਦਾ ਕੰਮ ਚੱਲ ਰਿਹਾ ਸੀ।ਇਮਾਰਤ ਪੁਰਾਣੀ ਹੋਣ ਕਾਰਨ ਛੱਤ ਡਿੱਗ ਗਈ। ਪੁਲਿਸ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਹਨ। ਫਿਲਹਾਲ, ਇਹ ਪਤਾ ਲੱਗਿਆ ਹੈ ਕਿ ਪਹਿਲੀ ਮੰਜ਼ਿਲ ‘ਤੇ ਕੰਮ ਕਰ ਰਹੇ ਦੋ ਲੋਕ ਦੱਬੇ ਹੋਏ ਹਨ। ਬਚਾਅ ਟੀਮਾਂ ਆਪਣਾ ਕੰਮ ਜਾਰੀ ਰੱਖ ਰਹੀਆਂ ਹਨ।
ਚੰਡੀਗੜ੍ਹ ‘ਚ ਦੋ ਦਿਨਾਂ ਵਿੱਚ ਦੂਜਾ ਹਾਦਸਾ
ਮਾਨਸੂਨ ਆਉਣ ਤੋਂ ਬਾਅਦ ਦੋ ਦਿਨਾਂ ਵਿੱਚ ਚੰਡੀਗੜ੍ਹ ਵਿੱਚ ਦੋ ਹਾਦਸੇ ਹੋ ਚੁੱਕੇ ਹਨ। ਕੱਲ੍ਹ, 3 ਜੁਲਾਈ ਨੂੰ ਚੰਡੀਗੜ੍ਹ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ (ਸੀਸੀਈਟੀ) ਦੇ ਪੁਰਾਣੇ ਮਲਟੀਪਰਪਜ਼ ਹਾਲ ਦੀ ਛੱਤ ਮੀਂਹ ਦੌਰਾਨ ਡਿੱਗ ਗਈ। ਹਾਲਾਂਕਿ, ਇਮਾਰਤ ਨੂੰ ਪਹਿਲਾਂ ਹੀ ਅਸੁਰੱਖਿਅਤ ਘੋਸ਼ਿਤ ਕਰ ਦਿੱਤਾ ਗਿਆ ਸੀ ਅਤੇ ਖਾਲੀ ਕਰਵਾ ਲਿਆ ਗਿਆ ਸੀ। ਇਸ ਲਈ ਇਸ ਘਟਨਾ ਵਿੱਚ ਕੋਈ ਵੀ ਜ਼ਖਮੀ ਨਹੀਂ ਹੋਇਆ।
4 ਜੁਲਾਈ ਨੂੰ, ਚੰਡੀਗੜ੍ਹ ਦੇ ਇੰਡਸਟਰੀਅਲ ਏਰੀਆ ਫੇਜ਼ 2 ਵਿੱਚ ਹੋਟਲ ਦ ਫਰਨ ਦੇ ਨੇੜੇ ਪਲਾਟ ਨੰਬਰ 28/9 ‘ਤੇ ਇੱਕ ਪੁਰਾਣੀ ਇਮਾਰਤ ਅਚਾਨਕ ਡਿੱਗ ਗਈ। ਕੁਝ ਲੋਕਾਂ ਦੇ ਮਲਬੇ ਹੇਠ ਫਸਣ ਦਾ ਖਦਸ਼ਾ ਤੋਂ ਬਾਅਦ ਪੁਲਿਸ, ਪ੍ਰਸ਼ਾਸਨ ਅਤੇ ਆਫ਼ਤ ਪ੍ਰਬੰਧਨ ਟੀਮਾਂ ਮੌਕੇ ‘ਤੇ ਪਹੁੰਚ ਗਈਆਂ ਅਤੇ ਬਚਾਅ ਅਤੇ ਰਾਹਤ ਕਾਰਜ ਜਾਰੀ ਹਨ।
ਇਹ ਵੀ ਪੜ੍ਹੋ
