ਇੱਕ ਮੌਕਾ ਦਿੰਦੀ, ਮੈਂ ਪਹਿਲਾਂ ਵਰਗਾ ਬਣ ਜਾਣਾ ਸੀ…ਵਿਆਹ ਤੋਂ ਇਨਕਾਰ ਕਰਨ ਦੇ ਪ੍ਰੇਮੀ ਨੇ ਕੀਤੀ ਖੁਦਕੁਸ਼ੀ

ਜਲੰਧਰ ਦੇ ਭਾਰਗਵ ਕੈਂਪ ਦੇ ਰਹਿਣ ਵਾਲੇ ਨੌਜਵਾਨ ਅਮਨਦੀਪ ਨੇ ਆਪਣੀ ਪ੍ਰੇਮਿਕਾ ਦੇ ਵਿਆਹ ਤੋਂ ਇਨਕਾਰ ਕਰਨ ਤੋਂ ਦੁਖੀ ਹੋ ਕੇ ਆਪਣੇ ਆਪ ਨੂੰ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦੇ ਪਰਿਵਾਰ ਦਾ ਇਲਜ਼ਾਮ ਹੈ ਕਿ ਲੜਕੀ ਤੇ ਉਸ ਦੇ ਪਰਿਵਾਰ ਵੱਲੋਂ ਲਗਾਤਾਰ ਪਰੇਸ਼ਾਨੀ ਤੇ ਵਿਆਹ ਤੋਂ ਇਨਕਾਰ ਨੇ ਨੌਜਵਾਨ ਨੂੰ ਇਸ ਭਿਆਨਕ ਕਦਮ ਵੱਲ ਧੱਕ ਦਿੱਤਾ। ਨੌਜਵਾਨ ਨੇ ਆਪਣੀ ਮੌਤ ਤੋਂ ਪਹਿਲਾਂ ਛੇ ਵੀਡੀਓ ਵੀ ਬਣਾਏ, ਜਿਸ ‘ਚ ਉਸ ਨੇ ਕਿਹਾ- ਮੰਨ ਤਾਂ ਨਹੀਂ ਕਰਦਾ ਪਿਆ, ਪਰ ਹੋਰ ਕੁੱਝ ਨਹੀਂ ਕਰ ਸਕਦਾ। ਅਮਨਦੀਪ ਨੇ ਕਿਹਾ ਤੂੰ ਟੈਂਸ਼ਨ ਨਾ ਲੈ, ਮੈਂ ਰੋਦਾਂ ਨਹੀਂ, ਮੈਂ ਸਹੁਰਿਆਂ ਨੂੰ ਰਵਾ ਕੇ ਜਾਵਾਂਗਾ।

ਮ੍ਰਿਤਕ ਦੀ ਮਾਂ ਨੇ ਲਗਾਏ ਇਲਜ਼ਾਮ

ਮ੍ਰਿਤਕ ਦੀ ਮਾਂ ਨੇ ਇਲਜ਼ਾਮ ਲਗਾਇਆ ਕਿ ਉਸ ਦਾ ਪੁੱਤਰ ਦੋ ਸਾਲਾਂ ਤੋਂ ਇੱਕ ਲੜਕੀ ਨਾਲ ਪ੍ਰੇਮ ਸਬੰਧਾਂ ‘ਚ ਸੀ। ਲੜਕੀ ਦਾ ਘਰ ਵੀ ਭਾਰਗਵ ਕੈਂਪ ‘ਚ ਹੈ। ਪਰਿਵਾਰ ਨੇ ਇਸ ਰਿਸ਼ਤੇ ਨੂੰ ਮਨਜ਼ੂਰੀ ਦੇ ਦਿੱਤੀ ਤੇ ਲਗਭਗ ਦੋ ਸਾਲ ਪਹਿਲਾਂ ਜਲੰਧਰ ਦੇ ਹੋਟਲ ਡਾਊਨਟਾਊਨ ‘ਚ ਉਨ੍ਹਾਂ ਦੀ ਮੰਗਣੀ ਕਰਵਾਈ। ਉਸ ਸਮੇਂ, ਕੁੜੀ ਦੇ ਪਰਿਵਾਰ ਨੇ ਮੁੰਡੇ ਦੀ ਛੋਟੀ ਉਮਰ ਦਾ ਹਵਾਲਾ ਦਿੰਦੇ ਹੋਏ ਵਿਆਹ ਨੂੰ ਪੰਜ ਸਾਲ ਬਾਅਦ ਕਰਵਾਉਣ ਲਈ ਕਿਹਾ, ਜਿਸ ‘ਤੇ ਮੁੰਡੇ ਦਾ ਪਰਿਵਾਰ ਸਹਿਮਤ ਹੋ ਗਿਆ। ਪਰਿਵਾਰਕ ਮੈਂਬਰਾਂ ਦੇ ਅਨੁਸਾਰ, ਮੰਗਣੀ ਤੋਂ ਬਾਅਦ ਲੜਕੀ ਉਨ੍ਹਾਂ ਦੇ ਘਰ ਆਉਂਦੀ ਰਹਿੰਦੀ ਸੀ ਤੇ ਦੋਵੇਂ ਫ਼ੋਨ ਤੇ ਗੱਲਬਾਤ ਰਾਹੀਂ ਗੱਲਬਾਤ ਕਰਦੇ ਰਹਿੰਦੇ ਸਨ।

ਹਾਲਾਂਕਿ, ਇੱਕ ਮਹੀਨਾ ਪਹਿਲਾਂ ਲੜਕੀ ਨੇ ਅਚਾਨਕ ਗੱਲ ਕਰਨੀ ਬੰਦ ਕਰ ਦਿੱਤੀ, ਜਿਸ ਕਾਰਨ ਨੌਜਵਾਨ ਮਾਨਸਿਕ ਤਣਾਅ ‘ਚ ਆ ਗਿਆ। ਜਦੋਂ ਮ੍ਰਿਤਕ ਦੀ ਭੈਣ ਤੇ ਮਾਂ, ਲੜਕੀ ਦੇ ਘਰ ਉਸ ਨਾਲ ਗੱਲ ਕਰਨ ਗਈਆਂ ਤਾਂ ਉਨ੍ਹਾਂ ਨਾਲ ਕਥਿਤ ਤੌਰ ‘ਤੇ ਬਦਸਲੂਕੀ ਕੀਤੀ ਗਈ ਤੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਗਿਆ।

ਇਸ ਪੂਰੀ ਘਟਨਾ ਤੋਂ ਬਾਅਦ ਲੜਕਾ ਤਣਾਅ ‘ਚ ਆ ਗਿਆ ਤੇ ਉਸ ਨੇ ਖੁਦਕੁਸ਼ੀ ਕਰ ਲਈ। ਭਾਰਗਵ ਕੈਂਪ ਪੁਲਿਸ ਸਟੇਸ਼ਨ ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਤੇ ਪੱਖੇ ਨਾਲ ਲਟਕਦੇ ਨੌਜਵਾਨ ਨੂੰ ਹੇਠਾਂ ਉਤਾਰਿਆ। ਲਾਸ਼ ਨੂੰ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਭੇਜ ਦਿੱਤਾ ਗਿਆ ਹੈ। ਜਾਂਚ ਅਧਿਕਾਰੀ ਪ੍ਰਵੀਨ ਕੁਮਾਰ ਨੇ ਕਿਹਾ ਕਿ ਪੀੜਤ ਪਰਿਵਾਰ ਦੇ ਬਿਆਨਾਂ ਦੇ ਆਧਾਰ ‘ਤੇ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।

ਅਮਨਦੀਪ ਨੇ ਵੀਡੀਓ ‘ਚ ਕੀ ਕਿਹਾ?

ਅਮਨਦੀਪ ਨੇ ਖੁਦਕੁਸ਼ੀ ਕਰਨ ਤੋਂ ਪਹਿਲਾਂ ਛੇਹ ਵੀਡੀਓ ਬਣਾਈਆਂ। ਉਸ ‘ਚ ਉਹ ਕਹਿ ਰਿਹਾ ਹੈ ਕਿ ਤੈਨੂੰ ਭਵਿੱਖ ਲਈ ਵਧਾਈਆਂ। ਕੀ ਪਤਾ ਵੀਡੀਓ ਤੇਰੇ ਤੱਕ ਨਹੀਂ ਪਹੁੰਚੇ। ਬੁਲੇਟ ਘਰ ‘ਚ ਰਹਿ ਜਾਵੇਗਾ, ਕੋਈ ਚਲਾਨ ਵਾਲਾ ਨਹੀਂ ਰਹੇਗਾ। ਅੱਜ ਤੀਜਾ ਦਿਨ ਹੈ, ਮੈਂ ਕੁੱਝ ਵੀ ਨਹੀਂ ਖਾਧਾ, ਤੂੰ ਪੁੱਛਿਆ ਕੀ ਤੇਰਾ ਕੀ ਹਾਲ ਹੈ? ਤੇਰਾ ਭਵਿੱਖ ਜ਼ਿਆਦਾ ਜ਼ਰੂਰੀ ਹੈ। ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਕੀ ਕਰਾਂ। ਮੇਰੇ ‘ਚ ਪੱਖੇ ਨਾਲ ਲਟਕਣ ਦੀ ਹਿੰਮਤ ਵੀ ਨਹੀਂ ਹੈ। ਮੈਂ ਤੈਨੂੰ ਬਹੁਤ ਕਲਪਾਇਆ ਤੇ ਰਵਾਇਆ। ਜੇ ਤੂੰ ਮੈਨੂੰ ਇੱਕ ਆਖਰੀ ਮੌਕਾ ਦਿੰਦੀ, ਤਾਂ ਮੈਂ ਪਹਿਲੇ ਵਰਗਾ ਹੋ ਜਾਂਦਾ।

ਇਹ ਵੀ ਪੜ੍ਹੋ

ਜ਼ਿਲ੍ਹਾ ਪ੍ਰੀਸ਼ਦ 'ਤੇ ਪੰਚਾਇਤ ਸੰਮਤੀ ਚੋਣਾਂ ਲਈ ਤਿਆਰੀਆਂ ਪੂਰੀਆਂ

ਇਸਾਈ ਭਾਈਚਾਰੇ ਦੀ ਚਰਨ ਕੌਰ ਪੁਤਲਾ ਮਾਮਲੇ 'ਚ ਮੁਸੇਵਾਲਾ ਪਰਿਵਾਰ ਨਾਲ ਮੁਲਾਕਾਤ

ਜਲੰਧਰ ਵਿੱਚ ਪਾਬੰਦੀਸ਼ੂਦਾ ਮੱਛੀ ਦੀ ਖੁੱਲ੍ਹੀ ਵਿਕਰੀ, ਸਟਿੰਗ ਆਪਰੇਸ਼ਨ ਵਿੱਚ ਖੁਲਾਸਾ

ਅਮਨਦੀਪ ਅੱਗੇ ਕਹਿੰਦਾ ਹੈ ਪਰ ਕਹਿ ਦੇ ਕੋਈ ਤੀਜ਼ਾ ਆ ਕਿਹਾ ਸਾਡੇ ਵਿਚਕਾਰ। ਮੈਂ ਤੁਹਾਨੂੰ ਬਹੁਤ ਰੋਕਿਆ ਸਮਝਾਇਆ। 20 ਦਿਨ ਹੋ ਗਏ ਹਨ ਤੇਰੇ ਨਾਲ ਗੱਲ ਨਹੀਂ ਹੋਈ। ਪਰ ਤੇਰੀ ਟੈਂਸ਼ਨ ਖ਼ਤਮ ਹੋ ਚੱਲੀ। ਸੋਖਾ ਨਹੀਂ ਹੈ ਮਰਨਾ, ਮੈਨੂੰ ਜ਼ਹਿਰ ਨਹੀਂ ਮਿਲਿਆ, ਕਿਤੋਂ ਲਿਆ ਦੇ, ਇਹ ਸਭ ਤੋਂ ਵਧੀਆ ਤਰੀਕਾ ਹੈ। ਮੇਰੇ ‘ਚ ਮਰਨ ਦੀ ਹਿੰਮਤ ਨਹੀਂ ਹੈ, ਮੈਨੂੰ ਸਮਝ ਨਹੀਂ ਆ ਰਹੀ। ਮੈਨੂੰ ਦੁੱਖ ਹੈ ਕਿ ਤੂੰ ਮੇਰੇ ਨਾਲ ਆਖਿਰੀ ਵਾਰ ਗੱਲ ਨਹੀਂ ਕੀਤੀ। ਤੇਰੀ ਮੰਮੀ, ਤੇਰੇ ਕਰਕੇ ਘਰ ਦਾ ਮੰਡਾ ਚੱਲਾ। ਦੋ ਦਿਨ ਰੋਣਾ ਸਾਰਿਆਂ ਨੇ ਫਿਰ ਭੁੱਲ ਜਾਣਾ, ਫਿਰ ਯਾਂਦਾ ‘ਚ ਰਹਾਂਗਾ।