ਮਸਜਿਦ ਜਾਣ ਵਾਲਾ ਸਿੱਖ ਪੱਗ ਦਾ ਹੱਕਦਾਰ ਨਹੀਂ… ਨਿਹੰਗ ਸਿੰਘ ਨੇ ਮੌਲਵੀ ਨੂੰ ਦਿੱਤੀ ਚੇਤਾਵਨੀ; ਪਿੰਡ ਛੱਡਣ ਦਾ ਅਲਟੀਮੇਟਮ
ਅੰਮ੍ਰਿਤਸਰ ਵਿਖੇ ਇੱਕ ਨਿਹੰਗ ਸਿੰਘ ਨੇ ਮੌਲਵੀ ਕੋਲ ਜਾ ਰਹੇ ਇੱਕ ਸਿੱਖ ਵਿਅਕਤੀ ਨੂੰ ਰੋਕ ਦਿੱਤਾ। ਨਿਹੰਗ ਸਿੰਘ ਭੂਪਿੰਦਰ ਸਿੰਘ ਬੱਗਾ ਨੇ ਰੋਸ਼ ਪ੍ਰਗਟਾਉਂਦਿਆਂ ਆਖਿਆ ਕਿ ਸਿੱਖ ਹੁੰਦਿਆਂ ਹੋਇਆਂ ਵੀ ਕਈ ਲੋਕ ਮੁਸਲਮਾਨਾਂ ਦੀਆਂ ਮਸਜਿਦਾਂ ਵਿੱਚ ਜਾ ਰਹੇ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਅਜਿਹੇ ਲੋਕ ਸਿੱਖ ਅਖਵਾਉਣ ਦੇ ਲਾਇਕ ਨਹੀਂ ਹਨ ਅਤੇ ਨਾ ਹੀ ਉਨ੍ਹਾਂ ਨੂੰ ਸਿਰ ਉੱਤੇ ਦਸਤਾਰ ਸਜਾਉਣ ਦਾ ਕੋਈ ਹੱਕ ਹੈ।
ਅੰਮ੍ਰਿਤਸਰ ਵਿਖੇ ਇੱਕ ਨਿਹੰਗ ਸਿੰਘ ਨੇ ਮੌਲਵੀ ਕੋਲ ਜਾ ਰਹੇ ਇੱਕ ਸਿੱਖ ਵਿਅਕਤੀ ਨੂੰ ਰੋਕ ਦਿੱਤਾ। ਨਿਹੰਗ ਸਿੰਘ ਭੂਪਿੰਦਰ ਸਿੰਘ ਬੱਗਾ ਨੇ ਰੋਸ਼ ਪ੍ਰਗਟਾਉਂਦਿਆਂ ਆਖਿਆ ਕਿ ਸਿੱਖ ਹੁੰਦਿਆਂ ਹੋਇਆਂ ਵੀ ਕਈ ਲੋਕ ਮੁਸਲਮਾਨਾਂ ਦੀਆਂ ਮਸਜਿਦਾਂ ਵਿੱਚ ਜਾ ਰਹੇ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਅਜਿਹੇ ਲੋਕ ਸਿੱਖ ਅਖਵਾਉਣ ਦੇ ਲਾਇਕ ਨਹੀਂ ਹਨ ਅਤੇ ਨਾ ਹੀ ਉਨ੍ਹਾਂ ਨੂੰ ਸਿਰ ਉੱਤੇ ਦਸਤਾਰ ਸਜਾਉਣ ਦਾ ਕੋਈ ਹੱਕ ਹੈ।
ਜਾਣਕਾਰੀ ਅਨੁਸਾਰ, ਨਿਹੰਗ ਸਿੰਘ ਦੇ ਰੋਕਣ ਦੇ ਬਾਵਜੂਦ ਉਹ ਸਿੱਖ ਵਿਅਕਤੀ ਛਿਪ ਕੇ ਮਸਜਿਦ ਵਿੱਚ ਚਲਾ ਗਿਆ। ਇਸ ਤੋਂ ਬਾਅਦ ਨਿਹੰਗ ਸਿੰਘ ਨੇ ਉਸ ‘ਤੇ ਲਗਾਤਾਰ ਨਜ਼ਰ ਰੱਖੀ ਅਤੇ ਵਾਪਸ ਆਉਂਦੇ ਸਮੇਂ ਉਸ ਨੂੰ ਮੁੜ ਰੋਕ ਲਿਆ। ਨਿਹੰਗ ਸਿੰਘ ਨੇ ਮੋਬਾਈਲ ‘ਤੇ ਵੀਡੀਓ ਬਣਾਉਂਦੇ ਹੋਏ ਜਦੋਂ ਉਸ ਕੋਲੋਂ ਮਸਜਿਦ ਜਾਣ ਦਾ ਕਾਰਨ ਪੁੱਛਿਆ ਤਾਂ ਉਸ ਨੇ ਦੱਸਿਆ ਕਿ ਉਸ ਦੀ ਮੱਝ ਦੇ ਬੱਚੇਦਾਨੀ ਵਿੱਚ ਗੰਢ ਪੈ ਗਈ ਸੀ, ਜਿਸ ਦੇ ਉਪਾਅ ਲਈ ਉਹ ਮੌਲਵੀ ਕੋਲ ਗਿਆ ਸੀ।
ਸਿੱਖ ਵਿਅਕਤੀ ਨੇ ਆਪਣੀ ਸਫ਼ਾਈ ਵਿੱਚ ਕਿਹਾ ਕਿ ਉਸ ਨੇ ਨਾ ਤਾਂ ਮਸਜਿਦ ਵਿੱਚ ਮੱਥਾ ਟੇਕਿਆ ਹੈ ਅਤੇ ਨਾ ਹੀ ਉੱਥੋਂ ਕੋਈ ਧਾਗਾ ਜਾਂ ਤਾਵੀਜ਼ ਲੈ ਕੇ ਆਇਆ ਹੈ। ਇਸ ਗੱਲ ‘ਤੇ ਨਿਹੰਗ ਸਿੰਘ ਹੋਰ ਭੜਕ ਗਿਆ ਅਤੇ ਉਸ ਨੇ ਤੁਰੰਤ ਮੌਲਵੀ ਨਾਲ ਗੱਲ ਕਰਵਾਉਣ ਲਈ ਕਿਹਾ। ਨਿਹੰਗ ਭੂਪਿੰਦਰ ਸਿੰਘ ਨੇ ਮੌਲਵੀ ਨੂੰ ਫ਼ੋਨ ਕਰਕੇ ਤੁਰੰਤ ਚੇਤਾਵਨੀ ਦਿੱਤੀ ਅਤੇ ਇੱਕ ਹਫ਼ਤੇ ਦੇ ਅੰਦਰ-ਅੰਦਰ ਪਿੰਡ ਖ਼ਾਲੀ ਕਰਕੇ ਚਲੇ ਜਾਣ ਲਈ ਕਿਹਾ। ਨਿਹੰਗ ਸਿੰਘ ਨੇ ਸਪੱਸ਼ਟ ਕੀਤਾ ਕਿ ਉਹ ਇਸ ਮਸਜਿਦ ਵਿੱਚ ਜਾਣ ਵਾਲੇ ਵਿਅਕਤੀ, ਪਿੰਡ ਦੇ ਹੋਰ ਸ਼ਰਧਾਲੂਆਂ ਅਤੇ ਮੌਲਵੀ ਵਿਰੁੱਧ ਹੁਣ ਵਿਰੋਧ ਪ੍ਰਦਰਸ਼ਨ ਕਰਨਗੇ ਅਤੇ ਪਿੰਡ ਦੀ ਪੰਚਾਇਤ ਵੀ ਬੁਲਾਉਣਗੇ।
ਪਿੰਡ ਵਾਸੀਆਂ, ਪੰਚਾਇਤ ਅਤੇ ਕਿਸਾਨ ਯੂਨੀਅਨਾਂ ਤੋਂ ਕਾਰਵਾਈ ਦੀ ਮੰਗ
ਨਿਹੰਗ ਸਿੰਘ ਨੇ ਪਿੰਡ ਦੇ ਗ੍ਰੰਥੀ ਸਿੰਘਾਂ, ਪੰਚਾਇਤ ਅਤੇ ਕਿਸਾਨ ਯੂਨੀਅਨਾਂ ਨੂੰ ਮਸਜਿਦ ਵਿੱਚ ਰਹਿ ਰਹੇ ਮੌਲਵੀ ਅਤੇ ਗੁੱਜਰ ਭਾਈਚਾਰੇ ਦੇ ਲੋਕਾਂ ਵਿਰੁੱਧ ਸਖ਼ਤ ਕਾਰਵਾਈ ਕਰਨ ਦੀ ਅਪੀਲ ਕੀਤੀ। ਉਨ੍ਹਾਂ ਦੋਸ਼ ਲਗਾਇਆ ਕਿ ਪਿੰਡ ਦੀਆਂ ਕਈ ਔਰਤਾਂ ਦੁੱਧ ਅਤੇ ਪਾਥੀਆਂ ਲੈਣ ਦੇ ਬਹਾਨੇ ਉੱਥੇ ਜਾਂਦੀਆਂ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਸ ਪੂਰੇ ਮਾਮਲੇ ਦੀ ਜਾਣਕਾਰੀ ਪਿੰਡ ਦੇ ਇੱਕ ਵਿਅਕਤੀ ਕੋਲ ਮੌਜੂਦ ਹੈ, ਇਸ ਲਈ ਸਾਰਿਆਂ ਨੂੰ ਇਸ ਸੰਵੇਦਨਸ਼ੀਲ ਮੁੱਦੇ ‘ਤੇ ਗੰਭੀਰਤਾ ਨਾਲ ਕਦਮ ਚੁੱਕਣੇ ਚਾਹੀਦੇ ਹਨ।
1 ਹਫ਼ਤੇ ਦਾ ਅਲਟੀਮੇਟਮ ਅਤੇ ਧਰਨਾ ਦੇਣ ਦੀ ਚੇਤਾਵਨੀ
ਭੂਪਿੰਦਰ ਸਿੰਘ ਬੱਗਾ ਨੇ ਵੀਡੀਓ ਰਾਹੀਂ ਮੌਲਵੀ ਨੂੰ ਪਿੰਡ ਛੱਡਣ ਲਈ ਇੱਕ ਹਫ਼ਤੇ ਦਾ ਸਮਾਂ ਦਿੱਤਾ ਹੈ। ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਜੇਕਰ ਨਿਸ਼ਚਿਤ ਸਮੇਂ ਦੇ ਅੰਦਰ ਮੌਲਵੀ ਪਿੰਡ ਛੱਡ ਕੇ ਨਾ ਗਿਆ ਤਾਂ ਪਿੰਡ ਦੇ ਪੁਲ ‘ਤੇ ਮੌਲਵੀ ਅਤੇ ਗੁੱਜਰ ਭਾਈਚਾਰੇ ਦੇ ਲੋਕਾਂ ਵਿਰੁੱਧ ਵਿਸ਼ਾਲ ਧਰਨਾ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਸੇ ਵੀ ਸੰਭਾਵਿਤ ਵਿਵਾਦ ਦੀ ਸਥਿਤੀ ਵਿੱਚ ਪਿੰਡ ਦੇ ਲੋਕਾਂ ਨੂੰ ਇੱਕਜੁੱਟ ਰਹਿਣ ਦਾ ਸੱਦਾ ਦਿੱਤਾ।
ਇਹ ਵੀ ਪੜ੍ਹੋ
