ਅੰਮ੍ਰਿਤਸਰ: 17 ਸਾਲਾ ਅਮਰਜੋਤ ਕਤਲਕਾਂਡ ‘ਚ 2 ਮੁੱਖ ਸ਼ੂਟਰ ਕਾਬੂ, 8500 ਰੁਪਏ ‘ਚ ਕੀਤਾ ਸੀ ਕਤਲ
ਇਸ ਸਬੰਧੀ ਥਾਣਾ ਮਹਿਤਾ ਦੇ ਐਸਐਚਓ ਸਿਮਰਨਜੀਤ ਕੌਰ ਨੇ ਦੱਸਿਆ ਕਿ ਇਹ ਕਥਿਤ ਦੋਸ਼ੀ ਰਜਤ ਉਰਫ ਖੁੰਡਾ ਤੇ ਆਰੀਅਨ ਸਕੇ ਭਰਾ ਹਨ ਤੇ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਹਨ। ਇਹ ਦੋਵੇਂ ਇਸ ਸਮੇਂ ਕਿਸੇ ਹੋਰ ਮਾਮਲੇ ਕਾਰਨ ਚੰਡੀਗੜ੍ਹ ਦੀ ਮਾਡਲ ਜੇਲ੍ਹ 'ਚ ਬੰਦ ਸਨ। ਇਹ ਦੋਵੇਂ ਅਮਰਜੋਤ ਕਤਲ ਕੇਸ 'ਚ ਨਾਮਜ਼ਦ ਸਨ, ਜਿਨ੍ਹਾਂ ਨੂੰ ਪੁੱਛਗਿੱਛ ਲਈ ਪ੍ਰੋਡਕਸ਼ਨ ਵਰੰਟ 'ਤੇ ਲਿਆਂਦਾ ਗਿਆ ਹੈ।
ਪਿਛਲੇ ਦਿਨੀਂ ਮਹਿਤਾ ਥਾਣਾ ਦੇ ਅਧੀਨ ਪਿੰਡ ਮਹਿਸਮਪੁਰ ‘ਚ 17 ਸਾਲਾ ਨੌਜਵਾਨ ਅਮਰਜੋਤ ਨੂੰ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਇਸ ਮਾਮਲੇ ‘ਚ 60 ਦਿਨਾਂ ਬਾਅਦ ਥਾਣਾ ਮਹਿਤਾ ਦੀ ਪੁਲਿਸ ਨੇ 2 ਮੁੱਖ ਸ਼ੂਟਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਸ ਮਾਮਲੇ ‘ਚ 3 ਮੁਲਜ਼ਮਾਂ ਦੀ ਪਹਿਲਾਂ ਹੀ ਗ੍ਰਿਫ਼ਤਾਰੀ ਹੋ ਚੁੱਕੀ ਹੈ ਤੇ ਵਾਰਦਾਤ ‘ਚ ਸ਼ਾਮਿਲ 2 ਮੁੱਖ ਸ਼ੂਟਰਾਂ ਨੂੰ ਵੀ ਗ੍ਰਿਫ਼ਤਾਰ ਕਰ ਲਿਆ, ਜਦਕਿ ਇੱਕ ਦੋਸ਼ੀ ਅਜੇ ਵੀ ਫ਼ਰਾਰ ਹੈ। ਉਸ ਦੀ ਗ੍ਰਿਫ਼ਤਾਰੀ ਲਈ ਪੁਲਿਸ ਵੱਲੋਂ ਲਗਾਤਾਰ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
ਇਸ ਸਬੰਧੀ ਥਾਣਾ ਮਹਿਤਾ ਦੇ ਐਸਐਚਓ ਸਿਮਰਨਜੀਤ ਕੌਰ ਨੇ ਦੱਸਿਆ ਕਿ ਇਹ ਕਥਿਤ ਦੋਸ਼ੀ ਰਜਤ ਉਰਫ ਖੁੰਡਾ ਤੇ ਆਰੀਅਨ ਸਕੇ ਭਰਾ ਹਨ ਤੇ ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਹਨ। ਇਹ ਦੋਵੇਂ ਇਸ ਸਮੇਂ ਕਿਸੇ ਹੋਰ ਮਾਮਲੇ ਕਾਰਨ ਚੰਡੀਗੜ੍ਹ ਦੀ ਮਾਡਲ ਜੇਲ੍ਹ ‘ਚ ਬੰਦ ਸਨ। ਇਹ ਦੋਵੇਂ ਅਮਰਜੋਤ ਕਤਲ ਕੇਸ ‘ਚ ਨਾਮਜ਼ਦ ਸਨ, ਜਿਨ੍ਹਾਂ ਨੂੰ ਪੁੱਛਗਿੱਛ ਲਈ ਪ੍ਰੋਡਕਸ਼ਨ ਵਰੰਟ ‘ਤੇ ਲਿਆਂਦਾ ਗਿਆ ਹੈ। ਦੋਵਾਂ ਕਥਿਤ ਦੋਸ਼ੀਆਂ ਵੱਲੋਂ ਕੀਤੇ ਗਏ ਕਬੂਲਨਾਮੇ ਅਨੁਸਾਰ ਉਹ ਕਿਸੇ ਸ਼ਗਨਪ੍ਰੀਤ ਨਾਮੀ ਵਿਅਕਤੀ ਦੇ ਕਹਿਣ ਤੇ ਮਹਿਤਾ ਆਏ ਸਨ, ਜਿੱਥੇ ਉਹ ਗੁਰਪ੍ਰੀਤ ਸਿੰਘ ਉਰਫ਼ ਬੋਬੀ ਨੂੰ ਮਿਲੇ।
ਕਤਲ ਤੋਂ ਬਾਅਦ ਦਿੱਤੇ ਸੀ 8500 ਰੁਪਏ
ਇਸ ਤੋਂ ਬਾਅਦ ਤਿੰਨਾਂ ਨੇ ਮਿਲ ਕੇ ਇਸ ਵਾਰਦਾਤ ਨੂੰ ਅੰਜਾਮ ਦਿੰਦੇ ਹੋਏ ਅਮਰਜੋਤ ਨੂੰ ਪਿੰਡ ਜਲਾਲ ਵਿਖੇ ਗੋਲੀਆਂ ਮਾਰੀਆਂ। ਇਸ ਤੋਂ ਬਾਅਦ ਗੁਰਪ੍ਰੀਤ ਸਿੰਘ ਬੋਬੀ ਨੇ ਉਨ੍ਹਾਂ ਤੋਂ ਪਿਸਤੌਲ ਵਾਪਸ ਲੈ ਕੇ 8500 ਰੁਪਏ ਦਿੱਤੇ ਤੇ ਬੱਸ ‘ਤੇ ਬਿਠਾ ਕੇ ਅੰਮ੍ਰਿਤਸਰ ਵਾਪਸ ਭੇਜ ਦਿੱਤਾ।
ਕਤਲ ਦੀ ਵਜ੍ਹਾ ਅਸਪੱਸ਼ਟ
ਹਾਲਾਂਕਿ, ਇਸ ਕਤਲ ਦੀ ਅਸਲ ਵਜ੍ਹਾ ਕੀ ਹੈ ਇਸ ਬਾਰੇ ਅਜੇ ਕੋਈ ਪੁਖ਼ਤਾ ਜਾਣਕਾਰੀ ਨਹੀਂ ਮਿਲ ਸਕੀ ਪਰ ਜ਼ਿਕਰ ਯੋਗ ਹੁਣ ਤੱਕ ਇਸ ਕਤਲ ਕਾਂਡ ‘ਚ ਕੁੱਲ 6 ਦੋਸ਼ੀਆਂ ਨੂੰ ਨਾਮਜ਼ਦ ਕੀਤਾ ਗਿਆ ਹੈ।
