Makeup Tips: ਮੇਕਅੱਪ ਕਰਨ ਤੋਂ ਬਾਅਦ ਆਉਣ ਲੱਗਦਾ ਹੈ ਪਸੀਨਾ? ਇਹ 4 ਟਿਪਸ ਆਉਣਗੇ ਕੰਮ
Makeup Tips: ਗਰਮੀਆਂ ਦੇ ਮੌਸਮ 'ਚ ਪਸੀਨੇ ਅਤੇ ਜ਼ਿਆਦਾ ਤਾਪਮਾਨ ਕਾਰਨ ਮੇਕਅੱਪ ਆਸਾਨੀ ਨਾਲ ਉਤਰਨਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਮੌਸਮ 'ਚ ਮੇਕਅੱਪ ਨੂੰ ਲੰਬੇ ਸਮੇਂ ਤੱਕ ਬਣਾਈ ਰੱਖਣਾ ਬਹੁਤ ਵੱਡਾ ਕੰਮ ਹੋ ਸਕਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਗਰਮੀਆਂ ਦੇ ਮੌਸਮ 'ਚ ਮੇਕਅਪ ਨੂੰ ਲੰਬੇ ਸਮੇਂ ਤੱਕ ਕਿਵੇਂ ਬਣਾਈ ਰੱਖਣਾ ਹੈ।
Sweating After Makeup: ਮੇਕਅੱਪ ਕਰਨ ਨਾਲ ਚਿਹਰਾ ਬਿਲਕੁਲ ਤਰੋਤਾਜ਼ਾ ਅਤੇ ਸੁੰਦਰ ਲੱਗਦਾ ਹੈ। ਮਿਨਿਮਲ ਅਤੇ ਪੇਸਟਲ ਸਮੇਤ ਕਈ ਮੇਕਅੱਪ ਲੁੱਕ ਹਨ, ਜੋ ਖੂਬਸੂਰਤੀ ਨੂੰ ਵਧਾਉਂਦੇ ਹਨ। ਪਰ ਗਰਮੀਆਂ ਵਿੱਚ ਮੇਕਅਪ ਨੂੰ ਕੰਟਰੋਲ ਵਿੱਚ ਰੱਖਣਾ ਇੱਕ ਚੁਣੌਤੀਪੂਰਨ ਕੰਮ ਹੋ ਸਕਦਾ ਹੈ। ਇਸ ਮੌਸਮ ‘ਚ ਪਸੀਨੇ ਕਾਰਨ ਮੇਕਅੱਪ ਲੁੱਕ ਅਕਸਰ ਖਰਾਬ ਹੋ ਜਾਂਦਾ ਹੈ।
ਪਸੀਨੇ ਕਾਰਨ ਮੇਕਅੱਪ ‘ਤੇ ਪੈਚ ਆ ਸਕਦਾ ਹੈ, ਜੋ ਤੁਹਾਡੀ ਦਿੱਖ ਨੂੰ ਖਰਾਬ ਕਰ ਸਕਦਾ ਹੈ। ਪਰ ਗਰਮੀਆਂ ਵਿੱਚ ਵੀ ਤੁਹਾਡੀ ਮੇਕਅੱਪ ਦੀ ਦਿੱਖ ਬਰਕਰਾਰ ਰਹੇ, ਇਸ ਤੋਂ ਬਚਣ ਲਈ ਤੁਸੀਂ ਕੁਝ ਗੱਲਾਂ ਦਾ ਧਿਆਨ ਰੱਖ ਸਕਦੇ ਹੋ। ਆਓ ਅਸੀਂ ਤੁਹਾਨੂੰ ਇਸ ਦੇ ਲਈ ਕੁਝ ਆਸਾਨ ਟਿਪਸ ਬਾਰੇ ਦੱਸਦੇ ਹਾਂ, ਜੋ ਤੁਹਾਡੇ ਮੇਕਅੱਪ ਦਾ ਧਿਆਨ ਰੱਖੇਗਾ।
ਪ੍ਰਾਈਮਰ ਦੀ ਵਰਤੋਂ
ਮੇਕਅੱਪ ਕਰਨ ਤੋਂ ਪਹਿਲਾਂ ਪ੍ਰਾਈਮਰ ਚਿਹਰੇ ਦੀ ਚਮੜੀ ਨੂੰ ਮੁਲਾਇਮ ਅਤੇ ਹੋਰ ਸਾਫ ਬਣਾਉਂਦਾ ਹੈ। ਇਹ ਮੇਕਅਪ ਨੂੰ ਸੈਟ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਪਸੀਨੇ ਦੇ ਬਾਵਜੂਦ ਇਸ ਨੂੰ ਠੀਕ ਰੱਖਦਾ ਹੈ। ਜੇਕਰ ਤੁਹਾਨੂੰ ਜ਼ਿਆਦਾ ਪਸੀਨਾ ਆਉਣ ਦੀ ਸਮੱਸਿਆ ਹੈ ਤਾਂ ਆਇਲ-ਫ੍ਰੀ ਪ੍ਰਾਈਮਰ ਦੀ ਵਰਤੋਂ ਕਰੋ, ਜੋ ਚਮੜੀ ਤੋਂ ਵਾਧੂ ਤੇਲ ਨੂੰ ਸੋਖ ਲੈਂਦਾ ਹੈ।
ਬਲੋਟਿੰਗ ਪੇਪਰ
ਤੁਸੀਂ ਬਲੋਟਿੰਗ ਪੇਪਰ ਨੂੰ ਚਿਹਰੇ ‘ਤੇ ਹਲਕਾ ਜਿਹਾ ਦਬਾ ਕੇ ਪਸੀਨੇ ਨੂੰ ਸੋਖਣ ਲਈ ਵਰਤ ਸਕਦੇ ਹੋ। ਇਹ ਮੇਕਅੱਪ ਨੂੰ ਖਰਾਬ ਕੀਤੇ ਬਿਨਾਂ ਚਿਹਰੇ ਤੋਂ ਪਸੀਨਾ ਸੋਖ ਲੈਂਦਾ ਹੈ। ਤੁਸੀਂ ਇਸ ਦੀ ਵਰਤੋਂ ਪੂਰੇ ਚਿਹਰੇ ‘ਤੇ ਕਰ ਸਕਦੇ ਹੋ ਜਾਂ ਸਿਰਫ ਉਨ੍ਹਾਂ ਥਾਵਾਂ ‘ਤੇ ਕਰ ਸਕਦੇ ਹੋ ਜਿੱਥੇ ਬਹੁਤ ਜ਼ਿਆਦਾ ਪਸੀਨਾ ਆਉਂਦਾ ਹੈ।
ਮਿਸਟ ਸਪਰੇਅ
ਤੁਹਾਨੂੰ ਮਿਸਟ ਸਪਰੇਅ ਦੀ ਵਰਤੋਂ ਕਰਨੀ ਚਾਹੀਦੀ ਹੈ, ਜੋ ਮੇਕਅੱਪ ਨੂੰ ਲੰਬੇ ਸਮੇਂ ਤੱਕ ਚੱਲਣ ਵਿੱਚ ਮਦਦ ਕਰਦਾ ਹੈ। ਇਹ ਚਮੜੀ ਨੂੰ ਹਾਈਡਰੇਟ ਰੱਖਦਾ ਹੈ ਅਤੇ ਪਸੀਨੇ ਦੀ ਸਮੱਸਿਆ ਨੂੰ ਘੱਟ ਕਰਦਾ ਹੈ। ਤੁਸੀਂ ਮੇਕਅੱਪ ਤੋਂ ਬਾਅਦ ਇਸ ਨੂੰ ਚਿਹਰੇ ‘ਤੇ ਹਲਕਾ ਜਿਹਾ ਛਿੜਕ ਸਕਦੇ ਹੋ।
ਇਹ ਵੀ ਪੜ੍ਹੋ
ਹਲਕਾ ਮੇਕਅਪ ਲਾਗਾਓ
ਜੇਕਰ ਪਸੀਨੇ ਦੀ ਸਮੱਸਿਆ ਬਹੁਤ ਜ਼ਿਆਦਾ ਹੈ ਤਾਂ ਹੈਵੀ ਮੇਕਅੱਪ ਦੀ ਬਜਾਏ ਹਲਕਾ ਮੇਕਅੱਪ ਲਗਾਓ। ਬੀਬੀ ਕਰੀਮ ਜਾਂ ਸੀਸੀ ਕਰੀਮ ਦੀ ਵਰਤੋਂ ਕਰੋ, ਜੋ ਚਮੜੀ ਨੂੰ ਹਲਕਾ ਕਵਰੇਜ ਦਿੰਦੀ ਹੈ। ਇਸ ਤੋਂ ਇਲਾਵਾ ਲਿਕਵਿਡ ਫਾਊਂਡੇਸ਼ਨ ਦੀ ਬਜਾਏ ਪਾਊਡਰ ਫਾਊਂਡੇਸ਼ਨ ਦੀ ਵਰਤੋਂ ਕਰੋ।
ਇਸ ਤੋਂ ਇਲਾਵਾ, ਤੁਹਾਨੂੰ ਮੇਕਅੱਪ ਉਤਪਾਦਾਂ ਦੀ ਚੋਣ ਸਹੀ ਢੰਗ ਨਾਲ ਕਰਨੀ ਚਾਹੀਦੀ ਹੈ। ਅਜਿਹੇ ਉਤਪਾਦਾਂ ਦੀ ਵਰਤੋਂ ਕਰੋ ਜੋ ਤੇਲ-ਮੁਕਤ ਅਤੇ ਪਸੀਨਾ ਸੋਖਣ ਵਾਲੇ ਹੋਣ। ਇਸ ਤੋਂ ਇਲਾਵਾ ਵਾਟਰਪਰੂਫ ਮਸਕਾਰਾ ਅਤੇ ਆਈਲਾਈਨਰ ਲਗਾਓ ਤਾਂ ਕਿ ਪਸੀਨੇ ਕਾਰਨ ਇਹ ਨਾ ਫੈਲਣ।
