ਚੰਡੀਗੜ੍ਹ ਨਿਗਮ ਟੀਮ ‘ਤੇ ਨਿਹੰਗਾਂ ਨੇ ਤਲਵਾਰਾਂ ਨਾਲ ਕੀਤਾ ਹਮਲਾ, ਗੈਰ-ਕਾਨੂੰਨੀ ਸਟਾਲ ਹਟਾਉਣ ਗਏ ਸਨ ਮੁਲਾਜ਼ਮ
Nihang Attack on Chandigarh Municipal Team: ਚੰਡੀਗੜ੍ਹ ਦੇ ਸੈਕਟਰ 15 ਵਿੱਚ ਨਿਹੰਗਾਂ ਨੇ ਨਗਰ ਨਿਗਮ ਦੀ ਟੀਮ 'ਤੇ ਤਲਵਾਰਾਂ ਨਾਲ ਹਮਲਾ ਕੀਤਾ। ਇਹ ਘਟਨਾ ਉਸ ਵੇਲੇ ਹੋਈ ਜਦੋਂ ਟੀਮ ਗੈਰ-ਕਾਨੂੰਨੀ ਸਟਾਲ ਹਟਾਉਣ ਗਈ ਸੀ। ਇਸ ਘਟਨਾ ਵਿੱਚ ਕਈ ਜ਼ਖਮੀ ਹੋ ਗਏ। ਚੰਡੀਗੜ੍ਹ ਪੁਲਿਸ ਨੇ ਇਸ ਮਾਮਲੇ ਤਿੰਨ ਨਿਹੰਗਾਂ ਨੂੰ ਗ੍ਰਿਫ਼ਤਾਰ ਕਰ ਐਫਆਈਆਰ ਦਰਜ ਕੀਤੀ ਹੈ।
ਚੰਡੀਗੜ੍ਹ ਦੇ ਸੈਕਟਰ 15 ਸਥਿਤ ਪਟੇਲ ਮਾਰਕੀਟ ਵਿੱਚ ਨਿਹੰਗਾਂ ਨੇ ਨਗਰ ਨਿਗਮ ਇਨਫੋਰਸਮੈਂਟ ਟੀਮ ‘ਤੇ ਤਲਵਾਰਾਂ ਨਾਲ ਹਮਲਾ ਕੀਤਾ। ਜਿਸ ਵਿੱਚ ਨਿਗਮ ਟੀਮ ਅਤੇ ਆਮ ਲੋਕ ਵੀ ਜ਼ਖਮੀ ਹੋ ਗਏ। ਇਸ ਮਾਮਲੇ ਵਿੱਚ, ਥਾਣਾ 11 ਦੀ ਪੁਲਿਸ ਨੇ ਨਿਗਮ ਇਨਫੋਰਸਮੈਂਟ ਸਬ-ਇੰਸਪੈਕਟਰ ਮਨੀਸ਼ਾ ਗਿੱਲ ਦੀ ਸ਼ਿਕਾਇਤ ‘ਤੇ ਐਫਆਈਆਰ ਦਰਜ ਕੀਤੀ ਹੈ ਅਤੇ 3 ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਗ੍ਰਿਫ਼ਤਾਰ ਕੀਤੇ ਗਏ ਤਿੰਨ ਮੁਲਜ਼ਮਾਂ ਦੀ ਪਛਾਣ ਪਰਮਜੀਤ ਸਿੰਘ, ਸ਼ਤਰੂਘਨ ਸਿੰਘ ਅਤੇ ਸਤਿੰਦਰ ਸਿੰਘ ਵਜੋਂ ਹੋਈ ਹੈ।
ਗੈਰ-ਕਾਨੂੰਨੀ ਵਿਕਰੇਤਾਵਾਂ ਨੂੰ ਹਟਾਉਣ ਗਈ ਸੀ ਟੀਮ
ਸੈਕਟਰ 11 ਪੁਲਿਸ ਸਟੇਸ਼ਨ ਦੀ ਪੁਲਿਸ ਦੇ ਮੁਤਾਬਕ 3 ਜੂਨ, 2025 ਨੂੰ ਨਗਰ ਨਿਗਮ ਇਨਫੋਰਸਮੈਂਟ ਦੀ ਸਬ-ਇੰਸਪੈਕਟਰ ਮਨੀਸ਼ਾ ਗਿੱਲ ਆਪਣੀ ਟੀਮ ਨਾਲ ਸੈਕਟਰ-15 ਪਟੇਲ ਮਾਰਕੀਟ ਤੋਂ ਗੈਰ-ਕਾਨੂੰਨੀ ਵਿਕਰੇਤਾਵਾਂ ਨੂੰ ਹਟਾਉਣ ਲਈ ਗਈ ਸੀ। ਉਸ ਦੌਰਾਨ ਨਿਹੰਗਾਂ ਦੁਆਰਾ ਇੱਕ ਸਟਾਲ ਵੀ ਲਗਾਇਆ ਗਿਆ ਸੀ। ਨਿਗਮ ਟੀਮ ਨੇ ਉਨ੍ਹਾਂ ਨੂੰ ਇਸ ਨੂੰ ਹਟਾਉਣ ਲਈ ਕਿਹਾ ਸੀ। ਉਨ੍ਹਾਂ ਵਿਚਕਾਰ ਝਗੜਾ ਹੋ ਗਿਆ, ਜਿਸ ਤੋਂ ਬਾਅਦ ਨਿਗਮ ਦੁਆਰਾ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਗਈ ਅਤੇ ਦੋਵਾਂ ਦਾ ਸਮਝੌਤਾ ਹੋ ਗਿਆ।
Chandigarh के सेक्टर-15 की मार्केट में अतिक्रमण हटाने गई नगर निगम की टीम पर हमला हो गया। pic.twitter.com/LW0K3cJ8pF
— Rishu Raj Singh (@rishuraj_chd) June 5, 2025
ਤਲਵਾਰਾਂ ਨਾਲ ਕੀਤਾ ਹਮਲਾ
ਪੁਲਿਸ ਨੂੰ ਦਿੱਤੀ ਆਪਣੀ ਸ਼ਿਕਾਇਤ ਵਿੱਚ ਮਨੀਸ਼ਾ ਗਿੱਲ ਨੇ ਕਿਹਾ ਕਿ ਜਦੋਂ ਉਹ 4 ਜੂਨ ਨੂੰ ਆਪਣੀ ਟੀਮ ਨਾਲ ਸੈਕਟਰ 15 ਦੀ ਮਾਰਕੀਟ ਗਈ ਤਾਂ ਨਿਹੰਗਾਂ ਨੇ ਦੁਬਾਰਾ ਉਸੇ ਜਗ੍ਹਾ ‘ਤੇ ਆਪਣਾ ਸਟਾਲ ਲਗਾ ਲਿਆ ਜਿੱਥੋਂ ਉਨ੍ਹਾਂ ਨੂੰ ਹਟਾਇਆ ਗਿਆ ਸੀ। ਜਦੋਂ ਉਨ੍ਹਾਂ ਨੂੰ ਦੁਬਾਰਾ ਹਟਾਉਣ ਲਈ ਕਿਹਾ ਗਿਆ ਤਾਂ ਉਹ ਬਹਿਸ ਕਰਨ ਲੱਗ ਪਏ ਅਤੇ ਹੱਥੋਪਾਈ ਹੋ ਗਏ।
ਲੋਹੇ ਦੀਆਂ ਪਾਈਪਾਂ ਨਾਲ ਕੁੱਟਮਾਰ
ਨਿਗਮ ਦੀ ਟੀਮ ਜਦੋਂ ਆਪਣਾ ਸਮਾਨ ਚੁੱਕਣ ਲੱਗੀ ਤਾਂ ਉਨ੍ਹਾਂ ਨਿਹੰਗਾਂ ਨੇ ਤਲਵਾਰਾਂ ਕੱਢੀਆਂ ਅਤੇ ਉਨ੍ਹਾਂ ਦੀ ਟੀਮ ‘ਤੇ ਹਮਲਾ ਕਰਨ ਲਈ ਉਨ੍ਹਾਂ ਦੇ ਪਿੱਛੇ ਭੱਜੇ। ਹੋਰਨਾਂ ਨੇ ਧੁੱਪ ਤੋਂ ਬਚਾਉਣ ਲਈ ਉੱਥੇ ਲਗਾਈਆਂ ਛੱਤਰੀਆਂ ਤੋਂ ਲੋਹੇ ਦੀਆਂ ਪਾਈਪਾਂ ਕੱਢ ਲਈਆਂ ਅਤੇ ਉਨ੍ਹਾਂ ਨੂੰ ਮਾਰਨ ਲੱਗ ਪਏ। ਇਸ ਦੌਰਾਨ ਜਦੋਂ ਉੱਥੇ ਮੌਜੂਦ ਆਮ ਲੋਕਾਂ ਨੇ ਦਖਲ ਦੇਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਹ ਵੀ ਜ਼ਖਮੀ ਹੋ ਗਏ।
ਪੂਰੀ ਘਟਨਾ ਮੋਬਾਈਲ ‘ਚ ਕੈਦ
ਨਿਹੰਗਾਂ ਵੱਲੋਂ ਨਿਗਮ ਟੀਮ ‘ਤੇ ਹਮਲਾ ਕਰਨ ਦੀ ਵੀਡੀਓ ਮੋਬਾਈਲ ‘ਤੇ ਕੈਦ ਹੋ ਗਈ ਹੈ। ਬਾਜ਼ਾਰ ਵਿੱਚ ਮੌਜੂਦ ਇੱਕ ਵਿਅਕਤੀ ਨੇ ਆਪਣੇ ਮੋਬਾਈਲ ਫੋਨ ‘ਤੇ ਪੂਰੀ ਲੜਾਈ ਦੀ ਵੀਡੀਓ ਬਣਾਈ। ਜਿਸ ਵਿੱਚ ਨਿਹੰਗਾਂ ਨੂੰ ਸਾਫ਼ ਦੇਖਿਆ ਜਾ ਸਕਦਾ ਹੈ ਕਿ ਉਹ ਨਿਗਮ ਟੀਮ ਨੂੰ ਕਿਵੇਂ ਕੁੱਟ ਰਹੇ ਹਨ ਅਤੇ ਉਹ ਆਪਣੀ ਜਾਨ ਬਚਾਉਣ ਲਈ ਭੱਜਦੇ ਦਿਖਾਈ ਦੇ ਰਹੇ ਹਨ।
