ਨਵੇਂ ਸਾਲ ‘ਤੇ ਬਣਾ ਰਹੇ ਹੋ ਗੋਆ ਜਾਣ ਦਾ ਪਲਾਨ, IRCTC ਦੇ ਰਿਹਾ ਦੇ ਜ਼ਬਰਦਸਤ ਆਫ਼ਰ
ਜਿਵੇਂ ਹੀ ਨਵੇਂ ਸਾਲ 'ਤੇ ਘੁੰਮਣ ਦਾ ਖਿਆਲ ਆਉਂਦਾ ਹੈ ਤਾਂ ਗੋਆ ਦਾ ਵਿਚਾਰ ਮਨ ਵਿੱਚ ਜ਼ਰੂਰ ਆਉਂਦਾ ਹੈ। ਇਹ ਭਾਰਤ ਵਿੱਚ ਇੱਕ ਅਜਿਹਾ ਸਥਾਨ ਹੈ ਜਿੱਥੇ ਕ੍ਰਿਸਮਸ ਅਤੇ ਨਵੇਂ ਸਾਲ ਦਾ ਜਸ਼ਨ ਦੁਨੀਆ ਭਰ ਵਿੱਚ ਮਸ਼ਹੂਰ ਹੈ। ਇਸ ਲਈ ਇਸ ਦੌਰਾਨ ਦੇਸੀ ਅਤੇ ਵਿਦੇਸ਼ੀ ਸੈਲਾਨੀ ਇੱਥੇ ਆਉਂਦੇ ਰਹਿੰਦੇ ਹਨ। ਇਸ ਖਾਸ ਮੌਕੇ ਦਾ ਆਨੰਦ ਲੈਣ ਲਈ IRCTC ਇੱਕ ਸ਼ਾਨਦਾਰ ਆਫਰ ਲੈ ਕੇ ਆਇਆ ਹੈ। ਗੋਆ ਯਾਤਰਾ ਦਾ ਸਸਤੇ ਵਿੱਚ ਘੁੰਮਣ ਦੇ ਪੂਰੇ ਵੇਰਵੇ ਨੂੰ ਜਾਣੋ...
ਗੋਆ ਘੁੰਮਣਾ ਭਾਰਤ ਦੇ ਹਰ ਮੱਧ ਵਰਗ ਦੇ ਵਿਅਕਤੀ ਦੀ ਇੱਛਾ ਹੁੰਦੀ ਹੈ। ਗੋਆ (Goa) ਆਪਣੇ ਬੀਚਾਂ ਲਈ ਹੀ ਨਹੀਂ ਸਗੋਂ ਹਰਿਆਲੀ ਅਤੇ ਹੋਰ ਕੁਦਰਤੀ ਸੁੰਦਰਤਾਵਾਂ ਲਈ ਵੀ ਮਸ਼ਹੂਰ ਹੈ। ਸੈਲਾਨੀ ਵੀ ਇੱਥੋਂ ਦੇ ਸੱਭਿਆਚਾਰ ਨੂੰ ਪਸੰਦ ਕਰਦੇ ਹਨ। ਇਸ ਲਈ ਇੱਥੇ ਸਾਲ ਭਰ ਯਾਤਰੀਆਂ ਦੀ ਭੀੜ ਰਹਿੰਦੀ ਹੈ। ਹਾਲਾਂਕਿ ਦਸੰਬਰ-ਜਨਵਰੀ ਦੌਰਾਨ ਇੱਥੇ ਸੈਲਾਨੀਆਂ ਦੀ ਗਿਣਤੀ ਕਾਫੀ ਵੱਧ ਜਾਂਦੀ ਹੈ। ਕਿਉਂਕਿ ਗੋਆ ਦੇ ਕ੍ਰਿਸਮਸ ਅਤੇ ਨਵੇਂ ਸਾਲ ਦੇ ਜਸ਼ਨ ਬਹੁਤ ਖਾਸ ਹੁੰਦੇ ਹਨ। ਇੱਥੋਂ ਦੀ ਨਾਈਟ ਲਾਈਫ ਅਤੇ ਬੀਚ ਕਲਚਰ ਨੌਜਵਾਨਾਂ ਨੂੰ ਆਪਣੇ ਵੱਲ ਖਿੱਚਦਾ ਹੈ।
ਹਾਲਾਂਕਿ, ਗੋਆ ਜਾਣ ਵਾਲੇ ਜ਼ਿਆਦਾਤਰ ਲੋਕ ਖਰਚੇ ਨੂੰ ਲੈ ਕੇ ਬਹੁਤ ਚਿੰਤਤ ਰਹਿੰਦੇ ਹਨ। ਕਿਉਂਕਿ ਜੇਕਰ ਸਫਰ ਸੋਚ ਸਮਝ ਕੇ ਨਾ ਕੀਤਾ ਜਾਵੇ ਤਾਂ ਖਰਚਾ ਲੱਖਾਂ ਰੁਪਏ ਵਿੱਚ ਜਾ ਸਕਦਾ ਹੈ। ਹੁਣ ਆਈਆਰਸੀਟੀਸੀ (IRCTC) ਲੈ ਕੇ ਆਇਆ ਹੈ ਅਜਿਹਾ ਆਫਰ ਜਿਸ ‘ਚ ਤੁਸੀਂ ਥੋੜੇ ਪੈਸਿਆਂ ‘ਚ ਗੋਆ ਦੀ ਯਾਤਰਾ ਪੂਰੀ ਕਰ ਸਕਦੇ ਹੋ। ਜਾਣੋ ਇਸ ਆਫਰ ਦੀ ਪੂਰੀ ਜਾਣਕਾਰੀ…
ਟੂਰ ਕਦੋਂ ਹੋਵੇਗਾ ਸ਼ੁਰੂ?
ਇਹ ਟੂਰ 22 ਜਨਵਰੀ ਤੋਂ ਸ਼ੁਰੂ ਹੋਵੇਗਾ ਅਤੇ ਇਹ 5 ਰਾਤਾਂ ਅਤੇ 6 ਦਿਨਾਂ ਲਈ ਹੋਵੇਗਾ। ਜੇਕਰ ਗੋਆ ਦਾ ਸਹੀ ਢੰਗ ਨਾਲ ਆਨੰਦ ਲੈਣ ਲਈ ਬਹੁਤ ਸਮਾਂ ਚਾਹੀਦਾ ਹੁੰਦਾ ਹੈ। IRCTC ਨੇ ਇਸ ਨਵੇਂ ਸਾਲ ਦਾ ਨਾਂਅ ਗੋਆ (EGA013B) ਰੱਖਿਆ ਹੈ।
It’s time for a New Year Bonanza in Goa (EGA013B). The tour starts on 22nd January 2024 from Guwahati.
Book now on https://t.co/BG4LOEr5a1 to start 2024 on an adventurous note.#DekhoApnaDesh #Traval pic.twitter.com/M7lh1AZcFb — IRCTC (@IRCTCofficial) October 12, 2023
ਇਹ ਵੀ ਪੜ੍ਹੋ
ਪੈਕੇਜ ਦੀ ਲਾਗਤ
IRCTC ਨੇ ਪੈਕੇਜ ਦੀ ਲਾਗਤ ਨੂੰ ਸਿੰਗਲ ਤੋਂ ਗਰੁੱਪ ਵਿੱਚ ਵੰਡਿਆ ਹੈ। ਇਕੱਲੇ ਵਿਅਕਤੀ ਨੂੰ 47210 ਰੁਪਏ, ਦੋ ਵਿਅਕਤੀਆਂ ਲਈ 36690 ਰੁਪਏ, ਤਿੰਨ ਲਈ 36070 ਰੁਪਏ ਦੇਣੇ ਪੈਣਗੇ। ਇਸ ਤੋਂ ਇਲਾਵਾ 5 ਤੋਂ 11 ਸਾਲ ਦੇ ਬੱਚਿਆਂ ਲਈ 35150 ਰੁਪਏ ਅਤੇ 2 ਤੋਂ 4 ਸਾਲ ਦੇ ਬੱਚਿਆਂ ਲਈ 34530 ਰੁਪਏ ਦੇਣੇ ਹੋਣਗੇ। ਇਸ ਪੈਕੇਜ ਦੇ ਅਨੁਸਾਰ, ਫਲਾਈਟ ਗੁਹਾਟੀ ਤੋਂ ਗੋਆ ਜਾਵੇਗੀ ਅਤੇ ਤੁਹਾਨੂੰ ਇਕੋਨੇਮਿਕ ਸੀਟ ਦਾ ਆਫਰ ਦਿੱਤਾ ਜਾਵੇਗਾ।
ਟੂਰ ਦਾ ਵੇਰਵਾ
ਸੈਲਾਨੀਆਂ ਨੂੰ ਹਵਾਈ ਯਾਤਰਾ ਰਾਹੀਂ ਗੋਆ ਲਿਜਾਇਆ ਜਾਵੇਗਾ। ਪਹਿਲੇ ਦਿਨ ਤੁਹਾਨੂੰ ਗੋਆ ਦੇ ਇੱਕ ਹੋਟਲ ਵਿੱਚ ਹੀ ਠਹਿਰਣਾ ਹੋਵੇਗਾ। ਦੂਜੇ ਦਿਨ ਨਾਸ਼ਤਾ ਪਰੋਸਿਆ ਜਾਵੇਗਾ ਅਤੇ ਫਿਰ ਉੱਤਰੀ ਗੋਆ ਦੇ ਸੈਰ-ਸਪਾਟਾ ਸਥਾਨਾਂ ਜਿਵੇਂ ਕਿ ਬਾਗਾ, ਬੀਚ, ਆਗੁਆਡਾ ਫੋਰਟ ਦਿਖਾਇਆ ਜਾਵੇਗਾ। ਤੀਜੇ ਦਿਨ, ਤੁਹਾਨੂੰ ਦੱਖਣੀ ਗੋਆ ਦਾ ਦੌਰਾ ਕਰਨ ਦਾ ਮੌਕਾ ਮਿਲੇਗਾ ਜਿਸ ਵਿੱਚ ਤੁਸੀਂ ਮੰਗੇਸ਼ੀ ਮੰਦਰ, ਗੋਆ ਦੇ ਕਈ ਚਰਚਾਂ ਅਤੇ ਡੋਨਾ ਪਾਵਲਾ ਘੁੰਮ ਸਕਦੇ ਹੋ। ਚੌਥੇ ਦਿਨ ਤੁਸੀਂ ਦੁੱਧਸਾਗਰ ਝਰਨੇ ਨੂੰ ਦੇਖਣ ਲਈ ਜਾ ਸਕਦੇ ਹੋ। ਪੰਜਵੇਂ ਦਿਨ ਤੁਹਾਨੂੰ ਕੁਝ ਸਾਈਟਾਂ ‘ਤੇ ਘੁੰਮਾਇਆ ਜਾਵੇਗਾ। ਇਸ ਤੋਂ ਬਾਅਦ ਵਾਪਸੀ ਹੋਵੇਗਾ।
