Viral: ਹਰ ਰਾਤ ਤਬੇਲੇ ਵਿੱਚ ਆ ਕੇ ਗਾਂ ਨਾਲ ਲਿਪਟ ਕੇ ਸੌਂ ਜਾਂਦਾ ਹੈ ਤੇਂਦੂਆ, ਸਮਝਦਾ ਹੈ ਆਪਣੀ ਮਾਂ

ਹਰ ਰੋਜ਼ ਸੋਸ਼ਲ ਮੀਡੀਆ ‘ਤੇ ਹੈਰਾਨ ਕਰਨ ਵਾਲੀਆਂ ਘਟਨਾਵਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ। ਹਾਲ ਹੀ ਵਿੱਚ ਇੱਕ ਵਾਰ ਫਿਰ ਅਜਿਹਾ ਹੀ ਮਾਮਲਾ ਸਾਹਮਣੇ ਆਇਆ ਹੈ। ਜਿਸਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਦਰਅਸਲ, ਸੋਸ਼ਲ ਸਾਈਟ X ‘ਤੇ ਜਤਿੰਦਰ ਕੁਮਾਰ ਨਾਮ ਦੇ ਇੱਕ ਯੂਜ਼ਰ ਦੀ ਪੋਸਟ ਇਨ੍ਹੀਂ ਦਿਨੀਂ ਬਹੁਤ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਯੂਜ਼ਰ ਨੇ ਇੱਕ ਗਾਂ ਅਤੇ ਚੀਤੇ ਦੀ ਤਸਵੀਰ ਸਾਂਝੀ ਕੀਤੀ ਹੈ ਅਤੇ ਮਾਂ ਅਤੇ ਪੁੱਤਰ ਦੇ ਅਟੁੱਟ ਰਿਸ਼ਤੇ ਦੀ ਕਹਾਣੀ ਦੱਸੀ ਹੈ।

ਪੋਸਟ ਵਿੱਚ, ਯੂਜ਼ਰ ਨੇ ਦਾਅਵਾ ਕੀਤਾ ਹੈ ਕਿ ਹਰ ਰਾਤ ਇੱਕ ਤੇਂਦੂਆ ਇੱਕ ਗਾਂ ਕੋਲ ਆਉਂਦਾ ਹੈ। ਇੰਨਾ ਹੀ ਨਹੀਂ, ਤੇਂਦੂਆ ਉਸ ਗਾਂ ਨੂੰ ਜੱਫੀ ਪਾ ਕੇ ਸੌਂਦਾ ਹੈ। ਗਾਂ ਦੇ ਮਾਲਕ ਨੂੰ ਇਸ ਬਾਰੇ ਉਦੋਂ ਪਤਾ ਲੱਗਾ ਜਦੋਂ ਉਸਨੇ ਤਬੇਲੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰਾ ਦੀ ਫੋਟੇਜ਼ ਦੇਖੀ। ਜਿਸ ਵਿੱਚ ਉਸਨੇ ਦੇਖਿਆ ਕਿ ਇੱਕ ਤੇਂਦੂਆ ਹਰ ਰਾਤ ਉਸਦੀ ਗਾਂ ਕੋਲ ਆ ਕੇ ਬੈਠ ਜਾਂਦਾ ਸੀ। ਕਈ ਵਾਰ ਉਸਨੂੰ ਉਸ ਨਾਲ ਚਿੰਬੜਿਆ ਵੀ ਦੇਖਿਆ ਜਾਂਦਾ ਹੈ। ਜਦੋਂ ਗਾਂ ਦੇ ਮਾਲਕ ਨੇ ਗਾਂ ਦੇ ਪਿਛਲੇ ਮਾਲਕ ਤੋਂ ਇਸ ਦ੍ਰਿਸ਼ ਦੇ ਪਿੱਛੇ ਦਾ ਕਾਰਨ ਪੁੱਛਿਆ ਤਾਂ ਉਸਨੂੰ ਪਤਾ ਲੱਗਾ ਕਿ ਇਹ ਤੇਂਦੂਆ ਉਸ ਗਾਂ ਨੂੰ ਆਪਣੀ ਮਾਂ ਮੰਨਦਾ ਹੈ।

ਇਹ ਵੀ ਪੜ੍ਹੋ- ਕੇਲੇ ਦੇ ਪੱਤੇ ਤੇ ਮੁੰਡੇ ਨੇ ਭਰੀ ਉਡਾਨ, ਅਪਣਾਈ ਗਜ਼ਬ ਦੀ Trick, ਵੀਡੀਓ ਨੇ ਘੁੰਮਾ ਦਿੱਤਾ ਲੋਕਾਂ ਦਾ ਦਿਮਾਗ

ਗਾਂ ਦੇ ਪਿਛਲੇ ਮਾਲਕ ਨੇ ਕਿਹਾ ਕਿ ਤੇਂਦੁਏ ਦੀ ਮਾਂ ਨੂੰ ਉਦੋਂ ਮਾਰ ਦਿੱਤਾ ਗਿਆ ਸੀ ਜਦੋਂ ਇਹ ਸਿਰਫ਼ 20 ਦਿਨਾਂ ਦਾ ਸੀ। ਜਿਸ ਤੋਂ ਬਾਅਦ ਇਸੇ ਗਾਂ ਨੇ ਤੇਂਦੂਏ ਦੇ ਬੱਚੇ ਨੂੰ ਆਪਣਾ ਦੁੱਧ ਪਿਲਾਇਆ ਅਤੇ ਪਾਲਿਆ। ਵੱਡਾ ਹੋਣ ਤੋਂ ਬਾਅਦ ਤੇਂਦੁਆ ਆਖ਼ਰਕਾਰ ਜੰਗਲ ਵਿੱਚ ਵਾਪਸ ਚਲਾ ਗਿਆ। ਪਰ ਹੁਣ ਉਹ ਤੇਂਦੂਆ ਹਰ ਰਾਤ ਉਸ ਗਾਂ ਕੋਲ ਆ ਕੇ ਬੈਠਦਾ ਹੈ ਅਤੇ ਉਸਨੂੰ ਆਪਣੀ ਮਾਂ ਸਮਝਦਾ ਹੈ। ਇਹ ਪੋਸਟ ਸੋਸ਼ਲ ਸਾਈਟ X ‘ਤੇ @HinduJitendra6 ਨਾਮ ਦੇ ਇੱਕ ਯੂਜ਼ਰ ਨੇ ਸ਼ੇਅਰ ਕੀਤਾ ਹੈ। ਯੂਜ਼ਰ ਨੇ ਕਿਹਾ ਹੈ ਕਿ ਇਹ ਘਟਨਾ ਗੁਜਰਾਤ ਦੀ ਹੈ। ਹਾਲਾਂਕਿ, tv9 ਪੰਜਾਬੀ ਇਸ ਵੀਡੀਓ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।