Rum-Sugar Connection: ਕੀ ਹਰ ਰਮ ‘ਚ ਮਿਲਾਈ ਜਾਂਦੀ ਹੈ ਖੰਡ, ਬ੍ਰਾਂਡ ਖੁੱਲ੍ਹ ਕੇ ਕਿਉਂ ਨਹੀਂ ਦੱਸਦੇ? ਜਾਣੋ ਪੂਰੀ ਸੱਚਾਈ
Rum and Sugar Connection: ਕੀ ਰਮ ਦਾ ਤੀਖ਼ੀਪਣ ਨੂੰ ਘੱਟ ਕਰਨ ਲਈ ਇਸ ਵਿੱਚ ਖੰਡ ਮਿਲਾਈ ਜਾਂਦੀ ਹੈ ਅਤੇ ਇਸ ਨੂੰ ਪ੍ਰੀਮੀਅਮ ਫੀਲ ਦਿੱਤਾ ਜਾਂਦਾ ਹੈ? ਖੰਡ ਦੀਆਂ ਵਧਦੀਆਂ ਕੀਮਤਾਂ ਦੇ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਇਹ ਸਵਾਲ ਉੱਠਿਆ ਹੈ। ਜਾਣੋ ਇਸ ਦੀ ਪੂਰੀ ਸੱਚਾਈ।
ਰਮ ਅਤੇ ਖੰਡ ਦਾ ਕਨੈਕਸ਼ਨ
ਕੀ ਰਮ ‘ਚ ਖੰਡ ਦੀ ਵਰਤੋਂ ਹੁੰਦੀ ਹੈ? ਇਸ ਦਾ ਸਵਾਦ ਕਈ ਵਾਰ ਇਹ ਭਰਮ ਪੈਦਾ ਕਰਦਾ ਹੈ ਕਿ ਗੰਨੇ ਦੇ ਰਸ ਤੋਂ ਬਣੀ ਹੋਣ ਕਾਰਨ ਇਸ ਵਿੱਚ ਮਿਠਾਸ ਹੁੰਦੀ ਹੈ। ਪਰ ਇਹ ਪੂਰੀ ਸੱਚਾਈ ਨਹੀਂ ਹੈ। ਇਹ ਚਰਚਾ ਇਸ ਲਈ ਹੋ ਰਹੀ ਹੈ ਕਿਉਂਕਿ ਪਿਛਲੇ ਇੱਕ ਮਹੀਨੇ ਤੋਂ ਚੀਨੀ ਦੀਆਂ ਕੀਮਤਾਂ ਵਧੀਆਂ ਹੋਈਆਂ ਹਨ। ਭਾਰਤ ਸਰਕਾਰ ਨੇ ਵਧਦੀਆਂ ਕੀਮਤਾਂ ਨੂੰ ਕਾਬੂ ਕਰਨ ਲਈ 10 ਲੱਖ ਟਨ ਕੱਚੀ ਖੰਡ ਦੇ ਡਿਊਟੀ-ਫ੍ਰੀ ਆਯਾਤ ਦੀ ਇਜਾਜ਼ਤ ਦਿੱਤੀ ਹੈ, ਜਿਸ ਵਿੱਚ ਬ੍ਰਾਜ਼ੀਲ ਤੋਂ ਸਪਲਾਈ ਆਉਣ ਦੀ ਉਮੀਦ ਹੈ। ਇਸ ਦਰਮਿਆਨ ਉਨ੍ਹਾਂ ਚੀਜ਼ਾਂ ਦੀ ਵੀ ਚਰਚਾ ਹੋ ਰਹੀ ਹੈ, ਜਿਨ੍ਹਾਂ ਵਿੱਚ ਚੀਨੀ ਦੀ ਵਰਤੋਂ ਹੁੰਦੀ ਹੈ ਅਤੇ ਜਿਨ੍ਹਾਂ ਦੀਆਂ ਕੀਮਤਾਂ ਵਧ ਸਕਦੀਆਂ ਹਨ। ਰਮ ਨੂੰ ਲੈ ਕੇ ਵੀ ਸਵਾਲ ਉੱਠ ਰਿਹਾ ਹੈ ਕਿ ਕੀ ਇਸ ਵਿੱਚ ਖੰਡ ਦੀ ਵਰਤੋਂ ਕੀਤੀ ਜਾਂਦੀ ਹੈ?
ਰਮ ਨੂੰ ਤਿਆਰ ਕਰਨ ਦੀ ਪ੍ਰਕਿਰਿਆ ਅਤੇ ਸ਼ਰਾਬ ਦੀ ਮਾਰਕੀਟਿੰਗ ਰਣਨੀਤੀ ਮਿਲ ਕੇ ਇਸ ਬਾਰੇ ਜੋ ਤਸਵੀਰ ਪੇਸ਼ ਕਰਦੀਆਂ ਹਨ, ਉਸ ਕਾਰਨ ਕਈ ਤਰ੍ਹਾਂ ਦੇ ਭਰਮ ਪੈਦਾ ਹੁੰਦੇ ਹਨ। ਜ਼ਿਆਦਾਤਰ ਰਮ ਪੀਣ ਵਾਲੇ ਲੋਕਾਂ ਨੂੰ ਇਸ ਬਾਰੇ ਪੂਰੀ ਜਾਣਕਾਰੀ ਨਹੀਂ ਹੁੰਦੀ।
ਰਮ ਅਤੇ ਖੰਡ ਦੀ ਪੂਰੀ ਸੱਚਾਈ
ਰਮ ਨੂੰ ਗੰਨੇ ਦੇ ਰਸ ਜਾਂ ਇਸ ਦੇ ਬਾਈਪ੍ਰੋਡਕਟ ਨੂੰ ਫਰਮੈਂਟ ਕਰਕੇ ਤਿਆਰ ਕੀਤਾ ਜਾਂਦਾ ਹੈ। ਫਰਮੈਂਟੇਸ਼ਨ ਦੀ ਪ੍ਰਕਿਰਿਆ ਦੌਰਾਨ ਇਸ ਵਿੱਚ ਮੌਜੂਦ ਯੀਸਟ ਖੰਡ ਨੂੰ ਖਤਮ ਕਰਕੇ ਉਸ ਨੂੰ ਅਲਕੋਹਲ ਅਤੇ ਕਾਰਬਨ ਡਾਈਆਕਸਾਈਡ ਵਿੱਚ ਬਦਲ ਦਿੰਦਾ ਹੈ। ਇਸ ਤੋਂ ਬਾਅਦ ਡਿਸਟਿਲੇਸ਼ਨ ਦੀ ਪ੍ਰਕਿਰਿਆ ਵਿੱਚ ਤਰਲ ਨੂੰ ਗਰਮ ਕਰਨ ‘ਤੇ ਭਾਫ਼ ਬਣਦੀ ਹੈ ਅਤੇ ਉਸ ਨੂੰ ਠੰਡਾ ਕਰਕੇ ਅਲਕੋਹਲ ਨੂੰ ਵੱਖ ਕੀਤਾ ਜਾਂਦਾ ਹੈ। ਇਸ ਪੂਰੀ ਪ੍ਰਕਿਰਿਆ ਵਿੱਚ ਜੋ ਅਲਕੋਹਲ ਤਿਆਰ ਹੁੰਦੀ ਹੈ, ਉਸ ਵਿੱਚ ਚੀਨੀ ਨਹੀਂ ਹੁੰਦੀ।
ਰਮ
ਇਸ ਤਰ੍ਹਾਂ ਇਹ ਸਪੱਸ਼ਟ ਹੈ ਕਿ ਭੱਠੀ ਤੋਂ ਨਿਕਲਣ ਵਾਲੀ ਰਮ ਸ਼ੂਗਰ-ਫ੍ਰੀ ਹੁੰਦੀ ਹੈ। ਹੁਣ ਸਵਾਲ ਇਹ ਹੈ ਕਿ ਜਦੋਂ ਰਮ ਸ਼ੂਗਰ-ਫ੍ਰੀ ਤਿਆਰ ਹੁੰਦੀ ਹੈ ਤਾਂ ਇਸ ਵਿੱਚ ਮਿਠਾਸ ਕਿਵੇਂ ਆਉਂਦੀ ਹੈ? ਇਸ ਦਾ ਜਵਾਬ ਹੈ ਡਿਸਟਿਲੇਸ਼ਨ ਤੋਂ ਬਾਅਦ ਜਾਣਬੁੱਝ ਕੇ ਮਿਲਾਈ ਜਾਣ ਵਾਲੀ ਖੰਡ। ਇੰਡਸਟਰੀ ਵਿੱਚ ਇਸ ਨੂੰ ਡੋਜ਼ਿੰਗ ਜਾਂ ਡੋਸੇਜ (Dosage) ਕਿਹਾ ਜਾਂਦਾ ਹੈ। ਇਹ ਪ੍ਰਥਾ ਦੁਨੀਆ ਭਰ ਦੇ ਕਈ ਵੱਡੇ ਅਤੇ ਛੋਟੇ ਬ੍ਰਾਂਡਾਂ ਵਿੱਚ ਆਮ ਹੈ।
ਰਮ ਵਿੱਚ ਕਿਉਂ ਮਿਲਾਈ ਜਾਂਦੀ ਹੈ ਖੰਡ?
ਇਸ ਦੀਆਂ ਤਿੰਨ ਮੁੱਖ ਵਜ੍ਹਾਂ ਦੱਸੀਆਂ ਜਾਂਦੀਆਂ ਹਨ।
1- ਪਹਿਲੀ, ਸਮੂਥਨੈੱਸ ਲਈ। ਆਮ ਕੁਆਲਿਟੀ ਦੀ ਰਮ ਦਾ ਸਵਾਦ ਅਕਸਰ ਤਿੱਖਾ ਅਤੇ ਕੌੜਾ ਹੁੰਦਾ ਹੈ। ਥੋੜ੍ਹੀ ਜਿਹੀ ਖੰਡ ਮਿਲਾ ਕੇ ਇਸ ਤਿੱਖੇਪਣ ਨੂੰ ਘੱਟ ਕੀਤਾ ਜਾਂਦਾ ਹੈ, ਜਿਸ ਨਾਲ ਰਮ ਗਲੇ ਤੋਂ ਆਸਾਨੀ ਨਾਲ ਉਤਰਦੀ ਹੋਈ ਮਹਿਸੂਸ ਹੁੰਦੀ ਹੈ। ਅਸਲ ਵਿੱਚ ਇਹ ਡਿਸਟਿਲੇਸ਼ਨ ਜਾਂ ਏਜਿੰਗ ਦੀ ਕਮੀ ਨੂੰ ਛੁਪਾਉਣ ਦਾ ਇੱਕ ਤਰ੍ਹਾਂ ਦਾ ਸ਼ਾਰਟਕੱਟ ਹੈ। ਲੰਬੇ ਸਮੇਂ ਤੱਕ ਬੈਰਲ ਵਿੱਚ ਰੱਖ ਕੇ ਸਵਾਦ ਨੂੰ ਕੁਦਰਤੀ ਤੌਰ ‘ਤੇ ਨਿਖਾਰਨਾ ਮਹਿੰਗਾ ਅਤੇ ਸਮਾਂ ਲੈਣ ਵਾਲਾ ਕੰਮ ਹੈ, ਜਦਕਿ ਖੰਡ ਮਿਲਾਉਣਾ ਸਸਤਾ ਅਤੇ ਤੁਰੰਤ ਅਸਰ ਦਿਖਾਉਣ ਵਾਲਾ ਤਰੀਕਾ ਹੈ।
ਇਹ ਵੀ ਪੜ੍ਹੋ
ਖੰਡ
2- ਦੂਜੀ, ਭਾਰੀ ਟੈਕਸਚਰ (ਮਾਊਥਫੀਲ) ਦੇਣ ਲਈ। ਖੰਡ ਰਮ ਨੂੰ ਹੋਰ ਗਾੜ੍ਹੀ ਅਤੇ ਪ੍ਰੀਮੀਅਮ ਵਰਗਾ ਅਹਿਸਾਸ ਦਿੰਦੀ ਹੈ। ਇਹੀ ਕਾਰਨ ਹੈ ਕਿ ਕਈ ਵਾਰ ਮਹਿੰਗੀ ਅਤੇ ਆਕਰਸ਼ਕ ਦਿਖਾਈ ਦੇਣ ਵਾਲੀ ਰਮ ਅਸਲ ਵਿੱਚ ਆਮ ਰਮ ਨਾਲੋਂ ਜ਼ਿਆਦਾ ਮਿੱਠੀ ਵੀ ਹੁੰਦੀ ਹੈ। ਕਿਉਂਕਿ ਆਮ ਤੌਰ ‘ਤੇ ਲੋਕ ਗਾੜ੍ਹੇਪਣ ਨੂੰ ਕੁਆਲਿਟੀ ਨਾਲ ਜੋੜ ਕੇ ਦੇਖਦੇ ਹਨ।
3- ਤੀਜੀ, ਰੰਗ ਅਤੇ ਉਮਰ ਦਾ ਭਰਮ ਪੈਦਾ ਕਰਨ ਲਈ। ਕਈ ਬ੍ਰਾਂਡ ਕੈਰਾਮੇਲ ਕਲਰਿੰਗ ਦੇ ਨਾਲ-ਨਾਲ ਖੰਡ ਵੀ ਮਿਲਾਉਂਦੇ ਹਨ, ਤਾਂ ਜੋ ਇਹ ਦਿਖਾਇਆ ਜਾ ਸਕੇ ਕਿ ਰਮ ਲੰਬੇ ਸਮੇਂ ਤੱਕ ਓਕ ਬੈਰਲ ਵਿੱਚ ਤਿਆਰ ਹੁੰਦੀ ਰਹੀ ਹੈ, ਜਦਕਿ ਅਸਲ ਵਿੱਚ ਇਸ ਦੀ ਉਮਰ ਓਨੀ ਨਹੀਂ ਹੁੰਦੀ ਜਿੰਨੀ ਬੋਤਲ ਦਾ ਰੰਗ ਦਰਸਾਉਂਦਾ ਹੈ।
ਹਰ ਰਮ ਵਿੱਚ ਅਜਿਹਾ ਨਹੀਂ ਹੁੰਦਾ
ਧਿਆਨ ਦੇਣ ਵਾਲੀ ਗੱਲ ਹੈ ਕਿ ਹਰ ਰਮ ਵਿੱਚ ਖੰਡ ਨਹੀਂ ਮਿਲਾਈ ਜਾਂਦੀ। ਰਮ ਦੀ ਦੁਨੀਆ ਮੁੱਖ ਤੌਰ ‘ਤੇ ਦੋ ਹਿੱਸਿਆਂ ਵਿੱਚ ਵੰਡੀ ਹੋਈ ਹੈ। ਇੱਕ ਪਾਸੇ ਡਰਾਈ ਉਤਪਾਦਕ ਹਨ, ਜੋ ਅਸਲੀ ਸਵਾਦ ਅਤੇ ਸਮੂਥਨੈੱਸ ਲਈ ਸਿਰਫ਼ ਬੈਰਲ ਏਜਿੰਗ ‘ਤੇ ਭਰੋਸਾ ਕਰਦੇ ਹਨ ਅਤੇ ਕਿਸੇ ਤਰ੍ਹਾਂ ਦੇ ਐਡਿਟਿਵ ਦੀ ਵਰਤੋਂ ਨਹੀਂ ਕਰਦੇ। ਦੂਜੇ ਪਾਸੇ ਡੋਸੇਜ ਉਤਪਾਦਕ ਹਨ, ਜੋ ਪ੍ਰੋਡਕਸ਼ਨ ਤੋਂ ਬਾਅਦ ਖੰਡ, ਕੈਰਾਮੇਲ ਜਾਂ ਹੋਰ ਸਵੀਟਨਰ ਮਿਲਾਉਂਦੇ ਹਨ।
ਦਿਲਚਸਪ ਗੱਲ ਇਹ ਹੈ ਕਿ ਦੁਨੀਆ ਦੇ ਕੁਝ ਰਵਾਇਤੀ ਰਮ ਉਤਪਾਦਕ ਖੇਤਰ ਜਿਵੇਂ ਬਾਰਬਾਡੋਸ, ਜਮੈਕਾ ਅਤੇ ਫ੍ਰੈਂਚ ਕੈਰੇਬੀਅਨ ਦਾ ਮਾਰਟੀਨੀਕ ਆਪਣੇ ਇੱਥੇ ਬਣੀ ਰਮ ਵਿੱਚ ਇਸ ਤਰ੍ਹਾਂ ਦੇ ਐਡਿਟਿਵਜ਼ ‘ਤੇ ਸਖ਼ਤ ਪਾਬੰਦੀਆਂ ਲਗਾਉਂਦੇ ਹਨ। ਮਾਰਟੀਨੀਕ ਦੀ ਰਮ ਤਾਂ ਇੱਕ ਖਾਸ ਫ੍ਰੈਂਚ ਸਰਟੀਫਿਕੇਸ਼ਨ ਦੇ ਤਹਿਤ ਬਣਦੀ ਹੈ, ਜਿਸ ਵਿੱਚ ਐਡਿਟਿਵ ਮਿਲਾਉਣ ਦੀ ਇਜਾਜ਼ਤ ਹੀ ਨਹੀਂ ਹੈ।
ਹਰ ਰਮ ਵਿੱਚ ਖੰਡ ਨਹੀਂ ਪਾਈ ਜਾਂਦੀ।
ਲੇਬਲ ਤੋਂ ਪਤਾ ਲਗਾਉਣਾ ਮੁਸ਼ਕਲ?
ਸਭ ਤੋਂ ਵੱਡੀ ਦਿੱਕਤ ਇਹ ਹੈ ਕਿ ਜ਼ਿਆਦਾਤਰ ਦੇਸ਼ਾਂ ਵਿੱਚ ਰਮ ਬਣਾਉਣ ਵਾਲੀਆਂ ਕੰਪਨੀਆਂ ਲਈ ਇਹ ਦੱਸਣਾ ਕਾਨੂੰਨੀ ਤੌਰ ‘ਤੇ ਜ਼ਰੂਰੀ ਨਹੀਂ ਹੁੰਦਾ ਕਿ ਉਨ੍ਹਾਂ ਨੇ ਬੋਤਲ ਵਿੱਚ ਖੰਡ ਮਿਲਾਈ ਹੈ ਜਾਂ ਨਹੀਂ। ਇਸ ਦਾ ਮਤਲਬ ਹੈ ਕਿ ਸਿਰਫ਼ ਲੇਬਲ ਪੜ੍ਹ ਕੇ ਕੋਈ ਵੀ ਆਮ ਖਪਤਕਾਰ ਇਹ ਨਹੀਂ ਜਾਣ ਸਕਦਾ ਕਿ ਉਸ ਦੀ ਪਸੰਦੀਦਾ ਰਮ ਸ਼ੁੱਧ ਹੈ ਜਾਂ ਡੋਜ਼ਡ। ਜ਼ਿਆਦਾਤਰ ਬ੍ਰਾਂਡ ਇਸ ਬਾਰੇ ਜਾਣਕਾਰੀ ਨਹੀਂ ਦਿੰਦੇ।