ਤੇਂਦੁਆ ਸੀ ਜਾਂ ਕੁਝ ਹੋਰ? ਸਹੁੰ ਚੁੱਕ ਸਮਾਗਮ ਦੌਰਾਨ ਰਾਸ਼ਟਰਪਤੀ ਭਵਨ ‘ਚ ਦਾਖਲ ਹੋਇਆ ਖਤਰਨਾਕ ਜਾਨਵਰ ਚਰਚਾ ‘ਚ

ਨਰਿੰਦਰ ਮੋਦੀ ਨੇ ਐਤਵਾਰ ਨੂੰ ਰਾਸ਼ਟਰਪਤੀ ਭਵਨ ‘ਚ ਪ੍ਰਧਾਨ ਮੰਤਰੀ ਅਹੁਦੇ ਦੀ ਸਹੁੰ ਚੁੱਕੀ। ਇਸ ਤੋਂ ਇਲਾਵਾ ਐਨਡੀਏ ਦੇ 71 ਹੋਰ ਸੰਸਦ ਮੈਂਬਰਾਂ ਨੇ ਮੰਤਰੀ ਵਜੋਂ ਸਹੁੰ ਚੁੱਕੀ। ਇਸ ਵਿੱਚ 30 ਸੰਸਦ ਮੈਂਬਰਾਂ ਨੇ ਕੈਬਨਿਟ ਮੰਤਰੀ, 36 ਨੂੰ ਰਾਜ ਮੰਤਰੀ ਅਤੇ 5 ਨੂੰ ਸੁਤੰਤਰ ਚਾਰਜ ਵਾਲੇ ਮੰਤਰੀ ਵਜੋਂ ਸਹੁੰ ਚੁਕਾਈ। ਸਹੁੰ ਚੁੱਕ ਸਮਾਗਮ ਤੋਂ ਬਾਅਦ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਦੇਖਿਆ ਜਾ ਸਕਦਾ ਹੈ ਕਿ ਜਿਸ ਸਟੇਜ ‘ਤੇ ਸਹੁੰ ਚੁੱਕੀ ਜਾ ਰਹੀ ਸੀ, ਉਸ ਦੇ ਪਿੱਛੇ ਇਕ ਜਾਨਵਰ ਘੁੰਮ ਰਿਹਾ ਸੀ। ਕੈਮਰੇ ‘ਚ ਕੈਦ ਜਾਨਵਰ ਦੀ ਇਹ ਹਰਕਤ ਕਈ ਸਵਾਲ ਖੜ੍ਹੇ ਕਰ ਰਹੀ ਹੈ। ਵੀਡੀਓ ਦੇਖ ਕੇ ਲੋਕ ਹੈਰਾਨ ਹਨ। ਹਰ ਕੋਈ ਜਾਣਨਾ ਚਾਹੁੰਦਾ ਹੈ ਕਿ ਇਹ ਜਾਨਵਰ ਕਿੱਥੋਂ ਆਇਆ ਹੈ। ਉੱਤਰਾਖੰਡ ਦੇ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ‘ਚ ਅਲਮੋੜਾ ਲੋਕ ਸਭਾ ਸੀਟ ਤੋਂ ਚੁਣੇ ਗਏ ਸੰਸਦ ਮੈਂਬਰ ਅਜੇ ਤਮਟਾ ਸਹੁੰ ਚੁੱਕਦੇ ਨਜ਼ਰ ਆ ਰਹੇ ਹਨ। ਇਸ ਵਿੱਚ ਇੱਕ ਜਾਨਵਰ ਨੂੰ ਕੁਝ ਸਕਿੰਟਾਂ ਲਈ ਸਟੇਜ ਦੇ ਪਿੱਛੇ ਤੁਰਦਾ ਦੇਖਿਆ ਜਾ ਸਕਦਾ ਹੈ।

अल्मोड़ा संसदीय क्षेत्र से माननीय सांसद श्री @AjayTamtaBJP जी को केंद्रीय राज्य मंत्री पद की शपथ लेने पर हार्दिक बधाई एवं उज्ज्वल कार्यकाल हेतु अनंत शुभकामनाएं! pic.twitter.com/zL3MsOtPD3

ਇਹ ਵੀ ਪੜ੍ਹੋ

ਦਿੱਲੀ-NCR 'ਚ ਖ਼ਤਰਨਾਕ ਪੱਧਰ 'ਤੇ ਪ੍ਰਦੂਸ਼ਣ, 499 'ਤੇ ਪਹੁੰਚਿਆ AQI

ਭਾਰਤ ਨੂੰ ਮਿਲੀ 7ਵੀਂ ਸਫਲਤਾ, ਵਰੁਣ ਚੱਕਰਵਰਤੀ ਨੇ ਲਿਆ ਵਿਕਟ

AQI ਵਧਣ ਤੋਂ ਬਾਅਦ ਦਿੱਲੀ-ਐਨਸੀਆਰ ਵਿੱਚ GRAP 4 ਲਾਗੂ

— Pushkar Singh Dhami (Modi Ka Parivar) (@pushkardhami) June 9, 2024

ਜਦੋਂ ਭਾਜਪਾ ਸਾਂਸਦ ਦੁਰਗਾ ਦਾਸ ਸਹੁੰ ਚੁੱਕ ਰਹੇ ਸਨ, ਉਦੋਂ ਵੀ ਜਾਨਵਰ ਦੀ ਹਰਕਤ ਕੈਮਰੇ ‘ਚ ਕੈਦ ਹੋ ਗਈ ਸੀ। ਸਹੁੰ ਚੁੱਕ ਸਮਾਗਮ ਖਤਮ ਹੋਣ ਤੋਂ ਬਾਅਦ ਜਦੋਂ ਲੋਕਾਂ ਨੇ ਇਸ ਜਾਨਵਰ ਨੂੰ ਦੇਖਿਆ ਤਾਂ ਸੋਸ਼ਲ ਮੀਡੀਆ ‘ਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਚਰਚਾਵਾਂ ਹੋਣ ਲੱਗੀਆਂ। ਕਿਸੇ ਨੇ ਇਸ ਨੂੰ ਪਾਲਤੂ ਚੀਤਾ ਕਿਹਾ, ਜਦਕਿ ਕਿਸੇ ਹੋਰ ਨੇ ਕਿਹਾ ਕਿ ਇਹ ਬਿੱਲੀ ਹੋ ਸਕਦੀ ਹੈ, ਜੋ ਪਰਛਾਵੇਂ ਕਾਰਨ ਵੱਡੀ ਦਿਖਾਈ ਦਿੰਦੀ ਹੈ। ਅਜੇ ਤੱਕ ਇਸ ਜਾਨਵਰ ਦੀ ਹਰਕਤ ਨੂੰ ਲੈ ਕੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।

ਰਾਸ਼ਟਰਪਤੀ ਭਵਨ ਕਈ ਪਸ਼ੂ-ਪੰਛੀਆਂ ਦਾ ਘਰ ਵੀ ਹੈ

ਰਾਸ਼ਟਰਪਤੀ ਭਵਨ ਦੀ 330 ਏਕੜ ਜ਼ਮੀਨ ‘ਤੇ ਜੈਵ ਵਿਭਿੰਨਤਾ ਦਾ ਅਨੋਖਾ ਸੰਗਮ ਦੇਖਣ ਨੂੰ ਮਿਲਦਾ ਹੈ। ਇਸ ਵਿੱਚ ਕੁਦਰਤ ਦੀ ਸੰਭਾਲ ਪ੍ਰਤੀ ਜਾਗਰੂਕਤਾ ਵਧਾਉਣ ਲਈ 75 ਏਕੜ ਵਿੱਚ ਇੱਕ ਨੇਚਰ ਟ੍ਰੇਲ ਤਿਆਰ ਕੀਤਾ ਗਿਆ ਹੈ। ਇਸ ਵਿੱਚ ਤਲਾਅ, ਤਿਤਲੀ ਕਾਰਨਰ, ਅੰਬਾਂ ਦਾ ਬਾਗ, ਮੋਰ ਪੁਆਇੰਟ ਅਤੇ ਹੋਰ ਮਨਮੋਹਕ ਕੁਦਰਤੀ ਨਜ਼ਾਰੇ ਹਨ। ਇੱਥੇ 136 ਜੰਗਲੀ ਪੌਦਿਆਂ ਦੀਆਂ ਕਿਸਮਾਂ ਹਨ। ਜਾਨਵਰਾਂ ਦੀਆਂ 84 ਕਿਸਮਾਂ ਵੀ ਹਨ। ਇਸ ਵਿੱਚ ਡੱਡੂ, ਕਿਰਲੀ, ਸੱਪ ਆਦਿ ਹਨ। ਇਸ ਕਾਰਨ ਇਹ ਵੀ ਖਦਸ਼ਾ ਹੈ ਕਿ ਕਿਤੇ ਕੋਈ ਜਾਨਵਰ ਇੱਥੋਂ ਹੀ ਸਟੇਜ ਦੇ ਪਿੱਛੇ ਪਹੁੰਚ ਗਿਆ ਹੋਵੇ।