ਪੀਐਮ ਮੋਦੀ ਦਾ ਅੱਜ ਹਰਿਆਣਾ ਦੌਰਾ, ਸ਼ਹੀਦੀ ਸ਼ਤਾਬਦੀ ਸਮਾਗਮਾਂ ‘ਚ ਲੈਣਗੇ ਭਾਗ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅੱਜ ਹਰਿਆਣਾ ਦਾ ਦੌਰਾ ਕਰ ਰਹੇ ਹਨ। ਉਹ ਦੁਪਹਿਰ 3:55 ਵਜੇ ਕੁਰੂਕਸ਼ੇਤਰ ਪਹੁੰਚਣਗੇ। ਸਭ ਤੋਂ ਪਹਿਲਾਂ ਉਹ ਜਯੋਤੀਸਰ ਅਨੁਭਵ ਕੇਂਦਰ ਦਾ ਉਦਘਾਟਨ ਕਰਨਗੇ ਤੇ ਪੰਚਜਨਯ ਸ਼ੰਖ ਸਮਾਰਕ ਦੀ ਸ਼ੁਰੂਆਤ ਕਰਨਗੇ। ਇਸ ਤੋਂ ਬਾਅਦ ਉਹ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੀਂ ਸ਼ਹੀਦੀ ਸ਼ਤਾਬਦੀ ਸਮਾਗਮ ‘ਚ ਪਹੁੰਚਣਗੇ। ਇਸ ਸਮਾਗਮ ‘ਚ ਮੁੱਖ ਮੰਤਰੀ ਨਾਇਬ ਸੈਣੀ ਵੀ ਉਨ੍ਹਾਂ ਨਾਲ ਮੌਜੂਦ ਰਹਿਣਗੇ। ਇਸ ਦੌਰਾਨ, ਉਹ ਗੁਰੂ ਸਾਹਿਬ ਨੂੰ ਸਮਰਪਿਤ ਸਿੱਕਾ ਤੇ ਡਾਕ ਟਿਕਟ ਜਾਰੀ ਕਰਨਗੇ।

ਆਖਿਰ ‘ਚ ਪੀਐਮ ਮੋਦੀ ਇੰਟਰਨੈਸ਼ਨਲ ਗੀਤਾ ਜਯੰਤੀ ਮਹੋਤਸਵ ‘ਚ ਸ਼ਾਮਲ ਹੋਣਗੇ ਤੇ ਬ੍ਰਹਮਸਰੋਵਾਰ ‘ਚ ਸ਼ਾਮ ਦੀ ਆਰਤੀ ‘ਚ ਹਿੱਸਾ ਲੈਣਗੇ। ਪੀਐਮ ਮੋਦੀ ਕਰੀਬ ਢਾਈ ਘੰਟੇ ਤੱਕ ਕੁਰੂਕਸ਼ੇਤਰ ‘ਚ ਰਹਿਣਗੇ।

ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਵਸ ‘ਤੇ, ਅਸੀਂ ਉਨ੍ਹਾਂ ਦੀ ਬੇਮਿਸਾਲ ਹਿੰਮਤ ਅਤੇ ਕੁਰਬਾਨੀ ਨੂੰ ਨਮਨ ਕਰਦੇ ਹਾਂ। ਧਰਮ ਅਤੇ ਮਨੁੱਖਤਾ ਦੀ ਰੱਖਿਆ ਲਈ ਉਨ੍ਹਾਂ ਦੀ ਸ਼ਹਾਦਤ ਸਾਡੇ ਸਮਾਜ ਨੂੰ ਹਮੇਸ਼ਾ ਰੌਸ਼ਨ ਕਰੇਗੀ। pic.twitter.com/LUPYVU1DgX

— Narendra Modi (@narendramodi) November 25, 2025

ਹਰਿਆਣਾ ਸਰਕਾਰ ਨੇ ਸ਼ਹੀਦੀ ਸ਼ਤਾਬਦੀ ਲਈ ਕੀਤੇ ਵਿਸ਼ੇਸ਼ ਪ੍ਰਬੰਧ

ਹਰਿਆਣਾ ਸਰਕਾਰ ਨੇ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ ਸ਼ਹੀਦੀ ਸ਼ਤਾਬਦੀ ਸਮਾਗਮਾਂ ਦੇ ਲਈ 155 ਏਕੜ ਜ਼ਮੀਨ ‘ਤੇ ਵੱਖ-ਵੱਖ ਪੰਡਾਲ ਬਣਾਏ ਹਨ। ਸੋਮਵਾਰ ਨੂੰ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸੈਣੀ ਨੇ ਸਮਾਗਮ ਅਸਥਾਨ ਦਾ ਦੌਰਾ ਕੀਤਾ ਤੇ ਤਿਆਰੀਆਂ ਦਾ ਜਾਇਜ਼ਾ ਲਿਆ। ਸਮਾਗਮ ਦਾ ਮੁੱਖ ਪੰਡਾਲ 25 ਏਕੜ ਜ਼ਮੀਨ ‘ਤੇ ਬਣਾਇਆ ਗਿਆ ਹੈ। ਇਸ ਪੰਡਾਲ ‘ਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਹੋਵੇਗਾ।

माननीय प्रधानमंत्री श्री @narendramodi जी के कुरुक्षेत्र आगमन की पूर्व संध्या पर रैली स्थल और महाभारत अनुभव केंद्र का निरीक्षण किया।

ਇਹ ਵੀ ਪੜ੍ਹੋ

ਪੈਲੇਟ ਗਨ 'ਤੇ ਪਾਬੰਦੀ ਲਗਾਉਣ ਦੀ ਮੰਗ, ਸੁਪਰੀਮ ਕੋਰਟ 'ਚ ਦਾਇਰ ਕੀਤੀ ਗਈ ਪਟੀਸ਼ਨ

PM ਮੋਦੀ ਦੀ ਪੋਸਟ ਹਟਾਉਣ 'ਤੇ ਮੈਟਾ ਨੇ ਮੰਗੀ ਮੁਆਫੀ, ਕਿਹਾ- ਗਲਤੀ ਨਾਲ ਹੋਇਆ ਇੰਝ

ਸਰਕਾਰ ਨੇ ਕੀਤੀ ਸੀ ਪ੍ਰਧਾਨ ਦੇ ਮੰਤਰਾਲਾ ਬਦਲਣ ਦੀ ਪੇਸ਼ਕਸ਼, ਸੀਜੇਪੀ ਨੇ ਕੀਤੀ ਖ਼ਾਰਜ

इस दौरान कार्यक्रम से संबंधित सभी तैयारियों और व्यवस्थाओं की विस्तृत समीक्षा की, ताकि प्रधानमंत्री जी के आगमन पर हर व्यवस्था सुचारू, सुरक्षित और pic.twitter.com/g6ybPV9h1n — Nayab Saini (@NayabSainiBJP) November 24, 2025

ਮੰਚ ਦੇ ਇੱਕ ਪਾਸੇ 350 ਬੱਚੇ ਕੀਰਤਨ ਕਰਨਗੇ। ਦੂਜੇ ਪਾਸੇ ਪੀਐਮ ਮੋਦੀ ਤੇ ਹੋਰ ਆਗੂ ਬੈਠਣਗੇ। ਪੰਡਾਲ ‘ਚ ਕੋਈ ਵੀ ਕੁਰਸੀ ਨਹੀਂ ਰੱਖੀ ਗਈ ਹੈ। ਸਾਰੀਆਂ ਸੰਗਤਾਂ ਥੱਲੇ ਬੈਠਣਗੀਆਂ। ਮੁੱਖ ਪੰਡਾਲ ਦੇ ਕੋਲ ਹੀ 2 ਜੋੜਾ ਘਰ ਬਣਾਏ ਗਏ ਹਨ। ਇਸ ਦੇ ਨਾਲ ਹੀ ਪੰਡਾਲ ਨੇੜੇ ਹੀ 2 ਲੰਗਰ ਹਾਲ ਵੀ ਬਣਾਏ ਗਏ ਹਨ। ਇਸ ‘ਚ ਸਵੇਰ ਤੋਂ ਰਾਤ ਤੱਕ ਲੰਗਰ ਵਰਤਦਾ ਰਹੇਗਾ। ਪੀਐਮ ਮੋਦੀ ਤੇ ਹੋਰ ਆਗੂ ਇੱਥੇ ਲੰਗਰ ਛੱਕਣਗੇ। ਦੋਵੇਂ ਲੰਗਰ ਹਾਲ ਕਰੀਬ 10-10 ਏਕੜ ਜ਼ਮੀਨ ‘ਚ ਬਣਾਏ ਗਏ ਹਨ।