ਬੰਧਕ ਬਣਾਇਆ, ਜੇਲ੍ਹ ‘ਚ ਰੱਖਿਆ, ਖਾਣਾ-ਪੀਣਾ ਵੀ ਨਹੀਂ ਦਿੱਤਾ, 6 ਮਹੀਨੇ ਬਾਅਦ ਲੀਬੀਆ ਤੋਂ ਪਰਤੇ ਭਾਰਤੀਆਂ ਨੇ ਸੁਣਾਈ ਹੱਡਬੀਤੀ
Indians Back from Libiya: ਲੀਬੀਆ ਵਿੱਚ ਲਗਭਗ 6 ਮਹੀਨਿਆਂ ਤੋਂ ਫਸੇ 17 ਭਾਰਤੀ ਦੇਸ਼ ਪਰਤ ਆਏ ਹਨ। ਉਨ੍ਹਾਂ ਨੂੰ ਦੇਖ ਕੇ ਪਰਿਵਾਰਕ ਮੈਂਬਰਾਂ ਦੇ ਹੰਝੂ ਝਲਕ ਪਏ। ਪੀੜਤ ਭਾਰਤੀਆਂ ਨੇ ਦੱਸਿਆ ਕਿ ਏਜੰਟ ਨੇ ਸਾਨੂੰ ਵੇਚ ਦਿੱਤਾ। ਅਸੀਂ ਲੀਬੀਆ ਵਿੱਚ ਫਸ ਗਏ। ਉੱਥੇ ਸਾਨੂੰ ਜੇਲ੍ਹ ਵਿੱਚ ਰੱਖਿਆ ਗਿਆ। ਸਾਡੇ ਕੋਲੋਂ ਮਜ਼ਦੂਰੀ ਕਰਵਾਈ ਗਈ। ਜੇਲ੍ਹ ਅਧਿਕਾਰੀਆਂ ਨੇ ਸਾਨੂੰ ਖਾਣਾ-ਪੀਣਾ ਵੀ ਨਹੀਂ ਦਿੱਤਾ ਸੀ।
6 ਮਹੀਨਿਆਂ ਤੋਂ ਲੀਬੀਆ (Libiya) ‘ਚ ਫਸੇ 17 ਭਾਰਤੀ ਬੀਤੀ ਰਾਤ ਭਾਰਤ ਪਹੁੰਚੇ। ਦੇਰ ਰਾਤ ਜਦੋਂ ਇਨ੍ਹਾਂ ਲੋਕਾਂ ਦਾ ਗਰੁੱਪ ਦਿੱਲੀ ਏਅਰਪੋਰਟ ‘ਤੇ ਪਹੁੰਚਿਆ ਤਾਂ ਪਰਿਵਾਰਕ ਮੈਂਬਰਾਂ ਦੇ ਹੰਝੂ ਛਲਕ ਪਏ। ਇਹ ਸਾਰੇ ਲੋਕ ਇਟਲੀ ਵਿਚ ਨੌਕਰੀਆਂ ਦੀ ਉਮੀਦ ਵਿਚ ਫਰਵਰੀ ਤੋਂ ਅਪ੍ਰੈਲ ਦੇ ਵਿਚਕਾਰ ਭਾਰਤ ਤੋਂ ਗਏ ਸਨ ਪਰ ਲੀਬੀਆ ਵਿਚ ਇਨ੍ਹਾਂ ਨੂੰ ਵੇਚ ਦਿੱਤਾ ਗਿਆ। ਕਈ ਮਹੀਨਿਆਂ ਦੀ ਜੱਦੋਜਹਿਦ ਤੋਂ ਬਾਅਦ ਆਖਰਕਾਰ ਉਹ ਆਪਣੇ ਵਤਨ ਪਰਤ ਆਏ ਹਨ।
ਇੰਡੀਅਨ ਐਕਸਪ੍ਰੈਸ ਮੁਤਾਬਕ, ਰਾਜ ਸਭਾ ਮੈਂਬਰ ਵਿਕਰਮਜੀਤ ਸਿੰਘ ਸਾਹਨੀ (Vikramjit Singh Sahni) ਦੇ ਦਫ਼ਤਰ ਨੇ ਦੱਸਿਆ ਕਿ ਇਨ੍ਹਾਂ ਲੋਕਾਂ ਨੂੰ ਪਹਿਲਾਂ ਭਾਰਤ ਤੋਂ ਦੁਬਈ ਲਿਜਾਇਆ ਗਿਆ, ਫਿਰ ਉਨ੍ਹਾਂ ਨੂੰ ਮਿਸਰ ਲਿਜਾਇਆ ਗਿਆ ਅਤੇ ਅੰਤ ਵਿੱਚ ਇਨ੍ਹਾਂ ਲੋਕਾਂ ਨੂੰ ਲੀਬੀਆ ਦੇ ਜ਼ੁਵਾਰਾ ਵਿੱਚ ਆਪਣੇ ਏਜੰਟਾਂ ਦੇ ਗਰੁੱਪ ਵੱਲੋਂ ਵੇਚ ਦਿੱਤਾ ਗਿਆ। ਏਜੰਟਾਂ ਨੇ ਇਨ੍ਹਾਂ ਲੋਕਾਂ ਨੂੰ ਵੱਖ-ਵੱਖ ਦੇਸ਼ਾਂ ‘ਚ ਲਿਜਾਣ ਲਈ ਲੱਖਾਂ ਰੁਪਏ ਦੀ ਮੰਗ ਕੀਤੀ। ਇਸ ਸਾਰੀ ਕਾਰਵਾਈ ਤਹਿਤ ਪ੍ਰਭਾਵਿਤ ਭਾਰਤੀਆਂ ਦਾ ਕਰੀਬ 12 ਤੋਂ 14 ਲੱਖ ਦਾ ਨੁਕਸਾਨ ਹੋਇਆ ਹੈ। ਬਹੁਤ ਸਾਰੇ ਲੋਕ ਆਪਣੀ ਜ਼ਮੀਨ ਵੇਚ ਕੇ ਭਾਰਤ ਤੋਂ ਨਿਕਲੇ ਸਨ।
ਮੈਨੂੰ ਦੁਬਈ ਵਿੱਚ ਇੱਕ ਆਦਮੀ ਨੇ ਵੇਚ ਦਿੱਤਾ – ਪੀੜਤ
ਏਜੰਟਾਂ ਨੇ ਇਨ੍ਹਾਂ ਲੋਕਾਂ ਨੂੰ ਠੱਗਿਆ ਅਤੇ ਗੈਰ-ਕਾਨੂੰਨੀ ਅਤੇ ਬੇਹੱਦ ਖਤਰਨਾਕ ਤਰੀਕੇ ਲੀਬੀਆ ਪਹੁੰਚਾ ਦਿੱਤਾ। ਏਅਰਪੋਰਟ ‘ਤੇ ਮੌਜੂਦ ਪੁਲਿਸ ਨੂੰ ਆਪਣਾ ਬਿਆਨ ਦਿੰਦੇ ਹੋਏ ਪਰਮਜੀਤ ਸਿੰਘ ਨਾਂ ਦੇ ਭਾਰਤੀ ਨੇ ਕਿਹਾ, ”ਮੈਨੂੰ ਦੁਬਈ ‘ਚ ਇਕ ਵਿਅਕਤੀ ਨੂੰ ਵੇਚ ਦਿੱਤਾ ਗਿਆ ਸੀ। ਉਹ ਮੈਨੂੰ ਬਹੁਤ ਕੁੱਟਦਾ ਸੀ। ਇਸ ਤੋਂ ਬਾਅਦ ਉਸ ਨੇ ਮੈਨੂੰ ਲੀਬੀਆ ਵਿੱਚ ਕਿਸੇ ਹੋਰ ਵਿਅਕਤੀ ਨੂੰ ਵੇਚ ਦਿੱਤਾ। ਲੀਬੀਆ ਵਿਚ ਉਤਰਨ ਤੋਂ ਬਾਅਦ ਇਨ੍ਹਾਂ ਲੋਕਾਂ ਨੇ ਆਪਣੇ ਪਰਿਵਾਰਾਂ ਨੂੰ ਦੱਸਿਆ ਕਿ ਉਹ ਫਸੇ ਗਏ ਹਨ ਅਤੇ ਭੱਜਣ ਵਿਚ ਅਸਮਰੱਥ ਹਨ।
ਸਾਨੂੰ ਖਾਣਾ-ਪੀਣਾ ਤੱਕ ਨਹੀਂ ਦਿੱਤਾ – ਪੀੜਤ
33 ਸਾਲਾ ਰਾਹੁਲ ਸ਼ਰਮਾ ਨੇ ਦੱਸਿਆ ਕਿ ਸਾਨੂੰ ਬੰਧਕ ਬਣਾ ਕੇ ਜੇਲ੍ਹ ਵਿੱਚ ਰੱਖਿਆ ਗਿਆ। ਜੇਲ੍ਹ ਪ੍ਰਸ਼ਾਸਨ ਨੇ ਸਾਨੂੰ ਖਾਣਾ-ਪੀਣਾ ਵੀ ਨਹੀਂ ਦਿੱਤਾ। ਅਸੀਂ ਸਾਨੂੰ ਬੰਧਕ ਬਣਾਉਣ ਵਾਲਿਆਂ ਨੂੰ ਫ਼ੋਨ ਕਰਨ ਲਈ ਰਿਸ਼ਵਤ ਦਿੰਦੇ ਸੀ ਅਤੇ ਜੇਲ੍ਹ ਸਾਥੀਆਂ ਤੋਂ ਫ਼ੋਨ ਉਧਾਰ ਲੈ ਕੇ ਮਦਦ ਦੀ ਭੀਖ ਮੰਗਦੇ ਸੀ। ਅਧਿਕਾਰੀਆਂ ਨੇ ਕਿਹਾ ਕਿ ਪੀੜਤਾਂ ਨੂੰ ਕਥਿਤ ਤੌਰ ‘ਤੇ ਤਸੀਹੇ ਦਿੱਤੇ ਜਾ ਰਹੇ ਸਨ ਅਤੇ ਲੀਬੀਆ ਦੇ ਜ਼ੁਵਾਰਾ ਵਿੱਚ ਮਹੀਨਿਆਂ ਤੋਂ ਬਿਨਾਂ ਤਨਖਾਹ ਦੇ ਮਜ਼ਦੂਰੀ ਲਈ ਮਜਬੂਰ ਕੀਤਾ ਜਾ ਰਿਹਾ ਸੀ।
ਰਾਜ ਸਭਾ ਐੱਮਪੀ-ਯੂਐੱਨ ਨੇ ਕੀਤਾ ਰੈਸਕਿਊ
ਦੱਸ ਦੇਈਏ ਕਿ ਰਾਜ ਸਭਾ ਮੈਂਬਰ ਵਿਕਰਮਜੀਤ ਸਿੰਘ ਸਾਹਨੀ ਅਤੇ ਸੰਯੁਕਤ ਰਾਸ਼ਟਰ ਦੇ ਬਚਾਅ ਕਾਰਜਾਂ ਕਾਰਨ ਇਨ੍ਹਾਂ ਸਾਰੇ ਭਾਰਤੀਆਂ ਨੂੰ ਲੀਬੀਆ ਤੋਂ ਭਾਰਤ ਲਿਆਂਦਾ ਗਿਆ। ਟਿਊਨੀਸ਼ੀਆ ਸਥਿਤ ਭਾਰਤੀ ਦੂਤਾਵਾਸ ਅਤੇ ਸੰਯੁਕਤ ਰਾਸ਼ਟਰ ਦੀ ਮਦਦ ਨਾਲ ਐਮਪੀ ਸਾਹਨੀ ਦਾ ਦਫ਼ਤਰ ਜੇਲ੍ਹ ਵਿੱਚ ਬੰਦ ਲੋਕਾਂ ਨੂੰ ਹਾਸਿਲ ਕਰ ਵਿੱਚ ਕਾਮਯਾਬ ਰਿਹਾ। ਬਾਅਦ ਵਿੱਚ ਇਨ੍ਹਾਂ ਲੋਕਾਂ ਨੂੰ 30 ਜੁਲਾਈ ਨੂੰ ਜੇਲ੍ਹ ਚੋਂ ਰਿਹਾਅ ਕਰ ਦਿੱਤਾ ਗਿਆ ਅਤੇ ਹੁਣ ਇਹ ਵਾਪਸ ਦੇਸ਼ ਪਰਤ ਆਏ ਹਨ।
ਇਹ ਵੀ ਪੜ੍ਹੋ
