BRICS Summit 2026: ਟੇਲੈਂਟ-ਮਾਰਕੀਟ ਅਤੇ ਤਜ਼ਰਬਾ… BRICS ਦੇ ਮੰਚ ਤੋਂ ਜੈਸ਼ੰਕਰ ਨੇ ਦੱਸੀ ਭਾਰਤ ਦੀ ਤਾਕਤ, ਦੁਨੀਆਂ ਨੂੰ ਦਿੱਤਾ ਇਹ ਮੈਸੇਜ
BRICS Summit 2026: ਜੈਸ਼ੰਕਰ ਨੇ ਕਿਹਾ, "ਅਸੀਂ ਅਜਿਹੇ ਸਮੇਂ ਮਿਲ ਰਹੇ ਹਾਂ ਜਦੋਂ ਵਿਸ਼ਵ ਰਾਜਨੀਤਿਕ ਅਤੇ ਆਰਥਿਕ ਪ੍ਰਣਾਲੀ ਵੱਡੇ ਬਦਲਾਅ ਵਿੱਚੋਂ ਗੁਜ਼ਰ ਰਹੀ ਹੈ। ਸਾਡੇ ਆਲੇ ਦੁਆਲੇ ਦੀ ਦੁਨੀਆ ਵਿੱਚ ਅਸਥਿਰਤਾ, ਅਨਿਸ਼ਚਿਤਤਾ ਅਤੇ ਜਟਿਲਤਾ ਆਮ ਗੱਲ ਹੋ ਗਈ ਹੈ।"
ਬ੍ਰਿਕਸ ਸੰਮੇਲਨ 2026 ਕੱਲ੍ਹ, ਸ਼ਨੀਵਾਰ ਨੂੰ ਦਿੱਲੀ ਵਿੱਚ ਸ਼ੁਰੂ ਹੋ ਰਿਹਾ ਹੈ। ਇਸ ਤੋਂ ਪਹਿਲਾਂ ਅੱਗ ਬ੍ਰਿਕਸ ਬਿਜਨੈਸ ਫੋਰਮ ਵਿੱਚ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਕਿਹਾ ਕਿ ਇਹ ਉਥਲ-ਪੁਥਲ ਦਾ ਦੌਰ ਹੈ। ਦੁਨੀਆ ਵਿੱਚ ਅਸਥਿਰਤਾ ਅਤੇ ਜਟਿਲਤਾ ਆਮ ਗੱਲ ਹੋ ਗਈ ਹੈ। ਰਾਜਨੀਤਿਕ ਅਤੇ ਆਰਥਿਕ ਪੱਧਰ ‘ਤੇ ਵੱਡੇ ਬਦਲਾਅ ਹੋ ਰਹੇ ਹਨ। ਅਜਿਹੇ ਵਿੱਚ, ਭਾਰਤ ਦੀ ਅਗੁਵਾਈ ਵਿੱਚ ਇਨੋਵੇਸ਼ਨਸ ਅਤੇ ਐਂਟਰਪ੍ਰੇਨਯੋਰਸ਼ਿਪ ਇਕੋਸਿਸਟਮਣ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਸ ਦੌਰਾਨ, ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਨੇ ਕਿਹਾ ਕਿ ਉਹ ਬ੍ਰਿਕਸ ਮੈਂਬਰ ਦੇਸ਼ਾਂ ਅਤੇ ਭਾਈਵਾਲ ਦੇਸ਼ਾਂ ਨੂੰ ਆਪਣੇ ਬਾਜ਼ਾਰ ਖੋਲ੍ਹਣ ਅਤੇ ਰੈਗੂਲੇਟਰੀ ਪ੍ਰਕਿਰਿਆਵਾਂ ਨੂੰ ਸਰਲ ਬਣਾਉਣ ਲਈ ਮਿਲ ਕੇ ਕੰਮ ਕਰਨ ਦੀ ਅਪੀਲ ਕਰਦੇ ਹਨ।
ਵਿਦੇਸ਼ ਮੰਤਰੀ ਜੈਸ਼ੰਕਰ ਨੇ ਕਿਹਾ, “ਅਸੀਂ ਅਜਿਹੇ ਸਮੇਂ ਮਿਲ ਰਹੇ ਹਾਂ ਜਦੋਂ ਵਿਸ਼ਵਵਿਆਪੀ ਰਾਜਨੀਤਿਕ ਅਤੇ ਆਰਥਿਕ ਪ੍ਰਣਾਲੀ ਵੱਡੇ ਪੱਧਰ ਤੇ ਤਬਦੀਲੀਆਂ ਵਿੱਚੋਂ ਗੁਜ਼ਰ ਰਹੀ ਹੈ। ਸਾਡੇ ਆਲੇ ਦੁਆਲੇ ਦੀ ਦੁਨੀਆ ਵਿੱਚ ਅਸਥਿਰਤਾ, ਅਨਿਸ਼ਚਿਤਤਾ ਅਤੇ ਜਟਿਲਤਾ ਆਮ ਗੱਲ ਹੋ ਗਈ ਹੈ। ਅਸੀਂ ਭੂ-ਰਾਜਨੀਤਿਕ ਟਕਰਾਵਾਂ, ਮਹਾਂਮਾਰੀਆਂ ਅਤੇ ਜਲਵਾਯੂ ਨਾਲ ਸਬੰਧਤ ਸਮੱਸਿਆਵਾਂ ਦੇ ਆਰਥਿਕ ਪ੍ਰਭਾਵ ਨੂੰ ਦੇਖ ਰਹੇ ਹਾਂ।”
ਅੱਜ ਦਾ ਆਰਥਿਕ ਮਾਹੌਲ ‘ਚ ਜੋਖਮ ਅਤੇ ਮੌਕੇ ਦੋਵੇਂ: ਜੈਸ਼ੰਕਰ
“ਨਾਲ ਹੀ, ਤੇਜ਼ੀ ਨਾਲ ਹੋ ਰਹੇ ਡਿਜੀਟਲਾਈਜ਼ੇਸ਼ਨ ਅਤੇ ਤਕਨੀਕੀ ਤਰੱਕੀ ਵਿਕਾਸ, ਉਤਪਾਦਕਤਾ ਅਤੇ ਤਰੱਕੀ ਲਈ ਨਵੇਂ ਰਸਤੇ ਖੋਲ੍ਹ ਰਹੇ ਹਨ। ਨਤੀਜਾ ਅਜਿਹਾ ਆਰਥਿਕ ਵਾਤਾਵਰਣ ਹੈ ਜਿੱਥੇ ਜੋਖਮ ਅਤੇ ਮੌਕੇ ਦੋਵਾਂ ਦਾ ਵਿਸਤਾਰ ਹੋ ਰਿਹਾ ਹੈ, ਅਤੇ ਜਿੱਥੇ ਪਹਿਲਾਂ ਤੋਂ ਅੰਦਾਜਾ ਲਗਾਉਣ, ਹਾਲਾਤ ਦੇ ਹਿਸਾਬ ਨਾਲ ਢੱਲਣ ਅਤੇ ਜਵਾਬ ਦੇਣ ਦੀ ਯੋਗਤਾ ਤੇਜ਼ੀ ਨਾਲ ਅਹਿਮ ਹੁੰਦੀ ਜਾ ਰਹੀ ਹੈ।”
VIDEO | BRICS 2026: Addressing the opening ceremony of BRICS Business Forum, EAM Dr S Jaishankar (@DrSJaishankar) says, Technology has always been inseparable from economics and geopolitics. Digital public infrastructure, artificial intelligence, fintech, and advanced pic.twitter.com/arvGMidZNi
— Press Trust of India (@PTI_News) September 11, 2026
ਇਹ ਵੀ ਪੜ੍ਹੋ
ਬ੍ਰਿਕਸ ਵਪਾਰ ਫੋਰਮ ਦੇ ਉਦਘਾਟਨੀ ਸਮਾਰੋਹ ਵਿੱਚ ਬੋਲਦਿਆਂ, ਵਿਦੇਸ਼ ਮੰਤਰੀ ਡਾ. ਜੈਸ਼ੰਕਰ ਨੇ ਕਿਹਾ, “ਤਕਨਾਲੋਜੀ ਹਮੇਸ਼ਾ ਅਰਥਸ਼ਾਸਤਰ ਅਤੇ ਭੂ-ਰਾਜਨੀਤੀ ਨਾਲ ਜੁੜੀ ਰਹੀ ਹੈ। ਡਿਜੀਟਲ ਜਨਤਕ ਬੁਨਿਆਦੀ ਢਾਂਚਾ, ਆਰਟੀਫਿਸ਼ੀਅਲ ਇੰਟੈਲੀਜੈਂਸ, ਫਿਨਟੈਕ, ਅਤੇ ਐਡਵਾਂਸਡ ਮੈਨੂਫੈਕਚਰਿੰਗ – ਇਹ ਸਾਰੇ ਸਾਨੂੰ ਬਹੁਤ ਵੱਡੇ ਮੌਕੇ ਦਿੰਦੇ ਹਨ, ਪਰ ਉਹ ਪਹੁੰਚ, ਮਿਆਰਾਂ, ਸੁਰੱਖਿਆ ਅਤੇ ਵਿਸ਼ਵਾਸ ਨਾਲ ਸਬੰਧਤ ਸਵਾਲ ਵੀ ਉਠਾਉਂਦੇ ਹਨ।”
#WATCH | BRICS Summit 2026 | Speaking at BRICS Business Forum, External Affairs Minister Dr S Jaishankar says, “We meet at a time when global political and economic order is under churn. Volatility, uncertainty, and complexity have become defining features of the world around us. pic.twitter.com/pXJH1UpEJX
— ANI (@ANI) September 11, 2026
ਦੁਨੀਆ ਲਈ ਆਪਣੇ ਬਾਜਾਰ ਖੋਲ੍ਹਣ BRICS ਦੇ ਦੇਸ਼: ਗੋਇਲ
ਉਨ੍ਹਾਂ ਅੱਗੇ ਕਿਹਾ, “ਇਸ ਸੰਦਰਭ ਵਿੱਚ, ਭਾਰਤ ਦੀ ਅਗਵਾਈ ਵਿੱਚ ਨਵੀਨਤਾ ਅਤੇ ਉੱਦਮਤਾ ਈਕੋਸਿਸਟਮ ਨੂੰ ਮਜ਼ਬੂਤ ਕਰਨ ਲਈ ਯਤਨ ਕੀਤੇ ਗਏ ਹਨ। ਇਸ ਵਿੱਚ ਮੈਂਬਰ ਦੇਸ਼ਾਂ ਦੇ ਸਟਾਰਟਅੱਪ ਅਤੇ ਇਨਕਿਊਬੇਟਰਸ ਨੂੰ ਜੋੜਨ ਲਈ ਬ੍ਰਿਕਸ ਇਨਕਿਊਬੇਟਰ ਨੈੱਟਵਰਕ ਅਤੇ ਨਵੀਨਤਾ-ਅਧਾਰਤ ਉੱਦਮਤਾ ਨੂੰ ਸਮਰਥਨ ਦੇਣ ਲਈ ਬ੍ਰਿਕਸ ਸਟਾਰਟਅੱਪ ਇਨੋਵੇਸ਼ਨ ਫੰਡ ਵੀ ਸ਼ਾਮਲ ਹੈ।”
ਇਸੇ ਫੋਰਮ ‘ਤੇ ਬੋਲਦੇ ਹੋਏ, ਕੇਂਦਰੀ ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਆਪਸੀ ਸਹਿਯੋਗ ਬਾਰੇ ਬੋਲਦੇ ਹੋਏ ਕਿਹਾ, “ਅੱਜ, ਬ੍ਰਿਕਸ ਵਿਸ਼ਵ ਵਪਾਰ ਦਾ ਲਗਭਗ ਇੱਕ ਚੌਥਾਈ ਹਿੱਸਾ ਰੱਖਦਾ ਹੈ। ਭਾਰਤ ਬ੍ਰਿਕਸ ਦੇਸ਼ਾਂ ਵਿੱਚ ਕੁੱਲ ਵਪਾਰ ਦਾ ਮੁੱਖ ਥੰਮ੍ਹ ਵੀ ਹੈ। ਇੰਜੀਨੀਅਰਿੰਗ ਸਾਮਾਨ ਅਤੇ ਇਲੈਕਟ੍ਰਾਨਿਕਸ ਭਾਰਤ ਦੇ ਨਿਰਮਿਤ ਨਿਰਯਾਤ ਦਾ ਸਭ ਤੋਂ ਵੱਡਾ ਹਿੱਸਾ ਹਨ। ਭਾਰਤ ਨੂੰ ‘ਦੁਨੀਆ ਦੀ ਫਾਰਮੇਸੀ’ ਵਜੋਂ ਵੀ ਜਾਣਿਆ ਜਾਂਦਾ ਹੈ।”
ਉਨ੍ਹਾਂ ਅੱਗੇ ਕਿਹਾ, “ਅਸੀਂ ਬ੍ਰਿਕਸ ਨੂੰ ਇਨ੍ਹਾਂ ਅਤੇ ਹੋਰ ਬਹੁਤ ਸਾਰੇ ਉਤਪਾਦਾਂ ਲਈ ਵੱਡੇ ਬਾਜ਼ਾਰ ਵਜੋਂ ਦੇਖਦੇ ਹਾਂ, ਜਿਸਨੂੰ ਭਾਰਤ, ਇੱਕ ਭਰੋਸੇਮੰਦ ਭਾਈਵਾਲ ਵਜੋਂ, ਦੁਨੀਆ ਦੇ ਹਰ ਕੋਨੇ ਵਿੱਚ ਪਹੁੰਚਾਉਣਾ ਚਾਹੁੰਦਾ ਹੈ। ਮੈਂ ਬ੍ਰਿਕਸ ਮੈਂਬਰ ਦੇਸ਼ਾਂ ਅਤੇ ਭਾਈਵਾਲ ਦੇਸ਼ਾਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਆਪਣੇ ਬਾਜ਼ਾਰ ਖੋਲ੍ਹਣ ਅਤੇ ਰੈਗੂਲੇਟਰੀ ਪ੍ਰਕਿਰਿਆਵਾਂ ਨੂੰ ਸਰਲ ਬਣਾਉਣ ਅਤੇ ਤੇਜ਼ ਖੇਪ ਕਲੀਅਰੈਂਸ ਦੀ ਸਹੂਲਤ ਲਈ ਮਿਲ ਕੇ ਕੰਮ ਕਰਨ।”
