WAVES 2025: ‘ਪੁਸ਼ਪਾ 2’ ਤੋਂ ਬਾਅਦ ਕਿੰਨੀ ਬਦਲ ਗਈ ਅੱਲੂ ਅਰਜੁਨ ਦੀ ਜ਼ਿੰਦਗੀ? ਪੁਸ਼ਪਾ ਨੇ ਦੱਸਿਆ
'ਪੁਸ਼ਪਾ 2' ਨਾਲ ਬਾਕਸ ਆਫਿਸ ਇਤਿਹਾਸ ਰਚਣ ਵਾਲੇ ਪੈਨ ਇੰਡੀਆ ਸੁਪਰਸਟਾਰ ਅੱਲੂ ਅਰਜੁਨ ਨੇ ਮੁੰਬਈ ਵਿੱਚ ਆਯੋਜਿਤ ਵੇਵਜ਼ ਸੰਮੇਲਨ (ਵੇਵਜ਼ 2025) ਵਿੱਚ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਟੀਵੀ 9 ਦੇ ਸੀਈਓ ਅਤੇ ਐਮਡੀ ਬਰੁਣ ਦਾਸ ਨਾਲ 'ਸਰਹੱਦਾਂ ਤੋਂ ਪਰੇ ਪ੍ਰਤਿਭਾ'(Talenet Beyond Borders) ਵਿਸ਼ੇ 'ਤੇ ਗੱਲਬਾਤ ਕੀਤੀ।
ਮੁੰਬਈ ਵਿੱਚ ਵਰਲਡ ਆਡੀਓ ਵਿਜ਼ੂਅਲ ਅਤੇ ਐਂਟਰਟੇਨਮੈਂਟ ਸਮਿਟ 1 ਮਈ ਤੋਂ ਸ਼ੁਰੂ ਹੋ ਗਿਆ ਹੈ। ਇਸ ਚਾਰ ਦਿਨਾਂ ਸਮਾਗਮ ਵਿੱਚ ਕਈ ਵੱਡੇ ਸਿਤਾਰੇ ਹਿੱਸਾ ਲੈਣਗੇ ਅਤੇ ਵੱਖ-ਵੱਖ ਵਿਸ਼ਿਆਂ ‘ਤੇ ਆਪਣੇ ਵਿਚਾਰ ਪ੍ਰਗਟ ਕਰਨਗੇ। ਪੈਨ ਇੰਡੀਆ ਸੁਪਰਸਟਾਰ ਅੱਲੂ ਅਰਜੁਨ ਨੇ ਸੰਮੇਲਨ ਦੇ ਪਹਿਲੇ ਦਿਨ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਟੀਵੀ9 ਦੇ ਸੀਈਓ/ਐਮਡੀ ਬਰੁਣ ਦਾਸ ਨਾਲ ਗੱਲਬਾਤ ਕੀਤੀ।
ਅੱਲੂ ਅਰਜੁਨ ਨੇ ‘ਪ੍ਰਤਿਭਾ ਤੋਂ ਪਰੇ ਸਰਹੱਦਾਂ'(Talenet Beyond Borders) ਵਿਸ਼ੇ ‘ਤੇ ਗੱਲ ਕੀਤੀ ਅਤੇ ਕਿਹਾ ਕਿ ਹੁਣ ਹਰ ਕੋਈ ਉਨ੍ਹਾਂ ਨੂੰ ਉਸਦੇ ਖੇਤਰ ਤੋਂ ਬਾਹਰ ਵੀ ਜਾਣਦਾ ਹੈ। ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ‘ਪੁਸ਼ਪਾ 2’ ਦੀ ਰਿਲੀਜ਼ ਤੋਂ ਬਾਅਦ ਉਨ੍ਹਾਂਦੀ ਜ਼ਿੰਦਗੀ ਕਿੰਨੀ ਬਦਲ ਗਈ ਹੈ? ਇਸ ਸਵਾਲ ਦਾ ਜਵਾਬ ਦੇਣ ਤੋਂ ਪਹਿਲਾਂ, ਉਨ੍ਹਾਂ ਨੇ WAVES ਦੇ ਆਯੋਜਨ ਲਈ ਭਾਰਤ ਸਰਕਾਰ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ ਕੀਤਾ।
ਕਿੰਨੀ ਬਦਲੀ ਅੱਲੂ ਅਰਜੁਨ ਦੀ ਜ਼ਿੰਦਗੀ ?
ਪੁਸ਼ਪਾ ਦੀ ਰਿਲੀਜ਼ ਤੋਂ ਬਾਅਦ ਅੱਲੂ ਅਰਜੁਨ ਦੀ ਜ਼ਿੰਦਗੀ ਕਿੰਨੀ ਬਦਲ ਗਈ? ਇਸ ਸਵਾਲ ਦੇ ਜਵਾਬ ਵਿੱਚ, ਉਨ੍ਹਾਂ ਨੇ ਕਿਹਾ, “ਹੁਣ ਸਾਰੇ ਮੇਰੇ ਚਿਹਰੇ ਨੂੰ ਜਾਣਦੇ ਹਨ। ਮੈਂ ਇੱਕ ਖੇਤਰੀ ਅਦਾਕਾਰ ਹਾਂ, ਪਰ ‘ਪੁਸ਼ਪਾ’ ਕਾਰਨ ਹਰ ਕੋਈ ਮੈਨੂੰ ਜਾਣਦਾ ਹੈ।”
ਇਸ ਦੌਰਾਨ ਅੱਲੂ ਅਰਜੁਨ ਨੇ ਆਪਣੇ ਡਾਂਸਿੰਗ ਹੁਨਰ ਬਾਰੇ ਵੀ ਗੱਲ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਉਹ ਬਚਪਨ ਤੋਂ ਹੀ ਡਾਂਸ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂਨੇ ਡਾਂਸ ਦੀ ਕੋਈ ਟ੍ਰੇਨਿੰਗ ਨਹੀਂ ਲਈ, ਉਹ ਇੱਕ ਨੇਚੁਰਲ ਡਾਂਸਰ ਹਨ। ਪਰ ਹੁਣ ਉਹ ਆਪਣੇ ਸਕਿਲ ਨੂੰ ਹੋਰ ਬਿਹਤਰ ਬਣਾਉਣ ਲਈ ਟ੍ਰੇਨਿੰਗ ਲੈ ਰਹੇ ਹਨ।
‘ਪੁਸ਼ਪਾ 2’ ਨੇ ਬਾਕਸ ਆਫਿਸ ‘ਤੇ ਰਚ ਦਿੱਤਾ ਸੀ ਇਤਿਹਾਸ
ਦਸੰਬਰ 2024 ਵਿੱਚ, ਅੱਲੂ ਅਰਜੁਨ ‘ਪੁਸ਼ਪਾ 2’ ਲੈ ਕੇ ਆ ਰਹੇ ਹਨ। ਪਹਿਲੇ ਪਾਰਟ ਵਾਂਗ, ਇਸ ਫਿਲਮ ਵਿੱਚ ਇੱਕ ਵਾਰ ਫਿਰ ਰਸ਼ਮਿਕਾ ਮੰਧਾਨਾ ਉਨ੍ਹਾਂ ਦੇ ਨਾਲ ਨਜ਼ਰ ਆਈ। ਲੋਕਾਂ ਨੂੰ ਪੁਸ਼ਪਾ ਦਾ ਫਾਇਰ ਅੰਦਾਜ਼ ਬਹੁਤ ਪਸੰਦ ਆਇਆ। ਇਸ ਫਿਲਮ ਨੇ ਆਪਣੀ ਕਮਾਈ ਨਾਲ ਬਾਕਸ ਆਫਿਸ ‘ਤੇ ਇਤਿਹਾਸ ਰਚ ਦਿੱਤਾ। ਇਸ ਫਿਲਮ ਨੇ ਦੁਨੀਆ ਭਰ ਵਿੱਚ 1850 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਸੀ। ਇਹ ਆਮਿਰ ਖਾਨ ਦੀ ‘ਦੰਗਲ’ ਤੋਂ ਬਾਅਦ ਭਾਰਤੀ ਸਿਨੇਮਾ ਦੀ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਹੈ।
ਇਹ ਵੀ ਪੜ੍ਹੋ
