ਬ੍ਰੇਕਫਾਸਟ ਦੌਰਾਨ ਪਰਿਣੀਤੀ ਨੇ ਕੀਤਾ ਸੀ ਰਾਘਵ ਚੱਢਾ ਨੂੰ ਹਮਸਫ਼ਰ ਬਣਾਉਣ ਦਾ ਫੈਸਲਾ, ਹੋਣ ਵਾਲੇ ਪਤੀ ਦੀ ਤਾਰੀਫ ‘ਚ ਕਹੀਆਂ ਇਹ ਗੱਲਾਂ

ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ (Pariniti Chopra) ਅਤੇ ਰਾਘਵ ਚੱਢਾ (Raghav Chadha) ਨੇ ਮੰਗਣੀ ਕਰ ਲਈ ਹੈ। ਜੋੜੇ ਨੇ ਪਰਿਵਾਰ ਅਤੇ ਖਾਸ ਲੋਕਾਂ ਦੀ ਮੌਜੂਦਗੀ ਵਿਚਾਲੇ ਇੱਕ-ਦੂਜੇ ਨੂੰ ਰਿੰਗ ਪਾਈ। ਹੁਣ ਪਰਿਣੀਤੀ ਨੇ ਆਪਣੀ ਮੰਗਣੀ ਦੀਆਂ ਰਸਮਾਂ ਦੌਰਾਨ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਜਿਸ ਨੂੰ ਦੇਖ ਕੇ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਅਭਿਨੇਤਰੀ ਪੂਰੀ ਤਰ੍ਹਾਂ ਨਾਲ ਰਾਘਵ ਚੱਢਾ ਦੇ ਪਿਆਰ ਵਿੱਚ ਹੈ। ਦੋਵਾਂ ਦਾ ਅਚਾਨਕ ਇਕੱਠੇ ਨਜ਼ਰ ਆਉਣਾ ਅਤੇ ਮੰਗਣੀ ਕਰ ਲੈਣਾ ਲੋਕਾਂ ਨੂੰ ਇਹ ਸੋਚਣ ਲਈ ਮਜਬੂਰ ਕਰ ਰਿਹਾ ਹੈ ਕਿ ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਕੀ ਹੈ। ਹੁਣ ਇਸ ਸਵਾਲ ਦਾ ਜਵਾਬ ਪਰਿਣੀਤੀ ਨੇ ਖੁਦ ਦਿੱਤਾ ਹੈ। ਅਭਿਨੇਤਰੀ ਨੇ ਦੱਸਿਆ ਕਿ ਕਿਸ ਸਮੇਂ ਉਨ੍ਹਾਂ ਨੂੰ ਮਹਿਸੂਸ ਹੋਇਆ ਕਿ ਇਹ ਉਹੀ ਵਿਅਕਤੀ ਹੈ ਜਿਸ ਨਾਲ ਉਨ੍ਹਾਂ ਨੇ ਆਪਣੀ ਪੂਰੀ ਜ਼ਿੰਦਗੀ ਬਿਤਾਉਣੀ ਹੈ। ਅਸਲ ‘ਚ ਪਰਿਣੀਤੀ ਨੇ ਆਪਣੀਆਂ ਸ਼ੇਅਰ ਕੀਤੀਆਂ ਤਸਵੀਰਾਂ ਦੇ ਕੈਪਸ਼ਨ ‘ਚ ਆਪਣੀ ਲਵ ਸਟੋਰੀ ਦਾ ਖੁਲਾਸਾ ਕੀਤਾ ਹੈ। ਪਰਿਣੀਤੀ ਚੋਪੜਾ ਦੀ ਪੋਸਟ ਮੁਤਾਬਕ, ਬ੍ਰੇਕਫਾਸਟ ਦੌਰਾਨ ਉਨ੍ਹਾਂ ਨੇ ਸਮਝ ਲਿਆ ਸੀ ਕਿ ਇਹ ਉਹ ਵਿਅਕਤੀ ਹੈ ਜਿਸ ਨਾਲ ਉਨ੍ਹਾਂ ਨੇ ਲਾਈਫ਼ ਸਪੈਂਡ ਕਰਨੀ ਹੈ।

View this post on Instagram

A post shared by @parineetichopra

ਇਹ ਵੀ ਪੜ੍ਹੋ

ਸਟੇਜ 'ਤੇ ਫੜੀ ਗਈ ਚੋਰੀ! ਲਿਪ-ਸਿੰਕ ਕਰਦੀ ਦਿਖੀ ਸਿੰਗਰ ਜੈਸਮੀਨ, ਭੜਕੇ ਲੋਕ

ਅਦਾਕਾਰਾ ਸੋਨਮ ਬਾਜਵਾ ਦੀ ਨਵੀਂ ਫਿਲਮ 'ਤੇ ਪਾਬੰਦੀ, ਜਾਣੋ ਪੂਰਾ ਮਾਮਲਾ

ਲੁਧਿਆਣਾ ਦੀ ਰਾਤ ਨੋਰਾ ਫਤੇਹੀ ਦੇ ਨਾਮ, ਸੈਲਫੀ ਲਈ ਉਮੜੀ ਭੀੜ

ਪਰਿਣੀਤੀ ਨੇ ਰਾਘਵ ਚੱਢਾ ਨੂੰ ਇੱਕ ਸ਼ਾਨਦਾਰ ਵਿਅਕਤੀ, ਬਹੁਤ ਸ਼ਾਂਤ ਅਤੇ ਪ੍ਰੇਰਣਾਦਾਇਕ ਦੱਸਿਆ। ਅਭਿਨੇਤਰੀ ਨੂੰ ‘ਆਪ’ ਨੇਤਾ ਰਾਘਵ ਦਾ ਸਪੋਰਟ, ਹਿਊਮਰ ਅਤੇ ਉਨ੍ਹਾਂ ਦੀ ਦੋਸਤੀ ਕਾਫ਼ੀ ਪਸੰਦ ਹੈ। ਉਹ ਉਨ੍ਹਾਂ ਦਾ ਘਰ ਹੈ। ਅਦਾਕਾਰਾ ਨੇ ਆਪਣੀ ਮੰਗਣੀ ਨੂੰ ਇੱਕ ਸੁਪਨਾ ਦੱਸਿਆ, ਜਿੱਥੇ ਪਿਆਰ, ਭਾਵਨਾ, ਹਾਸਾ ਅਤੇ ਬਹੁਤ ਸਾਰਾ ਡਾਂਸ ਮੌਜੂਦ ਸੀ। ਪਰਿਣੀਤੀ ਨੇ ਇਸ ਪਲ ਨੂੰ ਆਪਣੇ ਖਾਸ ਅਤੇ ਪਰਿਵਾਰਕ ਮੈਂਬਰਾਂ ਨੂੰ ਗਲੇ ਲਗਾ ਕੇ ਮਨਾਇਆ। ਅਭਿਨੇਤਰੀ ਦੇ ਅਨੁਸਾਰ, ਇਹ ਉਨ੍ਹਾਂ ਦਾ ਬਚਪਨ ਦਾ ਸੁਪਨਾ ਸੀ ਕਿ ਉਨ੍ਹਾਂ ਦੀ ਫੈਰੀਟੇਲ ਵੀ ਅਜਿਹੀ ਹੀ ਹੋਵੇ। ਪਰ ਉਨ੍ਹਾਂ ਦੇ ਅਨੁਸਾਰ ਇਹ ਉਸ ਤੋਂ ਵੀ ਬਿਹਤਰ ਹੈ। ਦੱਸ ਦੇਈਏ ਕਿ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਇੱਕ ਦੂਜੇ ਨੂੰ ਲੰਬੇ ਸਮੇਂ ਤੋਂ ਜਾਣਦੇ ਸਨ। ਪਰ ਉਨ੍ਹਾਂ ਦੇ ਪਿਆਰ ਨੂੰ ਸ਼ੁਰੂ ਹੋਏ ਜ਼ਿਆਦਾ ਸਮਾਂ ਨਹੀਂ ਹੋਇਆ ਹੈ। ਦੂਜੇ ਪਾਸੇ ਪਰੀ ਵੱਲੋਂ ਸ਼ੇਅਰ ਕੀਤੀਆਂ ਗਈਆਂ ਤਸਵੀਰਾਂ ‘ਚ ਇਸ ਜੋੜੀ ਦੀ ਬਾਂਡਿੰਗ ਨੂੰ ਦੇਖ ਕੇ ਲੱਗਦਾ ਹੈ ਕਿ ਰਾਘਵ ਨੂੰ ਦੇਖ ਕੇ ਅਦਾਕਾਰਾ ਆਪਣੀ ਖੁਸ਼ੀ ਨੂੰ ਬਰਕਰਾਰ ਨਹੀਂ ਰੱਖ ਪਾ ਰਹੀ ਹੈ। ਇਨ੍ਹਾਂ ਤਸਵੀਰਾਂ ‘ਚ ਰਾਘਵ ਲਈ ਉਨ੍ਹਾਂ ਦਾ ਪਿਆਰ ਸਾਫ ਨਜ਼ਰ ਆ ਰਿਹਾ ਹੈ। ਤਸਵੀਰਾਂ ‘ਚ ਪਰਿਣੀਤੀ ਦੇ ਵੱਖ-ਵੱਖ ਇਮੋਸ਼ਨਸ ਦੇਖੇ ਜਾ ਸਕਦੇ ਹਨ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ