ਪੰਜਾਬੀ ਗਾਇਕ ਮਨਕੀਰਤ ਔਲਖ ਪਹੁੰਚੇ ਲੁਧਿਆਣਾ, ਬਾਈਕ ਰੈਲੀ ਕੱਢ ਕੇ ਮਨਾਇਆ ਆਜ਼ਾਦੀ ਦਿਹਾੜਾ
ਸੁਤੰਤਰਤਾ ਦਿਵਸ ਨੂੰ ਲੈ ਕੇ ਦੇਸ਼ ਵਾਸੀ ਵੱਖਰੇ-ਵੱਖਰੇ ਤਰੀਕਿਆਂ ਨਾਲ ਇਸ ਜਸ਼ਨ ਨੂੰ ਅੱਜ ਮਨਾ ਰਹੇ ਹਨ। ਸਿਰਫ਼ ਆਮ ਲੋਕ ਹੀ ਨਹੀਂ ਸਗੋਂ ਦੇਸ਼ ਭਗਤੀ ਦਾ ਜਨੂਨ ਫੈਮਸ ਪੰਜਾਬੀ ਗਾਇਕਾਂ ਅਤੇ ਹੋਰ ਕਲਾਕਾਰਾਂ ਵਿੱਚ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਪੰਜਾਬੀ ਗਾਇਕ ਮਨਕੀਰਤ ਔਲਖ ਨੂੰ ਵੀ ਇਸ ਦਿਨ ਬਾਈਕ ਰਾਈਡਿੰਗ ਕਰਦੇ ਦੇਖਿਆ ਗਿਆ। ਲੁੱਧਿਆਣਾ ਵਿੱਚ ਉਨ੍ਹਾਂ ਨੇ ਇਹ ਰੈਲੀ ਕੀਤੀ।
ਸੁਤੰਤਰਤਾ ਦਿਵਸ ਦੇ ਮੌਕੇ ਪੰਜਾਬੀ ਗਾਇਕ ਮਨਕੀਰਤ ਔਲਖ ਅੱਜ ਲੁਧਿਆਣਾ ਪਹੁੰਚੇ। ਮਨਕੀਰਤ ਇਸ ਵੇਲੇ ਇੱਕਲੇ ਨਹੀਂ ਸਗੋਂ ਲੁਧਿਆਣਾ ਤੋਂ ਕਰੀਬ 400 ਬਾਈਕ ਸਵਾਰਾਂ ਦੀ ਟੀਮ ਨਾਲ ਨਜ਼ਰ ਆਏ। ਗਾਈਕ ਨੇ ਇਸ ਟੀਮ ਨਾਲ ਪੂਰੇ ਸਾਊਥ ਸਿਟੀ ਵਿਚ ਘੁੰਮ ਕੇ ਤਿਰੰਗੇ ਝੰਡੇ ਨੂੰ ਸਲਾਮੀ ਦਿੱਤੀ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਮਨਕੀਰਤ ਔਲਖ ਨੇ ਕਿਹਾ ਕਿ ਬਾਈਕ ਰਾਈਡਰਾਂ ਦੀ ਇਕ ਸੰਸਥਾ ‘ਡਿਫਰੈਂਟ ਕਾਇਨਡ ਆਫ ਰਾਈਡਰਜ਼’ ਵੱਲੋਂ ਉਨ੍ਹਾਂ ਨੂੰ ਬਾਈਕ ਰੈਲੀ ਲਈ ਸੱਦਾ ਮਿਲਿਆ ਸੀ। ਗੱਲ ਕਰੀਏ ਬਾਈਕ ਰੈਲੀ ਦੀ ਤਾਂ ਰੈਲੀ ਵਿਚ ਖਾਸ ਤੌਰ ‘ਤੇ ਹਾਰਲੇ-ਡੇਵਿਡਸਨ ਬਾਈਕ ਸ਼ਾਮਲ ਸਨ। ਇਸ ਦਾ ਇਕ ਕਾਰਨ ਇਹ ਵੀ ਸੀ ਕਿ ਅੱਜਕੱਲ੍ਹ ਨੌਜਵਾਨ ਨਵੇਂ ਵਪਾਰੀਆਂ ਦੀਆਂ ਬਾਈਕਾਂ ਨੂੰ ਜ਼ਿਆਦਾ ਪਸੰਦ ਕਰਦੇ ਹਨ। ਰੈਲੀ ਤੋਂ ਪਹਿਲਾਂ ਬਾਈਕ ਸਵਾਰਾਂ ਨੂੰ ਇਹ ਹਿਦਾਇਤ ਦਿੱਤੀ ਗਈ ਸੀ ਕਿ ਉਹ ਬਿਨਾਂ ਸੁਰੱਖਿਆ ਦੇ ਬਾਈਕ ਨਾ ਚਲਾਉਣ। ਟ੍ਰੈਫਿਕ ਨਿਯਮਾਂ ਦੀ ਵੀ ਪਾਲਣਾ ਜ਼ਰੂਰ ਕਰਨ।
ਇਹ ਵੀ ਪੜ੍ਹੋ- ਕੌਣ ਹੈ ਜੈਸਮੀਨ ਵਾਲੀਆ? ਜਿਨ੍ਹਾਂ ਦੀ ਹਾਰਦਿਕ ਪੰਡਯਾ ਨਾਲ ਉੱਡ ਰਹੀਆਂ ਹਨ ਡੇਟਿੰਗ ਦੀਆਂ ਅਫਵਾਹਾਂ
ਮਨਕੀਰਤ ਨੇ ਦੱਸਿਆ ਕਿ ਰੈਲੀ ਦਾ ਪੂਰਾ ਚੱਕਰ ਲਗਾ ਕੇ ਅਸੀਂ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਹੈ। ਸੁਤੰਤਰਤਾ ਦਿਵਸ ਸਿਰਫ਼ ਇਕ ਦਿਨ ਨਹੀਂ ਸਗੋਂ ਸਾਡੇ ਦੇਸ਼ ਅਤੇ ਸਾਰੇ ਲੋਕਾਂ ਲਈ ਬਹੁਤ ਵੱਡਾ ਤਿਉਹਾਰ ਹੈ। ਸਾਰੇ ਦੇਸ਼ ਵਾਸੀਆਂ ਨੂੰ ਆਜ਼ਾਦੀ ਦਿਵਸ ਬਹੁਤ ਖਾਸ ਤਰੀਕੇ ਅਤੇ ਧੂਮ-ਧਾਮ ਨਾਲ ਮਨਾਉਣਾ ਚਾਹੀਦਾ ਹੈ। ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ। ਇਸ ਨਾਲ ਪੰਜਾਬ ਦੀ ਜਵਾਨੀ ਨੂੰ ਬਚਾਇਆ ਜਾ ਸਕਦਾ ਹੈ। ਮਨਕੀਰਤ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਾਈਕ ਚਲਾਉਣਾ ਕਾਫੀ ਪਸੰਦ ਹੈ। ਬਾਈਕ ਸਵਾਰਾਂ ਨੇ ਲਗਭਗ 15 ਤੋਂ 20 ਕਿਲੋਮੀਟਰ ਤੱਕ ਰਾਈਡਿੰਗ ਕਰਕੇ ਅਜ਼ਾਦੀ ਦਿਵਸ ਨੂੰ ਵਿਲੱਖਣ ਅੰਦਾਜ਼ ਨਾਲ ਮਨਾਇਆ। ਸਿੰਗਰ ਮਨਕੀਰਤ ਔਲਖ ਨੇ ਇਸ ਦੌਰਾਨ ਆਪਣੇ ਪ੍ਰਸ਼ੰਸਕਾਂ ਲਈ ਕੁਝ ਗੀਤ ਵੀ ਸੁਣਾਏ।
