ਪੂਰੇ ਪਰਿਵਾਰ ਨਾਲ ਬਹਿ ਕੇ ਕਰੋ Enjoy, ‘ਹੀਰ ਐਕਸਪ੍ਰੈਸ’ ਦੇ ਪ੍ਰੀਮੀਅਰ ਮੌਕੇ ਬੋਲੇ ਐਕਟਰ ਗੁਲਸ਼ਨ ਗਰੋਵਰ, 12 ਸਤੰਬਰ ਨੂੰ ਹੋ ਰਹੀ ਰਿਲੀਜ
Heer Express Premiere in Chandigarh: ਦਰਸ਼ਕਾਂ ਨੇ ਕਿਹਾ ਕਿ ਬਹੁਤ ਸਮੇਂ ਬਾਅਦ ਸਿਨੇਮਾ ਵਿੱਚ ਅਜਿਹੀ ਕਹਾਣੀ ਦੇਖਣ ਨੂੰ ਮਿਲੀ ਹੈ। ਦਰਸ਼ਕਾਂ ਨੇ ਸਾਰੇ ਕਲਾਕਾਰਾਂ ਦੀ ਐਕਟਿੰਗ ਦੀ ਤਾਰੀਫ ਕੀਤ, ਖਾਸ ਕਰਕੇ ਆਸ਼ੂਤੋਸ਼ ਰਾਣਾ, ਗੁਲਸ਼ਨ ਗਰੋਵਰ ਅਤੇ ਸੰਜੇ ਮਿਸ਼ਰਾ ਦੀ ਸ਼ਾਨਦਾਰ ਪਰਫਾਰਮੈਂਸ ਨੂੰ ਲੋਕਾਂ ਨੇ ਖੂਬ ਵਾਹਵਾਹੀ ਦਿੱਤੀ। ਇਸ ਫਿਲਮ ਰਾਹੀਂ ਐਕਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖ ਰਹੀ ਅਦਾਕਾਰਾ ਦਿਵਿਜਾ ਜੁਨੇਜਾ ਦਾ ਐਕਟਿੰਗ ਟੈਲੇਂਟ ਵੀ ਲੋਕਾਂ ਵਿਚਾਲੇ ਚਰਚਾ ਦਾ ਵਿਸ਼ਾ ਬਣਿਆ ਰਿਹਾ।
ਫਿਲਮ ਹੀਰ ਐਕਸਪ੍ਰੈਸ ਦਾ ਪ੍ਰੀਮੀਅਰ ਮੋਹਾਲੀ ਦੇ ਇੱਕ ਮਾਲ ਵਿੱਚ ਬਹੁਤ ਧੂਮਧਾਮ ਨਾਲ ਆਯੋਜਿਤ ਕੀਤਾ ਗਿਆ। ਇਸ ਮੌਕੇ ਫਿਲਮ ਦੇ ਨਿਰਦੇਸ਼ਕ ਉਮੇਸ਼ ਸ਼ੁਕਲਾ, ਨਿਰਮਾਤਾ, ਅਦਾਕਾਰਾਂ ਅਤੇ ਵਿਸ਼ੇਸ਼ ਮਹਿਮਾਨਾਂ ਨੇ ਆਪਣੀ ਮੌਜੂਦਗੀ ਨਾਲ ਮਾਹੌਲ ਨੂੰ ਯਾਦਗਾਰੀ ਬਣਾ ਦਿੱਤਾ। ਖਾਸ ਗੱਲ ਇਹ ਹੈ ਕਿ ਇਸ ਫਿਲਮ ਨੂੰ ਭਾਰਤੀ ਸਿਨੇਮਾ ਦੇ ਮਸ਼ਹੂਰ ਖਲਨਾਇਕ ਰਹੇ ਗੁਲਸ਼ਨ ਗਰੋਵਰ ਦੇ ਬੇਟੇ ਸੰਜੇ ਗਰੋਵਰ ਨੇ ਪ੍ਰੋਡਿਊਸ ਕੀਤੀ ਹੈ ਅਤੇ ਕਹਾਣੀ ਵੀ ਉਨ੍ਹਾਂ ਨੇ ਹੀ ਲਿਖੀ ਹੈ। ਗੁਲਸ਼ਨ ਗਰੋਵਰ ਦੀ ਮੌਜੂਦਗੀ ਨੇ ਸ਼ਾਮ ਨੂੰ ਹੋਰ ਵੀ ਰੰਗੀਨ ਬਣਾ ਦਿੱਤਾ। ਇਸ ਮੌਕੇ ਪੰਜਾਬੀ ਗਾਇਕ ਮਨਕੀਰਤ ਔਲਖ ਵੀ ਫਿਲਮ ਵੇਖਣ ਆਏ ਸਨ।
ਨਿਰਦੇਸ਼ਕ ਅਤੇ ਨਿਰਮਾਤਾ ਉਮੇਸ਼ ਸ਼ੁਕਲਾ ਨੇ ਕਿਹਾ ਕਿ ਅੱਜ ਦੇ ਸਮੇਂ ਵਿੱਚ ਸਿਨੇਮਾ ਨੂੰ ਅਜਿਹੀਆਂ ਪਰਿਵਾਰਕ ਫਿਲਮਾਂ ਦੀ ਲੋੜ ਹੈ, ਜਿਨ੍ਹਾਂ ਨੂੰ ਅਸੀਂ ਆਪਣੇ ਪਰਿਵਾਰ ਨਾਲ ਬਹਿ ਕੇ ਦੇਖ ਸਕੀਏ। ਅਜਿਹੀਆਂ ਫਿਲਮਾਂ ਸਮਾਜ ਨੂੰ ਸਕਾਰਾਤਮਕ ਸੁਨੇਹਾ ਦਿੰਦੀਆਂ ਹਨ।
ਫਿਲਮ ਦੇ ‘ਕਲਾਕਾਰ’ ਵੀ ਬਣੇ ਚਰਚਾ ਦਾ ਵਿਸ਼ਾ
ਇਸ ਫਿਲਮ ਵਿੱਚ ਪ੍ਰੀਤ ਕਮਾਨੀ ਅਤੇ ਦਿਵਿਜਾ ਜੁਨੇਜਾ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਸ ਤੋਂ ਇਲਾਵਾ ਗੁਲਸ਼ਨ ਗਰੋਵਰ, ਆਸ਼ੂਤੋਸ਼ ਰਾਣਾ ਅਤੇ ਸੰਜੇ ਮਿਸ਼ਰਾ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਹਨ। ਇਹ ਦਿਵਿਆ ਜੁਨੇਜਾ ਦੀ ਪਹਿਲੀ ਫਿਲਮ ਹੈ ਅਤੇ ਉਹ ਇਸ ਮੌਕੇ ‘ਤੇ ਬਹੁਤ ਉਤਸ਼ਾਹਿਤ ਦਿਖਾਈ ਦੇ ਰਹੀ ਸੀ।
ਫਿਲਮ ਦੇਖਣ ਆਏ ਦਰਸ਼ਕਾਂ ਨੇ ਕਿਹਾ ਕਿ ਬਹੁਤ ਸਮੇਂ ਬਾਅਦ ਸਿਨੇਮਾ ਵਿੱਚ ਅਜਿਹੀ ਕਹਾਣੀ ਦੇਖਣ ਨੂੰ ਮਿਲੀ ਹੈ। ਦਰਸ਼ਕਾਂ ਨੇ ਸਾਰੇ ਕਲਾਕਾਰਾਂ ਦੀ ਐਕਟਿੰਗ ਦੀ ਤਾਰੀਫ ਕੀਤ, ਖਾਸ ਕਰਕੇ ਆਸ਼ੂਤੋਸ਼ ਰਾਣਾ, ਗੁਲਸ਼ਨ ਗਰੋਵਰ ਅਤੇ ਸੰਜੇ ਮਿਸ਼ਰਾ ਦੀ ਸ਼ਾਨਦਾਰ ਪਰਫਾਰਮੈਂਸ ਨੂੰ ਲੋਕਾਂ ਨੇ ਖੂਬ ਵਾਹਵਾਹੀ ਦਿੱਤੀ। ਇਸ ਫਿਲਮ ਰਾਹੀਂ ਐਕਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖ ਰਹੀ ਅਦਾਕਾਰਾ ਦਿਵਿਜਾ ਜੁਨੇਜਾ ਦਾ ਐਕਟਿੰਗ ਟੈਲੇਂਟ ਵੀ ਲੋਕਾਂ ਵਿਚਾਲੇ ਚਰਚਾ ਦਾ ਵਿਸ਼ਾ ਬਣਿਆ ਰਿਹਾ।
ਇਹ ਵੀ ਪੜ੍ਹੋ
ਸਿਤਾਰਿਆਂ ਨਾਲ ਸਜੀ ਸ਼ਾਮ
‘ਹੀਰ ਐਕਸਪ੍ਰੈਸ’ ਦੇ ਪ੍ਰੀਮੀਅਰ ‘ਤੇ ਫਿਲਮ ਦੇ ਕਲਾਕਾਰਾਂ ਤੋਂ ਇਲਾਵਾ ਮਨਕੀਰਤ ਔਲਖ ਵਰਗ੍ਹੇ ਹੋਰ ਵੀ ਕਈ ਸਿੰਗਰ, ਕਲਾਕਾਰ ਅਤੇ ਸਿਆਸਤਦਾਨ ਉੱਥੇ ਮੌਜੂਦ ਸਨ। ਸਾਰਿਆਂ ਨੇ ਇੱਕ ਸੁਰ ਵਿੱਚ ਫਿਲਮ ਦੀ ਤਾਰੀਫ ਕੀਤੀ ਤਾਂ ਆਪਣੀ ਮੌਜੂਦਗੀ ਨਾਲ ਇਸ ਸ਼ਾਮ ਨੂੰ ਹੋਰ ਵੀ ਖਾਸ ਬਣਾ ਦਿੱਤਾ। ਮਨਕੀਰਤ ਨੇ ਇੱਕ ਪਾਸੇ ਜਿੱਥੇ ਪੰਜਾਬੀ ਫਿਲਮਾਂ ਦੀ ਲਗਾਤਾਰ ਕਾਮਯਾਬੀ ਦੀ ਗੱਲ ਕੀਤੀ ਤਾਂ ਨਾਲ ਹੀ ਪੰਜਾਬ ਵਿੱਚ ਹੜ੍ਹਾਂ ਦੀ ਤ੍ਰਾਸਦੀ ਦਾ ਜਿਕਰ ਕਰਦਿਆਂ ਅਦਾਕਾਰ ਗੁਲਸ਼ਨ ਗਰੋਵਰ ਅਤੇ ਹੋਰਨਾਂ ਤੋਂ ਮਦਦ ਦੀ ਅਪੀਲ ਵੀ ਕੀਤੀ।
ਫਿਲਮ 12 ਸਤੰਬਰ ਨੂੰ ਪੂਰੇ ਦੇਸ਼ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਅਤੇ ਦਰਸ਼ਕਾਂ ਨੂੰ ਪਰਿਵਾਰਕ ਮਨੋਰੰਜਨ ਦਾ ਇੱਕ ਵਧੀਆ ਅਨੁਭਵ ਦੇਣ ਦਾ ਵਾਅਦਾ ਕਰਦੀ ਹੈ। ਸਾਡਾ ਵੀ ਇਹੀ ਕਹਿਣਾ ਹੈ ਤੁਸੀਂ ਵੀ ਇਸ ਫਿਲਮ ਨੂੰ ਵੱਡੇ ਪਰਦੇ ਤੇ ਜਾ ਕੇ ਵੇਖੋ ਅਤੇ ਫਿਲਮ ਦਾ ਆਨੰਦ ਮਾਣੋ।
