ਦਿੱਲੀ ਕੰਸਰਟ ਤੋਂ ਬਾਅਦ ਰਿਸ਼ੀਕੇਸ਼ ਪਹੁੰਚੇ ਦਿਲਜੀਤ ਦੋਸਾਂਝ, ਮਾਂ ਗੰਗਾ ਦਾ ਆਸ਼ੀਰਵਾਦ ਲੈ ਕੇ ਇਕਾਂਤ ‘ਚ ਬਿਤਾਏ 15 ਮਿੰਟ
Diljit Dosanjh: ਦਿੱਲੀ ਵਿੱਚ ਕੰਸਰਟ ਕਰਨ ਤੋਂ ਬਾਅਦ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਵੀਕਐਂਡ 'ਤੇ ਰਿਸ਼ੀਕੇਸ਼ ਪਹੁੰਚੇ। ਐਤਵਾਰ ਨੂੰ ਉਨ੍ਹਾਂ ਨੇ ਮਾਂ ਗੰਗਾ ਦਾ ਆਚਮਨ ਕੀਤਾ ਅਤੇ ਪ੍ਰਣਾਮ ਕਰਕੇ ਆਸ਼ੀਰਵਾਦ ਲਿਆ।
ਦਿੱਲੀ ਵਿੱਚ ਕੰਸਰਟ ਕਰਨ ਤੋਂ ਬਾਅਦ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਵੀਕਐਂਡ ‘ਤੇ ਰਿਸ਼ੀਕੇਸ਼ ਪਹੁੰਚੇ। ਐਤਵਾਰ ਨੂੰ ਉਨ੍ਹਾਂ ਨੇ ਮਾਂ ਗੰਗਾ ਦਾ ਆਚਮਨ ਕੀਤਾ ਅਤੇ ਪ੍ਰਣਾਮ ਕਰਕੇ ਆਸ਼ੀਰਵਾਦ ਲਿਆ। ਇਸ ਤੋਂ ਬਾਅਦ ਉਹ ਗੰਗਾ ਕਿਨਾਰੇ ਸੈਰ ਕਰਦੇ ਅਤੇ ਖੁਦ ਆਪਣੀ ਰੀਲ ਬਣਾਉਂਦੇ ਨਜ਼ਰ ਆਏ। ਇਸ ਦੌਰਾਨ ਉਹ ਪੱਥਰਾਂ ਵਿਚਕਾਰ ਕਰੀਬ 15 ਮਿੰਟ ਤੱਕ ਇਕੱਲੇ ਬੈਠੇ ਰਹੇ ਅਤੇ ਆਪਣੇ ਆਪ ਨਾਲ ਗੱਲਾਂ ਕਰਦੇ ਦਿਖਾਈ ਦਿੱਤੇ।
ਦਿਲਜੀਤ ਨੇ ਬਦਰੀਨਾਥ ਮਾਰਗ ‘ਤੇ ਸ਼ਿਵਪੁਰੀ ਅਤੇ ਵਿਆਸੀ ਦੇ ਵਿਚਕਾਰ ਸਥਿਤ ਪ੍ਰਸਿੱਧ ਵਸ਼ਿਸ਼ਠ ਗੁਫਾ ਵਿੱਚ ਵੀ ਕੁਝ ਸਮਾਂ ਬਿਤਾਇਆ। ਇਹ ਜਗ੍ਹਾ ਰਿਸ਼ੀਕੇਸ਼ ਤੋਂ ਕਰੀਬ 30 ਕਿਲੋਮੀਟਰ ਦੂਰ ਹੈ। ਇੱਥੇ ਪਹੁੰਚਣ ਸਮੇਂ ਸ਼ੁਰੂ ਵਿੱਚ ਉਹ ਇਕੱਲੇ ਨਜ਼ਰ ਆਏ। ਬਾਅਦ ਵਿੱਚ ਦਿਨ ਚੜ੍ਹਨ ‘ਤੇ ਉਨ੍ਹਾਂ ਦੀ ਸੁਰੱਖਿਆ ਵਿੱਚ ਤਾਇਨਾਤ ਸਿਕਿਓਰਿਟੀ ਟੀਮ ਵੀ ਉਨ੍ਹਾਂ ਕੋਲ ਪਹੁੰਚ ਗਈ।
ਉਨ੍ਹਾਂ ਦਾ ਇਹ ਦੌਰਾ ਬੇਹੱਦ ਨਿੱਜੀ ਰਿਹਾ। ਸਥਾਨਕ ਲੋਕਾਂ ਨੂੰ ਵੀ ਉਨ੍ਹਾਂ ਦੇ ਉੱਥੇ ਪਹੁੰਚਣ ਦੀ ਭਿਣਕ ਤੱਕ ਨਹੀਂ ਲੱਗੀ। ਉਨ੍ਹਾਂ ਨੇ ਬਿਨਾਂ ਕਿਸੇ ਜਨਤਕ ਹਲਚਲ ਦੇ ਗੰਗਾ ਤਟ ਅਤੇ ਆਲੇ-ਦੁਆਲੇ ਦੀ ਕੁਦਰਤੀ ਖੂਬਸੂਰਤੀ ਵਿਚਕਾਰ ਸਮਾਂ ਬਿਤਾਇਆ।
View this post on Instagram
ਵੀਡੀਓ ਸੋਸ਼ਲ ਮੀਡੀਆ ‘ਤੇ ਪੋਸਟ ਹੋਣ ਤੋਂ ਬਾਅਦ ਹੋਈ ਪਛਾਣ
ਇਸ ਤੋਂ ਬਾਅਦ ਜਿਵੇਂ ਹੀ ਉੱਥੇ ਭੀੜ ਵਧਣ ਲੱਗੀ ਤਾਂ ਦਿਲਜੀਤ ਨੇ ਇਸ਼ਾਰੇ ਨਾਲ ਆਪਣੀ ਸਿਕਿਓਰਿਟੀ ਟੀਮ ਨੂੰ ਬੁਲਾਇਆ ਅਤੇ ਉੱਥੋਂ ਚਲੇ ਗਏ। ਇਸ ਦੌਰਾਨ ਉੱਥੇ ਮੌਜੂਦ ਲੋਕਾਂ ਨੇ ਉਨ੍ਹਾਂ ਦੀ ਵੀਡੀਓ ਬਣਾ ਲਈ।
ਇਹ ਵੀ ਪੜ੍ਹੋ
ਜਦੋਂ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਗਈ, ਤਾਂ ਲੋਕਾਂ ਨੂੰ ਪਤਾ ਲੱਗਾ ਕਿ ਉਹ ਕੋਈ ਹੋਰ ਨਹੀਂ, ਸਗੋਂ ਦਿਲਜੀਤ ਦੋਸਾਂਝ ਸਨ। ਇਸ ਤੋਂ ਬਾਅਦ ਦਿਲਜੀਤ ਨੇ ਵੀ ਆਪਣੇ Instagram ਅਕਾਊਂਟ ‘ਤੇ ਰਿਸ਼ੀਕੇਸ਼ ਦੀ ਰੀਲ ਸਾਂਝੀ ਕੀਤੀ।
