ਦਾਊਦ ਨਾਲ ਸਬੰਧ, 1993 ਬੰਬ ਧਮਾਕਾ, ਬਾਬਾ ਸਿੱਦੀਕੀ ਨੂੰ ਕਿਉਂ ਮਾਰਨਾ ਚਾਹੁੰਦਾ ਸੀ ਬਿਸ਼ਨੋਈ?
ਗੌਤਮ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸ ਨੂੰ ਬਾਬਾ ਸਿੱਦੀਕੀ ਜਾਂ ਜੀਸ਼ਾਨ ਸਿੱਦੀਕੀ ਨੂੰ ਮਾਰਨ ਲਈ ਕਿਹਾ ਗਿਆ ਸੀ ਅਤੇ ਬਦਲੇ ਵਿੱਚ ਉਸ ਨੂੰ 15 ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ। ਉਸ ਨੇ ਪੁਲਿਸ ਨੂੰ ਦੱਸਿਆ ਹੈ ਕਿ ਉਹ ਪੁਣੇ ਵਿੱਚ ਚੂਰਾ-ਪੋਸਤ ਇਕੱਠਾ ਕਰਦਾ ਸੀ ਅਤੇ ਸਹਿ-ਮੁਲਜ਼ਮ ਹਰੀਸ਼ ਕੁਮਾਰ ਕਸ਼ਯਪ ਨੂੰ ਸਾਮਾਨ ਵੇਚਦਾ ਸੀ।
ਗੈਂਗਸਟਰ ਅਨਮੋਲ ਬਿਸ਼ਨੋਈ ਨੇ ਦਾਊਦ ਇਬਰਾਹਿਮ ਨਾਲ ਸਬੰਧਾਂ ਅਤੇ 1993 ਦੇ ਮੁੰਬਈ ਧਮਾਕਿਆਂ ‘ਚ ਸ਼ਮੂਲੀਅਤ ਨੂੰ ਲੈ ਕੇ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐੱਨ.ਸੀ.ਪੀ.) ਦੇ ਨੇਤਾ ਬਾਬਾ ਸਿੱਦੀਕੀ ‘ਤੇ ਹਮਲੇ ਦਾ ਹੁਕਮ ਦਿੱਤਾ ਸੀ। ਸਿੱਦੀਕੀ ‘ਤੇ ਹਮਲੇ ਦੇ ਮੁੱਖ ਦੋਸ਼ੀ ਸ਼ਿਵਕੁਮਾਰ ਗੌਤਮ ਨੇ ਪੁਲਿਸ ਨੂੰ ਦਿੱਤੇ ਆਪਣੇ ਇਕਬਾਲੀਆ ਬਿਆਨ ‘ਚ ਇਹ ਗੱਲ ਕਹੀ।
ਮੁੱਖ ਸ਼ੂਟਰ ਗੌਤਮ ਦਾ ਇਕਬਾਲੀਆ ਬਿਆਨ 12 ਅਕਤੂਬਰ ਨੂੰ ਮਹਾਰਾਸ਼ਟਰ ਦੇ ਸਾਬਕਾ ਮੰਤਰੀ ਸਿੱਦੀਕੀ ਦੀ ਹੱਤਿਆ ਦੇ ਸਬੰਧ ਵਿੱਚ ਦਾਇਰ ਚਾਰਜਸ਼ੀਟ ਦਾ ਹਿੱਸਾ ਹੈ। ਸਿੱਦੀਕੀ (66) ਦੀ ਮੁੰਬਈ ਦੇ ਬਾਂਦਰਾ ਈਸਟ ਇਲਾਕੇ ‘ਚ ਉਨ੍ਹਾਂ ਦੇ ਪੁੱਤਰ ਜੀਸ਼ਾਨ ਸਿੱਦੀਕੀ ਦੇ ਦਫ਼ਤਰ ਦੇ ਬਾਹਰ ਤਿੰਨ ਹਮਲਾਵਰਾਂ ਨੇ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ।
15 ਲੱਖ ਰੁਪਏ ਦੇਣ ਦਾ ਕੀਤਾ ਵਾਅਦਾ
ਗੌਤਮ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਸ ਨੂੰ ਬਾਬਾ ਸਿੱਦੀਕੀ ਜਾਂ ਜੀਸ਼ਾਨ ਸਿੱਦੀਕੀ ਨੂੰ ਮਾਰਨ ਲਈ ਕਿਹਾ ਗਿਆ ਸੀ ਅਤੇ ਬਦਲੇ ਵਿੱਚ ਉਸ ਨੂੰ 15 ਲੱਖ ਰੁਪਏ ਦੇਣ ਦਾ ਵਾਅਦਾ ਕੀਤਾ ਗਿਆ ਸੀ। ਉਸ ਨੇ ਪੁਲਿਸ ਨੂੰ ਦੱਸਿਆ ਹੈ ਕਿ ਉਹ ਪੁਣੇ ਵਿੱਚ ਚੂਰਾ-ਪੋਸਤ ਇਕੱਠਾ ਕਰਦਾ ਸੀ ਅਤੇ ਸਹਿ-ਮੁਲਜ਼ਮ ਹਰੀਸ਼ ਕੁਮਾਰ ਕਸ਼ਯਪ ਨੂੰ ਸਾਮਾਨ ਵੇਚਦਾ ਸੀ।
ਬਿਸ਼ਨੋਈ ਗਰੋਹ ਲਈ ਕੰਮ ਕਰਦਾ ਸੀ
ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਕਸ਼ਯਪ, ਜੋ ਕਿ ਚੂਰਾ-ਪੋਸਤ ਦੀ ਦੁਕਾਨ ਕਰਦਾ ਸੀ, ਨੇ ਉਸ ਦੇ ਰਹਿਣ ਦਾ ਇੰਤਜ਼ਾਮ ਕੀਤਾ ਸੀ ਅਤੇ ਇਸ ਦੌਰਾਨ ਉਸ ਦੀ ਪ੍ਰਵੀਨ ਲੋਨਕਰ ਅਤੇ ਉਸ ਦੇ ਭਰਾ ਸ਼ੁਭਮ ਲੋਨਕਰ ਨਾਲ ਜਾਣ-ਪਛਾਣ ਹੋ ਗਈ। ਗੌਤਮ ਨੇ ਇਕਬਾਲੀਆ ਬਿਆਨ ਵਿੱਚ ਕਿਹਾ ਕਿ ਇੱਕ ਦਿਨ ਸ਼ੁਭਮ ਲੋਨਕਰ ਨੇ ਸ਼ੂਟਰ ਨੂੰ ਕਿਹਾ ਕਿ ਉਹ ਅਤੇ ਉਸ ਦਾ ਭਰਾ ਬਿਸ਼ਨੋਈ ਗੈਂਗ ਲਈ ਕੰਮ ਕਰਦੇ ਹਨ।
ਗੋਲੀ ਚਲਾਉਣ ਵਾਲੇ ਨੇ ਕੀਤਾ ਖੁਲਾਸਾ
ਜੂਨ 2024 ਵਿੱਚ, ਸ਼ੁਭਮ ਲੋਂਕਰ (ਸ਼ੱਬੂ) ਨੇ ਮੈਨੂੰ ਤੇ ਧਰਮਰਾਜ ਕਸ਼ਯਪ (ਸਹਿ-ਸ਼ੂਟਰ) ਨੂੰ ਕਿਹਾ ਕਿ ਜੇਕਰ ਅਸੀਂ ਉਨ੍ਹਾਂ ਦੇ ਨਿਰਦੇਸ਼ਾਂ ਅਨੁਸਾਰ ਕੰਮ ਕਰਦੇ ਹਾਂ, ਤਾਂ ਸਾਨੂੰ 10 ਤੋਂ 15 ਲੱਖ ਰੁਪਏ ਦਿੱਤੇ ਜਾ ਸਕਦੇ ਹਨ। ਜਦੋਂ ਮੈਂ ਕੰਮ ਬਾਰੇ ਪੁੱਛਿਆ ਤਾਂ ਸ਼ੁਭਮ ਨੇ ਦੱਸਿਆ ਕਿ ਅਸੀਂ ਬਾਬਾ ਸਿੱਦੀਕੀ ਜਾਂ ਉਸ ਦੇ ਪੁੱਤਰ ਜੀਸ਼ਾਨ ਸਿੱਦੀਕੀ ਨੂੰ ਮਾਰਨਾ ਹੈ। ਪਰ ਉਸ ਨੇ ਹੋਰ ਕੋਈ ਜਾਣਕਾਰੀ ਨਹੀਂ ਦਿੱਤੀ।
ਇਹ ਵੀ ਪੜ੍ਹੋ
