ਜਲੰਧਰ ‘ਚ ਨਸ਼ਾ ਤਸਕਰਾਂ ਖਿਲਾਫ ਕਾਰਵਾਈ, ਪੁਲਿਸ ਨੇ ਕਰੀਬ 84.5 ਲੱਖ ਰੁਪਏ ਦੀ ਜਾਇਦਾਦ ਕੀਤੀ ਜ਼ਬਤ

ਜਲੰਧਰ ਦਿਹਾਤੀ ਪੁਲਿਸ ਨੇ ਨਸ਼ਾ ਤਸਕਰਾਂ ਖਿਲਾਫ ਕਾਰਵਾਈ ਕਰਦੇ ਹੋਏ ਕਰੀਬ 84.5 ਲੱਖ ਰੁਪਏ ਦੀ ਜਾਇਦਾਦ ਜ਼ਬਤ ਕੀਤੀ ਹੈ। ਇਹ ਕਾਰਵਾਈ ਨਸ਼ਾ ਤਸਕਰੀ ਦੇ ਚਾਰ ਵੱਖ-ਵੱਖ ਮਾਮਲਿਆਂ ਵਿੱਚ ਕੀਤੀ ਗਈ ਹੈ। ਜਲੰਧਰ ਦੇਹਾਤ ਥਾਣਾ ਦੇ ਐਸਐਸਪੀ ਹਰਕਮਲ ਪ੍ਰੀਤ ਸਿੰਘ ਨੇ ਇਸ ਸਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।

ਐਸਐਸਪੀ ਹਰਕਮਲ ਪ੍ਰੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਪਿਛਲੇ 4 ਮਹੀਨਿਆਂ ਤੋਂ ਸਖ਼ਤ ਕਾਰਵਾਈ ਕਰਕੇ ਅਪਰਾਧਿਕ ਅਨਸਰਾਂ ‘ਤੇ ਸ਼ਿਕੰਜਾ ਕੱਸ ਰਹੀ ਹੈ। ਇਹ ਕਾਰਵਾਈ ਐਨਡੀਪੀਐਸ ਐਕਟ ਤਹਿਤ ਕੀਤੀ ਗਈ ਹੈ। ਮੁਲਜ਼ਮਾਂ ਨੇ ਸੂਬੇ ਵਿੱਚ ਨਸ਼ਾ ਵੇਚ ਕੇ ਕਰੋੜਾਂ ਰੁਪਏ ਦੀ ਜਾਇਦਾਦ ਬਣਾਈ। ਕੁਰਕ ਕੀਤੀਆਂ ਜਾਇਦਾਦਾਂ ਹੁਣ ਭਾਰਤ ਸਰਕਾਰ ਦੇ ਨਾਂ ‘ਤੇ ਹਨ। ਇਨ੍ਹਾਂ ਸਾਰੀਆਂ ਜਾਇਦਾਦਾਂ ਦੀ ਨਿਲਾਮੀ ਕਾਨੂੰਨ ਅਨੁਸਾਰ ਕੀਤੀ ਜਾਵੇਗੀ।

Continuing its fight against drug smugglers, Jalandhar Rural Police has dealt a major blow to 04 notorious drug smugglers by freezing assets worth ₹84.52 lakh under the NDPS Act. Confiscated properties include prime plots, a residential house, and a vehicle. #ActionAgainstDrugs pic.twitter.com/lZNRrGH9Pp

— Jalandhar Rural Police (@Jal_R_Police) December 22, 2024

ਇਹ ਵੀ ਪੜ੍ਹੋ

ਧੋਖਾਧੜੀ ਕਰਨ ਵਾਲੇ ਦੁਬਾਰਾ ਨਿਰਧਾਰਤ ਡਿਲਿਵਰੀ ਲਈ ਕਰਦੇ ਹਨ ਭੁਗਤਾਨ ਦੀ ਮੰਗ

ਗੁਰਦਾਸਪੁਰ ਦੀ ਪੁਲਿਸ ਚੌਂਕੀ 'ਤੇ ਗ੍ਰੇਨੇਡ ਹਮਲਾ, ਧਮਾਕੇ ਪਿੱਛੇ KLF ਦੀ ਸਾਜ਼ਿਸ਼ !

ਨਰਸ ਤੇ ਨਸ਼ਾ ਦੀ ਓਵਰਡੋਜ਼ ਦੇ ਕੇ ਨੌਜਵਾਨ ਨੂੰ ਮਾਰਨ ਦੇ ਇਲਜ਼ਾਮ, 3 ਗ੍ਰਿਫ਼ਤਾਰ

ਚਾਰ ਨਸ਼ਾ ਤਸਕਰਾਂ ਦੀ ਜਾਇਦਾਦ ਜ਼ਬਤ- ਐਸਐਸਪੀ

ਐੱਸਐੱਸਪੀ ਖੱਖ ਨੇ ਦੱਸਿਆ ਕਿ ਕਪੂਰਥਲਾ ਵਾਸੀ ਹਰੀਸ਼ ਕੁਮਾਰ ਉਰਫ਼ ਮੋਨੂੰ ਦੀ ਕਾਰ ਜ਼ਬਤ ਕੀਤੀ ਗਈ ਹੈ। ਮੁਲਜ਼ਮਾਂ ਖ਼ਿਲਾਫ਼ ਥਾਣਾ ਸ਼ਾਹਕੋਟ ਵਿੱਚ ਕੇਸ ਦਰਜ ਕੀਤਾ ਗਿਆ ਸੀ। ਹੁਸ਼ਿਆਰਪੁਰ ਵਾਸੀ ਲਖਵੀਰ ਚੰਦ ਦਾ 52 ਲੱਖ ਰੁਪਏ ਦਾ 9 ਮਰਲੇ ਦਾ ਪਲਾਟ ਜ਼ਬਤ ਕਰ ਲਿਆ ਗਿਆ ਹੈ।

ਇਹ ਕਾਰਵਾਈ 26 ਮਈ 2020 ਨੂੰ ਭੋਗਪੁਰ ਵਿੱਚ ਦਰਜ ਐਫਆਈਆਰ ਤਹਿਤ ਕੀਤੀ ਗਈ ਹੈ। ਮਹਿਤਪੁਰ ਵਾਸੀ ਪ੍ਰੇਮ ਸਿੰਘ ਦਾ 11 ਕਨਾਲ 1 ਮਰਲੇ ਦਾ ਪਲਾਟ ਫਰੀਜ਼ ਕੀਤਾ ਗਿਆ ਹੈ। ਸੋਨੂੰ ਕੁਮਾਰ ਵਾਸੀ ਮਕਸੂਦਾਂ ਦਾ 5 ਮਰਲੇ ਰਿਹਾਇਸ਼ੀ ਮਕਾਨ ਜਿਸ ਦੀ ਕੀਮਤ 20,74,000 ਰੁਪਏ ਹੈ।

ਪੰਜਾਬ ਦੇ ਨਾਲ ਪਾਕਿਸਤਾਨ ਦੀ ਸਰਹੱਦ ਲਗਦੀ ਹੈ। ਕੌਮਾਂਤਰੀ ਸਰਹੱਦ ਕਾਰਨ ਆਏ ਦਿਨ ਨਸ਼ਾ ਤਸਕਰਾਂ ਦੀਆਂ ਗਤੀਵਿਧਿਆਂ ਦੇਖਣ ਨੂੰ ਮਿਲਦੀਆਂ ਹਨ। ਭਾਰਤ ਦੀ ਫਰਸਟ ਲਾਈਨ ਆਫ ਡਿਫੈਂਸ ਯਾਨੀ ਕੀ ਬੀਐਸਐਫ ਹਮੇਸ਼ਾ ਇਸ ਤਰ੍ਹਾਂ ਦੀਆਂ ਕਾਰਾਵਾਈਆਂ ਨੂੰ ਰੋਕਣ ਦੇ ਲਈ ਅਲਰਟ ਮੋਡ ‘ਤੇ ਰਹਿੰਦੀ ਹੈ। ਦੂਜੇ ਪਾਸੇ, ਪੰਜਾਬ ਪੁਲਿਸ ਵੱਲੋਂ ਵੀ ਨਸ਼ਾ ਤਸਕਰਾਂ ਵਿਰੁੱਧ ਕਈ ਤਰ੍ਹਾਂ ਦੀਆਂ ਮੁਹਿੰਮਾਂ ਚਲਾਈਆਂ ਜਾਂਦੀਆਂ ਹਨ।