ਪੰਜਾਬ ‘ਚ ਸਰਕਾਰੀ ਨੌਕਰੀ ਦਾ ਮੌਕਾ, PSSSB ਨੇ ਕਈ ਅਹੁਦਿਆਂ ‘ਤੇ ਕੱਢੀ ਭਰਤੀ, ਅਰਜ਼ੀਆਂ ਸ਼ੁਰੂ
PSSSB Recruitment: PSSSB ਨੇ ਪੰਜਾਬ ਵਿੱਚ 70 ਅਹੁਦਿਆਂ 'ਤੇ ਭਰਤੀ ਕੱਢੀ ਹੈ। ਕਲਰਕ, ਡਰਾਈਵਰ, ਟ੍ਰਾਂਸਲੇਟਰ ਅਤੇ ਫੀਲਡ ਆਰਟਿਸਟ ਦੇ ਅਹੁਦਿਆਂ ਲਈ ਅਰਜ਼ੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਯੋਗ ਉਮੀਦਵਾਰ 19 ਅਕਤੂਬਰ ਤੱਕ ਅਰਜ਼ੀ ਦੇ ਸਕਦੇ ਹਨ।
ਪੰਜਾਬ ਵਿੱਚ ਸਰਕਾਰੀ ਨੌਕਰੀ ਦੀ ਤਿਆਰੀ ਕਰ ਰਹੇ ਨੌਜਵਾਨਾਂ ਲਈ ਭਰਤੀ ਦਾ ਮੌਕਾ ਹੈ। ਪੰਜਾਬ ਅਧੀਨਸਤ ਸੇਵਾ ਚੋਣ ਬੋਰਡ (PSSSB) ਨੇ ਵੱਖ-ਵੱਖ ਸਰਕਾਰੀ ਵਿਭਾਗਾਂ ਵਿੱਚ ਕਲਰਕ, ਡਰਾਈਵਰ, ਫੀਲਡ ਆਰਟਿਸਟ ਅਤੇ ਟ੍ਰਾਂਸਲੇਟਰ ਦੇ ਅਹੁਦਿਆਂ ਤੇ ਭਰਤੀ ਕੱਢੀ ਹੈ। ਕੁੱਲ 70 ਅਹੁਦੇ ਭਰੇ ਜਾਣਗੇ। ਇਨ੍ਹਾਂ ਵਿੱਚੋਂ 28 ਅਹੁਦੇ ਮਹਿਲਾ ਉਮੀਦਵਾਰਾਂ ਲਈ ਰਾਖਵੇਂ ਹਨ। ਅਰਜ਼ੀ ਪ੍ਰਕਿਰਿਆ ਸ਼ੁਰੂ ਹੋ ਚੁੱਕੀ ਹੈ। ਯੋਗ ਉਮੀਦਵਾਰ ਬੋਰਡ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ 19 ਅਕਤੂਬਰ 2026 ਤੱਕ ਅਰਜ਼ੀ ਦੇ ਸਕਦੇ ਹਨ।
PSSSB ਭਰਤੀ ਤਹਿਤ ਡਰਾਈਵਰ ਦੇ 3, ਕਲਰਕ (ਲੀਗਲ) ਦੇ 11, ਕਲਰਕ (ਅਕਾਊਂਟਸ) ਦੇ 34, ਕਲਰਕ (ਆਈਟੀ) ਦੇ 12, ਟ੍ਰਾਂਸਲੇਟਰ ਦੇ 6 ਅਤੇ ਫੀਲਡ ਆਰਟਿਸਟ ਦੇ 1 ਅਹੁਦੇ ‘ਤੇ ਨਿਯੁਕਤੀ ਕੀਤੀ ਜਾਵੇਗੀ।
ਅਹੁਦੇ ਮੁਤਾਬਕ ਯੋਗਤਾ
ਡਰਾਈਵਰ ਦੇ ਅਹੁਦੇ ਲਈ ਉਮੀਦਵਾਰ ਦਾ 10ਵੀਂ ਪਾਸ ਹੋਣਾ ਜ਼ਰੂਰੀ ਹੈ। ਇਸ ਦੇ ਨਾਲ ਹੀ ਉਸ ਕੋਲ ਵੈਧ LMV/HMV ਡਰਾਈਵਿੰਗ ਲਾਇਸੈਂਸ ਅਤੇ ਨਿਰਧਾਰਤ ਡਰਾਈਵਿੰਗ ਤਜਰਬਾ ਹੋਣਾ ਚਾਹੀਦਾ ਹੈ। ਕਲਰਕ (IT) ਲਈ IT/CS/BCA, ਕਲਰਕ (ਲੀਗਲ) ਲਈ ਲਾਅ ਅਤੇ ਕਲਰਕ (ਅਕਾਊਂਟਸ) ਲਈ B.Com ਵਰਗੀ ਸਬੰਧਤ ਡਿਗਰੀ ਮੰਗੀ ਗਈ ਹੈ। ਟ੍ਰਾਂਸਲੇਟਰ ਦੇ ਅਹੁਦੇ ਲਈ ਪੰਜਾਬੀ, ਅੰਗਰੇਜ਼ੀ ਜਾਂ ਹਿੰਦੀ ਵਿੱਚੋਂ ਸਬੰਧਤ ਭਾਸ਼ਾ ਨੂੰ ਮੁੱਖ ਵਿਸ਼ੇ ਵਜੋਂ ਲੈ ਕੇ ਗ੍ਰੈਜੂਏਸ਼ਨ ਹੋਣੀ ਚਾਹੀਦੀ ਹੈ। ਫੀਲਡ ਆਰਟਿਸਟ ਲਈ ਫਾਈਨ ਆਰਟਸ, ਕਮਰਸ਼ੀਅਲ ਆਰਟ ਜਾਂ ਗ੍ਰਾਫਿਕ ਡਿਜ਼ਾਈਨ ਵਿੱਚ ਡਿਗਰੀ ਜਾਂ ਡਿਪਲੋਮਾ ਜ਼ਰੂਰੀ ਹੈ।
ਉਮਰ ਅਤੇ ਸਿਲੈਕਸ਼ਨ ਪ੍ਰੋਸੈਸ
ਸਾਰੇ ਅਹੁਦਿਆਂ ਲਈ ਘੱਟੋ-ਘੱਟ ਉਮਰ 18 ਸਾਲ ਹੈ। ਜਨਰਲ ਕੈਟੇਗਰੀ ਦੇ ਉਮੀਦਵਾਰਾਂ ਲਈ ਵੱਧ ਤੋਂ ਵੱਧ ਉਮਰ 37 ਸਾਲ ਨਿਰਧਾਰਤ ਕੀਤੀ ਗਈ ਹੈ। ਪੰਜਾਬ ਦੀਆਂ ਰਾਖਵੀਆਂ ਸ਼੍ਰੇਣੀਆਂ ਦੇ ਉਮੀਦਵਾਰਾਂ ਨੂੰ ਨਿਯਮਾਂ ਮੁਤਾਬਕ ਉਮਰ ਵਿੱਚ ਛੋਟ ਦਾ ਲਾਭ ਮਿਲੇਗਾ। ਉਮੀਦਵਾਰਾਂ ਦੀ ਚੋਣ ਆਬਜੈਕਟਿਵ ਟਾਈਪ ਲਿਖਤੀ ਪ੍ਰੀਖਿਆ ਯਾਨੀ MCQ ਟੈਸਟ ਦੇ ਆਧਾਰ ‘ਤੇ ਕੀਤੀ ਜਾਵੇਗੀ। ਕਲਰਕ ਅਹੁਦਿਆਂ ਲਈ ਪੰਜਾਬੀ ਅਤੇ ਅੰਗਰੇਜ਼ੀ ਵਿੱਚ 30 ਸ਼ਬਦ ਪ੍ਰਤੀ ਮਿੰਟ ਦੀ ਟਾਈਪਿੰਗ ਸਪੀਡ ਵਾਲਾ ਟੈਸਟ ਵੀ ਦੇਣਾ ਹੋਵੇਗਾ।
ਅਰਜ਼ੀ ਦੀ ਫੀਸ ਕਿੰਨੀ ਹੈ?
ਜਨਰਲ ਕੈਟੇਗਰੀ ਦੇ ਉਮੀਦਵਾਰਾਂ ਲਈ ਅਰਜ਼ੀ ਫੀਸ 1,000 ਰੁਪਏ ਹੈ। ਪੰਜਾਬ ਦੇ SC/BC/EWS ਉਮੀਦਵਾਰਾਂ ਨੂੰ 250 ਰੁਪਏ, ਸਾਬਕਾ ਸੈਨਿਕਾਂ ਨੂੰ 200 ਰੁਪਏ ਅਤੇ ਦਿਵਿਆਂਗ ਉਮੀਦਵਾਰਾਂ ਨੂੰ 500 ਰੁਪਏ ਫੀਸ ਦੇਣੀ ਹੋਵੇਗੀ।
ਇਹ ਵੀ ਪੜ੍ਹੋ
19 ਅਕਤੂਬਰ ਤੱਕ ਕਰੋ ਅਰਜ਼ੀ
ਇੱਛੁਕ ਉਮੀਦਵਾਰ 19 ਅਕਤੂਬਰ 2026 ਤੱਕ ਆਨਲਾਈਨ ਅਰਜ਼ੀ ਅਤੇ ਫੀਸ ਦਾ ਭੁਗਤਾਨ ਕਰ ਸਕਦੇ ਹਨ। ਆਖਰੀ ਸਮੇਂ ‘ਤੇ ਤਕਨੀਕੀ ਸਮੱਸਿਆ ਤੋਂ ਬਚਣ ਲਈ ਉਮੀਦਵਾਰਾਂ ਨੂੰ ਸਮੇਂ ਸਿਰ ਫਾਰਮ ਭਰਨ ਦੀ ਸਲਾਹ ਦਿੱਤੀ ਗਈ ਹੈ। ਅਰਜ਼ੀ ਕਰਨ ਤੋਂ ਪਹਿਲਾਂ ਅਧਿਕਾਰਤ ਨੋਟੀਫਿਕੇਸ਼ਨ ਵਿੱਚ ਆਪਣੀ ਯੋਗਤਾ ਅਤੇ ਹੋਰ ਸ਼ਰਤਾਂ ਦੀ ਜਾਂਚ ਜ਼ਰੂਰ ਕਰੋ।
Source:TV9Hindi.com
