Train Ticket UPI Charge: UPI ਰਾਹੀਂ ਟ੍ਰੇਨ ਟਿਕਟ ਦੀ ਪੇਮੈਂਟ ‘ਤੇ ਕਿੰਨਾ ਲੱਗੇਗਾ ਚਾਰਜ? NPCI ਨੇ ਕੀਤਾ ਸਭ ਕੁਝ ਸਪੱਸ਼ਟ
Train Ticket UPI Charge: 15 ਅਕਤੂਬਰ ਤੋਂ UPI ਰਾਹੀਂ 2,000 ਰੁਪਏ ਤੋਂ ਵੱਧ ਦੀ ਪੇਮੈਂਟ 'ਤੇ ਨਵਾਂ ਚਾਰਜ ਨਿਯਮ ਲਾਗੂ ਹੋ ਰਿਹਾ ਹੈ। ਇਸ ਨੂੰ ਲੈ ਕੇ ਵਿੱਤ ਮੰਤਰਾਲੇ ਤੋਂ ਬਾਅਦ ਹੁਣ NPCI ਨੇ ਵੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਇਸ ਦਾ ਰੇਲਵੇ ਯਾਤਰੀਆਂ ਦੀ ਜੇਬ 'ਤੇ ਕੀ ਅਸਰ ਪਵੇਗਾ।
Train Ticket UPI Charge: 15 ਅਕਤੂਬਰ ਤੋਂ ਦੇਸ਼ ਵਿੱਚ ਡਿਜੀਟਲ ਪੇਮੈਂਟ ਨੂੰ ਲੈ ਕੇ ਇੱਕ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ ਮੰਗਲਵਾਰ ਨੂੰ ਐਲਾਨ ਕੀਤਾ ਕਿ ਸਰਕਾਰ 15 ਅਕਤੂਬਰ ਤੋਂ ਚੁਣੇ ਹੋਏ ਪਰਸਨ-ਟੂ-ਮਰਚੈਂਟ (P2M) UPI ਟ੍ਰਾਂਜ਼ੈਕਸ਼ਨਾਂ ਤੇ ਮਰਚੈਂਟ ਡਿਸਕਾਊਂਟ ਰੇਟ (MDR) ਲਾਗੂ ਕਰੇਗੀ। ਇਸ ਦੇ ਤਹਿਤ ਮਰਚੈਂਟਸ ਨੂੰ 2,000 ਰੁਪਏ ਤੋਂ ਵੱਧ ਦੇ ਟ੍ਰਾਂਜ਼ੈਕਸ਼ਨ ਤੇ 0.4 ਫੀਸਦੀ ਅਤੇ 75,000 ਰੁਪਏ ਜਾਂ ਇਸ ਤੋਂ ਵੱਧ ਦੀ ਪੇਮੈਂਟ ਤੇ ਵੱਧ ਤੋਂ ਵੱਧ 300 ਰੁਪਏ ਦੀ ਫੀਸ ਦੇਣੀ ਹੋਵੇਗੀ।
ਇਸ ਐਲਾਨ ਤੋਂ ਬਾਅਦ ਹੀ ਆਮ ਲੋਕਾਂ ਵਿੱਚ ਕਾਫ਼ੀ ਕਨਫਿਊਜ਼ਨ ਪੈਦਾ ਹੋ ਗਿਆ ਸੀ। ਸੋਸ਼ਲ ਮੀਡੀਆ ਤੇ ਚਰਚਾ ਹੋਣ ਲੱਗੀ ਸੀ ਕਿ ਕੀ ਹੁਣ ਟ੍ਰੇਨ ਦੀ ਟਿਕਟ ਵੀ ਮਹਿੰਗੀ ਹੋ ਜਾਵੇਗੀ। ਮੰਗਲਵਾਰ ਨੂੰ ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ ਇੱਕ FAQ ਜਾਰੀ ਕਰਕੇ ਇਸ ਮਾਮਲੇ ਨਾਲ ਜੁੜੇ ਸਾਰੇ ਸਵਾਲਾਂ ਦੇ ਜਵਾਬ ਦੇ ਦਿੱਤੇ ਹਨ। ਇਸ ਨਾਲ ਸਥਿਤੀ ਪੂਰੀ ਤਰ੍ਹਾਂ ਸਪੱਸ਼ਟ ਹੋ ਗਈ ਹੈ।
ਯਾਤਰੀਆਂ ਦੀ ਜੇਬ ਤੇ ਨਹੀਂ ਪਵੇਗਾ ਕੋਈ ਬੋਝ
ਅੱਜ ਦੇ ਸਮੇਂ ਵਿੱਚ ਜ਼ਿਆਦਾਤਰ ਲੋਕ ਰੇਲਵੇ ਦੀ ਟਿਕਟ ਬੁੱਕ ਕਰਦੇ ਸਮੇਂ ਆਨਲਾਈਨ ਪੇਮੈਂਟ ਦਾ ਹੀ ਇਸਤੇਮਾਲ ਕਰਦੇ ਹਨ। ਅਜਿਹੇ ਵਿੱਚ ਵਾਧੂ ਚਾਰਜ ਦੀ ਗੱਲ ਸੁਣ ਕੇ ਹਰ ਕੋਈ ਚਿੰਤਤ ਸੀ। NPCI ਨੇ ਆਪਣੇ ਜਵਾਬ ਵਿੱਚ ਸਪੱਸ਼ਟ ਕਰ ਦਿੱਤਾ ਹੈ ਕਿ UPI ਰਾਹੀਂ ਪੇਮੈਂਟ ਕਰਨ ਤੇ ਰੇਲਵੇ ਯਾਤਰੀਆਂ ਨੂੰ ਕੋਈ ਵਾਧੂ ਚਾਰਜ ਨਹੀਂ ਦੇਣਾ ਪਵੇਗਾ। ਨਵਾਂ ਪੇਮੈਂਟ ਢਾਂਚਾ ਇਸ ਤਰ੍ਹਾਂ ਤਿਆਰ ਕੀਤਾ ਗਿਆ ਹੈ ਕਿ ਖਪਤਕਾਰ ਨੂੰ ਸਿਰਫ਼ ਨਿਰਧਾਰਤ ਟਿਕਟ ਦੀ ਕੀਮਤ ਹੀ ਅਦਾ ਕਰਨੀ ਪਵੇਗੀ। ਭਾਵੇਂ ਤੁਹਾਡੀ ਟਿਕਟ ਦੀ ਕੁੱਲ ਕੀਮਤ 2,000 ਰੁਪਏ ਤੋਂ ਵੱਧ ਹੋਵੇ, ਪਰ ਤੁਹਾਡੀ ਜੇਬ ਵਿੱਚੋਂ ਇੱਕ ਰੁਪਇਆ ਵੀ ਵਾਧੂ ਨਹੀਂ ਕੱਟਿਆ ਜਾਵੇਗਾ।
ਕੌਣ ਭਰੇਗਾ ਵਾਧੂ ਚਾਰਜ ਦਾ ਪੈਸਾ?
ਹੁਣ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਜਦੋਂ ਯਾਤਰੀ ਤੋਂ ਪੈਸੇ ਨਹੀਂ ਲਏ ਜਾਣਗੇ ਤਾਂ ਇਹ ਨਵਾਂ ਚਾਰਜ ਆਖ਼ਿਰ ਕੌਣ ਭਰੇਗਾ। ਨਵੇਂ ਨਿਯਮਾਂ ਮੁਤਾਬਕ 2,000 ਰੁਪਏ ਤੋਂ ਵੱਧ ਦੇ ਰੇਲਵੇ ਟ੍ਰਾਂਜ਼ੈਕਸ਼ਨ ਤੇ 5 ਰੁਪਏ ਦਾ ਫਲੈਟ MDR (ਮਰਚੈਂਟ ਡਿਸਕਾਊਂਟ ਰੇਟ) ਲਗਾਇਆ ਜਾਵੇਗਾ। ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ਇਹ ਪੈਸਾ ਮਰਚੈਂਟ ਯਾਨੀ ਵਿਕਰੇਤਾ ਨੂੰ ਹੀ ਦੇਣਾ ਹੋਵੇਗਾ। ਇਸ ਦਾ ਮਤਲਬ ਹੈ ਕਿ ਜੇਕਰ ਤੁਸੀਂ ਟਿਕਟ ਬੁੱਕ ਕਰਦੇ ਹੋ ਤਾਂ ਇਹ 5 ਰੁਪਏ ਦਾ ਚਾਰਜ ਇੰਡੀਅਨ ਰੇਲਵੇ ਜਾਂ IRCTC ਖੁਦ ਅਦਾ ਕਰੇਗਾ। ਮੰਨ ਲਓ ਤੁਹਾਡੀ ਟਿਕਟ 3,000 ਰੁਪਏ ਦੀ ਹੈ ਤਾਂ ਪੇਮੈਂਟ ਦੌਰਾਨ ਤੁਸੀਂ ਸਿਰਫ਼ 3,000 ਰੁਪਏ ਹੀ ਅਦਾ ਕਰੋਗੇ। ਇਸ ਤੇ ਲੱਗਣ ਵਾਲੇ ਵਾਧੂ 5 ਰੁਪਏ ਦੇ ਚਾਰਜ ਦਾ ਪੂਰਾ ਬੋਝ ਰੇਲਵੇ ਖੁਦ ਚੁੱਕੇਗਾ। ਯਾਤਰੀ ਤੇ ਇਸ ਦਾ ਕੋਈ ਅਸਰ ਨਹੀਂ ਪਵੇਗਾ।
ਹੋਰ ਪੇਮੈਂਟਸ ਤੇ ਵੀ ਲਾਗੂ ਹੋਣਗੇ ਤੈਅ ਨਿਯਮ
NPCI ਨੇ ਆਪਣੇ FAQ ਵਿੱਚ ਸਿਰਫ਼ ਰੇਲਵੇ ਹੀ ਨਹੀਂ, ਸਗੋਂ ਕੁਝ ਹੋਰ ਸੈਕਟਰਾਂ ਬਾਰੇ ਵੀ ਜਾਣਕਾਰੀ ਦਿੱਤੀ ਹੈ। ਰੇਲਵੇ ਤੋਂ ਇਲਾਵਾ ਦੂਰਸੰਚਾਰ ਸੇਵਾਵਾਂ, ਬੀਮਾ ਪ੍ਰੀਮੀਅਮ ਦੀ ਪੇਮੈਂਟ ਅਤੇ ਈਂਧਨ ਭਰਵਾਉਣ ਵਰਗੀਆਂ ਰੋਜ਼ਾਨਾ ਦੀਆਂ ਜ਼ਰੂਰੀ ਸੇਵਾਵਾਂ ਤੇ ਵੀ 5 ਰੁਪਏ ਦਾ ਫਲੈਟ MDR ਲੱਗੇਗਾ। ਆਮ ਤੌਰ ਤੇ ਕਈ ਹੋਰ ਮਰਚੈਂਟ ਪੇਮੈਂਟਸ ਤੇ 0.4 ਫੀਸਦੀ ਦਾ ਸਟੈਂਡਰਡ MDR ਤੈਅ ਕੀਤਾ ਗਿਆ ਹੈ, ਜੋ ਵੱਧ ਤੋਂ ਵੱਧ 300 ਰੁਪਏ ਤੱਕ ਹੋ ਸਕਦਾ ਹੈ। ਪਰ ਇਨ੍ਹਾਂ ਚੁਣੇ ਹੋਏ ਜ਼ਰੂਰੀ ਸੈਕਟਰਾਂ ਵਿੱਚ ਆਮ ਲੋਕਾਂ ਨੂੰ ਰਾਹਤ ਦੇਣ ਦੇ ਮਕਸਦ ਨਾਲ ਇੱਕ ਨਿਸ਼ਚਿਤ ਚਾਰਜ ਹੀ ਤੈਅ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ
2,000 ਰੁਪਏ ਤੋਂ ਘੱਟ ਦੀ ਪੇਮੈਂਟ ਰਹੇਗੀ ਬਿਲਕੁਲ ਫ੍ਰੀ
ਛੋਟੇ ਟ੍ਰਾਂਜ਼ੈਕਸ਼ਨਾਂ ਨੂੰ ਉਤਸ਼ਾਹਿਤ ਕਰਨ ਲਈ ਸਰਕਾਰ ਨੇ ਪੁਰਾਣੀ ਵਿਵਸਥਾ ਨੂੰ ਹੀ ਬਰਕਰਾਰ ਰੱਖਿਆ ਹੈ। ਜੇਕਰ ਤੁਹਾਡੀ ਟ੍ਰੇਨ ਦੀ ਟਿਕਟ 2,000 ਰੁਪਏ ਤੋਂ ਘੱਟ ਦੀ ਹੈ ਤਾਂ UPI ਟ੍ਰਾਂਜ਼ੈਕਸ਼ਨ ਤੇ ਕਿਸੇ ਵੀ ਤਰ੍ਹਾਂ ਦਾ MDR ਚਾਰਜ ਨਹੀਂ ਲੱਗੇਗਾ। ਇਹ ਪੂਰੀ ਤਰ੍ਹਾਂ ਫ੍ਰੀ ਰਹੇਗਾ। ਅਜਿਹੇ ਵਿੱਚ ਜੋ ਲੋਕ ਛੋਟੀ ਦੂਰੀ ਦਾ ਸਫ਼ਰ ਕਰਦੇ ਹਨ ਜਾਂ ਜਿਨ੍ਹਾਂ ਦੀ ਟਿਕਟ ਸਸਤੀ ਹੁੰਦੀ ਹੈ, ਉਨ੍ਹਾਂ ਨੂੰ ਨਵੇਂ ਨਿਯਮਾਂ ਕਾਰਨ ਬਿਲਕੁਲ ਵੀ ਪਰੇਸ਼ਾਨ ਹੋਣ ਦੀ ਲੋੜ ਨਹੀਂ ਹੈ। ਇਹ ਸਾਰੀਆਂ ਨਵੀਆਂ ਵਿਵਸਥਾਵਾਂ ਮੁੱਖ ਤੌਰ ‘ਤੇ ਇਸ ਲਈ ਲਾਗੂ ਕੀਤੀਆਂ ਗਈਆਂ ਹਨ ਤਾਂ ਜੋ ਡਿਜੀਟਲ ਪੇਮੈਂਟ ਦੇ ਪੂਰੇ ਈਕੋਸਿਸਟਮ ਨੂੰ ਚਲਾਉਣ ਦਾ ਖਰਚਾ ਮਰਚੈਂਟਸ ਤੋਂ ਵਸੂਲ ਕੀਤਾ ਜਾ ਸਕੇ।
Source:TV9Hindi.com
