TCS ਅਤੇ ਭਾਰਤੀ ਏਅਰਟੈੱਲ ਨੂੰ ਲੱਗਾ ਝਟਕਾ, ਇੱਕ ਹਫ਼ਤੇ ਵਿੱਚ ਇੰਨਾ ਘਟਿਆ ਮਾਰਕੀਟ ਕੈਪ

ਸੈਂਸੈਕਸ ਦੀਆਂ 10 ਸਭ ਤੋਂ ਕੀਮਤੀ ਕੰਪਨੀਆਂ ਵਿੱਚੋਂ ਸੱਤ ਦਾ ਮਾਰਕੀਟ ਕੈਪ ਪਿਛਲੇ ਹਫ਼ਤੇ ਸਮੂਹਿਕ ਤੌਰ ‘ਤੇ 88,635.28 ਕਰੋੜ ਘਟਿਆ। ਭਾਰਤੀ ਏਅਰਟੈੱਲ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS) ਨੂੰ ਸਭ ਤੋਂ ਵੱਧ ਨੁਕਸਾਨ ਹੋਇਆ। ਪਿਛਲੇ ਹਫ਼ਤੇ 5 ਨਵੰਬਰ ਨੂੰ ਗੁਰੂ ਨਾਨਕ ਜਯੰਤੀ ਲਈ ਸਟਾਕ ਮਾਰਕੀਟ ਬੰਦ ਹੋਇਆ ਸੀ। ਹਫ਼ਤੇ ਦੌਰਾਨ 30-ਸ਼ੇਅਰਾਂ ਵਾਲਾ BSE ਸੈਂਸੈਕਸ 722.43 ਅੰਕ ਜਾਂ 0.86 ਪ੍ਰਤੀਸ਼ਤ ਡਿੱਗ ਗਿਆ,ਜਦੋਂ ਕਿ ਨੈਸ਼ਨਲ ਸਟਾਕ ਐਕਸਚੇਂਜ ਨਿਫਟੀ 229.8 ਅੰਕ ਜਾਂ 0.89 ਪ੍ਰਤੀਸ਼ਤ ਡਿੱਗ ਗਿਆ।

ਪਿਛਲੇ ਹਫ਼ਤੇ ਰਿਲਾਇੰਸ ਇੰਡਸਟਰੀਜ਼,ਐਚਡੀਐਫਸੀ ਬੈਂਕ,ਭਾਰਤੀ ਏਅਰਟੈੱਲ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀਸੀਐਸ),ਆਈਸੀਆਈਸੀਆਈ ਬੈਂਕ, ਇਨਫੋਸਿਸ ਅਤੇ ਹਿੰਦੁਸਤਾਨ ਯੂਨੀਲੀਵਰ ਦੇ ਬਾਜ਼ਾਰ ਮੁੱਲਾਂਕਣ ਵਿੱਚ ਗਿਰਾਵਟ ਆਈ ਹੈ। ਇਸ ਦੌਰਾਨ, ਸਟੇਟ ਬੈਂਕ ਆਫ਼ ਇੰਡੀਆ, ਬਜਾਜ ਫਾਈਨੈਂਸ ਅਤੇ ਲਾਈਫ ਇੰਸ਼ੋਰੈਂਸ ਕਾਰਪੋਰੇਸ਼ਨ ਆਫ਼ ਇੰਡੀਆ (ਐਲਆਈਸੀ) ਦੇ ਬਾਜ਼ਾਰ ਪੂੰਜੀਕਰਨ ਵਿੱਚ ਵਾਧਾ ਹੋਇਆ ਹੈ। ਭਾਰਤੀ ਏਅਰਟੈੱਲ ਦਾ ਬਾਜ਼ਾਰ ਪੂੰਜੀਕਰਨ ਹਫ਼ਤੇ ਦੌਰਾਨ 30,506.26 ਕਰੋੜ ਘਟ ਕੇ 11,41,048.30 ਕਰੋੜ ਰਹਿ ਗਿਆ। ਟੀਸੀਐਸ ਦਾ ਬਾਜ਼ਾਰ ਪੂੰਜੀਕਰਨ 23,680.38 ਕਰੋੜ ਘਟ ਕੇ 10,82,658.42 ਕਰੋੜ ਰਹਿ ਗਿਆ।

ਇਨ੍ਹਾਂ ਦੀ ਵੀ ਘੱਟਿਆ ਮਾਰਕੀਟ ਕੈਪ

ਹਿੰਦੁਸਤਾਨ ਯੂਨੀਲੀਵਰ ਦਾ ਮੁੱਲਾਂਕਣ 12,253.12 ਕਰੋੜ ਘਟ ਕੇ 5,67,308.81 ਕਰੋੜ ਰਹਿ ਗਿਆ,ਅਤੇ ਰਿਲਾਇੰਸ ਇੰਡਸਟਰੀਜ਼ ਦਾ ਮੁੱਲਾਂਕਣ 11,164.29 ਕਰੋੜ ਘਟ ਕੇ 20,00,437.77 ਕਰੋੜ ਰਹਿ ਗਿਆ। ਇਸ ਦੌਰਾਨ, HDFC ਬੈਂਕ ਦਾ ਬਾਜ਼ਾਰ ਪੂੰਜੀਕਰਨ 7,303.93 ਕਰੋੜ ਘਟ ਕੇ ₹15,11,375.21 ਕਰੋੜ ਰਹਿ ਗਿਆ। ਇਨਫੋਸਿਸ ਦਾ ਮੁੱਲਾਂਕਣ 2,139.52 ਕਰੋੜ ਘਟ ਕੇ 6,13,750.48 ਕਰੋੜ ਰਹਿ ਗਿਆ। ICICI ਬੈਂਕ ਦਾ ਬਾਜ਼ਾਰ ਪੂੰਜੀਕਰਨ 1,587.78 ਕਰੋੜ ਘਟ ਕੇ 9,59,540.08 ਕਰੋੜ ਰਹਿ ਗਿਆ। ਪਿਛਲੇ ਹਫ਼ਤੇ ਸਟਾਕ ਮਾਰਕੀਟ ਵਿੱਚ ਆਈ ਉਥਲ-ਪੁਥਲ ਕਾਰਨ ਵੱਡੀਆਂ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਨ ਘਟਿਆ।

ਇਨ੍ਹਾਂ ਦਾ ਵਧੀਆ ਮਾਰਕੀਟ ਕੈਪ

ਇਸ ਦੇ ਉਲਟ, LIC ਦਾ ਮਾਰਕੀਟ ਕੈਪ ₹18,469 ਕਰੋੜ ਵਧ ਕੇ 5,84,366.54 ਕਰੋੜ ਹੋ ਗਿਆ। ਸਟੇਟ ਬੈਂਕ ਆਫ਼ ਇੰਡੀਆ ਦਾ ਮਾਰਕੀਟ ਮੁੱਲ ₹17,492.02 ਕਰੋੜ ਵਧ ਕੇ ₹8,82,400.89 ਕਰੋੜ ਹੋ ਗਿਆ, ਅਤੇ ਬਜਾਜ ਫਾਈਨੈਂਸ ਦਾ ਮਾਰਕੀਟ ਮੁੱਲ ₹14,965.08 ਕਰੋੜ ਵਧ ਕੇ ₹6,63,721.32 ਕਰੋੜ ਹੋ ਗਿਆ। ਰਿਲਾਇੰਸ ਇੰਡਸਟਰੀਜ਼ ਕੰਪਨੀਆਂ ਦੀ ਸਿਖਰਲੀ 10 ਸੂਚੀ ਵਿੱਚ ਸਿਖਰ ‘ਤੇ ਰਹੀ, ਉਸ ਤੋਂ ਬਾਅਦ HDFC ਬੈਂਕ, ਭਾਰਤੀ ਏਅਰਟੈੱਲ, TCS, ICICI ਬੈਂਕ, ਸਟੇਟ ਬੈਂਕ ਆਫ਼ ਇੰਡੀਆ, ਬਜਾਜ ਫਾਈਨੈਂਸ, ਇਨਫੋਸਿਸ, LIC ਅਤੇ ਹਿੰਦੁਸਤਾਨ ਯੂਨੀਲੀਵਰ ਦਾ ਨੰਬਰ ਆਉਂਦਾ ਹੈ।