ਵਿਦੇਸ਼ਾਂ ‘ਚ ਰਹਿੰਦੇ ਲੋਕ ਇੰਝ ਬਦਲਵਾ ਸਕਦੇ ਹਨ 2000 ਦੇ ਨੋਟ, ਇਹ ਹੈ ਤਰੀਕਾ

ਸ਼ੁੱਕਰਵਾਰ, 19 ਮਈ ਨੂੰ, ਭਾਰਤੀ ਰਿਜ਼ਰਵ ਬੈਂਕ ਨੇ 2000 ਰੁਪਏ ਦੇ ਨੋਟ ਨੂੰ ਸਰਕੂਲੇਸ਼ਨ ਤੋਂ ਹਟਾਉਣ ਦਾ ਫੈਸਲਾ ਕੀਤਾ। ਕੇਂਦਰੀ ਬੈਂਕ ਨੇ 2000 ਰੁਪਏ ਦੇ ਨੋਟ ਨੂੰ ਬਦਲਣ ਲਈ 23 ਮਈ ਤੋਂ 30 ਸਤੰਬਰ 2023 ਤੱਕ ਦਾ ਸਮਾਂ ਦਿੱਤਾ ਹੈ। ਜੋ ਲੋਕ 2000 ਦਾ ਨੋਟ ਬਦਲਣਾ ਚਾਹੁੰਦੇ ਹਨ, ਉਹ ਇਸ ਤਰੀਕੇ ਤੱਕ ਨੋਟ ਬਦਲ ਸਕਦੇ ਹਨ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਜਿਹੜੇ ਲੋਕ ਵਿਦੇਸ਼ ਵਿਚ ਰਹਿ ਰਹੇ ਹਨ ਜਾਂ ਵਿਦੇਸ਼ ਗਏ ਹੋਏ ਹਨ, ਉਹ 2000 ਦਾ ਨੋਟ ਕਿਵੇਂ ਬਦਲ ਸਕਦੇ ਹਨ। ਜੇਕਰ ਤੁਸੀਂ ਵਿਦੇਸ਼ ਵਿੱਚ ਰਹਿ ਰਹੇ ਹੋ ਜਾਂ ਉੱਥੇ ਸੈਟਲ ਹੋ ਗਏ ਹੋ ਤਾਂ ਚਿੰਤਾ ਦੀ ਕੋਈ ਗੱਲ ਨਹੀਂ, ਅਸੀਂ ਤੁਹਾਨੂੰ ਉਹ ਤਰੀਕਾ ਦੱਸ ਰਹੇ ਹਾਂ ਜਿਸ ਨਾਲ ਤੁਸੀਂ ਆਸਾਨੀ ਨਾਲ ਆਪਣੇ 2000 ਰੁਪਏ ਦੇ ਨੋਟ ਨੂੰ ਬਦਲ ਸਕਦੇ ਹੋ। ਆਓ ਜਾਣਦੇ ਹਾਂ ਇਸਦੀ ਪ੍ਰਕਿਰਿਆ ਕੀ ਹੈ। ਵਾਇਸ ਆਫ਼ ਬੈਂਕਿੰਗ ਦੇ ਸੰਸਥਾਪਕ ਅਸ਼ਵਨੀ ਰਾਣਾ ਨੇ TV9 ਨੂੰ ਦੱਸਿਆ ਕਿ ਜਿਹੜੇ ਲੋਕ ਵਿਦੇਸ਼ ਵਿੱਚ ਹਨ ਜਾਂ ਉੱਥੇ ਰਹਿਣ ਜਾ ਰਹੇ ਹਨ, ਉਹ ਉਸ ਦੇਸ਼ ਵਿੱਚ ਭਾਰਤੀ ਰਿਜ਼ਰਵ ਬੈਂਕ ਦੀ ਸ਼ਾਖਾ ਵਿੱਚ ਜਾ ਕੇ ਆਪਣੇ ਨੋਟ ਬਦਲਵਾ ਸਕਦੇ ਹਨ। ਜੇਕਰ ਤੁਸੀਂ RBI ਕੋਲ ਨਹੀਂ ਜਾਣਾ ਚਾਹੁੰਦੇ ਤਾਂ ਵੀ ਤੁਸੀਂ ਆਪਣਾ ਨੋਟ ਬਦਲ ਸਕਦੇ ਹੋ। ਮੰਨ ਲਓ ਤੁਹਾਡਾ ਖਾਤਾ ICICI ਬੈਂਕ ਵਿੱਚ ਹੈ, ਤਾਂ ਤੁਸੀਂ ICICI ਬੈਂਕ ਦੀ ਵਿਦੇਸ਼ੀ ਸ਼ਾਖਾ ਵਿੱਚ ਜਾ ਕੇ ਵਿਦੇਸ਼ ਵਿੱਚ ਆਪਣਾ ਨੋਟ ਬਦਲ ਸਕਦੇ ਹੋ।

ਇਹ ਵੀ ਤਰੀਕਾ ਹੈ

ਜੇਕਰ ਤੁਸੀਂ 30 ਸਤੰਬਰ ਤੋਂ ਪਹਿਲਾਂ ਭਾਰਤ ਆਉਣ ਵਾਲੇ ਹੋ ਅਤੇ ਭਾਰਤ ਆਉਣ ਤੋਂ ਬਾਅਦ ਤੁਸੀਂ ਨੋਟ ਬਦਲਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਇਹ ਵੀ ਕਰ ਸਕਦੇ ਹੋ। ਜਿਸ ਬੈਂਕ ਵਿੱਚ ਤੁਹਾਡਾ ਵੀ ਖਾਤਾ ਹੈ। ਉੱਥੇ ਤੁਸੀਂ 30 ਸਤੰਬਰ ਤੱਕ ਪਹੁੰਚ ਕੇ ਆਪਣਾ ਨੋਟ ਬਦਲ ਸਕਦੇ ਹੋ। ਤੁਹਾਨੂੰ ਦੱਸ ਦੇਈਏ ਕਿ 30 ਸਤੰਬਰ ਦੀ ਸਮਾਂ ਸੀਮਾ ਹੋਰ ਵੀ ਵਧਾਈ ਜਾ ਸਕਦੀ ਹੈ। ਦਰਅਸਲ, ਭਾਰਤੀ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਸੰਕੇਤ ਦਿੱਤਾ ਹੈ। ਜੇਕਰ ਇਹ ਨੋਟ 30 ਸਤੰਬਰ ਤੱਕ ਸਰਕੁਲੇਸ਼ਨ ‘ਚ ਵਾਪਸ ਨਹੀਂ ਆਉਂਦੇ ਤਾਂ ਇਸ ਮਿਆਦ ਨੂੰ ਵਧਾਇਆ ਜਾ ਸਕਦਾ ਹੈ।

ਕਿਉਂ ਲਿਆ ਗਿਆ ਇਹ ਫੈਸਲਾ

ਦਰਅਸਲ, ਸਰਕਾਰ ਨੇ ਕਾਲੇ ਧਨ ‘ਤੇ ਰੋਕ ਲਗਾਉਣ ਅਤੇ ਸਿਸਟਮ ‘ਚ 2000 ਰੁਪਏ ਦੇ ਨੋਟ ਲਿਆਉਣ ਲਈ ਇਹ ਫੈਸਲਾ ਲਿਆ ਹੈ। ਦਰਅਸਲ, ਵਿੱਤੀ ਸਾਲ 2018-19 ਤੋਂ, ਆਰਬੀਆਈ ਨੇ 2000 ਰੁਪਏ ਦੇ ਨੋਟਾਂ ਦੀ ਛਪਾਈ ਬੰਦ ਕਰ ਦਿੱਤੀ ਸੀ। ਹੌਲੀ-ਹੌਲੀ ਇਸ ਦੇ ਰੁਝਾਨ ਨੂੰ ਘੱਟ ਕਰਨ ਲਈ ਬੈਂਕਾਂ ਅਤੇ ATM ਵਿੱਚ 2000 ਦੇ ਨੋਟ ਦਿਖਾਈ ਦੇਣੇ ਵੀ ਘਟ ਹੋ ਗਏ ਸਨ। ਪਰ ਇਸਦੇ ਬਾਅਦ ਵੀ 2000 ਦੇ ਨੋਟ ਸਿਸਟਮ ਵਿੱਚ ਵਾਪਸ ਨਹੀਂ ਆ ਰਹੇ ਸਨ, ਇਸ ਲਈ ਆਰਬੀਆਈ ਨੇ ਇਸਨੂੰ ਪ੍ਰਚਲਨ ਤੋਂ ਬਾਹਰ ਕਰਨ ਦਾ ਫੈਸਲਾ ਕੀਤਾ ਹੈ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ‘ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼, ਮਨੋਰੰਜਨ ਦੀ ਖਬਰ, ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼, ਪਾਕਿਸਤਾਨ ਦਾ ਹਰ ਅਪਡੇਟ, ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ