ਬੁਲਟ ਮੋਟਰਸਾਈਕਲ ‘ਚ ਕਿਉਂ ਨਹੀਂ ਹੁੰਦੇ ਟਿਊਬਲੈੱਸ ਟਾਇਰ? ਜਾਣੋ ਕੀ ਹਨ ਕਾਰਨ

ਬੁਲਟ ਮੋਟਰਸਾਈਕਲ (Bullet Bike) ਹੁਣ ਇੱਕ ਅਜਿਹਾ ਨਾਂਅ ਬਣ ਗਿਆ ਹੈ ਜੋ ਹਰ ਬੱਚੇ ਦੀ ਜ਼ੁਬਾਨ ‘ਤੇ ਹੈ। ਰਾਇਲ ਐਨਫੀਲਡ (Royal Enfield) ਦੀਆਂ ਮਸ਼ਹੂਰ ਬਾਈਕਸ ‘ਚ ਕੁਝ ਅਜਿਹੀਆਂ ਚੀਜ਼ਾਂ ਹਨ ਜੋ ਦੂਜੀਆਂ ਕੰਪਨੀਆਂ ਦੀਆਂ ਬਾਈਕਸ ‘ਚ ਹਨ। ਪਰ ਹੁਣ ਤੱਕ ਰਾਇਲ ਐਨਫੀਲਡ ਬਾਈਕਸ ‘ਚ ਨਹੀਂ ਦੇਖੀਆਂ ਗਈਆਂ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਟਿਊਬਲੈੱਸ ਟਾਇਰਾਂ ਦੀ ਆਓ ਜਾਣਦੇ ਹਾਂ ਕੀ ਕਾਰਨ ਹੈ ਕਿ ਇੰਨੀ ਮਸ਼ਹੂਰ ਹੋਣ ਦੇ ਬਾਵਜੂਦ ਰਾਇਲ ਐਨਫੀਲਡ ਬਾਈਕਸ ਟਿਊਬਲੈੱਸ ਟਾਇਰਾਂ ਨਾਲ ਨਹੀਂ ਆਉਂਦੀਆਂ? ਰਾਇਲ ਐਨਫੀਲਡ ਕੰਪਨੀ ਦੇ ਸਾਰੇ ਮਾਡਲ ਸਪੋਕ ਰਿਮ ਦੇ ਨਾਲ ਆਉਂਦੇ ਹਨ। ਹੁਣ ਤੁਸੀਂ ਪੁੱਛੋਗੇ ਕਿ ਜੇਕਰ ਅਸੀਂ ਟਿਊਬਲੈੱਸ ਟਾਇਰਾਂ (Tubeless Tyre) ਦੀ ਗੱਲ ਕਰ ਰਹੇ ਸੀ ਤਾਂ ਅਸੀਂ ਸਪੋਕ ਰਿਮ ਤੱਕ ਕਿਉਂ ਪਹੁੰਚ ਗਏ? ਅਸਲ ‘ਚ ਹਰ ਚੀਜ਼ ਇੱਕ ਦੂਜੇ ਨਾਲ ਜੁੜੀ ਹੋਈ ਹੈ। ਇਸ ਲਈ ਤੁਹਾਡੇ ਲਈ ਕੁਝ ਹੋਰ ਜ਼ਰੂਰੀ ਗੱਲਾਂ ਜਾਣਨਾ ਜ਼ਰੂਰੀ ਹੈ। ਰਾਇਲ ਐਨਫੀਲਡ ਮੋਟਰਸਾਈਕਲਾਂ ਨੂੰ ਸਪੋਕ ਰਿਮ ਨਾਲ ਲਾਂਚ ਕੀਤਾ ਗਿਆ ਹੈ ਕਿਉਂਕਿ ਇਹ ਵਾਈਬ੍ਰੇਸ਼ਨ ਨੂੰ ਕੰਟਰੋਲ ਕਰਦੇ ਹਨ। ਦੂਜੇ ਪਾਸੇ ਰਾਇਲ ਐਨਫੀਲਡ ਬਾਈਕ ਵਿੱਚ ਅਲਾਏ ਵ੍ਹੀਲ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ ਕਿਉਂਕਿ ਇਹ ਵਾਈਬ੍ਰੇਸ਼ਨ ਵਧਾ ਸਕਦੇ ਹਨ।

ਇਸ ਕਾਰਨ ਟਿਊਬਲੈੱਸ ਟਾਇਰ ਨਹੀਂ ਉਪਲਬਧ

ਸਪੋਕ ਵ੍ਹੀਲਜ਼ ਆਫ-ਰੋਡ ਅਨੁਭਵ ਨੂੰ ਵੀ ਮਜ਼ਬੂਤੀ ਨਾਲ ਸਹਿ ਸਕਦੇ ਹਨ। ਪਰ ਦੂਜੇ ਪਾਸੇ ਅਲਾਏ ਵ੍ਹੀਲਜ਼ ਦੀ ਆਫ-ਰੋਡਿੰਗ ਦੌਰਾਨ ਟੁੱਟਣ ਦੀ ਜ਼ਿਆਦਾ ਸੰਭਾਵਨਾ ਹੁੰਦੀ ਹੈ। ਅਜਿਹੇ ‘ਚ ਕਈ ਰਿਪੋਰਟਾਂ ‘ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਰਾਇਲ ਐਨਫੀਲਡ ਬਾਈਕਸ ‘ਚ ਅਲਾਏ ਵ੍ਹੀਲਜ਼ ਤੋਂ ਬਿਨਾਂ ਟਿਊਬਲੈੱਸ ਟਾਇਰ ਨਹੀਂ ਦਿੱਤੇ ਜਾ ਸਕਦੇ।

ਟਿਊਬ ਬਨਾਮ ਟਿਊਬਲੈੱਸ ਟਾਇਰ: ਫਾਇਦੇ ਅਤੇ ਨੁਕਸਾਨ

ਟਿਊਬਲੈੱਸ ਟਾਇਰ ਨਾ ਹੋਣ ਕਾਰਨ ਪੰਕਚਰ ਹੋਣ ਦੀ ਸੂਰਤ ‘ਚ ਹਵਾ ਤੇਜ਼ੀ ਨਾਲ ਟਿਊਬ ‘ਚੋਂ ਨਿਕਲਣ ਲੱਗਦੀ ਹੈ। ਪਰ ਇਸ ਦੇ ਨਾਲ ਹੀ ਟਿਊਬਲੈੱਸ ਟਾਇਰ ਦਾ ਇੱਕ ਫਾਇਦਾ ਇਹ ਵੀ ਹੈ ਕਿ ਪੰਕਚਰ ਹੋਣ ‘ਤੇ ਹਵਾ ਨਹੀਂ ਨਿਕਲਦੀ | ਟਿਊਬ ਟਾਇਰਾਂ ਦਾ ਸਭ ਤੋਂ ਵੱਡਾ ਨੁਕਸਾਨ ਇਹ ਹੈ ਕਿ ਜੇਕਰ ਰਾਈਡਰ ਦੀ ਸਪੀਡ ਥੋੜੀ ਤੇਜ਼ ਹੋਵੇ ਅਤੇ ਟਾਇਰ ਪੰਕਚਰ ਹੋ ਜਾਵੇ ਤਾਂ ਹਵਾ ਲੀਕ ਹੋਣ ਕਾਰਨ ਕੰਟਰੋਲ ਗੁਆਉਣ ਦਾ ਡਰ ਰਹਿੰਦਾ ਹੈ। ਪਰ ਟਿਊਬਲੈੱਸ ਟਾਇਰਾਂ ਨਾਲ ਇਸ ਤਰ੍ਹਾਂ ਦਾ ਡਰ ਨਹੀਂ ਰਹਿੰਦਾ। ਅਜਿਹੇ ‘ਚ ਦੇਖਣ ਵਾਲੀ ਗੱਲ ਇਹ ਹੈ ਕਿ ਕੀ ਰਾਇਲ ਐਨਫੀਲਡ ਆਪਣੇ ਆਉਣ ਵਾਲੇ ਮਾਡਲਾਂ ਨੂੰ ਟਿਊਬਲੈੱਸ ਟਾਇਰਾਂ ਨਾਲ ਲੈ ਕੇ ਆਉਂਦੀ ਹੈ ਜਾਂ ਨਹੀਂ?