ਟਿਊਬਲੈੱਸ ਜਾਂ ਟਿਊਬ ਟਾਇਰ, ਕੌਣ ਹਨ ਤੁਹਾਡੀ ਗੱਡੀ ਲਈ ਬੈਸਟ?
ਟਾਇਰਾਂ ਦੀ ਵੀ ਆਪਣੀ ਹੀ ਇੱਕ ਕਹਾਣੀ ਹੈ। ਇਹ ਟਾਇਰ ਸਾਡੇ ਸਫ਼ਰ ਦਾ ਅਹਿਮ ਹਿੱਸਾ ਹੁੰਦੇ ਹਨ। ਤੁਹਾਡੀ ਕਾਰ ਲਈ ਕਿਹੜਾ ਟਾਇਰ ਬੈਸਟ ਹੁੰਦਾ ਹੈ? ਅਜਿਹੀ ਸਥਿਤੀ ਵਿੱਚ, ਆਓ ਟਿਊਬਲੈੱਸ ਅਤੇ ਟਿਊਬ ਟਾਇਰਾਂ ਨਾਲ ਜੁੜੇ ਕੁਝ ਦਿਲਚਸਪ ਕਿੱਸਿਆਂ ਤੇ ਨਜ਼ਰ ਪਾਉਂਦੇ ਹਾਂ। ਆਓ ਜਾਣਦੇ ਹਾਂ ਕਿ ਟਿਊਬਲੈੱਸ ਅਤੇ ਟਿਊਬ ਟਾਇਰਾਂ ਚੋਂ ਤੁਹਾਡੀ ਗੱਡੀ ਲਈ ਸਭ ਤੋਂ ਵਧੀਆ ਕਿਹੜਾ ਹੁੰਦਾ ਹੈ।
ਦੁਨੀਆਂ ਵਿੱਚ ਜੋ ਵੀ ਵਾਪਰਦਾ ਹੈ ਉਸਦੀ ਆਪਣੀ ਹੀ ਕਹਾਣੀ ਹੁੰਦੀ ਹੈ। ਤੁਸੀਂ ਹਰ ਰੋਜ਼ ਗੱਡੀ ਚਲਾਉਂਦੇ ਹੋ। ਇਨ੍ਹਾਂ ਚ ਟਾਇਰ ਲੱਗੇ ਹੁੰਦੇ ਹਨ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਟਿਊਬ ਟਾਇਰਾਂ ਦੇ ਟਿਊਬਲੈੱਸ ਟਾਇਰ ਬਣਨ ਦੀ ਕਹਾਣੀ ਕੀ ਹੈ? ਆਖ਼ਿਰਕਾਰ, ਇਸਦੀ ਕਾਢ ਕਿਵੇਂ ਹੋਈ? ਇਹ ਟਾਇਰ ਸਾਡੇ ਸਫ਼ਰ ਦਾ ਅਹਿਮ ਹਿੱਸਾ ਹੁੰਦੇ ਹਨ। ਤੁਹਾਡੀ ਕਾਰ ਲਈ ਕਿਹੜਾ ਟਾਇਰ ਵਧੀਆ ਹੈ? ਆਓ ਟਿਊਬ ਅਤੇ ਟਾਇਰਸ ਨਾਲ ਸਬੰਧਤ ਉਨ੍ਹਾਂ ਕਹਾਣੀਆਂ ਨੂੰ ਵੇਖੀਏ।
ਟਿਊਬ ਟਾਇਰ ਕੀ ਹੈ?
ਟਿਊਬ ਟਾਇਰਾਂ ਦਾ ਇਤਿਹਾਸ 1845 ਵਿੱਚ ਸ਼ੁਰੂ ਹੋਇਆ ਸੀ। ਰਾਬਰਟ ਵਿਲੀਅਮ ਥਾਮਸਨ ਨੇ ਸਭ ਤੋਂ ਪਹਿਲਾਂ ਨਿਊਮੈਟਿਕ ਟਾਇਰ ਦਾ ਪੇਟੈਂਟ ਕਰਵਾਇਆ ਸੀ। ਇਸ ਕਾਢ ਨੇ ਡਰਾਈਵਿੰਗ ਨੂੰ ਆਸਾਨ ਬਣਾ ਦਿੱਤਾ। ਇਸ ਤੋਂ ਬਾਅਦ 20ਵੀਂ ਸਦੀ ਵਿੱਚ ਹਰ ਵਾਹਨ ਵਿੱਚ ਇਹ ਟਾਇਰ ਲਗਾਏ ਜਾਣ ਲੱਗੇ। ਟਿਊਬ ਟਾਇਰ ਪੁਰਾਣੇ ਜ਼ਮਾਨੇ ਦੇ ਟਾਇਰ ਹਨ ਜੋ ਰਬੜ ਦੀ ਟਿਊਬ ਦੇ ਬਣੇ ਹੁੰਦੇ ਹਨ। ਇਸ ਵਿੱਚ ਹਵਾ ਭਰੀ ਜਾਂਦੀ ਹੈ। ਇਹ ਟਾਇਰ ਅਤੇ ਰਿਮ ਦੇ ਵਿਚਕਾਰ ਲਗੇ ਹੁੰਦੇ ਹਨ।ਇਹ ਟਾਇਰ ਜਿਆਦਾਤਰ ਪੁਰਾਣੇ ਵਾਹਨਾਂ ਜਿਵੇਂ ਮੋਟਰਸਾਈਕਲਾਂ ਅਤੇ ਟਰੈਕਟਰਾਂ ਵਿੱਚ ਵਰਤੇ ਜਾਂਦੇ ਹਨ। ਇਸਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਇਸਦਾ ਰੱਖ-ਰਖਾਅ ਘੱਟ ਮਹਿੰਗਾ ਹੁੰਦਾ ਹੈ। ਨਾਲ ਹੀ ਇਸ ਨੂੰ ਜਲਦੀ ਠੀਕ ਕੀਤਾ ਜਾ ਸਕਦਾ ਹੈ।
ਕੀ ਹੈ ਟਿਊਬਲੈੱਸ ਟਾਇਰਸ?
ਟਿਊਬਲੈੱਸ ਟਾਇਰਾਂ ਵਿੱਚ ਰਬੜ ਦੀ ਕੋਈ ਵੱਖਰੀ ਟਿਊਬ ਨਹੀਂ ਹੈ। ਇਸ ਦੀ ਬਜਾਏ, ਟਾਇਰ ਦਾ ਡਿਜ਼ਾਈਨ ਇਸ ਤਰ੍ਹਾਂ ਦਾ ਹੁੰਦਾ ਹੈ। ਇਹ ਰਿਮ ਨੂੰ ਪੂਰੀ ਤਰ੍ਹਾਂ ਸੀਲ ਹੁੰਦਾ ਹੈ। ਹਵਾ ਨੂੰ ਅੰਦਰ ਹੀ ਰੱਖਦਾ ਹੈ। ਇਸਦੇ ਕਾਰਨ, ਟਿਊਬਲੈੱਸ ਟਾਇਰ ਵਧੇਰੇ ਸੁਰੱਖਿਅਤ, ਵਧੇਰੇ ਟਿਕਾਊ ਅਤੇ ਚਲਾਉਣ ਵਿੱਚ ਆਸਾਨ ਹੁੰਦੇ ਹਨ। ਇਨ੍ਹਾਂ ਟਾਇਰਾਂ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਜੇਕਰ ਪੰਕਚਰ ਹੋ ਜਾਵੇ ਤਾਂ ਹਵਾ ਹੌਲੀ-ਹੌਲੀ ਬਾਹਰ ਨਿਕਲਦੀ ਹੈ। ਇਸ ਨਾਲ ਤੁਸੀਂ ਆਪਣੇ ਸਥਾਨ ‘ਤੇ ਪਹੁੰਚ ਸਕਦੇ ਹੋ।
ਟਿਊਬਲੈੱਸ ਟਾਇਰਾਂ ਦੀ ਕਾਢ
ਸਾਲ 1903 ਵਿੱਚ, ਗੁਡਈਅਰ ਨੇ ਪਹਿਲੇ ਟਿਊਬਲੈੱਸ ਟਾਇਰ ਦੀ ਕਾਢ ਕੱਢੀ ਸੀ। ਇਸ ਡਿਜ਼ਾਇਨ ਵਿੱਚ ਸਮੇਂ ਦੇ ਨਾਲ ਸੁਧਾਰ ਹੋਇਆ। ਅੱਜਕੱਲ੍ਹ ਜ਼ਿਆਦਾਤਰ ਵਾਹਨਾਂ ਵਿੱਚ ਗੁਡੀਅਰ ਦੇ ਹੀ ਟਾਇਰ ਲੱਗੇ ਹੁੰਦੇ ਹਨ। ਇਹ ਟਾਇਰ ਨਾ ਸਿਰਫ ਪੰਕਚਰ ਦੇ ਮਾਮਲੇ ‘ਚ ਬਿਹਤਰ ਹੁੰਦੇ ਹਨ। ਸਗੋਂ ਇਨ੍ਹਾਂ ਦੇ ਰੱਖ-ਰਖਾਅ ਦੀ ਪ੍ਰਕਿਰਿਆ ਵੀ ਆਸਾਨ ਹੁੰਦੀ ਹੈ।
ਕੌਣ ਹੈ ਬਿਹਤਰ?
ਇਸ ਟਾਇਰ ਵਿੱਚ ਰਗੜ ਘੱਟ ਹੁੰਦੀ ਹੈ। ਇਸ ਕਾਰਨ ਵਾਹਨ ‘ਚ ਘੱਟ ਈਂਧਨ ਦੀ ਵਰਤੋਂ ਹੁੰਦੀ ਹੈ। ਇਸ ਤੋਂ ਇਲਾਵਾ ਟਿਊਬ ਦੀ ਅਣਹੋਂਦ ਕਾਰਨ ਭਾਰ ਵੀ ਘੱਟ ਹੁੰਦਾ ਹੈ। ਇਸ ਨਾਲ ਕਾਰ ਵਧੀਆ ਪ੍ਰਦਰਸ਼ਨ ਕਰਦੀ ਹੈ। ਟਿਊਬਲੈੱਸ ਟਾਇਰ ਦੀ ਇਕ ਹੋਰ ਖਾਸੀਅਤ ਇਹ ਹੈ ਕਿ ਇਹ ਛੋਟੇ ਪੰਕਚਰ ਨੂੰ ਆਪਣੇ-ਆਪ ਸੀਲ ਕਰ ਦਿੰਦਾ ਹੈ। ਇਸ ਵਿਚ ਮੌਜੂਦ ਸੀਲੈਂਟ ਹਵਾ ਮਿਲਣ ਤੋਂ ਬਾਅਦ ਆਪਣੇ ਆਪ ਹੀ ਠੋਸ ਹੋ ਜਾਂਦਾ ਹੈ। ਇਸ ਨਾਲ ਪੰਕਚਰ ਨੂੰ ਸੀਲ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਸ ਵਿਚ ਹਵਾ ਦਾ ਦਬਾਅ ਆਪਣੇ ਆਪ ਸੰਤੁਲਿਤ ਰਹਿੰਦਾ ਹੈ। ਇਸ ਕਾਰਨ ਵਾਹਨਾਂ ਦਾ ਸੰਚਾਲਨ ਵੀ ਸਮੂਥ ਹੋ ਜਾਂਦਾ ਹੈ।
