GST 2.0: Maruti Alto ਤੋਂ ਲੈ ਕੇ Mahindra Thar ਤੱਕ, ਇਹ 10 ਮਸ਼ਹੂਰ ਕਾਰਾਂ ਇੰਨੀਆਂ ਸਸਤੀਆਂ ਹੋ ਜਾਣਗੀਆਂ
ਦੀਵਾਲੀ ਤੋਂ ਪਹਿਲਾਂ ਕਾਰਾਂ ਖਰੀਦਣ ਵਾਲੇ ਲੋਕਾਂ ਨੂੰ ਸਰਕਾਰ ਨੇ ਵੱਡੀ ਰਾਹਤ ਦਿੱਤੀ ਹੈ। ਹੁਣ ਹਰ ਤਰ੍ਹਾਂ ਦੀਆਂ ਕਾਰਾਂ ਸਸਤੀਆਂ ਹੋ ਗਈਆਂ ਹਨ। ਵਾਹਨਾਂ ਦੀ ਕੀਮਤ 10-11% ਘੱਟ ਜਾਵੇਗੀ। ਇੱਥੇ ਕੁਝ ਮਸ਼ਹੂਰ ਕਾਰਾਂ 'ਤੇ ਅਨੁਮਾਨਿਤ ਕੀਮਤ ਕਟੌਤੀ 'ਤੇ ਇੱਕ ਨਜ਼ਰ ਮਾਰਦੇ ਹਾਂ।
GST ਢਾਂਚੇ ਵਿੱਚ ਕੀਤੇ ਗਏ ਬਦਲਾਅ ਨੇ ਦੇਸ਼ ਵਿੱਚ ਬਹੁਤ ਸਾਰੀਆਂ ਚੀਜ਼ਾਂ ਸਸਤੀਆਂ ਕਰ ਦਿੱਤੀਆਂ ਹਨ। ਨਵੀਆਂ ਦਰਾਂ 22 ਸਤੰਬਰ ਤੋਂ ਲਾਗੂ ਹੋਣਗੀਆਂ। ਇਸ ਦੇ ਨਾਲ, ਬਹੁਤ ਸਾਰੀਆਂ ਫੇਮਸ ਕਾਰਾਂ ਦੀ ਕੀਮਤ ਵੀ ਘੱਟ ਜਾਵੇਗੀ, ਕਿਉਂਕਿ ਹੁਣ ਉਨ੍ਹਾਂ ‘ਤੇ 28% ਦੀ ਬਜਾਏ 18% ਟੈਕਸ ਲੱਗੇਗਾ। ਛੋਟੀਆਂ ਕਾਰਾਂ, ਜੋ ਕਿ ਭਾਰਤ ਦੇ ਪੈਸੇਂਜਰ ਵਾਹਨ ਬਾਜ਼ਾਰ ਦੀ ਰੀੜ੍ਹ ਦੀ ਹੱਡੀ ਰਹੀਆਂ ਹਨ, ਕੁਝ ਸਮੇਂ ਤੋਂ ਵਿਕਰੀ ਵਿੱਚ ਗਿਰਾਵਟ ਅਤੇ ਛੋਟੇ ਹੁੰਦੇ ਬਾਜ਼ਾਰ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੀਆਂ ਹਨ, ਪਰ ਨਵੇਂ ਟੈਕਸ ਨਿਯਮਾਂ ਤੋਂ ਉਨ੍ਹਾਂ ਨੂੰ ਦੁਬਾਰਾ ਹੁਲਾਰਾ ਮਿਲਣ ਦੀ ਉਮੀਦ ਹੈ।
ਇਸ ਵੇਲ੍ਹੇ ਵਾਹਨਾਂ ‘ਤੇ ਕਿੰਨਾ ਹੈ ਟੈਕਸ ?
ਮੌਜੂਦਾ ਨਿਯਮਾਂ ਵਿੱਚ, ਛੋਟੀਆਂ ਪੈਟਰੋਲ ਕਾਰਾਂ, ਜਿਨ੍ਹਾਂ ਦਾ ਇੰਜਣ 1200cc ਤੋਂ ਘੱਟ ਹੈ ਅਤੇ ਲੰਬਾਈ 4 ਮੀਟਰ ਤੋਂ ਘੱਟ ਹੈ, ‘ਤੇ 28% GST ਅਤੇ 1% ਸੈੱਸ ਲੱਗਦਾ ਹੈ। ਛੋਟੀਆਂ ਡੀਜ਼ਲ ਕਾਰਾਂ, ਜਿਨ੍ਹਾਂ ਦਾ ਇੰਜਣ 1500cc ਤੋਂ ਘੱਟ ਹੈ ਅਤੇ ਲੰਬਾਈ 4 ਮੀਟਰ ਤੋਂ ਘੱਟ ਹੈ, ‘ਤੇ 28% GST ਅਤੇ 3% ਸੈੱਸ ਲਗਾਇਆ ਜਾਂਦਾ ਹੈ। ਯਾਨੀ ਕੁੱਲ 31% ਟੈਕਸ ਲਗਾਇਆ ਜਾਂਦਾ ਹੈ। ਹਾਲਾਂਕਿ ਇਨ੍ਹਾਂ ਵਾਹਨਾਂ ‘ਤੇ GST ਦਰ 28% ਹੈ, ਪਰ ਵੱਖ-ਵੱਖ ਸੈੱਸ ਦੇ ਕਾਰਨ, ਕੁੱਲ ਟੈਕਸ ਵਧ ਜਾਂਦਾ ਹੈ। ਦੂਜੇ ਪਾਸੇ, ਅਜਿਹੀਆਂ ਵੱਡੀਆਂ SUV, ਜਿਨ੍ਹਾਂ ਦਾ ਇੰਜਣ 1500cc ਤੋਂ ਉੱਪਰ ਹੈ ਅਤੇ ਲੰਬਾਈ 4 ਮੀਟਰ ਤੋਂ ਵੱਧ ਹੈ, ‘ਤੇ 28% GST ਅਤੇ 22% ਸੈੱਸ ਲਗਾਇਆ ਜਾਂਦਾ ਹੈ, ਜੋ ਕੁੱਲ 50% ਟੈਕਸ ਬਣਦਾ ਹੈ।
ਵਾਹਨਾਂ ‘ਤੇ ਘੱਟ ਹੋਇਆ ਟੈਕਸ
ਨਵੇਂ GST ਨਿਯਮ ਦੇ ਨਾਲ, ਸਰਕਾਰ ਨੇ ਕਾਰਾਂ ‘ਤੇ ਟੈਕਸ ਪ੍ਰਣਾਲੀ ਨੂੰ ਆਸਾਨ ਬਣਾ ਦਿੱਤਾ ਹੈ। ਨਵੇਂ GST ਨਿਯਮਾਂ ਦੇ ਤਹਿਤ, ਜ਼ਿਆਦਾਤਰ ਛੋਟੀਆਂ ਅਤੇ ਦਰਮਿਆਨੇ ਆਕਾਰ ਦੀਆਂ ਕਾਰਾਂ ਨੂੰ 18% ਟੈਕਸ ਸਲੈਬ ਵਿੱਚ ਰੱਖਿਆ ਗਿਆ ਹੈ, ਜਦੋਂ ਕਿ ਲਗਜ਼ਰੀ ਅਤੇ SUV ਕਾਰਾਂ ‘ਤੇ 40% ਟੈਕਸ ਲੱਗੇਗਾ। ਵਾਧੇ ਦੇ ਬਾਵਜੂਦ, ਲਗਜ਼ਰੀ ਕਾਰਾਂ ‘ਤੇ ਵੀ ਪਹਿਲਾਂ ਨਾਲੋਂ ਘੱਟ ਟੈਕਸ ਲੱਗੇਗਾ। ਹੁਣ 1200cc ਤੱਕ ਦੇ ਇੰਜਣ ਅਤੇ 4 ਮੀਟਰ ਤੋਂ ਘੱਟ ਲੰਬਾਈ ਵਾਲੀਆਂ ਛੋਟੀਆਂ ਪੈਟਰੋਲ ਕਾਰਾਂ ‘ਤੇ 18% GST ਲੱਗੇਗਾ। ਇਸ ਤੋਂ ਇਲਾਵਾ, 1500cc ਤੱਕ ਦੇ ਇੰਜਣ ਅਤੇ 4 ਮੀਟਰ ਤੋਂ ਘੱਟ ਲੰਬਾਈ ਵਾਲੀਆਂ ਛੋਟੀਆਂ ਡੀਜ਼ਲ ਕਾਰਾਂ ‘ਤੇ ਵੀ 18% ਟੈਕਸ ਲਗਾਇਆ ਜਾਵੇਗਾ। ਜਿਹੜੀਆਂ ਕਾਰਾਂ ਇਨ੍ਹਾਂ ਸ਼੍ਰੇਣੀਆਂ ਵਿੱਚ ਨਹੀਂ ਆਉਂਦੀਆਂ, ਉਨ੍ਹਾਂ ‘ਤੇ ਸਿਰਫ਼ 40% GST ਲਗਾਇਆ ਜਾਵੇਗਾ।
ਇਨ੍ਹਾਂ ਵਾਹਨਾਂ ‘ਤੇ 28% ਤੋਂ 18% ਤੱਕ ਹੋਵੇਗਾ ਟੈਕਸ
| ਕਾਰ ਮਾਡਲ | ਮੌਜੂਦਾ ਸ਼ੁਰੂਆਤੀ ਕੀਮਤ (ਰੁਪਏ ਵਿੱਚ) | ਟੈਕਸ ਕਟੌਤੀ ਤੋਂ ਬਾਅਦ ਸ਼ੁਰੂਆਤੀ ਅਨੁਮਾਨਿਤ ਰਾਹਤ (ਰੁਪਏ ਵਿੱਚ) |
| Alto K10 | 6.49 ਲੱਖ | 65-68 ਹਜ਼ਾਰ |
| Maruti Suzuki Swift | 6.84 ਲੱਖ | 47 ਹਜ਼ਾਰ |
| Maruti Suzuki Dzire | 5.98 ਲੱਖ | 43 ਹਜ਼ਾਰ |
| Hyundai Grand i10 | 4.26 ਲੱਖ | 50 ਹਜ਼ਾਰ |
| Maruti Suzuki S-Presso | 5.65 ਲੱਖ | 80 ਹਜ਼ਾਰ |
| Tata Tiago | 8.0 ਲੱਖ | 55 ਹਜ਼ਾਰ |
| Tata Nexon | 5.79 ਲੱਖ | 75 ਹਜ਼ਾਰ |
| Maruti Suzuki Wagon | 7.58 ਲੱਖ | 67 ਹਜ਼ਾਰ |
| Maruti FRONX | 6.74 ਲੱਖ | 75 ਹਜ਼ਾਰ |
| Maruti Baleno | 6.74 ਲੱਖ | 67 ਹਜ਼ਾਰ |
ਨੋਟ: ਸਾਰਣੀ ਵਿੱਚ ਲਈਆਂ ਗਈਆਂ ਕਾਰਾਂ ਦੀ ਕੀਮਤ ਬੇਸ ਮਾਡਲ ਦੀ ਐਕਸ-ਸ਼ੋਰੂਮ ਕੀਮਤ ਹੈ ਅਤੇ ਕਟੌਤੀ ਤੋਂ ਬਾਅਦ ਕਿੰਨੀ ਰਾਹਤ ਮਿਲੇਗੀ ਇਹ ਇਸ ਮਾਡਲ ਦੀ ਕੀਮਤ ਦੇ ਅਨੁਸਾਰ ਹੈ। ਹਾਲਾਂਕਿ, ਮਾਡਲ ਦੀ ਕੀਮਤ ਜਿੰਨੀ ਜ਼ਿਆਦਾ ਵਧੇਗੀ, GST ਕਟੌਤੀ ਤੋਂ ਓਨੀ ਹੀ ਰਾਹਤ ਮਿਲੇਗੀ।
Hyundai Creta
ਭਾਰਤ ਦੀਆਂ ਸਭ ਤੋਂ ਮਸ਼ਹੂਰ SUV ਕਾਰਾਂ ਵਿੱਚੋਂ ਇੱਕ, ਕ੍ਰੇਟਾ ‘ਤੇ ਹੁਣ 40% GST ਲੱਗੇਗਾ। ਪਹਿਲਾਂ ਇਸ ‘ਤੇ 28% GST ਅਤੇ 15% ਸੈੱਸ ਸਮੇਤ 43% ਟੈਕਸ ਲਗਾਇਆ ਜਾਂਦਾ ਸੀ। ਹੁਣ ਕੀਮਤ ਲਗਭਗ 3% ਘੱਟ ਹੋਣ ਦੀ ਸੰਭਾਵਨਾ ਹੈ, ਜਿਸ ਨਾਲ ਗਾਹਕਾਂ ਨੂੰ ਥੋੜ੍ਹਾ ਫਾਇਦਾ ਹੋਵੇਗਾ।
ਇਹ ਵੀ ਪੜ੍ਹੋ
Mahindra Thar
ਭਾਰਤ ਵਿੱਚ ਅਸਲੀ ਆਫ-ਰੋਡ SUV ਮੰਨੀ ਜਾਂਦੀ ਥਾਰ ਤੇ ਇਸ ਵੇਲੇ ਵੇਰੀਐਂਟ ਦੇ ਆਧਾਰ ‘ਤੇ 45-50% ਤੱਕ ਟੈਕਸ ਲਗਾਇਆ ਜਾਂਦਾ ਸੀ, ਪਰ ਹੁਣ ਨਵੇਂ GST ਨਿਯਮਾਂ ਦੇ ਤਹਿਤ, ਇਸ ‘ਤੇ ਸਿਰਫ 40% ਟੈਕਸ ਲਗਾਇਆ ਜਾਵੇਗਾ।
Mahindra Scorpio
ਸਕਾਰਪੀਓ ਦੇ ਜ਼ਿਆਦਾਤਰ ਵੇਰੀਐਂਟ ‘ਤੇ ਹੁਣ ਤੱਕ 50% ਟੈਕਸ ਲਗਾਇਆ ਜਾਂਦਾ ਸੀ (28% GST + 22% ਸੈੱਸ), ਪਰ ਹੁਣ ਸੈੱਸ ਹਟਾਉਣ ਨਾਲ, ਇਸ ‘ਤੇ ਸਿਰਫ 40% GST ਲਗਾਇਆ ਜਾਵੇਗਾ।
Toyota Innova Crysta
ਸਕਾਰਪੀਓ ਵਾਂਗ, ਇਨੋਵਾ ਕ੍ਰਿਸਟਾ ‘ਤੇ ਵੀ ਪਹਿਲਾਂ 50% ਟੈਕਸ ਲਗਾਇਆ ਜਾਂਦਾ ਸੀ, ਜਿਸ ਵਿੱਚ 28% GST ਅਤੇ 22% ਸੈੱਸ ਸ਼ਾਮਲ ਹੈ। ਹੁਣ ਇਸ ਫੇਮਸ ਕਾਰ ‘ਤੇ ਸਿਰਫ 40% ਟੈਕਸ ਲਗਾਇਆ ਜਾਵੇਗਾ।
ਇਨ੍ਹੀਆਂ ਸਸਤੀਆਂ ਹੋ ਜਾਣਗੀਆਂ ਗੱਡੀਆਂ
ਕੁੱਲ ਮਿਲਾ ਕੇ, ਹਰ ਤਰ੍ਹਾਂ ਦੇ ਵਾਹਨ ਸਸਤੇ ਹੋ ਜਾਣਗੇ। ਵਾਹਨਾਂ ‘ਤੇ ਕਿੰਨੀ ਰਾਹਤ ਦਿੱਤੀ ਜਾਵੇਗੀ ਇਹ ਇਸਦੀ ਕੀਮਤ, ਮਾਡਲ ਅਤੇ ਸੈਗਮੈਂਟ ‘ਤੇ ਨਿਰਭਰ ਕਰੇਗਾ। ਕਿਉਂਕਿ ਜੇਕਰ ਇਹ ਛੋਟੀ ਪੈਟਰੋਲ ਕਾਰ ਹੈ, ਤਾਂ ਵਧੇਰੇ ਰਾਹਤ ਦਿੱਤੀ ਜਾਵੇਗੀ, ਜਦੋਂ ਕਿ ਜੇਕਰ ਇਹ ਵੱਡੀ SUV ਹੈ, ਤਾਂ ਪ੍ਰਤੀਸ਼ਤ ਵਿੱਚ ਰਾਹਤ 5-10 ਪ੍ਰਤੀਸ਼ਤ ਤੱਕ ਹੋਵੇਗੀ। ਹਾਲਾਂਕਿ, ਕੀਮਤ ਜ਼ਿਆਦਾ ਹੋਣ ਕਾਰਨ, ਟੈਕਸ ਕਟੌਤੀ ਦਾ ਅੰਕੜਾ ਵੀ ਵੱਡਾ ਹੋਵੇਗਾ, ਜਿਸ ਨਾਲ ਵਧੇਰੇ ਰਾਹਤ ਮਿਲੇਗੀ।
