Toshakhana Gifts: ਬੁਲੇਟ ਪਰੂਫ ਗੱਡੀਆਂ, ਕਰੋੜਾਂ ਦੀ ਘੜੀਆਂ ਤੇ ਗਹਿਣੇ, ਇਮਰਾਨ ਸਮੇਤ ਇਨ੍ਹਾਂ ਨੇਤਾਵਾਂ ਨੇ ਪਾਕਿਸਤਾਨ ਨੂੰ ਕੀਤਾ ਕੰਗਾਲ
Toshakhana News: ਅਦਾਲਤ ਦੇ ਹੁਕਮਾਂ ਤੋਂ ਬਾਅਦ ਪਾਕਿਸਤਾਨ ਸਰਕਾਰ ਨੇ ਤੋਸ਼ਾਖਾਨਾ ਤੋਹਫ਼ਿਆਂ ਦਾ ਰਿਕਾਰਡ ਜਨਤਕ ਕਰ ਦਿੱਤਾ ਹੈ, ਜਿਸ ਵਿੱਚ ਵੱਡੇ ਅਹੁਦਿਆਂ 'ਤੇ ਕਾਬਜ਼ ਇਮਰਾਨ ਖ਼ਾਨ ਸਮੇਤ ਕਈ ਆਗੂਆਂ ਦੇ ਭੇਦ ਜ਼ਾਹਿਰ ਹੋਏ ਹਨ।
Pakistan ਨਿਊਜ਼ : ਪਾਕਿਸਤਾਨ ਇਸ ਸਮੇਂ ਭੁੱਖਮਰੀ ਅਤੇ ਮਹਿੰਗਾਈ ਦੀ ਮਾਰ ਨਾਲ ਜੂਝ ਰਿਹਾ ਹੈ। ਇਸ ਦੌਰਾਨ ਪਹਿਲੀ ਵਾਰ ਸਰਕਾਰ ਵੱਲੋਂ ਤੋਸ਼ਾਖਾਨਾ ਤੋਹਫ਼ਿਆਂ ਦਾ ਰਿਕਾਰਡ ਜਨਤਕ ਕੀਤਾ ਗਿਆ ਹੈ, ਜਿਸ ਤੋਂ ਸਾਬਤ ਹੁੰਦਾ ਹੈ ਕਿ ਪਾਕਿਸਤਾਨ ਦੀ ਅਜਿਹੀ ਹਾਲਤ ਉਸ ਦੇ ਆਪਣੇ ਆਗੂਆਂ ਕਾਰਨ ਹੀ ਹੋਈ ਹੈ। ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ, ਨਵਾਜ਼ ਸ਼ਰੀਫ ਅਤੇ ਸਾਬਕਾ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਸਮੇਤ ਕਈ ਅਜਿਹੇ ਨੇਤਾ ਹਨ, ਜਿਨ੍ਹਾਂ ਨੇ ਅਮੀਰ ਦਿਖਾਈ ਦੇਣ ਲਈ ਦੇਸ਼ ਦੀ ਜਨਤਾ ਨੂੰ ਲੁੱਟਿਆ। ਅਦਾਲਤ ਦੇ ਹੁਕਮਾਂ ਤੋਂ ਬਾਅਦ, ਪਾਕਿਸਤਾਨ ਸਰਕਾਰ ਦੇ ਅਧਿਕਾਰੀਆਂ ਵੱਲੋਂ ਤੋਸ਼ਾਖਾਨਾ ਵਿੱਚ ਰੱਖੇ ਗਏ ਵਿਦੇਸ਼ੀ ਤੋਹਫ਼ਿਆਂ ਦਾ ਵੇਰਵਾ ਜਨਤਕ ਕੀਤਾ ਗਿਆ। ਇਸ ਵਿੱਚ ਸਾਲ 2002 ਤੋਂ ਲੈ ਕੇ 2022 ਤੱਕ ਸਾਬਕਾ ਰਾਸ਼ਟਰਪਤੀਆਂ, ਪ੍ਰਧਾਨ ਮੰਤਰੀਆਂ, ਸੰਘੀ ਕੈਬਨਿਟ ਮੈਂਬਰਾਂ, ਸਿਆਸਤਦਾਨਾਂ, ਨੌਕਰਸ਼ਾਹਾਂ, ਸੇਵਾਮੁਕਤ ਜਨਰਲਾਂ, ਜੱਜਾਂ ਅਤੇ ਪੱਤਰਕਾਰਾਂ ਵੱਲੋਂ ਰਖੇ ਗਏ ਤੋਹਫ਼ੇ ਵੀ ਰੱਖੇ ਗਏ।
ਇਸ ਤਰ੍ਹਾਂ ਲੁੱਟਿਆ ਪਾਕਿਸਤਾਨ !
ਸਾਬਕਾ ਰਾਸ਼ਟਰਪਤੀ ਜ਼ਰਦਾਰੀ ਨੇ ਆਪਣੇ ਨਾਲ ਚਿੱਟੇ ਰੰਗ ਦੀ BMW 760 ਲੀ ਕਾਰ ਰੱਖੀ ਸੀ। ਇਸ ਦੀ ਕੀਮਤ 27.3 ਮਿਲੀਅਨ ਸੀ ਪਰ ਜ਼ਰਦਾਰੀ ਨੇ ਇਸ ਲਈ ਸਿਰਫ 4 ਮਿਲੀਅਨ ਰੁਪਏ ਅਦਾ ਕੀਤੇ। ਏਨਾ ਹੀ ਨਹੀਂ ਉਸ ਨੇ 15 ਲੱਖ ਰੁਪਏ ਤੋਂ ਵੱਧ ਕੀਮਤ ਦੀਆਂ ਘੜੀਆਂ ਅਤੇ ਬਾਕੀ ਸਾਮਾਨ ਸਿਰਫ਼ 10 ਲੱਖ ਰੁਪਏ ਦੇ ਕੇ ਆਪਣੇ ਕੋਲ ਰੱਖ ਲਿਆ। ਇਸੇ ਤਰ੍ਹਾਂ ਮਾਰਚ, ਜੂਨ ਅਤੇ ਅਕਤੂਬਰ 2011 ਵਿੱਚ ਉਸ ਨੇ ਕੁਝ ਰੁਪਏ ਦੇ ਕੇ 10 ਲੱਖ, 12 ਲੱਖ ਅਤੇ 10 ਲੱਖ ਦੀਆਂ ਘੜੀਆਂ ਆਪਣੇ ਕੋਲ ਰੱਖ ਲਈਆਂ।
ਇਮਰਾਨ ਨੇ ਖੂਬ ਅਮੀਰੀ ਦਿਖਾਈ !
ਦਸਤਾਵੇਜ਼ਾਂ ਮੁਤਾਬਕ ਇਮਰਾਨ ਖਾਨ ਨੂੰ 38 ਲੱਖ ਰੁਪਏ ਦੀ ਗ੍ਰਾਫ ਘੜੀ ਸਮੇਤ ਪੰਜ ਮਹਿੰਗੀਆਂ ਗੁੱਟ ਘੜੀਆਂ ਮਿਲੀਆਂ ਹਨ। ਇਸ ਦੇ ਲਈ ਉਸ ਨੇ ਸਾਢੇ ਸੱਤ ਲੱਖ ਰੁਪਏ ਹੀ ਅਦਾ ਕੀਤੇ। ਇਸੇ ਤਰ੍ਹਾਂ, ਉਸ ਨੇ 85 ਮਿਲੀਅਨ ਰੁਪਏ ਦੀ ਇੱਕ ਗ੍ਰਾਫ ਘੜੀ, 1.5 ਮਿਲੀਅਨ ਰੁਪਏ ਦੇ ਇੱਕ ਪੈੱਨ ਅਤੇ 8.75 ਮਿਲੀਅਨ ਰੁਪਏ ਦੀ ਇੱਕ ਅੰਗੂਠੀ ਰੱਖੀ। ਇਮਰਾਨ ਨੂੰ 15 ਲੱਖ ਦੀ ਰੋਲੇਕਸ ਘੜੀ ਵੀ ਮਿਲੀ, ਜਿਸ ਲਈ ਉਸ ਨੇ ਸਿਰਫ 2 ਲੱਖ 94 ਹਜ਼ਾਰ ਰੁਪਏ ਖਰਚ ਕੀਤੇ। ਏਨਾ ਹੀ ਨਹੀਂ 2018 ‘ਚ ਇਮਰਾਨ ਨੇ ਆਪਣੇ ਕੋਲ 9 ਲੱਖ ਰੁਪਏ ਦੀ ਰੋਲੇਕਸ ਘੜੀ ਵੀ ਕੋਲ ਰੱਖ ਲਈ।
ਨੇਤਾਵਾਂ ਤੋਂ ਘੱਟ ਨਹੀਂ ਉਨ੍ਹਾਂ ਦੀ ਬੇਗਮ !
ਇਮਰਾਨ ਦੀ ਤੀਜੀ ਬੇਗਮ ਬੁਸ਼ਰਾ ਬੀਬੀ ਨੇ 90 ਲੱਖ ਰੁਪਏ ਅਦਾ ਕਰਨ ਤੋਂ ਬਾਅਦ 10 ਲੱਖ ਰੁਪਏ ਦਾ ਹਾਰ, 24 ਲੱਖ ਰੁਪਏ ਦਾ ਬਰੇਸਲੇਟ, 28 ਲੱਖ ਰੁਪਏ ਦੀ ਮੁੰਦਰੀ ਅਤੇ 18 ਲੱਖ 50 ਹਜ਼ਾਰ ਰੁਪਏ ਦੀ ਮੁੰਦਰੀਆਂ ਦਾ ਜੋੜਾ ਰੱਖਿਆ। ਰਾਸ਼ਟਰਪਤੀ ਆਰਿਫ ਅਲਵੀ ਦੀ ਪਤਨੀ ਸਮੀਨਾ ਅਲਵੀ ਨੇ 1.19 ਕਰੋੜ ਰੁਪਏ ਦਾ ਹਾਰ ਰੱਖਿਆ ਸੀ। ਇਸ ਦੇ ਨਾਲ ਹੀ ਰਾਸ਼ਟਰਪਤੀ ਨੇ ਫਰਵਰੀ 2022 ਵਿੱਚ 12 ਲੱਖ ਰੁਪਏ ਦੇ ਕੇ 25 ਲੱਖ ਰੁਪਏ ਦੀ ਰੋਲੇਕਸ ਘੜੀ ਰੱਖੀ ਸੀ।