ਪਾਕਿਸਤਾਨ ਵਿੱਚ ਪੈਟਰੋਲ-ਡੀਜ਼ਲ 35 ਰੁਪਏ ਹੋਰ ਮਹਿੰਗਾ

ਪੈਟਰੋਲ ਤੇ ਡੀਜ਼ਲ

ਇਸ ਦੇ ਨਾਲ ਹੀ ਪਾਕਿਸਤਾਨ ਦੇ ਪੈਟਰੋਲ ਪੰਪਾਂ ਉੱਤੇ ਮੋਟਰ ਵਾਹਨ ਚਲਾਉਣ ਵਾਲਿਆਂ ਦੀ ਲੰਬੀ-ਲੰਬੀ ਕਤਾਰਾਂ ਲੱਗੀਆਂ ਨਜ਼ਰ ਆ ਰਹੀਆਂ ਹਨ। ਉਨ੍ਹਾਂ ਨੂੰ ਡਰ ਹੈ ਕਿ ਕਿਤੇ ਆਉਣ ਵਾਲੇ ਦਿਨਾਂ ਵਿੱਚ ਪੈਟਰੋਲ ਅਤੇ ਡੀਜ਼ਲ ਬਾਜਾਰ ਵਿਚੋਂ ਗਾਇਬ ਨਾ ਹੋ ਜਾਵੇ ਅਤੇ ਇਨ੍ਹਾਂ ਦੀਆਂ ਕੀਮਤਾਂ ਹੋਰ ਨਾ ਵਧਾਈਆਂ ਜਾਣ ਇਨ੍ਹਾਂ ਦਿਨਾਂ ਪੈਸੇ-ਪੈਸੇ ਨੂੰ ਮੁਹਤਾਜ ਪਾਕਿਸਤਾਨ ਸਰਕਾਰ ਨੇ ਉੱਥੇ ਮੁਲਕ ਵਿੱਚ ਪਹਿਲਾਂ ਹੀ ਮੰਦੀ ਦੇ ਡੂੰਘੇ ਹਾਲਾਤ ਵਿੱਚ ਫਸੇ ਲੋਕਾਂ ਉੱਤੇ ਜੁਲਮ ਢਾਹੁੰਦਿਆਂ ਐਤਵਾਰ ਨੂੰ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ 35-35 ਰੁਪਏ ਦਾ ਤਕੜਾ ਵਾਧਾ ਕਰ ਦਿੱਤਾ। ਐਤਵਾਰ ਸਵੇਰੇ-ਸਵੇਰੇ ਟੈਲੀਵਿਜ਼ਨ ਉੱਤੇ ਆਪਣੀ ਇੱਕ ਘੋਸ਼ਣਾ ਵਿੱਚ ਪਾਕਿਸਤਾਨ ਦੇ ਵਿੱਤ ਮੰਤਰੀ ਇਸ਼ਕ ਡਾਰ ਵੱਲੋਂ ਉਥੇ ਦੱਸਿਆ ਗਿਆ, ਅਸੀਂ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿੱਚ 35-35 ਰੁਪਈਏ ਦਾ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ। ਜਦ ਕਿ ਮਿੱਟੀ ਦੇ ਤੇਲ ਅਤੇ ਡੀਜ਼ਲ ਤੇਲ ਦੀ ਕੀਮਤ ਵਿੱਚ ਵੀ 18-18 ਰੁਪਏ ਦਾ ਵਾਧਾ ਕੀਤਾ ਗਿਆ। ਡਾਰ ਨੇ ਕਿਹਾ ਕੀ ਇਹ ਨਵੀਆਂ ਕੀਮਤਾਂ ਐਤਵਾਰ ਨੂੰ ਸਵੇਰੇ 11 ਵਜੇ ਤੋਂ ਹੀ ਲਾਗੂ ਹੋ ਗਈਆਂ ਹਨ।

ਪੈਟਰੋਲ ਹੁਣ 249.80 ਰੁਪਏ ਲੀਟਰ

ਇਸ ਦੇ ਨਾਲ ਹੀ ਪਾਕਿਸਤਾਨ ਵਿੱਚ ਪੈਟਰੋਲ ਦੀ ਕੀਮਤ ਹੁਣ 249.80 ਰੁਪਏ ਲੀਟਰ, ਹਾਈ ਸਪੀਡ ਡੀਜ਼ਲ ਦੀ ਕੀਮਤ 262.80 ਰੁਪਏ ਲੀਟਰ, ਮਿੱਟੀ ਦੇ ਤੇਲ ਦੀ ਕੀਮਤ 189.83 ਰੁਪਏ ਲੀਟਰ ਅਤੇ ਲਾਈਟ ਡੀਜ਼ਲ ਦੀ ਕੀਮਤ 187 ਰੁਪਏ ਲੀਟਰ ਹੋ ਗਈ ਹੈ। ਇਸ ਦੇ ਨਾਲ ਹੀ ਪਾਕਿਸਤਾਨ ਦੇ ਪੈਟਰੋਲ ਪੰਪਾਂ ਉੱਤੇ ਮੋਟਰ ਵਾਹਨ ਚਲਾਉਣ ਵਾਲਿਆਂ ਦੀ ਲੰਬੀ-ਲੰਬੀ ਕਤਾਰਾਂ ਲੱਗੀਆਂ ਨਜ਼ਰ ਆ ਰਹੀਆਂ ਹਨ। ਉਨ੍ਹਾਂ ਨੂੰ ਡਰ ਹੈ ਕਿ ਕਿਤੇ ਆਉਣ ਵਾਲੇ ਦਿਨਾਂ ਵਿੱਚ ਪੈਟਰੋਲ ਅਤੇ ਡੀਜ਼ਲ ਬਾਜਾਰ ਵਿਚੋਂ ਗਾਇਬ ਨਾ ਹੋ ਜਾਵੇ ਅਤੇ ਇਨ੍ਹਾਂ ਦੀਆਂ ਕੀਮਤਾਂ ਹੋਰ ਵਧਾਈਆਂ ਜਾਣ।

ਆਈਐਮਐਫ ਦੀਆਂ ਕੜੀਆਂ ਸ਼ਰਤਾਂ ਨੂੰ ਹਜ਼ਮ ਕਰਣ ਤੇ ਮਜਬੂਰ

ਪਿਛਲੇ ਹਫਤੇ ਹੀ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਹਿਬਾਜ਼ ਸ਼ਰੀਫ ਨੇ ਦੱਸਿਆ ਸੀ ਕਿ ਉਹਨਾਂ ਦੀ ਪਾਰਟੀ ਦੀ ਅਗਵਾਈ ਵਿੱਚ ਸਰਕਾਰ ਇੰਟਰਨੈਸ਼ਨਲ ਮੋਨਿਟਰੀ ਫੰਡ ਯਾਨੀ ਆਈਐਮਐਫ ਵੱਲੋਂ ਕਰਜ਼ ਲੈਣ ਵਾਸਤੇ ਲਾਈਆਂ ਗਈਆਂ ਉਸ ਦੀਆਂ ਕੜੀਆਂ ਸ਼ਰਤਾਂ ਨੂੰ ਹਜ਼ਮ ਕਰ ਲੈਣ ਤੇ ਮਜਬੂਰ ਹੈ ਤਾਂ ਜੋ ਪਾਕਿਸਤਾਨ ਸਰਕਾਰ ਵੱਲੋਂ ਇਸ ਇਰਾਦੇ ਨੂੰ ਪੂਰਾ ਕਰਨ ਦਾ ਇਸ਼ਾਰਾ ਕੀਤਾ ਜਾਵੇ ਕਿ ਪਾਕਿਸਤਾਨ ਸਰਕਾਰ ਆਈਐਮਐਫ ਵੱਲੋਂ ਸੱਦੀ ਜਾਣ ਵਾਲੀ ਨੌਵੀਂ ਸਮੀਖਿਆ ਬੈਠਕ ਪੂਰੀ ਹੋ ਸਕੇ।

31 ਜਨਵਰੀ ਤੋਂ 9 ਫਰਵਰੀ ਤੱਕ ਇਸਲਾਮਾਬਾਦ ਵਿੱਚ ਬੈਠਕ

ਪਾਕਿਸਤਾਨ ਦੀ ਇਮਰਾਨ ਖਾਨ ਸਰਕਾਰ ਵੱਲੋ ਸਾਲ 2019 ਵਿੱਚ ਆਈਐਮਐਫ ਨਾਲ 6 ਅਰਬ ਅਮਰੀਕੀ ਡਾਲਰ ਦੀ ਰਕਮ ਦੇ ਕਰਜ਼ ਦਾ ਕਰਾਰ ਕੀਤਾ ਸੀ, ਜੋ ਪਿਛਲੇ ਸਾਲ ਵੱਧ ਕੇ 7 ਅਰਬ ਅਮਰੀਕੀ ਡਾਲਰ ਤੱਕ ਪੁੱਜ ਗਿਆ ਸੀ। ਦੱਸ ਦਈਏ ਕਿ ਆਈਐਮਐਫ ਦੀ ਟੀਮ ਪਾਕਿਸਤਾਨ ਨੂੰ ਇਕ ਹੋਰ ਅਸਿਸਟੈਂਸ ਪੈਕੇਜ ਨਾਲ ਜੋੜੀਆਂ ਗਈਆਂ ਸ਼ਰਤਾਂ ਨੂੰ ਲਾਗੂ ਕੀਤੇ ਜਾਣ ਬਾਰੇ ਮੁਲਕ ਦੇ ਆਹਲਾ ਅਧਿਕਾਰੀਆਂ ਨਾਲ ਗੁਫਤਗੂ ਕਰਨ ਵਾਸਤੇ 31 ਜਨਵਰੀ ਤੋਂ ਲੈ ਕੇ 9 ਫਰਵਰੀ, 2023 ਤੱਕ ਇਸਲਾਮਾਬਾਦ ਵਿੱਚ ਬੈਠਕ ਕਰਨ ਵਾਲੀ ਹੈ।