Somalia Bomb Blast: ਸੋਮਾਲੀਆ ‘ਚ ਜ਼ਬਰਦਸਤ ਬੰਬ ਧਮਾਕਾ, 18 ਦੀ ਮੌਤ, 40 ਜ਼ਖਮੀ
Somalia Bomb Blast: ਸੋਮਾਲੀਆ 'ਚ ਹੋਏ ਬੰਬ ਧਮਾਕੇ 'ਚ ਘੱਟੋ-ਘੱਟ 18 ਲੋਕਾਂ ਦੀ ਮੌਤ ਹੋ ਗਈ ਹੈ ਜਦਕਿ 40 ਤੋਂ ਵੱਧ ਜ਼ਖਮੀ ਦੱਸੇ ਜਾ ਰਹੇ ਹਨ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਉੱਥੇ ਮੌਜੂਦ ਵਾਹਨਾਂ ਦੇ ਚਕਨਾਚੂਰ ਹੋ ਗਏ। ਅਸਮਾਨ ਵਿੱਚ ਦੂਰ ਤੱਕ ਧੂੰਏਂ ਦਾ ਗੁਬਾਰ ਨਜ਼ਰ ਆਉਣ ਲੱਗਾ।
Somalia Bomb Blast: ਸੋਮਾਲੀਆ ‘ਚ ਹੋਏ ਬੰਬ ਧਮਾਕੇ ‘ਚ ਘੱਟੋ-ਘੱਟ 18 ਲੋਕਾਂ ਦੀ ਮੌਤ ਹੋ ਗਈ ਹੈ ਜਦਕਿ 40 ਤੋਂ ਵੱਧ ਜ਼ਖਮੀ ਦੱਸੇ ਜਾ ਰਹੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਬੰਬ ਧਮਾਕਾ ਸੋਮਾਲੀਆ ਦੇ ਬੇਲੇਦਵੇਨ ਸ਼ਹਿਰ ਵਿੱਚ ਹੋਇਆ। ਇਹ ਧਮਾਕਾ ਸੁਰੱਖਿਆ ਜਾਂਚ ਚੌਕੀ ਨੇੜੇ ਵਿਸਫੋਟਕਾਂ ਨਾਲ ਭਰੇ ਟਰੱਕ ਵਿੱਚ ਹੋਇਆ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਉੱਥੇ ਮੌਜੂਦ ਵਾਹਨਾਂ ਦੇ ਚਕਨਾਚੂਰ ਹੋ ਗਏ। ਅਸਮਾਨ ਵਿੱਚ ਦੂਰ ਤੱਕ ਧੂੰਏਂ ਦਾ ਗੁਬਾਰ ਨਜ਼ਰ ਆਉਣ ਲੱਗਾ।
ਹਿਰਸ਼ਾਬੇਲੇ ਸੂਬੇ ਦੇ ਆਫ਼ਤ ਪ੍ਰਬੰਧਨ ਦੇ ਡਾਇਰੈਕਟਰ ਜਨਰਲ ਅਬਦਿਫ਼ਤਾਹ ਮੁਹੰਮਦ ਯੂਸਫ਼ ਨੇ 15 ਮੌਤਾਂ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦੱਸਿਆ ਕਿ ਜ਼ਖ਼ਮੀਆਂ ਨੂੰ ਨੇੜਲੇ ਹਸਪਤਾਲਾਂ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ। 40 ਵਿੱਚੋਂ 20 ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਉਸ ਨੂੰ ਬਿਹਤਰ ਇਲਾਜ ਲਈ ਮੋਗਾਦਿਸ਼ੂ ਲਿਜਾਇਆ ਗਿਆ ਹੈ।
ਹੁਣ ਤੱਕ 13 ਲਾਸ਼ਾਂ ਹੋਈਆਂ ਬਰਾਮਦ
ਦੂਜੇ ਪਾਸੇ ਬੇਲੇਡਵੇਨ ਪੁਲਿਸ ਨੇ ਦੱਸਿਆ ਕਿ ਹੁਣ ਤੱਕ 13 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਆਸਪਾਸ ਦੇ ਲੋਕ ਹਨ। ਪੁਲਿਸ ਨੇ ਕਿਹਾ ਕਿ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਸਕਦੀ ਹੈ। ਇਸ ਜ਼ਬਰਦਸਤ ਧਮਾਕੇ ਵਿੱਚ ਕਈ ਇਮਾਰਤਾਂ ਤਬਾਹ ਹੋ ਗਈਆਂ। ਮਲਬੇ ਹੇਠ ਅਜੇ ਵੀ ਕਈ ਲੋਕਾਂ ਦੇ ਦੱਬੇ ਹੋਣ ਦੀ ਸੰਭਾਵਨਾ ਹੈ।
#BREAKING 🇸🇴 Tragedy strikes in Somalia. A truck bomb explosion at a Beledweyne checkpoint has left a devastating toll of at least 10 lives lost, and buildings reduced to rubble.#BeledweyneBlast #Somalia#tognews #todayonglobenews #todayonglobe pic.twitter.com/pGivnIalSX pic.twitter.com/JWBygUD4K7
— Today On Globe (@TodayOnGlobe) September 23, 2023
ਅਲ-ਸ਼ਬਾਬਾ ਦੇ ਅੱਤਵਾਦੀਆਂ ‘ਤੇ ਹਮਲੇ ਦਾ ਸ਼ੱਕ
ਇਸ ਹਮਲੇ ਨੂੰ ਅੱਤਵਾਦੀ ਹਮਲਾ ਦੱਸਿਆ ਜਾ ਰਿਹਾ ਹੈ। ਕਰੀਬ ਪੰਜ-ਛੇ ਦਿਨ ਪਹਿਲਾਂ ਅਲ-ਸ਼ਬਾਬ ਦੇ ਅੱਤਵਾਦੀਆਂ ਨੇ ਸੋਮਾਲੀਆ ‘ਚ ਵੱਡਾ ਅੱਤਵਾਦੀ ਹਮਲਾ ਕੀਤਾ ਸੀ। 167 ਸੈਨਿਕ ਮਾਰੇ ਗਏ ਸਨ। ਇਸ ਤੋਂ ਇਲਾਵਾ ਕਈ ਫੌਜੀ ਸਾਜ਼ੋ-ਸਾਮਾਨ ਨੂੰ ਵੀ ਨਸ਼ਟ ਕਰ ਦਿੱਤਾ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਅਲ-ਸ਼ਬਾਬ ਸੋਮਾਲੀਆ ਦਾ ਇੱਕ ਵੱਡਾ ਜੇਹਾਦੀ ਅੱਤਵਾਦੀ ਸਮੂਹ ਹੈ। 2006 ਵਿੱਚ ਹੋਂਦ ਵਿੱਚ ਆਏ ਇਸ ਸਮੂਹ ਦਾ ਉਦੇਸ਼ ਸੋਮਾਲੀਆ ਦੀ ਸਰਕਾਰ ਦਾ ਤਖਤਾ ਪਲਟਣਾ ਹੈ।
