ਪਾਕਿਸਤਾਨ ਦੇ ਬਲੋਚਿਸਤਾਨ ‘ਚ ਬੱਸ ਅਤੇ LPG ਗੈਸ ਟੈਂਕਰ ਵਿਚਾਲੇ ਭਿਆਨਕ ਟੱਕਰ, 10 ਲੋਕ ਜ਼ਿੰਦਾ ਸੜੇ, 27 ਜ਼ਖਮੀ

Published: 

19 Nov 2026 18:04 PM IST

Pakistan Bus Accident: ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿੱਚ ਇੱਕ ਹਾਈਵੇਅ 'ਤੇ ਯਾਤਰੀ ਬੱਸ ਅਤੇ LPG ਗੈਸ ਟੈਂਕਰ ਵਿਚਾਲੇ ਟੱਕਰ ਹੋ ਗਈ, ਜਿਸ ਕਾਰਨ ਦੋਵਾਂ ਵਾਹਨਾਂ ਨੂੰ ਅੱਗ ਲੱਗ ਗਈ। ਇਸ ਹਾਦਸੇ ਵਿੱਚ 10 ਲੋਕਾਂ ਦੀ ਸੜ ਕੇ ਮੌਤ ਹੋ ਗਈ।

ਪਾਕਿਸਤਾਨ ਦੇ ਬਲੋਚਿਸਤਾਨ ਚ ਬੱਸ ਅਤੇ LPG ਗੈਸ ਟੈਂਕਰ ਵਿਚਾਲੇ ਭਿਆਨਕ ਟੱਕਰ, 10 ਲੋਕ ਜ਼ਿੰਦਾ ਸੜੇ, 27 ਜ਼ਖਮੀ

ਪਾਕਿਸਤਾਨ 'ਚ ਬੱਸ-ਟੈਂਕਰ ਦੀ ਭਿਆਨਕ ਟੱਕਰ

ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿੱਚ ਮਕਰਾਨ ਕੋਸਟਲ ਹਾਈਵੇਅ ‘ਤੇ ਇੱਕ ਯਾਤਰੀ ਬੱਸ ਅਤੇ LPG ਗੈਸ ਟੈਂਕਰ ਵਿਚਾਲੇ ਭਿਆਨਕ ਟੱਕਰ ਹੋ ਗਈ। ਇਸ ਹਾਦਸੇ ਵਿੱਚ ਘੱਟੋ-ਘੱਟ 10 ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 27 ਹੋਰ ਜ਼ਖਮੀ ਹੋ ਗਏ। ਟੱਕਰ ਤੋਂ ਤੁਰੰਤ ਬਾਅਦ ਦੋਵਾਂ ਵਾਹਨਾਂ ਨੂੰ ਅੱਗ ਲੱਗ ਗਈ, ਜਿਸ ਕਾਰਨ ਕਈ ਯਾਤਰੀ ਬੱਸ ਦੇ ਅੰਦਰ ਹੀ ਫਸ ਗਏ।

Dawn ਮੁਤਾਬਕ, ਇਹ ਹਾਦਸਾ ਵੀਰਵਾਰ ਸਵੇਰੇ ਕਰੀਬ 10:30 ਵਜੇ ਗਵਾਦਰ ਜ਼ਿਲ੍ਹੇ ਦੇ ਓਰਮਾਰਾ ਇਲਾਕੇ ਵਿੱਚ ਬਸੋਲ ਨੇੜੇ ਕੋਸਟਲ ਹਾਈਵੇਅ ਪੁਲਿਸ ਚੈੱਕਪੋਸਟ ਦੇ ਕੋਲ ਵਾਪਰਿਆ। ਤੁਰਬਤ ਤੋਂ ਕਰਾਚੀ ਜਾ ਰਹੀ ਇੱਕ ਨਿੱਜੀ ਯਾਤਰੀ ਬੱਸ ਦੀ ਸਾਹਮਣੇ ਤੋਂ ਆ ਰਹੇ LPG ਗੈਸ ਟੈਂਕਰ ਨਾਲ ਟੱਕਰ ਹੋ ਗਈ। ਇਹ ਟੈਂਕਰ ਕਰਾਚੀ ਤੋਂ ਗਵਾਦਰ ਨੇੜੇ ਈਰਾਨ-ਗਾਬਦ ਸਰਹੱਦ ਵੱਲ ਜਾ ਰਿਹਾ ਸੀ। ਟੱਕਰ ਇੰਨੀ ਜ਼ੋਰਦਾਰ ਸੀ ਕਿ ਦੋਵਾਂ ਵਾਹਨਾਂ ਨੂੰ ਤੁਰੰਤ ਅੱਗ ਲੱਗ ਗਈ।

ਬੱਸ ਵਿੱਚ ਸਵਾਰ ਸਨ 40 ਯਾਤਰੀ

ਬੱਸ ਵਿੱਚ ਔਰਤਾਂ ਅਤੇ ਬੱਚਿਆਂ ਸਮੇਤ 40 ਤੋਂ ਵੱਧ ਯਾਤਰੀ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ ਕਈ ਅੱਗ ਦੀਆਂ ਲਪਟਾਂ ਵਿੱਚ ਫਸ ਗਏ। ਓਰਮਾਰਾ ਦੇ DSP ਨਬੀ ਬਖ਼ਸ਼ ਰੁੰਝਾ ਮੁਤਾਬਕ, ਸਾਰੇ 10 ਪੀੜਤਾਂ ਦੀ ਮੌਤ ਬੁਰੀ ਤਰ੍ਹਾਂ ਸੜਨ ਕਾਰਨ ਹੋਈ। ਮ੍ਰਿਤਕਾਂ ਵਿੱਚ ਔਰਤਾਂ ਅਤੇ ਬੱਚੇ ਵੀ ਸ਼ਾਮਲ ਹਨ। ਯਾਤਰੀ ਬੱਸ ਵਿੱਚੋਂ 8 ਲਾਸ਼ਾਂ ਅਤੇ ਗੈਸ ਟੈਂਕਰ ਵਿੱਚੋਂ 2 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ।

ਕਈ ਘੰਟਿਆਂ ਤੱਕ ਆਵਾਜਾਈ ਰਹੀ ਪ੍ਰਭਾਵਿਤ

ਪਾਕਿਸਤਾਨੀ ਫੌਜ, ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਨੇ ਅੱਗ ਬੁਝਾਉਣ ਅਤੇ ਬਚਾਅ ਕਾਰਜਾਂ ਲਈ ਸਾਂਝਾ ਆਪ੍ਰੇਸ਼ਨ ਚਲਾਇਆ। ਇਸ ਹਾਦਸੇ ਕਾਰਨ ਹਾਈਵੇਅ ‘ਤੇ ਕਈ ਘੰਟਿਆਂ ਤੱਕ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਰਹੀ, ਜਿਸ ਕਾਰਨ ਵਾਹਨਾਂ ਦੀਆਂ ਲੰਬੀਆਂ ਕਤਾਰਾਂ ਲੱਗ ਗਈਆਂ।

ਕਦੋਂ-ਕਦੋਂ ਵਾਪਰੇ ਅਜਿਹੇ ਦਰਦਨਾਕ ਹਾਦਸੇ?

ਅਗਸਤ ਵਿੱਚ ਵਾਪਰੀ ਅਜਿਹੀ ਹੀ ਇੱਕ ਘਟਨਾ ਵਿੱਚ ਗਵਾਦਰ ਜ਼ਿਲ੍ਹੇ ਦੇ ਓਰਮਾਰਾ ਇਲਾਕੇ ਵਿੱਚ ਕੋਸਟਲ ਹਾਈਵੇਅ ‘ਤੇ ਇੱਕ ਤੇਜ਼ ਰਫ਼ਤਾਰ ਗੈਸ ਟੈਂਕਰ ਨੇ ਸਾਹਮਣੇ ਤੋਂ ਆ ਰਹੀ ਕਾਰ ਨੂੰ ਟੱਕਰ ਮਾਰ ਦਿੱਤੀ ਸੀ, ਜਿਸ ਕਾਰਨ ਕਾਰ ਪਲਟ ਗਈ। ਇਸ ਹਾਦਸੇ ਵਿੱਚ ਇੱਕੋ ਪਰਿਵਾਰ ਦੇ ਛੇ ਲੋਕਾਂ ਦੀ ਸੜ ਕੇ ਮੌਤ ਹੋ ਗਈ ਸੀ। ਮਾਰਚ ਵਿੱਚ ਕੋਸਟਲ ਹਾਈਵੇਅ ‘ਤੇ ਦੋ ਵਾਹਨਾਂ ਦੀ ਆਹਮੋ-ਸਾਹਮਣੇ ਟੱਕਰ ਵਿੱਚ ਇੱਕ ਬੱਚੇ ਸਮੇਤ ਸੱਤ ਲੋਕਾਂ ਦੀ ਮੌਤ ਹੋ ਗਈ ਸੀ, ਜਦਕਿ ਅੱਠ ਹੋਰ ਜ਼ਖਮੀ ਹੋਏ ਸਨ। ਜਨਵਰੀ ਵਿੱਚ ਓਰਮਾਰਾ ਨੇੜੇ ਕੋਸਟਲ ਹਾਈਵੇਅ ‘ਤੇ ਇੱਕ ਯਾਤਰੀ ਵਾਹਨ ਪਲਟ ਗਿਆ ਸੀ। ਇਸ ਹਾਦਸੇ ਵਿੱਚ 10 ਲੋਕਾਂ ਦੀ ਮੌਤ ਹੋ ਗਈ ਸੀ ਅਤੇ 30 ਤੋਂ ਵੱਧ ਲੋਕ ਜ਼ਖਮੀ ਹੋਏ ਸਨ।

Source: TV9Hindi.com
Loading...
Unable to load recommendations.
Follow Us
Related Stories
ਕੈਨੇਡਾ ਦੇ ਸਰੀ ‘ਚ ਵਾਲਮਾਰਟ ਸਟੋਰ ਦੇ ਬਾਹਰ ਮਾਰੇ ਗਏ ਪੰਜਾਬੀ ਜੋੜੇ ਦੀ ਹੋਈ ਪਛਾਣ, 23 ਸਾਲਾ ਗੈਰੀ ਤੇ 24 ਸਾਲਾ ਸੁਖਜੀਤ ਕੌਰ ਦਾ ਗੋਲੀਆਂ ਮਾਰ ਕੇ ਕੀਤਾ ਸੀ ਕਤਲ
ਢਹਿ ਜਾਵੇਗਾ ਪੂਰਾ ਸਿਸਟਮ… ਅਮਰੀਕਾ ‘ਚ ਰਾਹੁਲ ਗਾਂਧੀ ਦਾ ਚੋਣ ਕਮਿਸ਼ਨ ‘ਤੇ ਹਮਲਾ, ਕਿਹਾ- ਅਧਿਕਾਰੀ ਵੀ EC ਦੇ ਨਾਲ ਨਹੀਂ
PM ਮੋਦੀ ਨੇ ਟਰੰਪ ਨੂੰ ਦਿੱਤੀ Golden ਪਿਛਵਾਈ ਪੇਂਟਿੰਗ, ਜਾਣੋ ਮਨੀਲਾ ‘ਚ ਵੱਖ-ਵੱਖ ਨੇਤਾਵਾਂ ਨੂੰ ਕੀ-ਕੀ ਤੋਹਫ਼ੇ ਦਿੱਤੇ
ਕੀ ਅਮਰੀਕਾ ਦੀ ਨੈਸ਼ਨਲ ਸਕਿਓਰਿਟੀ ਏਜੰਸੀ ‘ਤੇ ਹੋਇਆ ਸਾਈਬਰ ਹਮਲਾ? ਤਕਨੀਕੀ ਗੜਬੜੀਆਂ ਤੋਂ ਬਾਅਦ ਮਚਿਆ ਹੜਕੰਪ, ਟਰੰਪ ਬੋਲੇ- ਸਭ ਕੁਝ ਠੀਕ ਹੈ
PM ਮੋਦੀ ਬਹੁਤ ਸਖ਼ਤ ਇਨਸਾਨ ਹਨ… QUAD ਦੇ ਮੰਚ ਚੋਂ ਬੋਲੇ ਡੋਨਾਲਡ ਟਰੰਪ
ਕੈਨੇਡਾ ‘ਚ ਪੰਜਾਬੀ ਨੌਜਵਾਨ ਤੇ ਪ੍ਰੇਮਿਕਾ ਦੀ ਗੋਲੀਆਂ ਮਾਰ ਕੇ ਹੱਤਿਆ, ਪੁਲਿਸ ਨੇ ਦੱਸਿਆ ਟਾਰਗੇਟਿਡ ਹਮਲਾ