ਚਾਰਲੀ ਕਿਰਕ ਕਤਲ ਕੇਸ ਵਿੱਚ FBI ਦਾ ਖੁਲਾਸਾ, ਦੋਸ਼ੀ ਨੇ ਭੇਜਿਆ ਸੀ ਧਮਕੀ ਭਰਿਆ ਨੋਟ ‘ਤੇ ਕਬੂਲਨਾਮਾ
FBI on Charlie Kirk Murder: ਵਾਸ਼ਿੰਗਟਨ ਪੋਸਟ ਦੀ ਰਿਪੋਰਟ ਦੇ ਅਨੁਸਾਰ, ਰੌਬਿਨਸਨ ਨੇ ਡਿਸਕਾਰਡ ਨਾਮਕ ਔਨਲਾਈਨ ਪਲੇਟਫਾਰਮ 'ਤੇ ਆਪਣੇ ਦੋਸਤਾਂ ਨੂੰ ਮੈਸੇਜ ਭੇਜਿਆ ਸੀ। ਇਸ ਵਿੱਚ, ਉਨ੍ਹਾਂ ਨੇ ਲਿਖਿਆ, 'ਦੋਸਤੋ, ਮੇਰੇ ਕੋਲ ਤੁਹਾਡੇ ਸਾਰਿਆਂ ਲਈ ਬੁਰੀ ਖ਼ਬਰ ਹੈ। ਮੈਂ ਕੱਲ੍ਹ UVU (ਯੂਟਾਹ ਵੈਲੀ ਯੂਨੀਵਰਸਿਟੀ) ਵਿੱਚ ਸੀ। ਮੈਨੂੰ ਇਸ ਸਭ ਲਈ ਅਫ਼ਸੋਸ ਹੈ।
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕਰੀਬੀ ਸਹਿਯੋਗੀ ਅਤੇ ਰੂੜੀਵਾਦੀ ਨੇਤਾ ਚਾਰਲੀ ਕਿਰਕ ਦੇ ਕਤਲ ਦੇ ਦੋਸ਼ੀ ਟਾਈਲਰ ਰੌਬਿਨਸਨ ਬਾਰੇ ਨਵਾਂ ਖੁਲਾਸਾ ਹੋਇਆ ਹੈ। ਫੈਡਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (FBI) ਦੇ ਡਾਇਰੈਕਟਰ ਕਾਸ਼ ਪਟੇਲ ਨੇ ਕਿਹਾ ਕਿ ਰੌਬਿਨਸਨ ਨੇ ਕਤਲ ਤੋਂ ਪਹਿਲਾਂ ਧਮਕੀ ਭਰਿਆ ਨੋਟ ਲਿਖਿਆ ਸੀ ਅਤੇ ਕਤਲ ਤੋਂ ਬਾਅਦ ਇੱਕ ਟੈਕਸਟ ਮੈਸੇਜ ਵੀ ਭੇਜਿਆ ਸੀ। ਇਨ੍ਹਾਂ ਦੋਵਾਂ ਸੁਨੇਹਿਆਂ ਵਿੱਚ, ਉਨ੍ਹਾਂ ਨੇ ਕਿਰਕ ਦੇ ਕਤਲ ਦੀ ਆਪਣੀ ਯੋਜਨਾ ਦਾ ਖੁਲਾਸਾ ਕੀਤਾ।
ਰੌਬਿਨਸਨ ਨੇ ਨੋਟ ਵਿੱਚ ਲਿਖਿਆ ਸੀ ਕਿ ਉਸ ਕੋਲ ਚਾਰਲੀ ਕਿਰਕ ਨੂੰ ਮਾਰਨ ਦਾ ਮੌਕਾ ਸੀ ਅਤੇ ਉਹ ਅਜਿਹਾ ਕਰੇਗਾ। ਹਾਲਾਂਕਿ ਇਹ ਨੋਟ ਹੁਣ ਨਸ਼ਟ ਕਰ ਦਿੱਤਾ ਗਿਆ ਹੈ, ਪਰ ਜਾਂਚ ਵਿੱਚ ਇਸ ਦੀ ਹੋਂਦ ਦੇ ਫੋਰੈਂਸਿਕ ਸਬੂਤ ਮਿਲੇ ਹਨ। ਕੁਝ ਗਵਾਹਾਂ ਨੇ ਇਸ ਨੋਟ ਬਾਰੇ ਜਾਣਕਾਰੀ ਵੀ ਦਿੱਤੀ ਹੈ। ਕਿਰਕ ਦੀ 10 ਸਤੰਬਰ ਨੂੰ ਅਮਰੀਕਾ ਦੀ ਯੂਟਾਹ ਵੈਲੀ ਯੂਨੀਵਰਸਿਟੀ (UVU) ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।
ਗ੍ਰਿਫ਼ਤਾਰੀ ਤੋਂ 2 ਘੰਟੇ ਪਹਿਲਾਂ ਲਿਖਿਆ ਮੈਸੇਜ
ਵਾਸ਼ਿੰਗਟਨ ਪੋਸਟ ਦੀ ਰਿਪੋਰਟ ਦੇ ਅਨੁਸਾਰ, ਰੌਬਿਨਸਨ ਨੇ ਡਿਸਕਾਰਡ ਨਾਮਕ ਔਨਲਾਈਨ ਪਲੇਟਫਾਰਮ ‘ਤੇ ਆਪਣੇ ਦੋਸਤਾਂ ਨੂੰ ਮੈਸੇਜ ਭੇਜਿਆ ਸੀ। ਇਸ ਵਿੱਚ, ਉਨ੍ਹਾਂ ਨੇ ਲਿਖਿਆ, ‘ਦੋਸਤੋ, ਮੇਰੇ ਕੋਲ ਤੁਹਾਡੇ ਸਾਰਿਆਂ ਲਈ ਬੁਰੀ ਖ਼ਬਰ ਹੈ। ਮੈਂ ਕੱਲ੍ਹ UVU (ਯੂਟਾਹ ਵੈਲੀ ਯੂਨੀਵਰਸਿਟੀ) ਵਿੱਚ ਸੀ। ਮੈਨੂੰ ਇਸ ਸਭ ਲਈ ਅਫ਼ਸੋਸ ਹੈ।’ ਇਹ ਸੁਨੇਹਾ ਵੀਰਵਾਰ ਰਾਤ ਨੂੰ, ਉਨ੍ਹਾਂ ਦੀ ਗ੍ਰਿਫਤਾਰੀ ਤੋਂ 2 ਘੰਟੇ ਪਹਿਲਾਂ ਭੇਜਿਆ ਗਿਆ ਸੀ। ਇਸ ਚੈਟ ਦੇ 2 ਗਵਾਹਾਂ ਦੇ ਅਨੁਸਾਰ, ਰੌਬਿਨਸਨ ਨੇ ਇਸ ਸੁਨੇਹੇ ਵਿੱਚ ਆਪਣਾ ਅਪਰਾਧ ਕਬੂਲ ਕੀਤਾ ਸੀ।
ਰੌਬਿਨਸਨ ਇਸ ਸਮੇਂ ਯੂਟਾਹ ਜੇਲ੍ਹ ਵਿੱਚ ਬੰਦ ਹੈ। ਉਸ ‘ਤੇ ਜਲਦੀ ਹੀ ਅਦਾਲਤ ਵਿੱਚ ਦੋਸ਼ ਤੈਅ ਕੀਤੇ ਜਾਣਗੇ। ਪੁਲਿਸ ਨੇ ਕਿਹਾ ਕਿ ਉਹ ਜਾਂਚ ਵਿੱਚ ਸਹਿਯੋਗ ਨਹੀਂ ਕਰ ਰਿਹਾ ਹੈ। FBI ਡਾਇਰੈਕਟਰ ਪਟੇਲ ਨੇ ਅੱਗੇ ਕਿਹਾ ਕਿ ਰੌਬਿਨਸਨ ਦਾ ਡੀਐਨਏ ਗੋਲੀਬਾਰੀ ਵਿੱਚ ਵਰਤੀ ਗਈ ਰਾਈਫਲ ਦੇ ਦੁਆਲੇ ਲਪੇਟੇ ਹੋਏ ਤੌਲੀਏ ‘ਤੇ ਮਿਲਿਆ ਸੀ। ਉਸ ਦਾ ਡੀਐਨਏ ਛੱਤ ‘ਤੇ ਮਿਲੇ ਸਕ੍ਰਿਊਡ੍ਰਾਈਵਰ ‘ਤੇ ਵੀ ਮਿਲਿਆ ਸੀ ਜਿੱਥੋਂ ਕਿਰਕ ‘ਤੇ ਗੋਲੀਬਾਰੀ ਕੀਤੀ ਗਈ ਸੀ।
ਚਾਰਲੀ ਕਿਰਕ ਨੂੰ ਕਿਵੇਂ ਮਾਰਿਆ ਗਿਆ?
ਚਾਰਲੀ ਕਿਰਕ ਵਿਦਿਆਰਥੀ ਸੰਗਠਨ ਟਰਨਿੰਗ ਪੁਆਇੰਟ ਯੂਐਸਏ ਦੇ ਸਹਿ-ਸੰਸਥਾਪਕ ਸਨ। ਉਨ੍ਹਾਂ ਨੂੰ ਪਿਛਲੇ ਬੁੱਧਵਾਰ ਨੂੰ ਯੂਟਾਹ ਵੈਲੀ ਯੂਨੀਵਰਸਿਟੀ ਵਿੱਚ ਇੱਕ ਸਮਾਗਮ ਦੌਰਾਨ ਗੋਲੀ ਮਾਰ ਗਈ ਸੀ। ਦਸਣਯੋਗ ਹੈ ਕਿ ਕਿਰਕ ਨੂੰ ਰਾਈਫਲ ਨਾਲ ਗੋਲੀ ਮਾਰੀ ਗਈ ਸੀ। ਜਾਂਚ ਟੀਮ ਦਾ ਮੰਨਣਾ ਹੈ ਕਿ ਰੌਬਿਨਸਨ ਨੇ ਇਕੱਲੇ ਹਮਲਾ ਕੀਤਾ ਸੀ, ਪਰ ਉਹ ਇਹ ਵੀ ਜਾਂਚ ਕਰ ਰਹੇ ਹਨ ਕਿ ਕੀ ਇਸ ਵਿੱਚ ਕਿਸੇ ਹੋਰ ਦੀ ਕੋਈ ਭੂਮਿਕਾ ਸੀ। ਕਤਲ ਦੇ ਪਿੱਛੇ ਅਸਲ ਕਾਰਨ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ।
ਇਹ ਵੀ ਪੜ੍ਹੋ
ਰਾਜਨੀਤਿਕ ਬਹਿਸ ਹੋਈ ਤੇਜ਼
ਇਸ ਕਤਲ ਤੋਂ ਬਾਅਦ, ਰਾਜਨੀਤਿਕ ਬਹਿਸ ਤੇਜ਼ ਹੋ ਗਈ ਹੈ। ਟਰੰਪ ਅਤੇ ਕੁਝ ਰਿਪਬਲਿਕਨ ਨੇਤਾਵਾਂ ਨੇ ਬਿਨਾਂ ਕਿਸੇ ਠੋਸ ਸਬੂਤ ਦੇ ਇਸ ਕਤਲ ਲਈ ਉਦਾਰਵਾਦੀਆਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਇਸ ਦੇ ਨਾਲ ਹੀ, ਡੈਮੋਕ੍ਰੇਟ ਨੇਤਾਵਾਂ ਨੇ ਕਿਹਾ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿੱਚ, ਖੱਬੇਪੱਖੀ ਨੇਤਾ ਵੀ ਰਾਜਨੀਤਿਕ ਹਿੰਸਾ ਦਾ ਸ਼ਿਕਾਰ ਹੋਏ ਹਨ।
ਸਰਕਾਰੀ ਦਸਤਾਵੇਜ਼ਾਂ ਅਨੁਸਾਰ, ਰੌਬਿਨਸਨ ਕਿਸੇ ਵੀ ਰਾਜਨੀਤਿਕ ਪਾਰਟੀ ਨਾਲ ਜੁੜਿਆ ਨਹੀਂ ਸੀ ਅਤੇ ਉਨ੍ਹਾਂ ਨੇ 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਵੋਟ ਵੀ ਨਹੀਂ ਪਾਈ ਸੀ। ਹਾਲਾਂਕਿ, ਇੱਕ ਰਿਸ਼ਤੇਦਾਰ ਨੇ ਪੁਲਿਸ ਨੂੰ ਦੱਸਿਆ ਕਿ ਹਾਲ ਹੀ ਵਿੱਚ ਉਨ੍ਹਾਂ ਨੂੰ ਰਾਜਨੀਤਿਕ ਮੁੱਦਿਆਂ ਵਿੱਚ ਬਹੁਤ ਦਿਲਚਸਪੀ ਹੋ ਗਈ ਸੀ।
