ਹੁਣ, ਮੱਝਾਂ ਵੀ ਜਾਣਗੀਆਂ ਸੱਜਣ-ਸਵਰਨ! ਇੱਥੇ ਖੁਲ੍ਹਿਆ ਮੱਝਾ ਦਾ ਅਨੋਖਾ ਬਿਊਟੀ ਪਾਰਲਰ, Video ਵਾਇਰਲ
Buffalo Beauty Parlour: ਹਰਿਆਣਾ ਦੇ ਕੈਥਲ ਵਿੱਚ ਸੰਦੀਪ ਜਖੋਲੀ ਨੇ "ਮੱਝਾਂ ਦਾ ਬਿਊਟੀ ਪਾਰਲਰ" ਖੋਲ੍ਹਿਆ ਹੈ। ਇੱਥੇ ਸਿੰਗਾਂ ਨੂੰ ਪਾਲਿਸ਼ ਕਰਨ, ਵਾਲ ਕਟਵਾਉਣ, ਖੁਰਾਂ ਦੀ ਸਫਾਈ ਅਤੇ ਟੁੱਟੇ ਹੋਏ ਨਕਲੀ ਸਿੰਗਾਂ ਲਗਾਉਣ ਵਰਗੀਆਂ ਅਣੋਖੀਆ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ। ਇਸ ਪਾਰਲਰ ਦੇ Video ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ।
Kaithal Buffalo Beauty Parlour Viral Video : ਦੇਸ਼ ਭਰ ਵਿੱਚ ਮਨੁੱਖਾਂ ਲਈ ਸੈਲੂਨ ਅਤੇ ਬਿਊਟੀ ਪਾਰਲਰ ਆਮ ਹਨ, ਪਰ ਕੀ ਤੁਸੀਂ ਕਦੇ ਕਿਸੇ ਅਜਿਹੇ ਪਾਰਲਰ ਬਾਰੇ ਸੁਣਿਆ ਹੈ ਜੋ ਮੱਝਾਂ, ਬਲਦਾਂ ਅਤੇ ਹੋਰ ਡੇਅਰੀ ਜਾਨਵਰਾਂ ਲਈ ਮੇਕਅਪ ਅਤੇ ਸ਼ਿੰਗਾਰ ਪ੍ਰਦਾਨ ਕਰਦਾ ਹੈ? ਹਰਿਆਣਾ ਦੇ ਕੈਥਲ ਜ਼ਿਲ੍ਹੇ ਵਿੱਚ ਇੱਕ ਅਨੋਖਾ ਬਿਊਟੀ ਪਾਰਲਰ ਖੁੱਲ੍ਹਿਆ ਹੈ, ਅਤੇ ਇਸ ਸਮੇਂ ਦੇਸ਼ ਭਰ ਵਿੱਚ ਅਤੇ ਸੋਸ਼ਲ ਮੀਡੀਆ ‘ਤੇ ਵਿਆਪਕ ਚਰਚਾ ਦਾ ਵਿਸ਼ਾ ਹੈ।
ਇਸ ਅਣੋਖੇ ਬਿਊਟੀ ਪਾਰਲਰ ਦੀ ਨੀਂਹ ਕੈਥਲ ਨਿਵਾਸੀ ਸੰਦੀਪ ਜਖੋਲੀ ਨੇ ਰੱਖੀ ਹੈ। ਸੰਦੀਪ ਦਾ ਮੰਨਣਾ ਹੈ ਕਿ ਜਿਸ ਤਰ੍ਹਾਂ ਲੋਕ ਘਰ ਵਿੱਚ ਆਪਣੇ ਕੁੱਤਿਆਂ ਅਤੇ ਬਿੱਲੀਆਂ ਦੀ ਗ੍ਰੂਮਿੰਗ ਦਾ ਧਿਆਨ ਰੱਖਦੇ ਹਨ, ਉਸੇ ਤਰ੍ਹਾਂ ਡੇਅਰੀ ਜਾਨਵਰਾਂ ਦੀ ਸਫਾਈ ਅਤੇ ਰੱਖ-ਰਖਾਅ ਵੀ ਓਨਾ ਹੀ ਮਹੱਤਵਪੂਰਨ ਹੈ। ਆਲੇ ਦੁਆਲੇ ਦੇ ਖੇਤਰਾਂ ਦੇ ਪਸ਼ੂ ਮਾਲਕ ਇਸ ਗ੍ਰੂਮਿੰਗ ਸੇਵਾਵਾਂ ਨੂੰ ਦੇਖਣ ਅਤੇ ਆਪਣੇ ਪਸ਼ੂਆਂ ਨੂੰ ਸੁੰਦਰ ਬਣਾਉਣ ਲਈ ਲਗਾਤਾਰ ਇੱਥੇ ਆ ਰਹੇ ਹਨ।
ਹੇਅਰ ਕੱਟ ਤੋਂ ਸੀਂਗਾਂ ਦੀ ਪਾਲਿਸ਼ ਤੱਕ, ਮਿਲਦੀਆਂ ਹਨ ਇਹ ਸਹੂਲਤਾਂ
ਇਹ ਪਾਰਲਰ ਜਾਨਵਰਾਂ ਲਈ ਕਈ ਤਰ੍ਹਾਂ ਦੀਆਂ ਵਿਸ਼ੇਸ਼ ਗ੍ਰੂਮਿੰਗ ਸਰਵਿਸੇਸ ਪ੍ਰਦਾਨ ਕਰਦਾ ਹੈ। ਜਾਨਵਰਾਂ ਦੇ ਸਿੰਗਾਂ ਨੂੰ ਸਾਫ਼ ਕਰਨ ਅਤੇ ਪਾਲਿਸ਼ ਕਰਨ ਲਈ ਵਿਸ਼ੇਸ਼ ਉਪਕਰਣਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜਿਸ ਨਾਲ ਉਹ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਆਕਰਸ਼ਕ ਦਿਖਾਈ ਦਿੰਦੇ ਹਨ। ਜੇ ਲੋੜ ਹੋਵੇ, ਤਾਂ ਸਿੰਗਾਂ ਨੂੰ ਆਕਾਰ ਵੀ ਦਿੱਤਾ ਜਾਂਦਾ ਹੈ। ਪਸ਼ੂ ਪਾਲਕ ਆਪਣੀਆਂ ਮੱਝਾਂ ਅਤੇ ਬਲਦਾਂ ਦੇ ਵਾਲ ਕੱਟਵਾਉਂਦੇ ਹਨ। ਇਹ ਗਰਮੀ ਤੋਂ ਰਾਹਤ ਪ੍ਰਦਾਨ ਕਰਦਾ ਹੈ, ਉਨ੍ਹਾਂ ਨੂੰ ਸਾਫ਼ ਰੱਖਦਾ ਹੈ, ਅਤੇ ਬਿਮਾਰੀਆਂ ਤੋਂ ਬਚਾਉਂਦਾ ਹੈ। ਆਪਣੇ ਜਾਨਵਰਾਂ ਨੂੰ ਪਸ਼ੂ ਮੇਲਿਆਂ ਅਤੇ ਮੁਕਾਬਲਿਆਂ ਵਿੱਚ ਲਿਜਾਣ ਤੋਂ ਪਹਿਲਾਂ, ਪਸ਼ੂ ਪਾਲਕ ਉਨ੍ਹਾਂ ਨੂੰ ਇੱਕ ਖਾਸ ਲੁੱਕ ਦੇਣ ਲਈ ਇੱਥੇ ਜਰੂਰ ਲਿਆਉਂਦੇ ਹਨ।
ਖੁਰਾਂ ਦੀ ਟ੍ਰਿਮਿੰਗ ਅਤੇ “ਨਕਲੀ ਸਿੰਗ” ਦੀ ਅਣੂਖੀ ਸਰਵਿਸ
ਪਾਰਲਰ ਸਿਰਫ਼ ਸੁੰਦਰਤਾ ‘ਤੇ ਹੀ ਨਹੀਂ, ਸਗੋਂ ਜਾਨਵਰਾਂ ਦੀ ਸਿਹਤ ਦਾ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ। ਮਾਹਰ ਜਾਨਵਰਾਂ ਦੇ ਖੁਰਾਂ ਨੂੰ ਸਾਫ਼ ਕਰਕੇ ਕੱਟਦੇ ਹਨ, ਜਿਸ ਨਾਲ ਉਨ੍ਹਾਂ ਨੂੰ ਤੁਰਨਾ ਆਸਾਨ ਹੋ ਜਾਂਦਾ ਹੈ ਅਤੇ ਖੁਰਾਂ ਦੀ ਲਾਗ ਨੂੰ ਰੋਕਿਆ ਜਾਂਦਾ ਹੈ। ਜੇਕਰ ਕਿਸੇ ਜਾਨਵਰ ਦਾ ਸਿੰਗ ਕਿਸੇ ਹਾਦਸੇ ਵਿੱਚ ਟੁੱਟ ਜਾਂਦਾ ਹੈ ਜਾਂ ਵਿਗੜ ਜਾਂਦਾ ਹੈ, ਤਾਂ ਇਸਦੇ ਲਈ ਨਕਲੀ ਸਿੰਗ ਬਣਾਏ ਜਾਂਦੇ ਹਨ। ਇਹ ਨਕਲੀ ਸਿੰਗ ਲਗਭਗ ਅਸਲੀ ਦਿਖਾਈ ਦਿੰਦੇ ਹਨ ਅਤੇ ਮੁੱਖ ਤੌਰ ‘ਤੇ ਜਾਨਵਰ ਦੀ ਸੁੰਦਰਤਾ ਨੂੰ ਬਣਾਈ ਰੱਖਣ ਲਈ ਵਰਤੇ ਜਾਂਦੇ ਹਨ।
ਇਹ ਵੀ ਪੜ੍ਹੋ: 2 ਘੰਟੇ 12 ਮਿੰਟ ਤੱਕ ਬਰਫ਼ ਵਿੱਚ ਦੱਬਿਆ ਰਿਹਾ ਸ਼ਖ਼ਸ, ਅਨੋਖੇ ਕਾਰਨਾਮੇ ਨਾਲ ਬਣਾਇਆ ਗਿਨੀਜ਼ ਵਰਲਡ ਰਿਕਾਰਡ
ਇਹ ਵੀ ਪੜ੍ਹੋ
ਸੰਦੀਪ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਵਾਇਰਲ
ਸੰਦੀਪ ਜਖੋਲੀ ਨੇ ਇਸ ਵਿਲੱਖਣ ਕੰਮ ਰਾਹੀਂ ਡਿਜੀਟਲ ਦੁਨੀਆ ਵਿੱਚ ਵੀ ਆਪਣਾ ਨਾਮ ਬਣਾਇਆ ਹੈ। ਸੰਦੀਪ ਦੇ ਇੰਸਟਾਗ੍ਰਾਮ ਹੈਂਡਲ, official_sandeep_jaakholi ਦੇ 25,000 ਤੋਂ ਵੱਧ ਫਾਲੋਅਰਜ਼ ਹਨ। ਉਹ ਹਰ ਰੋਜ਼ ਆਪਣੇ ਅਕਾਊਂਟ ‘ਤੇ ਜਾਨਵਰਾਂ ਦੇ ਮੇਕਓਵਰ, ਹੇਅਰ ਕੱਟ ਅਤੇ ਸਿੰਗਾਂ ਨੂੰ ਪਾਲਿਸ਼ ਕਰਨ ਦੇ ਵੀਡੀਓ ਪੋਸਟ ਕਰਦੇ ਰਹਿੰਦੇ ਹਨ, ਜਿਨ੍ਹਾਂ ਨੂੰ ਸੋਸ਼ਲ ਮੀਡੀਆ ਯੂਜਰਸ ਦੁਆਰਾ ਬਹੁਤ ਪਸੰਦ ਵੀ ਕੀਤਾ ਜਾ ਰਿਹਾ ਹੈ।